lm3at almasa
New member
b3d 3mry alrwaia 3jeeeeba w yallah na6ra altkmla w allah ywf8ech bhalmjalღ TőOőma ღ;10993589 قال:
هاايوو بنات ,, شلونكم؟؟
انا اول مره اكتب روايه بمجهودي الخاص>>لوول :eh_s(6):
كنت مره انقلكم المره قلت خل نجرب نكتب وانشالله تعجبكم واتقبل النقد من الكل يعني بي اييزيي لاتحاتوون لووول:tek:
من زمان كنت بنزلها بس حدييي متردده وخايفه مادري ليش يمكن لانها احداثها حقيقيقه يعني يه فبالي ان بصير فضيحه جذي بس بعدين قررت انزلها وانشالله مااندم على قراري خخخخ:ggdw:
روايتي واقعيه احداثها حقيقيه صاارت بس شوي غيرت بالاحداث وزدت فيها,, الاشخاص حقيقيين ووصفهم بعد حقيقي بس مجرد غيرت بالاسامي مو للكل طبعا
اخر الروايه راح تعرفون منو اللي اقصدهم واقولكم ايهم الحقيقيين من الخيال >> يعني بشوقكم لوول
روايتي جريئه شوي,,مشوقه,,احداثها واقعيه عن تجارب شخصيه ووتجارب سمعتها من برا و شفتها او صارت جدامي
وبنزلها هني لاني ابيها تكوون حصريه في منتدى كويتياات....
وبليييييييييز بنااات اللي بتنقلها للاماانه تحط اسم صاحبه الروايه انــا
ღ TőOőma ღ
وانشالله تستفيدون منها يلااااا نبديي...._03BA:
الجزء الاول
الكويت منطقه جنوب السره تحديدا((الشهدا))
يوم الجمعه الساعه 4:54 الفجر
ميس(بهمس واهيا تتسحب لي باب السكه): ها حطيته؟ اطلع الحين؟
..:اي حاطلج ياه عند الباب تحت الزوليه اخذيه ودشي بسرعه ناطرج
ميس:..اووكي.......خلاص خذيته يلا روح قبل لااحد يشووفك
...:اوك حياتي الحين شغليه وكلمينه منه ماشي؟؟
ميس:اوكي حبيبي....ميشو..
مشاري:عيوونه
ميس:احبك..
مشاري:وانا امووت فيج يلا سكريه عشان تشغلين الثاني
ميس:اووكي باي
مشاري:باي
مشاري حبيب ميس تموووت عليه يعرفون بعض تقريبا سنه بالفوون وبالنت اكثر من سنتين تقريبا... واهوا بعد يموت عليها بس عصبي حيييل واذا عصب يقط كلام ومايثمنه يعني(لسانه وصخ ) وتفكيره متحجر واايد واذا عصب ينسى نفسه ويهزأ عدل مايبقا احد مايغلط عليه واهيا تتحمل وتسكت لانها تحبه و ماتقدر تزعله …خل اكلمكم اكثر عن شخصيت مشاري...
مشاري موحلو ولا سحت بس موذاك الزود طويل جسمه رياضي عيونه كبار خشمه موصغير وشفايفه حاده بس متروسين شوي شعره موناعم..بس جذاب فيه شي يجذب ودمه خفيف.. وشخصيته مرحه و حلوه تجبر اللي جدامه انها تحبه.. عنده اخو اكبر منه ب 4سنين وواحد اصغر منه بسنه وماعنده خوات......وايد شايف نفسه فيه غرور موطبيعي وكل شي موعاجبه وايد يعلق عالناس حتى على أي احد يطلع بالتلفزيون ...عنده ان اهوا احسن واحد بالعالم بس فيه شي واحد زين انه قلبه طيب,,عصبي واايد وعنده عقد وايد و يشوف ان البنات كلهم وصخين وولاوحده زينه يمكن لان ماعنده خوات عشان جذي ماعنده فكره عن طبيعتهم وطريقة حياتهم!!بس تجربته كانت محصوره على اللي عرفهم عشان جذي خذا فكره موحلوا عنهم وايد كانت عنده تجارب وسوالف موزينه وعمره ماحب احد غير ميس اهي اول حب بحياته بس واااايد يشك فيهاا و قبل لايعرفها كان مايؤمن بشي اسمه حب بعدين راح تعرفون عنه اكثر
ميس:شكلها غجريه.. جمييله لو تدقق بملامحها تقول مملوحه بس كلها على بعضها تجذب لونها برونزي طبيعي شعرها ويفي لونه كستنائي غجري وكثيف لي نص ظهرها عيونها مدوره عسليه.. حاطه بخشمها خزامه ... دلووووعه حييل ومااايعه صوتها بيبي اللي يسمعها يقول بالابتدائي..عمرها 19 سنه تدرس بجامعه الخليج بس موقفه قيدها كورس واحد بعدين اقولكم ليش ..ملامحها فيها شطانه واهيا بعد شيطاانه حيل و دمها خفيف.. عايشه حيااتها على كيفها..جريئه شوي فيها شي يجذب لما تطالعها…موضعيييفه حيل و طويله متروسه شوي جسمها حلوو ومتناسق ... بس حلجها كبير خخخ
((في غرفة ميس))
ميس:..... ثانكس قلبي بس الله يستر هالمره وتعدي على خير
مشاري:لا,,يرحم امج ديري بالج موتوهقينا مع امج مره ثانيه موناقصين سوالف كافي اللي شفنا ههههه
ميس:هههههه شكلك مليت بس مواكثر مني مو انا الي باكلها موانت
مشاري:موخل تزوجنا ونفتك بدال سوالف اليهال هذي بس امج يبيلها قعده خل اتخرج اتفرغلها هههههه
ميس:الله كريم ربك يسهل انشالله
تموا على هالحال سوالف لي الصبح بعدها ميس نامت الساعه 8
خل نتكلم عن عايله ميس شوي… .
ابوها عبدالسلام:عمره 47 سنه ريال شديد بس يمووت بعياله ومايرفضلهم طلب خصوصا ميس يمووت عليها ومدلعها وايد و كانت الوحيده فيهم اللي تشبهه عصبي حيل وقت الجد جد والغشمره غشمره...وكل شي عنده بحدوود
وامها مريم:عمرها43سنه طيبه ضعيفه ومملوحه ..سمعتها حلوه ووايد محافظه على بيتها وعيالها...موكل شي عندها عادي يعني ماسكه بناتها شوي خصوصا ميس...
على فكره ميس 24 ساعه نجره وهواش ويا امها لسانها طويل عليها شوي.. يعني اثنينهم مايعرفون حق بعض بس كل هذا بسبب بعدبن تعرفونه....
ميس عندها اخت وحده
فجر:17 سنه اخر سنه لها بالثنويه مو شاطره وايد….شعرها قصير اسود وناعم واااايد وعيونها صغار شوي بس يجذبون ومعطيها شكل بريء.. كل شي فيها صغير حتى جسمها نعوم مو طويله وايد ضعيفه ونعوومه حييل وكلا ينادوها الفلبينيه خخخخ
اخوانها....
سعود:23 ونص<<مادري شحقه النص ههههه>> هذا جميييييييل احلاهم لونه برونزي شعره ماشالله كثيف وناعم عيونه كبار ولونهم ياي على زيتي فاتح طالع على يدته ام ابووه نظرته بروحها تذبح عنده غمازه بخده اليمين خشمه سله سيف براطمه متروسين جسمه حلوو طوييل ومجسم كلا يحطله سكسوكه وساعات قفل…وايد عقله كبير ومتفهم بس موزين يعصب… الكل ميت علييه وين مايروح الناس يذكرون ربهم…سعود حياته
كلها نادي ودوام كان متخرج من جامعه الكويت تخصصه علوم اداريه..وايد كانو يشبهونه بهيرتك الممثل الهندي بس اهو احلى منه بوايد
يوسف:22 سنه حنطاوي كلا مقرع ضحكته تينن طويل وجسمه رياضي وحلو ودمه خفيف وايد غشمرجي بس وقت الجد جد ووقت الغشمره غشمره(نفس ابوه)…يحب الطلعات والوناسه اهوا وفجر وايد يتوالمون مع بعض>>مادري ليش احسه يشبه تاركان لووول
عكس سعود اللي ميس تمووت عليه واهوا يحبها ويرتاحلها تقريبا كل شي يقولها اذا تضايقت على طول تروحله
(( ثاني يوم الساعه 5المغرب ))
ميس:هااااااي ماميتا ... يوعانه شنو غدانا اليوم؟؟
ام سعود:جم مره اقولج عن المياعه!!وأي غدا شايفه الساعه جم الحين؟؟متى نايمه امس شكنتي تسوين؟؟
ميس:ها.... ماما شفيج كلا تحققين وياي شتبيني اسوي ماعندي دوام خليني على راحتي .. نمت متأخر شوي قعدنا نسولف انا وفجور ييت بنام ماقدرت يعني مانمت الا ورا الصلاة ..وبعدين دادي قايلي انام متى ماابي…الا تعالي صج وين دادي ؟وخواني وينهم ماشوف احد شفيهم انقرضوا؟
ام سعود:ابوج فوق بالمكتب وفجر اختج بغرفتها وسعود توا راح النادي ويوسف هايت ويا ربعه وين بيكون يعني انتي قومي مشطي شعرج ماتستحين قاعده جذي شعرج كشه جنج ينيه؟خلج مرتبه انتي بنيه
ميس:وااي خو توني قاعده شتبيني اسوي مالي خلق امشط عيزااانه زين شايله عمري...انا بروح غرفتي تبين شي؟
ام سعود: عيزانه وعيزانه هذي انتي بس بنيه على شنو ماادري!!الله يعين اللي بياخذج يومين بيردج حقي.....المهم روحي اكليلج شي شايلتلج غدا بالميكرويف
ميس:بليز لاتفاولين علااي اصلا يحصله اللي بياخذني..و مويوعانه اذا يعت بطلبلي شي من برا يلا جااو
ام سعود:ذبحي روحج بهالخياس اللي تاكلينه شوفي شمتنج صايره الحين منو يبي وحده جسمها جذي
ميس:آآف عااد شفيج علاااي!! اصلا جسمي اينن شعرفج انتي
ام سعود:احترمي نفسج ياقليله الادب انا امج شنو شعرفج
ميس:وااي زين زين اصعد داري ابركلي مادري شمنزلني تحت
((بغرفه ميس))
دقت على مشاري
ميس:آآلوووو ميشووو قاعد
مشاري:ايي حياتي توني قاعد..شتسوين كتكوتي
ميس:ماكو كنت تحت عند امي وتوني صعدت عشان ادق عليك….ممممم… ميشوو بقولك شي
مشاري اخترع على طول يفهم غلط:شنو قولي!!!
ميس:شفيك كلا مخترع! كل مااقولك بقولك شي تتصروع ليش معقد انت؟؟خوو اسمعني شبقول اول
مشاري:زين شنوو قوولي
ميس:هالاسبوع بروح مع رفيجاتي المسيله نسوي تـ….
مشاري قاطعها معصب:هههههه موهذي سوالفج واللي فالحه فيه لانج ((…..)) روحي تفصخي جدام الناس مع الوصخين
ميس:شفيك شقلت انا؟ شهالعقد اللي فيك مشعل امسك لسانك في شي اسمه تفاه شــ...
مشاري قاطعها معصب :لانج وصخه كل شي عندج عادي الوصخ طول عمره وصخ روحي مع ال(…) تفصخي مالي شغل فيج ,موعاجبج ومعقد روحي ردي حق حبيبج الخروف احسن مني اقصاج بنت هاي فايف شبنطر منج خرا بشكلج…. ذلفي طوط طوط طوط
ميس تعودت على هالاسلوب وعلى هالكلام الي يقوله:ياربي شهالبلشه انا ليش حظي جذي
((راح تستغربون من شخصيته شدعوا وليش بس راح تعرفونه عدل بعدين مشعل وايد معقد كل سالفه لازم يكبرها وفاهم الدنيا غلط ولان تعرف بدايه تعرفهم على بعض كانت غلط و ببساطه تفكيره كله غلط بغلط))
((في نفس الوقت تحت))
فجر:يمه ممكن طلب
ام سعود واهي تقلب بالقنوات:شنو قولي
فجر:يمه عادي اطلع مع فطوم اليوم زهقانه حدي
ام سعود:لاوالله من متى قمنا نطلع بروحنا؟ووين بتروحون انشالله؟
فجر:مادري أي مكان بس بطلع من البيت ومنو قال بروحنا فطوم بتيي ويا اختها الكبيره
ام سعود:ليش موتارسين عينج احنا عشان تطلعين وياهم؟اقول قعدي درسي احسنلج بتبدون امتحاناتكم بعد اسبوع
فجر:اوووه يمه مايصير جذي ترا زهقت حدي من البيت وفطوم بنت خالتي مو احد غريب
ام سعود:خلصي امتحانات واوديج أي مكان تبين ودرينا بنت خالتج بس موعيب ترزين ويهج وياهم بكل طلعه ماتستحين انتي؟
فجر:اوووله خل نبدي عشان نخلص..هونت خلاص ماني طالعه ... بروح اكلم فطوم
وراحت غرفتها دقت عليها
فطوم بنت خالة فجر ..شيطانه شوي بس تدخل القلب بسرعه...موطويله وايد وجسمها حلو شعرها قصير ودايما تصبغه اللون الثلجي..لونها المفروض تكون بيضه بس كل اسبوع تعودت تروح تسوي تان..ملامحها حلوه وحاده شوي.
فجر:اقولج زهقااانه حدي بطلع وامي موراضيه ايي وياكم
فطوم:امممم..خلاص عيل تدرين شلون ؟؟
فجر:شلون؟؟
فطوم:شرايج ايي عندج من زمان مو مسولفين عدل على راحتنا خل ايي واييب لابتوبي معاي نقعد نشبك
فجر:أي والله فكره خلاص تعالي بس متا تيين؟؟
فطوم:ممم يبيلي ساعه ونص تقريبا على مااجهز
فجر:شدعوا عروس؟؟زين خلصي بسرعه مو اطولين انا ناطرتج اووكي
فطوم:اووكي عيل باي
فجر:باااي
((بيت بو بدر))
جيران بو سعود جدام بيتهم بالضبط
بو بدر((عبدالله)):50سنه ريال طيب وحنون يهتم فبيته وعياله بس اهم شي عنده اسم وسمعت عايلته
ام بدر((بيبي)):40 سنه حلوووه وشكلها اصغر من عمرها.. وايد مهتمه بنفسها وعايشه حياتها ..تحب الطلعات والوناسه… تزوجت بو بدر واهي صغيره…تهتم بالمظاهر وايد وعندها اهو الشي الاساسي في الحياة … وتموووت على شي اسمه بدر ولدها الوحيد وعندها اهو شي غاالي وايد
بدر:23سنه نفس عمر سعود بس سعود اكبر منه ب4شهور حنطاوي طويل عيونه سود وكبار رموشه كثاف جسمه حلوو عنده شامه تحت صوب خده اليسار يعني جماله جمال عربي اصيل على قولتهم>>شفيهاا خخخخ
عنده اخت وحده اسمها سجى:عمرها 20 سنه مافي فرق بينها وبين ميس سجى اكبر منها بجم شهر..
بيضه..ضعيفه خشمعا صغير عيونها كبار ومكحله.. ولونهم فاتح.. شعرها اشقر تقريبا و عندها غمازتين
بدر نازل من فوق يركض ماسك جنظة النادي ولابس كاب نايك ابيض ولابس ترينغ كحلي في خطوط بيضه بالجنب
بدر:يمه انا طالع تأخرت تبين شي
ام بدر واهي تصبغ اظافرها: سلامتك ماما بس متى راح ترجع
بدر:بمر سعودو نروح النادي بعدين نشوفلنا مكان نطلع مع الربع من زمان عنهم يعني مطول اليوم شوي
ام بدر:اوكي ماما ديربالك وانت تسوق ولاتتأخر وايد عشان لااقدع احاتيك
سجى:بدوور ودني عند ميووس بطريجك مشتاقتلها
بدر:توها امس عندج مداج تشتاقينلها؟؟وكاهو بيتهم لزقه يم بيتنا ليش ماتروحين بروحج خطوتين انتي عندهم
ام بدر:أي والله و لاحقه عليها كاهو بيتهم مراح يطيير ..تعالي معاي احسن رزي نفسج شوي
سجى:آآف ماما مايصير جذي كل مكان تاخذيني وياج...بروح بيت ام سعود اليوم
ام بدر:اووه بالطقاق سوي اللي تبين انتي موكفو احد يرزج...وانت يمه روح الله وياك لاتتأخر
بدر: يلا عيل مع السلامه
ام بدر: باي ماما الله يحفظك
سجى(تحلطم):شنو هذا يعني كل مااقول بروح مكان لازم اطلعونها من جبدي اول شي يالله اروح ..آآآف آآآف
ام بدر:شفيج تتحلطمين جنج مينونه؟ ولاتنافخين جم مره اقولج موزين!!
سجى:المهم انا بروح بيت ام سعود يعني بروح مليت من القعده فالبيت
ام بدر:كاهو بيتهم مجابل بيتنا كلها خطوتين و انتي عندهم. واذا مليتي من البيت هناك بتستانسين؟ اذا محسوبه طلعه لج وفرتي بس موتمصخينها 24 ساعه طابه عندهم
سجى:عالاقل في احد اسولف وياه هني ماكو احد بقعد مع منو ؟ خلاص انا بقوم عند ابوي الحين ماشفته من امس
ام بدر:قومي بس فكيني من حنتج
((طقت الباب على ابوها))
سجى:ممكن ادخل
ابو بدر:تعالي بابا دخلي
سجى:ترا بروح بيت ام سعود اليوم
ابو بدر:مو امس كنتي عندهم بابا شفيج ماتملين كل يوم هناك مجابلتهم اكثر منا
سجى:شسوي زهقه هني...عالاقل هناك فجور وميس موجودين يسلوني سوالف وضحك هني تكفا منو بجابل؟سيتي ولا امي؟ولا بدور اللي 24 ساعه طالع
ابو بدر كسرت خاطره وابتسم:خلاص روحي بس لاتتأخرين وايد فشله بعد شيقولون عنا؟
سجى:هياااااااااا انشالله.. امواااااح بااي
ابو بدر:ههههه مع السلامة ديري بالج على نفسج
((في بيت ابو سعود))
ميس كانت بغرفتها متضايقه من سالفتها ويا مشاري
دزتله مسج ((ميشو والله احترت وياك مادريلي متى احنا جذي؟؟تحبني وهذا اسلوبك معاي عيل لو ماتحبني جان شسويت؟؟بس انا اسفه وماني رايحه شلي يمنعك انك تكلمني بأسلوب زين؟ماله داعي كل الي صار انت وايد تغلط علي وانا اسكت بس لاني احبك وترا موزعلانه منك…احبك))
قعدت تفكر بينها وبين نفسها<<انا لي متى جذي اكلمه لاني خايفه يسويلي شي!!كل ماتسير سالفه يقعد يهددني صج احبه بس شنو اخرتي وياه!! ماقمت اتحمل وين ايام حمود آآخ يا حمود كسرت قلبي صج بس هم ماكو منك <<وعيونها غورقت
((ردت سنه ونص ورا))
محمد:لا ابيج تقوليلي انج تحبيني ومراح تخليني بيوم عشان ارتاح
ميس:شفيه تفكيرك صاير جذي قتلك احبك وانسا اني اروح حق احد غيرك لو بقعد انطرك لي اخر عمري راضيه
محمد:وعد؟؟
ميس:وعد ونص
محمد:فديييتج حبيبتي انتي والله وانا اموووت فييج ومابي احد غيرج تكفين لاتخليني ترا صج مااقدر اعيش بدونج
ميس:محمد
محمد:عيوون محمد
ميس:احبك والله احبك
محمد:وانا اعشقج امووت فيج انتي حياتي وعمري وقلبي ودنيتي وحبيبتي وزوجتي و…
ميس استحت:بس بس ههههه كل هذا حقي خلاص ترا استحي))
صحت على صوت تلفونها يرن….
((SaJoY Calling you..))
ميس تمسح دموعها:آآلوو هلا سجوو
سجى:هلا والله بالبيبي شلونج اليوم شخبارج؟
ميس:ههه الله يقطع ابليسج..خليها على الله بس انتي شلونج شمسويا؟؟
سجى:تمام..شفيج؟ليش صوتج تعبان؟؟ ((قالتها بمياعه)) اكيد ميشوووو مزعلج صح!!قولي شنو مسوي بعد تعودنا على سوالفه سوالف المينن!!
ميس:ليش اهو في غيره؟؟ونفس كل مره بدون سبب مقنع
سجى:اسملله عليج حبيبتي وعسا عيونه البط انشالله مادري شتبين فيه عقب كل اللي سواه سوري بس صج بينتيلي ان ماعندج كرامه... المهم انا بييج بعد شوي ونتفاهم
ميس:ههه حرام عليج لانج موفاهمتني والله..و اي والله تعالي حدي متضايقه وابي احد اكلمه
سجى:افا عليج حبيبتي عند ويهج خخخخ....مممم .... الا تعالي سعود شلونه؟؟
ميس:اهاا قولي جذي من الاول يايه عشانه مو لي يعني؟ وشمعنى سعود شنو ماعندي اخوان غيره ههههههههه
سجى استحت:وااااي شفيج كلا فاهمتني غلط؟؟ يالمليقه خل ابدل واييج يلا بوووي
ميس:هههههههه اوكي بااايو ههههههه
هاا شلوونها كبداايه؟؟ اتقبل النقد مومشكله اخذو راحتكم عشان اذا حلوه اكملها .. ترا مايبت من خيالي وايد بس جم مشهد خخخ يلا وين الردود قوليلي رايكم:ggdw:
bitter-sweetness
New member
- إنضم
- 26 يوليو 2009
- المشاركات
- 1,415
- مستوى التفاعل
- 0
- النقاط
- 0
lm3at almasa
New member
ღ TőOőma ღ
New member
ღ TőOőma ღ
New member
ღ TőOőma ღ
New member
ღ TőOőma ღ
New member
روح اهـلـها
New member
- إنضم
- 14 فبراير 2009
- المشاركات
- 375
- مستوى التفاعل
- 0
- النقاط
- 0
ღ TőOőma ღ
New member
صب القفشه
New member
ღ TőOőma ღ
New member
ღ TőOőma ღ
New member
ღ TőOőma ღ
New member
ღ TőOőma ღ
New member
والله الرواااااااااااااااااااااايه روعه واعتقد صاحبة الروايه احلى من الروعه
يالله بسرعه والله من الفير وانا ناطره هههههههه
يالله بسرعه والله من الفير وانا ناطره هههههههه
