بليز تجمع للمصابين بالقولون وامراض واضطرابات المعده والجهاز الهضمي

[sa7ab]

حياج الله sa7ab

أنا من الناس اللى فيهم التهاب القولون التقرحى وهو من ضمن فئة الكرونز. أنا ما سافرت برة للعلاج بس قبل جم سنة صارت لى أنتكاسة وأنا فىأجازة فى أمريكا . وحزتها دخلت مستشفى فى شيكاغو شافنى دكنور وقال لى أن المرض هذى مزمن ماله علاج أهم شى أن نسيطر علي القولون من النزيف والأدوية اللى عندهم هى نفس اللى عندنا . وانتكاسة القولون مثل ما أنا وانتى نعرف لها عدة أعراض وكل اللى قدروا يسوون لى أياه أن يحطون لى دربات وزادوا لى جرعة الدوا لى قدرت أقوم على حيلى . ....

مشكوره حبيبتي ماقصرتي عالرد
وكلامج عدل
بس قلت اسال واستفيد

 

[سارونهh_a_z]

لسلام عليكم

قوه بنات


شلونج سارونه


موعدي يوم الخميس منظار ان شالله


ادعولي خلاص غيرت رايي ما راح ااجله

بسسسسسسسسسس ادعولي مت من اليوع انا لحين على السوائل بس


احس بطني يتقطع من اليوع

ادعولي اني اقوم بالسلامه من المنظار

ياقلبي عليج

اشلون سووولج منظار بدون تخدير شي غريب بصراحة


ولاتحاتين ان شاء الله يخف مع العلاج تفائلي


بس انتي التزمي بالعلاج



صج يابنااااااااااااات رحت حق دكتور الطب البديل د سراج اللي قالت عنه وحدة من البنات الله يوفقهااا (والله مانسيتج بدعائي)


وصج حطلي مثل جهاز صغير علىاصابعي وريلي

ويشووووف الذبذبات بالكمبيوتر

وقالي عندج حركة القولون حيل مضطربة

وعطاني ادوية وحبوب(حبوب قبل الاكل وبعد الاكل وفيتامين دي ودوا شراب قبل النوم)

وماشيه عليهم

والحمد لله ماشاء الله


جنه صار فيه تحسن شوي

لان تو الناس توني بادية

وانا بعد قمت حيل اخاااف واكلي وايد خف

فتحسنت الحالة الحمد لله

مع اني ضعفت

وحتى دليته خالي

وراحلة هم يقول جنه زين

حتى ترك علاج الدكتور الشمالي وقاعد يمشي على علاجه​

 

[الاسطورية]

بنت الاحلام صاجه بس المشكله وقت السحور انا ماتحمل متاخر معدتي ماتتقبل شي متاخر لازم عالاقل الساعه 12 وبتعب شوي

شاطره شقالج الدكتور بعج النتايج؟

وصيه ابي اشصار عليج طمنينا؟

فيث حبيبتي مشكوره النو رنورج


رورو اكيد نفسييييييييييييي حيييييييييييييل بس انا قاعدده اقاومه




شريت كتاب لاتحزن بنات لان يقولون وايد يريح



سارونه شوقتيني عالدكتور


انا نظامي باكل تمر قبل الامساك وسحوري الساعه 10 ونص همبرجر دجاج مشوووي بدون دهن مع صمون وسلطه وشوريه بس اليوم مزودتها عشان اشبع


وممكن اكل مرتديلا دجاج ماقدر لحم يذايني او نفانق مشوي مع صمون او خبز والسطله طبق رئيسي مع جبن واشرب عصير سانكيست برتقال

وفاكهه بعد ساعه موزه او تفاحه


الافطار روب مع اي وجبه كويتيه يعني مجبوس او مرق معاهم روب وشوربه خضار وسمبوسه جبن

واحلي بالجلي او اللقيمات

ياسااااااااتر الله يستر

 

[الكرملين]

هلا الاسطوريه طلع فيني جرثومه بالمعده وعطوني علاج شهرين وبعدين اراجع الطبيب

 

[الاسطورية]

سلامات حبيبتي طمنينا عليج

 

[jamjooma]

هااي بنات انا فيني قولون من 3 سنين تقريبا
بدا معاي بالام بالمعدة و اسهال عزكم الله لما اكل اي شي
رحت حق دكتور ما اذكر اسمه قالي لازم نسوي منظار انا ما رضيت
و قالي عالعموم هدي اعصالج و نقسيتج وتصيرين زينه انشاء الله
الله يشافي الجمييييع

 

[سارونهh_a_z]

الاسطوريه شنو الكتاااااااااااب اللي تقولين عنه


؟؟؟؟؟

 

[سارونهh_a_z]

هااي بنات انا فيني قولون من 3 سنين تقريبا
بدا معاي بالام بالمعدة و اسهال عزكم الله لما اكل اي شي
رحت حق دكتور ما اذكر اسمه قالي لازم نسوي منظار انا ما رضيت
و قالي عالعموم هدي اعصالج و نقسيتج وتصيرين زينه انشاء الله
الله يشافي الجمييييع

هايات قلبوووووو

الله يعينج بصراحة اشلون قاعدة من غير علاج


ويشافيج يارب​

 

[شندوخه]

بنات اللي فيهم كرونز

في وحده جربت سافرت بره على حسابها او على حساب الحكومه

وين راحت ؟ اي ديره واي مستشفى ؟

شنو احسن دكتور متخصص بهالمرض ( الكرونز ) وباي ديره ؟

ودي اطرش اوراقي وودي اسافر لان قبل فتره تعبت و قعدت فوق الشهر ونص بالمستشفى وكل شي سوولي واخر شي قالولي هذي نكسه من مرضج رجعتلج وسببتلي التهاب بالمفاصل

فودي اسافر ابي دكتور شاطر وين تنصحوني ابي خبرتكم خواتي

سحاب شلونج بشري عن امورج ان شاءالله احسن
انا طبعا بما انج عارفه اني نفسج اعاني من الكرونز وتوني راجعه من امريكا مستشفى مايو كلينك
دكاترتي بالكويت اهما اللي انصحوني اروحله قالولي انه المستشفى الاول في امراض الجهاز الهضمي وصج لقيت عندهم تقنيات جان زين احصلها عندنا
اذا بتروحين انصحج بهالمستشفى

حياج الله sa7ab

أنا من الناس اللى فيهم التهاب القولون التقرحى وهو من ضمن فئة الكرونز. أنا ما سافرت برة للعلاج بس قبل جم سنة صارت لى أنتكاسة وأنا فىأجازة فى أمريكا . وحزتها دخلت مستشفى فى شيكاغو شافنى دكنور وقال لى أن المرض هذى مزمن ماله علاج أهم شى أن نسيطر علي القولون من النزيف والأدوية اللى عندهم هى نفس اللى عندنا . وانتكاسة القولون مثل ما أنا وانتى نعرف لها عدة أعراض وكل اللى قدروا يسوون لى أياه أن يحطون لى دربات وزادوا لى جرعة الدوا لى قدرت أقوم على حيلى . ....

انا مثلج وانا الكرونز اللي فيني قوي اللي خلاني اسوي عمليات استئصال بس الحين في دوا يديد مسوي ثوره في عالم الكرونز وشفت ناس استخدموه قالولي احنا نعاني من الكرونز لاكن بدون آثار الدوا يامحفوظه السلامه عباره عن ابره تحت الجلد مثل ابره السكر بس الفرق تكون مره كل اسبوعين اسمها هيوميرا سألي طبيبج عنها

 

[شندوخه]

هايات قلبوووووو

الله يعينج بصراحة اشلون قاعدة من غير علاج


ويشافيج يارب​

سارونه شلونج مبارك عليج الشهر
حاولت ادزلج رسائل عالخاص بس متروس بس حبيت اباركلج بالشهر حبيبتي بشري عن صحتج ان شاءالله احسن

 

[شندوخه]

بناااااااااات أبي اقولكم عن شي
انا من فتره ياني مغص قوي وعزكم الله اسهال فضييييييع واكل كرتزون يعني مفروض ماتصير فيني هالاعراض
ادخل المستشفى يسونلي سي تي سكان مناظير مايلقون شي يحطولي محاليل ملحيه وبس اطلع الدكاتره يتعجبون الف علامه تعجب على روسهم
مابقا مسكن ألم ماعطوني لدرجه اني ادمنت مسكنات الالم .. وفي وحده الله يوفقها وين ماراحت يارب عطتني علاج اعشاب قالتلي مو خسرانه جربيه اذا مافادج مايضرج بأذن الله
جربت اخلطه مع عسل وآكله والله يابنات ارتحت وايد
اللي تبي الاعشاب تقولي وترى تسويها بلااااااااااااااااش لوجه الله ماتبي منكم الا الدعاء
انا ان شاءالله بتصل عليها واقولها ابي كميه كبيره منج لان علاجها فضيع ماشاءالله تبارك الرحمن

 

[sa7ab]

شندوخه حبيبتي
ولكم هوم والحمدالله على السلامه

انا من اخر 6 وانا تعبت فجأه وسخونه وعوار في بطني 3 ايام جان اروح المستشفى وينوموني مو عارفين ليش الحراره ماتنزل
وعلى قولتج ماخلوا شي ماسووه من تحاليل و اشعه مقطعيه و امراي وسونار واخر شي منظار
عقب هاللويه هذي كلها تخيلي كل التحاليل والفحوصات زينه وقالوا مافيني شي مع العلم اني اخذ الهيوميرا واهمه مستغربين شلون صاير معاي جذا و انا العام مسويه عمليه استئصال

قصتي قصه شهرين الله وكيلج لاعت جبدي من المستشفى ومحد عارف شي خربوطه اخرتها قالوا هذي نكسه
الحمدالله على كل حال
عشان جذي قلت ودي اجرب اروح بره استشاره مو خسرانه شي عقب اللي شفته

بس احتمال اروح لندن فقلت ودي اعرف منو زين هناك ووين اروح


اي نسيت اقولج حاشني التهاب بالمفاصل ركبي ورمت علي وانا هناك وماكنت اقدر امشي بسبة الورم وقالوا هذا من الكرونز ممكن يحوش الواحد بعد فتره من المرض

 

[مهموومه]

انتو ليش ماتروحون عند ام سليمان الله كنت مانام من القولون عندي عطتني اعشاب وقسم بالله من اخذها ارتاح وانام
بس مادري ليش انام

 

[الاسطورية]

الاسطوريه شنو الكتاااااااااااب اللي تقولين عنه


؟؟؟؟؟

كتاب لاتحزن لايطوفج بمركز السلطان سوق شرق فوق قوووووووووووي يعلمج تتصرفين مع القلق والبلاء بالدنيا

 

[الاسطورية]

هااي بنات انا فيني قولون من 3 سنين تقريبا
بدا معاي بالام بالمعدة و اسهال عزكم الله لما اكل اي شي
رحت حق دكتور ما اذكر اسمه قالي لازم نسوي منظار انا ما رضيت
و قالي عالعموم هدي اعصالج و نقسيتج وتصيرين زينه انشاء الله
الله يشافي الجمييييع

شلون قدرتي تتاقلمين معاه بدون علاج ولا طبيب ولامنظار؟

 

[الاسطورية]

شندوخه ابي من هالاعشاب


سحاب سلامتج حبيبتي


منو ام سليمان؟؟؟؟؟؟

 

[سموي ملكي]

الله يشافي الجميع يارب

والله اني قاعده اقرا معاناتكم جنكم تتكلمون عني

انا من سنة 2002 وانا اعاني من القولون وقرحة المعده والله ياخواتي ماخليت مسشتفى ولا عياده خاصه ولا دكتور الا رحتله وماكو فايده

اول شي رحت لمساعد العصفور وسوالي منظار وكتبلي انواع من العلاج بس ما رتحت الا ع الرايسك والدوغماتيل احس بتحسن اذا كليتهم

بس اذا خليتهم الله لايوريكم احس جني مدمن مخدرات ويبي جرعه

وابي اختصر عليكم جميع اطباء الكويت وصفولي نفس العلاج حتى وانا حامل منت اخذه

امهم انا تعبت تعبت 7 سنوات نفس العلاج ولا فيه تحسن واحد بالميه

امدحولي دكتور بالرياض اسمه محمد العنزي رحتله سوالي منظار وقالي نفس الكلام وغيرلي علاجي بس الله لايوريكم انا رحتله شهر 5 اللي

طاف وتركت علاجي اللي من الكويت شهر واستمريت على علاجه الحس انتكست 180 درجه

تصورو الحين ما اقدر امشي ماسفه طويله حدي خطوتين واحس سكاكين تقطع بطنبي

افكر اعالج بالخارج بعد العيد انشاءالله لندن او تايلند المسشفى الامريكي

بنات الي جربت علاج بالخارج ابيها تفيدني الله يجزاها اف خير لاني مادري وين اروح

الكويت مابقى مكان مارحتله ماكو فليده

طب الاعشاب جربته بس يزيد الالم عندي

والله ا ني اكتب وانا متضايقه لاني تعبت والله بعلم بحالتي

 

[faith09]

:B]شندوخة و sa7ab[/B] أنا معاكم فى الهوا سوا . تصدقون أنا تنبط جبدى من كلمة أنتكاسة . المرة الأخيرة فى المستشفى من كثر ما تعبت حسيت أنى بروح فيها لأن حسيت أن الأطباء عارفين المرض بشكل سطحى و بس ننتكس ما يعرفون غير الكورتيزون . أنا تناقشت مع دكتورى مرة وقلت له أكيد تعرف مخاطر الكورتيزون يسبب الالام فى المفاصل و........الخ . تدرون شنو رده .أحنا كأطباء عارفين هالشى بس الكورتيزن هو الحل الوحيد فى الأنتكاسة . . . وأنا مثلككم أعانى من الالام المفاصل . وزيادة صار لى فوق السنة حايشنى التهاب يالعين . رحت حق أكثر من أخصائى عيون يقولون أن هذا الألتهاب هو من أثار التهاب القولون التقرحى . .ما أقول الا الله يسهل أمورنا كلنا ويشافى كل مريض .

الأسطورية رحت مكتبة جرير أدور الكتاب اللى قلتى عنه بس ما حصلته لأن أعتقد أن هذا وقته لأن من أول يوم فى رمضان و مزاجى حده متعكر . تدرين ليش؟ لأن حضرتى فطرت أول يوم بعصير ليمون عجيب . والله لايوريكم عوار وأشتغل النزيف على . طبعا الحل كان اما أنى أروح الدكتور وحزتها راح أتنكد أكثر أو أنى اخذ اموديوم عشان يهدى قولونى وأشوف شبيصير ....بس بديت مع الأموديوم وقراءة القران والأدعية عشان اللله يسهلها ان شاء اللله :yaaaaaarb:

 

[الاسطورية]

الله يشافي الجميع يارب

والله اني قاعده اقرا معاناتكم جنكم تتكلمون عني

انا من سنة 2002 وانا اعاني من القولون وقرحة المعده والله ياخواتي ماخليت مسشتفى ولا عياده خاصه ولا دكتور الا رحتله وماكو فايده

اول شي رحت لمساعد العصفور وسوالي منظار وكتبلي انواع من العلاج بس ما رتحت الا ع الرايسك والدوغماتيل احس بتحسن اذا كليتهم

بس اذا خليتهم الله لايوريكم احس جني مدمن مخدرات ويبي جرعه

وابي اختصر عليكم جميع اطباء الكويت وصفولي نفس العلاج حتى وانا حامل منت اخذه

امهم انا تعبت تعبت 7 سنوات نفس العلاج ولا فيه تحسن واحد بالميه

امدحولي دكتور بالرياض اسمه محمد العنزي رحتله سوالي منظار وقالي نفس الكلام وغيرلي علاجي بس الله لايوريكم انا رحتله شهر 5 اللي

طاف وتركت علاجي اللي من الكويت شهر واستمريت على علاجه الحس انتكست 180 درجه

تصورو الحين ما اقدر امشي ماسفه طويله حدي خطوتين واحس سكاكين تقطع بطنبي

افكر اعالج بالخارج بعد العيد انشاءالله لندن او تايلند المسشفى الامريكي

بنات الي جربت علاج بالخارج ابيها تفيدني الله يجزاها اف خير لاني مادري وين اروح

الكويت مابقى مكان مارحتله ماكو فليده

طب الاعشاب جربته بس يزيد الالم عندي

والله ا ني اكتب وانا متضايقه لاني تعبت والله بعلم بحالتي

حبيبتي ماشتوفين شر اعراضج وايد قويه يعني القولون يخف مرات بس على كلامج منتكسه على طول لازم تشوفيلج حل وتعالجين
الله يعينج الحين صبري روحج بالعلاج بالقران اقري دايما لفاتحه على مكان الالم

 

[الاسطورية]

:b]شندوخة و sa7ab[/b] أنا معاكم فى الهوا سوا . تصدقون أنا تنبط جبدى من كلمة أنتكاسة . المرة الأخيرة فى المستشفى من كثر ما تعبت حسيت أنى بروح فيها لأن حسيت أن الأطباء عارفين المرض بشكل سطحى و بس ننتكس ما يعرفون غير الكورتيزون . أنا تناقشت مع دكتورى مرة وقلت له أكيد تعرف مخاطر الكورتيزون يسبب الالام فى المفاصل و........الخ . تدرون شنو رده .أحنا كأطباء عارفين هالشى بس الكورتيزن هو الحل الوحيد فى الأنتكاسة . . . وأنا مثلككم أعانى من الالام المفاصل . وزيادة صار لى فوق السنة حايشنى التهاب يالعين . رحت حق أكثر من أخصائى عيون يقولون أن هذا الألتهاب هو من أثار التهاب القولون التقرحى . .ما أقول الا الله يسهل أمورنا كلنا ويشافى كل مريض .

الأسطورية رحت مكتبة جرير أدور الكتاب اللى قلتى عنه بس ما حصلته لأن أعتقد أن هذا وقته لأن من أول يوم فى رمضان و مزاجى حده متعكر . تدرين ليش؟ لأن حضرتى فطرت أول يوم بعصير ليمون عجيب . والله لايوريكم عوار وأشتغل النزيف على . طبعا الحل كان اما أنى أروح الدكتور وحزتها راح أتنكد أكثر أو أنى اخذ اموديوم عشان يهدى قولونى وأشوف شبيصير ....بس بديت مع الأموديوم وقراءة القران والأدعية عشان اللله يسهلها ان شاء اللله :yaaaaaarb:

سلامات واي شالعصير ياريتج ماشربتيه
الكتاب تلقينه مركز سلطان سوق شرق فوق