تجمع مسافرات دبي شهر 7 و 8

[ام مهاوش]

بناااااااااااااااااااااااااااات سمعت انه الوايلد وادي يوم الخميس للنساء فقط وناااسه
بس اشلون اروح بروحي !!!!!
يالله اللي رايحين معاهم عايله روحو يوم الخميس وايلد وادي واستمتعو بالسباحه

 

[رمانه كويتيه]

انا شفت وحده اتييب خامات اتهبل اشكال والوان تقول تاخذهم من مكان اسمه بر دبى

 

[ام مهاوش]

مشكوره خوخه على المعلومه الحلوه بر دبي اتوقع منطقه عندهم فيها ستي سنتر على ما اظن

 

[ام باسلل]

أن شالله بروح مع ولدي و خالتي وعمي وبنت خالتي بتاريخ 4/8 وبنقعد بستي سنتر بس الله يستر للحين ما قدمت اجازتي إن شالله يوافقون الدوام وما يسون لي سوالف اول مره اروح دبي بس ما ادري شكثر الميزانيه انا بروح بمعاشي تقريبا جم يبيلي ؟ انا وولدي اكل ومصرف ودي اسوي لي فيزا ما ادري شرايكم ؟ 300 يكفي سوق واكل؟ سفرتي اسبوع إن شالله

 

[ام مهاوش]

اهلين ام باسل انا سفرتي 4\8 لايكون انتي معاي بالطياره
وتروحون وتردون بالسلامه
تقدرين تتحكمين بمصروفج اذا حاولتي تقتصدين خلي السوق اخر شي الاهم ونسي ولدج وانتي استانسي وخلي السوق اخر شي اذا بقا لج فلوس لانه دبي الحين غاليه مومثل اول

 

[ام حلومي]

انا توني راجعه من دبي
طبعا رحنا داو كروز عشا داخل السفينه الصراحه ماتوقعته جذي عكس الصور القعده زينه بس اكلهم مو حلو وضاق خلقي
بالنسبه للباص السياحي مارحنه اخذنه تاكسي وفتر فينا من الفندق ليييه برج العرب وامارات مول وصورنا وكل شي يمكن طلع ارخص من الباص السياحي وطبعا مجمعاتهم كل واحد احلي من الثاني مثل دبي مول وامارات مول وابن بطوطه وسوق الصيني ومجمع وافي وستي سنتر

 

[Oba3deen]

انا شفت وحده اتييب خامات اتهبل اشكال والوان تقول تاخذهم من مكان اسمه بر دبى

عزيزتي بر دبي فيه خامات

في مكان اسمه مينا بازار قولي حق راعي التاكسي بيوديج هناك فيه محلات قطع وايده و الاسعار متفاوته بين المتوسط و الغالي

و في في بر دبي مكان اسمه السطوه فيه محلات خامات مثل ريجال و ديباكس

و الله يعينكم عالهنود في هالمنطقتين خخخخخخخخخخ

و حياكم الله في دبي

 

[pretty sarona]

انا انشالله اول 8 على الكويتية و بسكن بشقق فندقيه وجدولي تقريبا مثل جدولج عموما انا توني رايحه من قبل سنتين , اللي ما شفته بس دبي مول ,,

 

[miss.kash5a]

انا بعد 1\8 ان شاء الله
بس الى الان متردده بين تاج بالاس وكمبنسكي
اللي سكن فيها بليز
يعطينا الاسعار

 

[bronzya_cool]

مس كشخه ياعيني عليج يالكشه انا بعد انشالله بروح اول 8
وسألت عن هالفندقين تاج بالاس ليلته ب41
وكمبنسكي ليلته ب69

 

[ba6bo6a1]

قوة .. انا ان شاء الله ناوية اروح دبي اخر الشهر ... شنو تنصحون باماكن بعد غير ؟؟ بعدين بغيت اسال الوايلد وادي تصلح حق ياهل عمره سنتين ؟

 

[ba6bo6a1]

بعدين بنات شنو بالنسبة للاسواق ... الغرير و بن بطوطة و سيتي سنتر و لامسي و مول الامارات و يقولون في دبي مول ماشفته بعد .. في مرشد ... شنو بعد ؟

 

[∫ ∫ ∫ ∫ جــوان ∫ ∫ ∫ ∫]

ماشا الله ياكثر الى بيروحون معانا دبى

اللهم زد وبارك لوووووووووووووووووول

 

[ماريا 2006]

شلونكم حبايبي انا قبل امس يايه من دبي صح كلام الاخت المطعم اللي كله ثلج مو بالامارات مول اسمه مادري شنو سكوير في دبي تاور
انا رحت لتايم سكوير فيه محلات الكترونات خوش شي والله عجبني دبي مول والفستيفال يونسسسسسسسسسسسس

 

[pretty sarona]

بعد ترى الشارجه حلوة ,, روحو صحارى وايد هادي

 

[~La PearLa~]

قوووووووة

من سنة 2000 و كل سسسنه نروح مرتييين لدبي
ياااحلوووهااا امووت علييها

بنسكن بتاج بالاس الررائع
احبه هالفندق صج عائلي
مافيه دسكو و لا مشروبات
و الحريم اللي يفرفرون بالشوارع يمنعون دخولهم
صراحه احسن فندق سكنت فيه
بس اخر مره جنه خاس شووي هههه
القنفات فيهم بقع <<<<<<<<<<<<<<<وسواس ههه


و عادي اذا امي و ابوي يطلعون يتسوقون (مرشد ماانحبه )
احنا نقعد بالغرفه ولا ننزل اللوبي .. أماان


ياحلو دبي
ان شاء الله باجر سفرتنا

 

[bronzya_cool]

لا بيرلا بالعكس سوق مرشد فيه اشياء تونس وفندق تاج بالاس الكل يمدحه ولا مره سمعت احد يذمه

 

[bronzya_cool]

لا بيرلا متى بتروحين

 

[دنيا غريبه ..!]

بنات الامارات خااااااااطري اسوي نقش مثل نقشكم

مدحو لي صالون رشنا بالجميرهـ بس متى يفتح الصالون ومتى يسكر ولا هنتوا ابي رقمه عشان اوصل له بسرعه

وان شاء الله بكرا سفرتي ياااااي وناسه

 

[malekatsabaa]

سلاااام

انا انشالله رايحه 1/8 عالجزيره ومعاي عيالي
وبنسكن في شارع الشيخ زايد في شلسي وهي شقق فندقيه

والصراحه مادري وين اروح اماكن تونس ومو حر ؟؟؟

ودي بعد بعبي بس مو الغلايه...يعني بحدود40 كويتي مو اكثر ..جان زين بنات الكويت و دبي يفيدوني

وتروحون وتردون كلكم بالسلامه