مالذي جعل الزوجه ترتكب مجزره......؟؟؟

[جـــواهر]

مادري شقول والله مادري انا توني استوعب اللي صار تعبت حيل تعبت يتخايلي اشكالهم وهم يصيحون ...

اللهم لا اعتراض اللهم لك الحمد اللهم لك الحمد ....

الحمدلله الحمدلله الحمدلله .......


كلام الشيخ نبيل العوضي يريح القلب ..... توه طلع ع الوطن ..... المهم ان دق واحد من قبيلتهم وهو شيخ بالاوقاف ...
تكلم وقال لااااااااااازم مانغفل عن تصرفات اللي ادت الزوجه لعمل مثل هذا الشي ...الكبت ولد الانفجار ....
المهم ان الشيخ نبيل العوضي ماخلاه يكمل ..... لان مالهم حق انهم يتكلمون الا لمن تطلع التحقيقات الكامله ...

بس يابنات فعلا .... لاتقولون غيره ماغيره ....انتو ماتدرون هي ليش سوت جذي صح ماننكر انها سوت مجزره بس ليش ؟؟
مو عشان غيره ..!!

الله اعلم بضروفها .... انا ماالتمس لها العذر وانا عندي اخبار مؤكده بس مابي اتحجى فيها لان ماااااااااالي حق ...
بس فعلا اكتشفت ان الزوجه ماسوت هالشي ....الا من الظروف المحيطه ...وكل نفس خطائه ...

بسنا ياناس بسنا تفيخر الله مايحب هالشي واذا اهل المعرس يدرون ان العرس هذا بيسبب مشاكل ليش البلبه ؟؟؟
مشاكلهم الخاصه صارت مشكله كبيره ودخلت ارواح ناس مالها ذنب !!!!!

انا شخصيا ترا ماسويت عرس لان عندي عواذل ماهددو لاوالله حشا ...بس الواحد يخاف من شر النفوس ...


والحمدلله الحمدلله الحمدلله الحمدلله ​

 

[املى كبير]

اف اسكتى بس انا بموت من الشيخ الى اتصل على العوضى وكلامه الشيخ
يقول فى بنت عمرها 14 سنه كانت صايمه وافطرت على تمرة ومااكلت شى على اساس تبى تاكل من البوفيه :0bee2e8d89:وماتت واحترقت ياربى

اااااااااااااة ولا رجل الاطفاء الى ينادى الرياجيل ويقول شوفى وحدة عجوز متفحمه وايدها رافعتها متشهدة
والحريم الى بالحادث يقولون فى مرة كبيرة تحترق وتصيح بالشهادة وتكبر

يااااااااااااربى مالهم ذنب ذنبهم انهم وجبوا هاالعرس وهذا يومهم صح بس لحظتها شى حساس وموته بشعه لهم ياااااربى تلطف وترحم فيهم مالهم ذنب ​

 

[bdora]

لا حول ولاقوة الا بالله
الله يرحمهم جميعا

 

[فديت منورة]

ما لها عذر مهما تكلمت الله لا يسامحها

 

[كاميه25]

مهما كانت ظروف هالزوجه المفروض لو شنو لو مقطعها ما تسوي إلي سوته
ياما شفنا رياييل اشسوو في حريمهم ماسوا إلي سوته ماذبحو واذا فيها حيل عالمعرس
اتروحله وتذبحه بصطفلون اهما لثنين بس هالحريم واليهال إلي ماتو شنو ذنبهم انهم احضرو
العرس إلي مافي عذالها المعرس والعروس هذي واهيا بهسن وماشفت من الدنيا شي لي بعدين
اشراح اتصير جزاره ولا سفاحه على بو محتره ومضغوطه لا يبا الغلط غلط لو شنو يصير

 

[قمردين]

السبب هو قلة الوازع الديني والاعتراض على قضاء الله وقدره
الشرع حلل الزواج والطلاق موعيب اذا الريال تزوج وحده واثنين واربع
انا مره واغار بس بعد اذا الشي صار اللهم لا اعتراض
تطلقووكل واحد راح بحال سبيله
اللهم ارحمهم واعفو عنهم

 

[جـــواهر]

صح كلامكم بس انا ماتحجى عنها ولا التمس لها العذر يابنات انا اقول المعرس يدري عن تهديدها ليش يسوي عرس ويجيب المشاكل ؟؟؟

 

[Om_RayooMa]

حتى لو المعرس يدري
يقول غيره وعادي وتعدي
لو ادري ان زوجي بيتزوج علي
يمكن اقول اكثر من اللي قالته
لكن وقت الصجيه لا
ما اقدر اسوي شي

انا لله وانا اليه راجعون

 

[اطباق ماي ورد]

لا حول ولا قوة الا بالله

احنا ما نبى نطلمها لين تتاكد الشكوك بالتحقيقات

وانا والله كثر ما احزنتنى الكارثه اللى تعرضوا الناس لها كثر ما عورنى قلبى عليها وعلى عيالها

ان شاءالله تكون الحادثه قضاء وقدر ومالها يد فيها

وحتى لو كانت فى ظغوط عليها وظروف سيئه هذا ما ينفى عنها التهمه ولا يخليها بريئه اذا التحقيقات اكدت انها الفاعله

عشان جذيه الواحد دايما لازم يحكم عقله قبل قلبه فى كل اموره ولا ينسى ان فى رب ياخذ له بحقه اذا كان مظلوم

يعنى اشذنب الابرياء اللى اللى راحوا هدمت ابيوت ويتمت اعيال وحتى اهيه ضيعت نفسها وعيالها كله بسبب الغضب وانها ما حكمت عقلها

اللهم ارحمهم برحمتك واشفى مرضاهم يارب




اللهم نسالك ان تحفظ لنا عقولنا مما يذهب بها آمين يارب

 

[mooomooo]

حتى لو المعرس يدري
يقول غيره وعادي وتعدي
لو ادري ان زوجي بيتزوج علي
يمكن اقول اكثر من اللي قالته
لكن وقت الصجيه لا
ما اقدر اسوي شي

انا لله وانا اليه راجعون

صاجه هذي انا معاج فيها
مو دفاعا عنه لكن وايد حريم يهددون بس ما يسوون
وانا لله وانا اليه راجعون

 

[فقدتك يانور عيني]

مهما كانت الظروف لازم تاخذ جزاها هالاجراميه هذي ماتخاف الله وصدقيني هذي ماتعرف ربها

لو فعلا تعرف ربها وعندها ايمان ماسوت جذي شنو الاجرام اللي سواه عشان تزوج خلاص بالطقاق اهم ماعليها عزت نفسها

وأكيد كانت له اسباب للزواج وهذا حقه موكل واحد بيتزوج بتسوي له المرا مصيبه

حسبي الله عليها والله ينتقم منها

 

[** باربي **]

اي صح الحقير هذا بعد وتوة وحده حطت موضوع عن اعترفاته وكلامه عنها ويقولون جيرانه انه سكيير وخريج سجوون
مالت عليه وقهر عشان هالوي يصير كل هذا
دام ياك تهديد ليش تسوي عرس وومو اول زواج بعد !! ودامك اساسا ما تبيها ليش تييب منها اعيال
ما اقول الا حسبي الله عليه الي ينن المره وضيع مستقبلها وضيع ارواح عشانه...
ما اقول هالحجي دفاعن عنها اهي الي سوته مو شويه وصارت اكبر مجرمه بس همن اهوواا شريك ابهالي صار

 

[سعودية قلبها كويتي]

لاحول ولاقوة الا بالله

ياربي والله سالفة تعور القلب

قرب الشهر الفضيل .. وغابت الفرحه عن جم بيت .

الله يصبر قلوبهم

 

[جـــواهر]

لاحول ولاقوة الا بالله لانغفل عن الزوج انا شخصيا احمل الزوج المسؤليه

زوجات كثيرات مرو بهالضغط صح ولقوة ايمانهم ثبروا والله ياجرهم جزاهم عند الله

بس شنو نسوي اذا الزوجه طايشه و فيها قله بالوازع الديني ..... وهي مهدده ليش تسوون عرس ليش ياناس ؟؟؟

شذنب اللي جايين يوجبونكم ؟؟؟

وينكم ؟؟؟ ماشفت حد منكم بالخيمه ؟؟؟؟؟

 

[السعودية تاج راسي]

اي والله الحريم اللي ضد الزواج الثاني لو المرة الأولى تحرق العالم كله يصير معها حق ليش علشان زوجها تزوج .... خافو ربكم .... حتى لو غلطان هذا مو مبرر ان هالمجرمة تسوي اللي سوته .... ولو انتي في الزواج ولا احد من اهلج احترق جان ما قلتي جذي .... بس علشانكم ضد الزواج الثاني

 

[تساهيل دنيا]

اختي جواهر

الجريمه كبيره ولا تسامح عليها ارواح ناس راحت تعرفين ويش ارواح
والسبب الحقد وقلت الوازع الديني
فعلتها سببت جرح في قلب كل مواطن كويتي كارثه ماراح تنساها الكويت مهما طال الامد

لاحد يقولي محد يدري عن ضروفها ولا احد يجي يقول مريضه نفسيا هذي سوت الجريمه
بتخطيط يعني الامر كان مخطط مسبقا اي ناويه ومبيته النيه وهذي مالها الا الاعدام على فعلتها الشنيعه

ثانيا
يوم تقولين ليش المعرس سوى عرس وهو كان على علم في تهديداته رجال عباله كلام وخرابيط
ومن حقه يسوي عرس ما نقع الوم عليه

ما اقول الا حسبي الله ونعم الكيل مراح نرتاح الا نشوقها معلقه بس​

 

[جـــواهر]

احنا موضد الزواج الثاني ولا نبرر للزوجه

الغلط مايقع ع الزوجه بس حتى الزوج له دخل باللي صار ....

 

[ghalaty]

لا حول ولاقوة الا بالله العلي العظيم الله يرحمهم شي يعور القلب ياناس ارمضان قرب طفت الفرحه الله يعين العيال الي تيتمت انا مو قادره صداع من التفكير شنو العرس انقلب مأتم جماعي للكويت كلها ماادري شنو هالموضه تحريم الزواج من الثانيه ولا بعد هذي مطلقه اشتبين كل واحد راح بسبيله هذا لو مثل المحكمه الثانيه تطلقين وياخذون اعيالج منج جان اسوتي لا حول ولا قوة الا بالله الواحد ماوده يتكلم عنها كافي البلاء الي اهيا فيه

 

[جـــواهر]

اي والله يختي ترا هذا ابتلاء من الله ...!!

مانقول غير لا حول ولاقوة الا بالله ....

 

[روح مغليهآ]

جواهر احنا لو تحوشنا النار شوي نقعد اناقز من العوار جم يوم هذي خلت الحريم يتفحمون انتي فاهمه الوضع متخيله شلون غير اللي بالمستشفيات تشوهوا واليهال على شنو؟! على شان ريل! قصدي طليق! الحمد لله والشكر ربي حسيبها هذي ماعندها انسانيه مجرمه