مجمع اكبر من الافينيوز

[سكر*نبات]

أعلنت شركة التمدين لمراكز التسوق عن بدأ تنفيذ مشروع سوق الكويت Mall Of Kuwait والواقع في منطقة الصباحية، وسيتم الإفتتاح عام 2010 وراح يحتوي على أسواق وراح يكون أكبرمن الأفنيوز خمس مرات وراح يكون فيه كارفور (( هايبر ماركت )) وفيه 25 صاله عرض سينما سينسكيب وحدايق ونوافير وكافيهات ومطاعم عالمية وغيره الكثير من وسائل الترفيه.هذي المعلومات المتوفرة بالموقع الأجنبي اللي لقيته، ولقيتله صور تفضلوا شوفوهم معاي






































ان شاء الله يخلص ونشوفه في أرض الواقع _03BA:

وهذي الكويت .. صل على النبي
كلللللللللللللللللللللللللللللللللللللوووووووووووووووووووووووش:ggdw:
منقول

 

[اسرار الغلا]

مشكوره على هالخبر الحلو

 

[GoLdeN~$~LaDy]

والله كثرت المجمعات عالفاضي!!

المستثمرين ليش مايسوون ابراج اوناطحات سحاب نفس دبي

او متاحف يديده ولا مستشفيات سنعه

شبعنا مولات

ومع هذا وين ماتروحين زحمه!!!

 

[brettey]

والله كثرت المجمعات عالفاضي!!

المستثمرين ليش مايسوون ابراج اوناطحات سحاب نفس دبي

او متاحف يديده ولا مستشفيات سنعه

شبعنا مولات

ومع هذا وين ماتروحين زحمه!!!

عدل كلامج بالاول خل يسنعون المستشفيات حتى غرف الملاحظه ما فيها اسره ايي المريض حالته حاله مولاقي حتى كرسي
وهم الابراج وناطحات السحاب تعطي منظر حضاري

 

[<Miss ROoSe >]

سكر نبات
حيوية مو طالعة الصور

ايه والله يا بنات مستشفياتنا من الردى اى الأردى كل مالها وترجع ورى
حتى مستشفيات مصر تسنعت اللى الكل كان يخاف منها خخخخخخخخخخ

 

[Queena_85]

وين الصوور ؟؟؟!!!؟؟

اي والله يا ليــت يعدلون المستشفيــات اللي تفشل ... الصرااحة شنو هذا كل شوي طاالع مجمع يديد بس خلاص
سنعوا مستشفيااتكم و عدلوها بالأول..و الله اللي يدخلها ما يقول قااعد بالكويت تطور وتطور و المستشفيات ازفت من الزفت
و هذا الشي يحر القلب .. خصوصا النااس اللي ما يحبون الكويت بس يدورون الشاره عشاان يتحجون و يدورون اي عيب عشان يصغرون الكويت بعيونا ... وهذا ديرتي طبعا ما ارضى عليها مهما كاان و ابيلها الأحسن و الأفضل
بس الكويت معروفه خيرها لغيرها ... إلى متى ؟؟!!؟؟ واحنا وين رحنا ؟؟!!
مع خالص احترامي

 

[ذهب الروقي]

زين عشان تخف الزحمه شوي وينقسمون هالناس اهنيه وهناك

وناسسسسسسسسسسسسسسسسسسسسسسسسسسسسسه بيكون قريب عندنا ابرك من العنوه

 

[قطوه ورديه]

عدل كلامكم
بس ماكو صور حبوبه

 

[مزيـانه]

المجمعات اكثرت لأنها تدر أرباح على راعيها

أما اللي بيبني مستشفى شنو راح يربح؟؟؟؟؟؟

اهم ما همهم المواطن .. اهم همهم اشلون يمصون فلوسه

و الله يعينا

مشكوره حبوبة على الموضوع

 

[دهن العود74]

عمار ياكويت

 

[فاقده غاليها]

الكل يدور هالفلوس ماكو واحد قال خلونا نتبرع ونعدل هالمستشفيات الوسخه كلها صراصير وحشرات

 

[أم ضارى]

بنات انتو ليش تخلطون المواضيع

المستشفيات اللى تتكلمون عنها مستشفيات حكوميه والقطاع الخاص ماله دخل فيها

القطاع الخاص فاتح بكل مكان مستشفيات


اما ليش مافى مستشفيات مثل الاوادم بديرتكم فا سئلو نوابكم اللى موقفين حال البلد
حسبى الله ونعم الوكيل

وكل مشروع قالو وراه بوقه ووقفوه ... وياريتهم بالمقابل يعطون البديل لالالا بس وقف حال علشان يفرد عضلاته ويبين الربعه ان كلمته مسموعه بالمجلس !!

 

[وسايم القصيم]

احب اهنيكم على ديرتكم الكويت وحالكم افضل من غيركم وقولوا الحمدلله ترى النعمه زواله والكويت ترى هي عروس الخليج ترى انا سعوديه واحب الكويت لو عطوني جنسيه ثانيه والله لاختار الجنسيه الكويتيه يكفي طيبة اهلها وروحهم المرحه وبناتهم العسولات والسنعات في الاناقه وكل شي فديت اهل الكويت واهل السعوديه وغيرهم الله يستر عليهم

 

[كوارين]

مشكورة على المعلومة

 

[زهرااا]

احس صارت وايد مجمعات عندنا
شكرا

 

[فوشيه عجيبه]

ونااااااااااااااااااااااااااااااااااااااااااااااااااااااااسه
يلا بسرعه خل يخلص
صج هذي الكويت و صل على النبي

 

[الـوايـلـيـة]

هذا اللي شاااطرين فيه

ما يسووون مستشفيات جديده

يخففون زحمه مستشفى الجهرا والعدان

يعني معقوله مستشفى وحده حق اكثر من 450 الف مواطن

حراام والله حرام

الناس بالممرات مو لاقيه غرف

والا بس شاطرين بالسووووقه وياريت محلات جديده

الحمد لله عل كل حاااال

مشكورة يا الغلا ع الموضوع

 

[شانيل نمبر 5]

مشكوره....
مااتعتقد انا اروح حق المجمع لانه ووووووووووووووووووووايد بعيد علينا..

 

[ام خالد 78]

مافي صور

 

[No0oNh]

مشكووره عمار يا كويت ..