تعالوا خن نتعلم مكياج العيون الجزء الثاني

[Sparkle]

كل ما اكتب ما تردين علي

@@

متى كتبتي وانا ما رديت؟

 

[بحر الرمال]

مشكوره على التجربه الحيه للمثبتات وناسه

 

[victoria1]

للأسف ما طلعت معاي الصور . ليش ؟

 

[Sparkle]

مشكوره على التجربه الحيه للمثبتات وناسه

العفو حبي :eh_s(6): عاد الحين عرفت ليش ما اقدر أفارق ال shadesticks

للأسف ما طلعت معاي الصور . ليش ؟

سوي ريفريش r e f r e s h للصفحه لان طالعين للكل

 

[عز النفس يغنيني]

حبيييييييييييييبتيييييييييي والله ... حيل استفدت من درس البودره او الشدو المتكسر خوش طريقه

شدواتي تكسر الخاطر كلها مكسره :d

تسلم ايدج وناطرين خدعاتج وحركاتج الجديده

 

[شــجــن]

حلو ماشاء الله ..

تسلمين ..

 

[عــــــــــذوب]

مبدعه كلمه صغيره عليج

ما شاء الله عليج

 

[miss_reemi]

سلام عليكم ...

مشاء الله تبارك الرحمن المكياج روعه ....

و مواضيعك أروع ....

وصج استفدت وايد أشياء و مشاء الله تعاملك راقي و خلوقه ..

لايوقف ;q !!!

و منها للأعلى إنشاء الله ..

شكرا

 

[Sparkle]

Review

Cheap brushes!!!

أمس شريت فرش على سيت 5 (فرشة بلشر, فرشة كونسيلر, فرشه للعين, فرشة حواجب ومشط) من موقع كويتي

سعرهم كان معقول 11.600 هذا كل شىء ويا التوصيل

أول شىء أنا تكلمت عن هل فرش اب جزء الأول يوم أشرح كل فرشه من ماك بالتفصيل قلت لكم أني ناويه عليهم بس أشتريهم وأقولكم رايي فيهم
http://www.q8yat.net/showthread.php?t=439019&page=2

وثاني شىء سويت بحث عليهم اب موقع Makeup Alley خن أوريكم النتايج
http://www.makeupalley.com/product/...tools+&Brand=1564&title=&submit=Find+Products

شفتوا التصويت كل شىء 4 من 5 أنصدمت
وسيت الفرش الي خذيتهم خذوا 4.7 من 5

تدرون شنو هل موقع وايد ناس يقيمون الأشياء صفر فصعب تلقين كل شىء مقيم من 4 لي فوق


الحين رايي بالفرش وشريتهم من نفس موقع الي شريت الأصباغ الفوشيه للصيف منج Zoya تلقون صور الصبغ بصفحه الثالثه من الجزء الأول عاد وايد منكم سألوني على الصبغ كمستوي وايد حلو ويدوم والوانهم حلوه

خن نشوف
هذا سيت الفرش اب علبته



الحين بطلتهم من العلبه


فرشة البلشر
حلوه حيل يعني لا يابسه ولا لينه بنص وايد حلوه لتوزيع البلشر



فرشة للعين تشبه فرشة ماك 239
هذي الفرشه بروحها


مني مقارنه اب فرشة ماك 239 شوفوا أهي شويه أعرض منها بس تنفع حق توزيع لون واحد على الجفن المتحرك وزينه لتوزيع مثبت العين (البيس) عدل على العين



فرشة ال eyeliner


مني مقارنه اب ماك 263 تصدقون وايد متشابهين



فرشة الكونسيلر
كنت أحب فرشة ماك 242 لتوزيع الكونسيلر بس هذي تينن خلاص الحين عندي فرشه خاصه للكونسيلر وفرشه ثانيه للبيغمنت(242)




فرشة مشط صوب للرموش وصوب للحواجب

وايد حلو خصوصا لاحظت فرشه للرموش بينهم مساحه تقدر تفرق الرموش أحسن من الثانيه الي عندي اياها



الحين بلف فرشت السيت وعندي brush roll يسهل علي لما أسافر ولما أحطهم اب جنطتي



تقيمي 5\5 :ggdw:

 

[Sparkle]

بتكلم عن فرش ثانيه ماخذتهم من موقع كويتي

اسم المنتج Beauty Society


بس أنا أحس هل منتج حلوه للبشره لان عندي منتجاتهم للبشر وايد حلوه اما كمستوى فرش يمكن أقيمهم 3.8 أو 4 من 5
ووحده منهم تقطعت ولما نظفتها صار لون الماي أسود شويه منها

بشتري جم فرشه ثانيه وراح اقولكم رايي فيه

واسوي Review عليهم

 

[futooosh]

مشكوووووووره

 

[pinkya_dlo3ah]

مشالله

واصلي حبيبتي


متابعتج

 

[Na77olah]

يعطيج العافيه سباركل خوش موضوع

انا شفت ست الفرش الي اول شي وعجبوني بس كانوا سولد اوت قبل اسبوع

انتي متى طلبتيهم ؟؟ وبعد شكثر وصلوا لج ؟؟

وهذا بعد يونس عجبني صغير حلوو حق السفر

[/url][/IMG]

وناطره لوكاتج الحلوه :ggdw:

 

[Sparkle]

يعطيج العافيه سباركل خوش موضوع

انا شفت ست الفرش الي اول شي وعجبوني بس كانوا سولد اوت قبل اسبوع

انتي متى طلبتيهم ؟؟ وبعد شكثر وصلوا لج ؟؟

وهذا بعد يونس عجبني صغير حلوو حق السفر

[/url][/IMG]

وناطره لوكاتج الحلوه :ggdw:

هذي ما جربته حق ال Mineral makeup

فيها فرشة الكونسيلر الي تكلمت عنها وفرشة كابوكي وفرشه للوس باودر وفرشه للعين


أنا توني طلبتهم أمس متأخر بليل واليوم الصبح قعدت أطق طق فيهم وأغسلهم ما شفت شىء مو زين لحد الحين وعطوني وايد أشياء حلوه مثل السمبلز لمنتجات الشعر بصراحه فرشهم أحلى من بودي شوب على الأقل بودي شوب فرشه الوحده من 5-6 هذول 5 حق 11.600 أوفر والله يبلي أشرتي ستات الصبغ الي نازله عندهم يشوقون حق العيد_03BA:

 

[Zeshtoo]

بالعافيه

 

[Na77olah]

اي عندهم اصباغ ليمتد يعني ما اتوقع نحصلهم بالجوثن او الصالونات

وشفت منتجات العنايه بس ما احب اغامر انتي جربي وقوليلنا النتيجه واحنا نجرب بعدج لووووووووووووول

 

[Sparkle]

لوك Viva Glam
هل لوك خذيته من ماك charts الي يكون مكتوب كل الألوان المستخدم على الويه وجذي تلقونهم بالموقع,,,هل لوك وايد حلو يبيله بس دمج حلو للزوارات وطلعات الصبح وأنتي تقدرين تتحكمين بالألوان وتخلينه ثقيل ويصلح حق بليل

الأدوات المستخدمه:
Mac paint pot - Rubenesque
Mac eyeshadow- Naked Lunch
Mac eyeshadow- Coppering
Mac eyeshadow- Sketch
Mac eyeshadow- Brule
Mac eye Khol-Smolder
Bourjois- Liner Feutre

مشاء الله​

أول شىء بوزع البيس مالي بيكون Rubenesque على عيوني بالكامل

ثاني خطوه أوزع لون Naked Lunch على كل الجفن المتحرك


ثالث خطوه أبدي من الزاويه الخارجيه للعين اب شادو Coppering اب فرشة دمج(217) وأبدي أوزعه لي الجفن الثابت بصوره شكله خط مايل مو مقوس كالعاده فبحط الخط من الزاويه الخارجيه لي الجفن الثابت بخط مايل وأدمجه اب حركات دائريه خفيفه


رابع خطوه أبدي أحط من بداية الزاويه الخارجيه لون Sketch وايد حلو أنصحكم أخذوه!!! أبدي من الزاويه الخارجيه لي الجفن الثابت وأدمجه عدل ويا لون Coppering


خامس خطوه أحط تحت الحاجب لون مشابه للبشره بستخدم شادو Brule


سادس خطوه اب فرشة 219 أبدي أوزع لون Sketch على عيوني من تحت( نفس الصوره)


سابع خطوه أرسم عيوني من داخل بقلم كحل Smolder


ثامن خطوه أرسم خط متوسط على عيوني من فوق بستخدام سائل بورجوا Liner Feutre ملاحظه: لا تخلون الخط ثقيل اب هل لوك يا ضعيييف أو متسوط


الحين خلصنا نعدل شغلنا من ناحية الدمج أو زيادة الألوان,,,ووراها ماسكرا + رموش أهم شىء الرموش خصوصا اب هل لوك ما عجبني شكله اب ماسكرا بروحه


النتيجه




ومني مثقلته شويه

 

[Sparkle]

1. Mac paint pot-Rubenesque
2. Mac eyeshadow-Naked lunch
3. Mac eyeshadow- Coppering
4. Mac eyeshadow- Sktech
5. Mac eyeshadow- Brule
6. Mac eye Khol pencil- Smolder
7. Bourjois Liner Feutre

 

[Sparkle]

سلام عليكم ...

مشاء الله تبارك الرحمن المكياج روعه ....

و مواضيعك أروع ....

وصج استفدت وايد أشياء و مشاء الله تعاملك راقي و خلوقه ..

لايوقف ;q !!!

و منها للأعلى إنشاء الله ..

شكرا

العفو حبيبتي مشكووره على التفاعل الحلو حمدالله أنج استفدتي :ggdw: يلا الى الأمام

حلو ماشاء الله ..


تسلمين ..

مشكووره حبي :eh_s(6):

مشكوووووووره

العفو

بالعافيه

الله يعافيج زوزو

اي عندهم اصباغ ليمتد يعني ما اتوقع نحصلهم بالجوثن او الصالونات

وشفت منتجات العنايه بس ما احب اغامر انتي جربي وقوليلنا النتيجه واحنا نجرب بعدج لووووووووووووول

ما جربت منتجات البشره بس عندي وايد أشياء للجسم والشعر منهم جلو بس مجربه منتجان البشره لمنتج Beauty Society ووايد حلوين وطلع المشاهير يستخدمون بريمراتهم كل شىء منهم حلو

 

[Sparkle]

مبدعه كلمه صغيره عليج

ما شاء الله عليج

واي مشكووره حبيبتي رديت عليح بالرساله الخاصه أتمنى يعجبج الألوان الي اخترتها ولا تحرمينا من ردودج الحلوه :ggdw:

مشالله

واصلي حبيبتي


متابعتج

أحلى متابعه مشكووره حبي:eh_s(9):