% كـل وحـده عـنـدهـا مـشـكـلـه ( بالبشره او الجسم ) تـتـفـضل عـنـدي %

[* مـذهـلـه *]

رد: % كـل وحـده عـنـدهـا مـشـكـلـه (بالبشره او الجسم او الشعر) تـتـفـضل عـنـدي %

اختي مذهلة ابي خلطة حلوة ومضمونة لتبيض الجسم

ضروري تسوين حمام مغربي على الاقل بالاسبوع مره او بالاسبوعين مره

و عندج هالخلطات كلهم روعه و يبيضون الجسم

تقدرين تحطين هالخلطه حق كامل جسمج
http://www.q8yat.net/showthread.php?t=53015

هالخلطه روعه و تفتح من اول استعمال بس لازم تسوينها كل يوم عشان تشوفين نتايج اكثر
http://www.q8yat.net/showthread.php?t=41102

و هذي بعد حلوه و تفتح
http://www.q8yat.net/showthread.php?t=44464

و هالخلطه روعه سويهيا كل ما جيتي تتسبحين تفتح الجسم
http://www.q8yat.net/showthread.php?t=50802

تبيض الجسم :

كركم الجسم مو للطبخ + فازلين

تحطينها على جسمج وتخلينها ساعه او اكثر و بعدين تفركي

تبيض و تعطي للجسم زبده و نعومه :

سفيداب + سنفرة المشمش او اي سنفره انتي متعوده عليها

خلطيهم مع بعض بس خلي السفيداب اكثر من السنفره ..
تسبحي عادي و حطي الخلطه وخليها 5 الى 10 دقايق و بعدين تفركي بعد ما تخلصين و تتشطفين تكونين مجهزه هالخلطه عشان تخلي جسمج ناعم

( ليمون + زيت المشمش + زيت اللوز المر + جلسرين سائل )

او انج تخلطين زيت اللوز المر مع صابون مغربي و قبل لا تتسبحين في كل مره تحطينها على جسمج


و اي سؤال ثاني انا بالخدمه







​

 

[* مـذهـلـه *]

رد: % كـل وحـده عـنـدهـا مـشـكـلـه (بالبشره او الجسم او الشعر) تـتـفـضل عـنـدي %

مرحبا مذهله

يعطيج العافيه على الجهد الطيب

حبيبتي عندي مشكلة الخطوط اللي تحت العين

أبي أعرف شنو السبب بـ ظهورها ؟؟

وشلون أقدر أعالجها ؟؟ وأبي بعد تعلميني طريقه مسح مكياج العين ؟؟​

في خلطه حبيبتي تحطينها تحت عينج و توخرلج الخطوط

تاخذين ملعقة عسل مع بصل بس تعصرين البصل بمقدار ملعقه وحده تدفينهم على النار شويه بس يعني مو يطبخون لا بس يصيرون دافيين و تحطينهم تحت عينج و استخدميها مرتين باليوم بتشوفين باذن الله نتايج حلوه

او تلاقين كريمات مثل كريم اوليه مخصص للتجاعيد و الخطوط تحت العين بس انا افضل تسوين الخلطه

بالنسبه لطريقة مسح مكياج العين اول شي تسوينه تمسحين عيونج بمناديل جونسون للمكياج و بعدين تغسلين بالماي و الصابون بس الصابون يكون مخصص للوجه

حياج حبيبتي

​

 

[* مـذهـلـه *]

رد: % كـل وحـده عـنـدهـا مـشـكـلـه (بالبشره او الجسم او الشعر) تـتـفـضل عـنـدي %

بشرتي حساسه ماتاثر عليه الخلطات

حبيبتي بالنسبه لبشرتج لا تستعملين منتجات الا و تكون للبشره الحساسه فــــقـــــط

و شنو الخلطات اللي ما أثرت معاج ممكن تقوليلي اياها ؟؟
​

 

[* مـذهـلـه *]

رد: % كـل وحـده عـنـدهـا مـشـكـلـه (بالبشره او الجسم او الشعر) تـتـفـضل عـنـدي %

مشكورة اختى مذهلة على مجهودج الرائع الى كل البنات استفادوا منة

العفووو حبيبتي و الاروع مرورج

حياج يا عمري شرفتي

​

 

[* مـذهـلـه *]

رد: % كـل وحـده عـنـدهـا مـشـكـلـه (بالبشره او الجسم او الشعر) تـتـفـضل عـنـدي %

حبيبتي مذهلة يعطيج الف عافيه ومشكوره على النصيحه واسفه على التاخير بارد

الله يعافيج بعد قلبي

لا يا عمري خذي راحتج

حياج الله

​

 

[* مـذهـلـه *]

رد: % كـل وحـده عـنـدهـا مـشـكـلـه (بالبشره او الجسم او الشعر) تـتـفـضل عـنـدي %

مشكور يامذهله على هالمجهود
وبسألج
عن كريم أو خلطة
حق الجفاف الشديد ببشرتي كلها مهما احط تشرب اللي احطه وتصير جافهههههههههههه

العفووو حبيبتي

من رايي الشخصي احسن شي للجفاف الفازلييييييييييييييييين الطبي روعه و خصوصا في وقت الشتا حيل حيل يطري البشره استعمليه مثل اللوشن و حطي كميه بسيطه كل يوم و لما تجين تنامين دهني بشرتج فيه بتلاحظين بشرتج صارت طريه و ناعمه

حياج الله و اي سؤال ثاني انا بالخدمه

​

 

[دنيــا الولــه]

رد: % كـل وحـده عـنـدهـا مـشـكـلـه (بالبشره او الجسم او الشعر) تـتـفـضل عـنـدي %

مرحبـــا مذهلة

شلونج حبيبتي ؟؟ عساج بخيــر

حبيت اسألج بخصوص خلطتج الحنة وسدر ووو الخ
هل ينفع اضيف لها نسكافيه عشان يعطي لون بني غامج للشعر ؟
واذا ينفع جم احط ملعقة ؟؟
علماً اني راح استخدمها على مدى اشهر يعني اذا مامسج اللون من البداية يمسج عقب صح ؟

وسووري عالاطالة :eh_s(22): مشكووووورة ياشمعة المنتدى ماتقصرين :eh_s(17):

 

[بنت الوفا]

رد: % كـل وحـده عـنـدهـا مـشـكـلـه (بالبشره او الجسم او الشعر) تـتـفـضل عـنـدي %

انشالله ماتزيد من حساسيته لانوحساسه واجرب وخبرج بس ليش ماتفتح معي

الرابط تعبت مشكوره مذهله حبيت اسالج شعري تساقط ومن جدم كانه مقصص

 

[سكـ الليل ـون]

رد: % كـل وحـده عـنـدهـا مـشـكـلـه (بالبشره او الجسم او الشعر) تـتـفـضل عـنـدي %

في خلطه حبيبتي تحطينها تحت عينج و توخرلج الخطوط

تاخذين ملعقة عسل مع بصل بس تعصرين البصل بمقدار ملعقه وحده تدفينهم على النار شويه بس يعني مو يطبخون لا بس يصيرون دافيين و تحطينهم تحت عينج و استخدميها مرتين باليوم بتشوفين باذن الله نتايج حلوه

او تلاقين كريمات مثل كريم اوليه مخصص للتجاعيد و الخطوط تحت العين بس انا افضل تسوين الخلطه

بالنسبه لطريقة مسح مكياج العين اول شي تسوينه تمسحين عيونج بمناديل جونسون للمكياج و بعدين تغسلين بالماي و الصابون بس الصابون يكون مخصص للوجه

حياج حبيبتي

​

تسلــم ايــدج يالغــلااا ,,

مشكـوره علـى النصايــح ,,

يعطيــج العافيــه ,, لا خــلا ولا عــدم ,,​

 

[مهاوي الكويتيه]

رد: % كـل وحـده عـنـدهـا مـشـكـلـه (بالبشره او الجسم او الشعر) تـتـفـضل عـنـدي %

غاليتي..يسلموا لموضوعك الرائع مثل صاحبته..

بس ياليت اتنوريني بشغله مضمونه تكبر اخدووودي..

والف شكر...

 

[* مـذهـلـه *]

رد: % كـل وحـده عـنـدهـا مـشـكـلـه (بالبشره او الجسم او الشعر) تـتـفـضل عـنـدي %

مرحبـــا مذهلة

شلونج حبيبتي ؟؟ عساج بخيــر

حبيت اسألج بخصوص خلطتج الحنة وسدر ووو الخ
هل ينفع اضيف لها نسكافيه عشان يعطي لون بني غامج للشعر ؟
واذا ينفع جم احط ملعقة ؟؟
علماً اني راح استخدمها على مدى اشهر يعني اذا مامسج اللون من البداية يمسج عقب صح ؟

وسووري عالاطالة :eh_s(22): مشكووووورة ياشمعة المنتدى ماتقصرين :eh_s(17):

هلا و الله مراحب

انا بخير عساج بالف خير يا الغلا

ينفع تضيفين معاها نسكافيه و اذا تبين نتيجه احلى حطي بها بعد بودرة ككاو يعني على حسب حطي ملعقتين او ثلاث يعني لما تشوفين و انتي تعجنين الحنه صار لونها بني .. اي يا عمري اهيا بكل مره يزيد اللون و يصير غامج و احلى ..

العفووو حبيبت قلبي حياج الله

​

 

[* مـذهـلـه *]

رد: % كـل وحـده عـنـدهـا مـشـكـلـه (بالبشره او الجسم او الشعر) تـتـفـضل عـنـدي %

انشالله ماتزيد من حساسيته لانوحساسه واجرب وخبرج بس ليش ماتفتح معي

الرابط تعبت مشكوره مذهله حبيت اسالج شعري تساقط ومن جدم كانه مقصص

يا عمري قوليلي اي موضوع اللي ما يفتح معاج الرابط و انا احطه لج ..

بالنسبه لشعرج اول شي تاكدي انه ما فيج فقر دم لانه فقر الدم يسبب تساقط الشعر بكثره ..

و اذا ما فيج تقدرين تستعملين تونيك السورسير بالثوم ما شاء الله حيل زين و يخفف التساقط و اخذي حبوب للشعر عندج بنتوقار و فيفسكال بس الافضل بنظري حبوب فيفسكال لانهم روعه و ينهون التساقط

حياج الله حبيبتي

​

 

[* مـذهـلـه *]

رد: % كـل وحـده عـنـدهـا مـشـكـلـه (بالبشره او الجسم او الشعر) تـتـفـضل عـنـدي %

تسلــم ايــدج يالغــلااا ,,

مشكـوره علـى النصايــح ,,

يعطيــج العافيــه ,, لا خــلا ولا عــدم ,,​

الله يسلمك حبيبتي

شرفتي الموضوع حياج الله

​

 

[* مـذهـلـه *]

رد: % كـل وحـده عـنـدهـا مـشـكـلـه (بالبشره او الجسم او الشعر) تـتـفـضل عـنـدي %

غاليتي..يسلموا لموضوعك الرائع مثل صاحبته..

بس ياليت اتنوريني بشغله مضمونه تكبر اخدووودي..

والف شكر...

الله يسلمج بعد قلبي و الاروع مرورج

بالنسبه لتكبير الخدود فيه كذا خلطه :

تقدرين تخلطين الخميره + الحلبه و انا ذاكره هالخلطه بموضوع

تقدرين تخلطين الخميره + الروب

تقدرين تخلطين الخميره + القشطه ( القيمر )

تقدرين تخلطين الخميره + العسل + ماي ورد

و كله هالخلطات ما شاء الله يجيبون نتيجه بس يبيلهم طبعا استمرار

​

 

[نبع الحياء]

رد: % كـل وحـده عـنـدهـا مـشـكـلـه (بالبشره او الجسم او الشعر) تـتـفـضل عـنـدي %

مشكوره حبيبتي مذهله على وصفاتج وربي يعطيج الف عافيه

حبيبتي انا عندي مشكله في بشرتي بالنسبه حق الحبوب الي تطلعلي

ابي خلطات طبيعيه حق الحبوب الي بالشره لانها حتى لو قلت يظل فيها اثر

وحبيت اعرف اذا في خلطات طبيعيه حق البثور السوداء في البشره

بس ابي خلطات ما اتأثر على البشره الحساسه

ويعطيج الف عافيه وسامحيني على الازعاج

 

[* مـذهـلـه *]

رد: % كـل وحـده عـنـدهـا مـشـكـلـه (بالبشره او الجسم او الشعر) تـتـفـضل عـنـدي %

مشكوره حبيبتي مذهله على وصفاتج وربي يعطيج الف عافيه

حبيبتي انا عندي مشكله في بشرتي بالنسبه حق الحبوب الي تطلعلي

ابي خلطات طبيعيه حق الحبوب الي بالشره لانها حتى لو قلت يظل فيها اثر

وحبيت اعرف اذا في خلطات طبيعيه حق البثور السوداء في البشره

بس ابي خلطات ما اتأثر على البشره الحساسه

ويعطيج الف عافيه وسامحيني على الازعاج

شوفي يا عمري استخدمي اول شي صابونة الكبريت تلاقينها بالصيدليه حيل ممتازه حق البثور و تصفي الوجه بالاضافه الى هالخلطه

( ملعقة حليب بودر + قطعة مره تدقينها ليما تصير ناعمه + ملعقه صغيره خميره + ملعقة عسل + روب بالنظر عشان تخلين الخلطه تنفرد على وجهج )

حطيها نص ساعه وغسليها بماي دافي بعدين ماي بارد او ماي ورد
( مع المداومه تشيل نص الحبوب و البثور اللي بالوجه ) لمدة اسبوع كامل يوميا و اذا احتجتي اكثر من الاسبوع كملي



الله يعافيج يا عمري و ماكو اي ازعاج حياج الله ​

 

[جورية كويتية]

رد: % كـل وحـده عـنـدهـا مـشـكـلـه (بالبشره او الجسم او الشعر) تـتـفـضل عـنـدي %

مشكووره اختي على الموضوع الحلو .... ويعطيج الف عافيه
انا عندي على اطراف حلجي سواد وبصراحه هذا شي كلش مو حلو حتى صوب الشنب :d في سواد واتمنى يكوون عندج حل خصوصا صوب اطراف حلجي السواد
ومشكووره ويعطيج العافيه .........

 

[فجوره الحلوه]

رد: % كـل وحـده عـنـدهـا مـشـكـلـه (بالبشره او الجسم او الشعر) تـتـفـضل عـنـدي %

موضوووع روووعه أنا قعدت اقراه من اول صفحه لي آخر شي :eh_s(6):

وايد استفدت منه .. وفي اشياء ان شاء الله تنفعدني:eh_s(17):

بس ودي اقولج عن بشرتي:

ههههه قصصصه << انا كل شي قصص :eh_s(22):

بشرتي مختلطه يعني كل شيييي ..
1)دهنييه على شان جذي يطلع لي حبووب حمر و آثاارها ماذيتني والمسامات و الرؤوس السوده ( انا واايد احط لزقات الانف حق الرؤوس بس يظل )
2) حسااااسه بسررعه تصييير بشرتي حمرره اي شي يحوشها تصيرر حمره
3) جااافه مع انه تكون البشره دهنيه بس نفس الوقت البشره فيها تشققات جفاف خصووصه على المنطقه الي تحت الفم
وانا عناايه حديييي استخدم ماسكات وصنفره وكل شي .. حته قبل النوم اغسل ويهي .. بس اول ما اقعد من النوم ألقه بشرتي لمعه من الدهن << سوري اذا لوعت جبدكم بس حده مضيق خلقي بسرعه ادهن واايد افتشل منها يعني قبل ما اطلع كل شي اوكي بس اذا رحت مكان ادهن وفي لمعه حده...
مثلا : فشله في التصوير ويهي يلمع
=====

وعن الشفايف:
فيها خطووط ..

===
ما ودي اطول عليج حبيبتي :eh_s(17): ومشكوووره وماتقصريين والله يوفقج...

 

[مُناي]

رد: % كـل وحـده عـنـدهـا مـشـكـلـه (بالبشره او الجسم او الشعر) تـتـفـضل عـنـدي %

حياتي .. قلبي إنتي

والله إنج شي

وكلج على بعضج مية مية ...

أنا بسألج عن شغله سمعتها من وحده

اذا تعرفين وين تنباع

نفس دهن العود ... ولكن ؟؟

مخصص للثه ...

تدهن بها اللثه وتصير ريحة حلجج دهن عود

سألت عنها وايد ودورتها ماحصلتها

مادري اذا تعرفين شي عنها ...

...
ولج حبيييييييييييييييييييي

 

[ام_بدر]

رد: % كـل وحـده عـنـدهـا مـشـكـلـه (بالبشره او الجسم او الشعر) تـتـفـضل عـنـدي %

قايله انا ياريت الناس كلها مذهلــــــــــــــــــــــــــــــــة

عين السيح والله حبوبه وتنحب والكل يحبها ماشاء الله عليها

نبتدى بالاسئله مذهلــــــــــــة

1- بشرتي كلش مو عاجبتني ولونها مو موحد وفيها حبوب مو طبيعية قمت اجرب خلطتج ان شاء الله اتكون بشرتي عكس ماكانت واتكون حلوه وبيضه وموحد اللون وصافيه اهم شي وفيها نضاره وترد الرووووووح بنسبه للحبوب الي فيها استخدمت خلطتج الطبية الي انتي كاتبه موضوع السر الي غير بشرتي 360 درجة بس بنسبه لتوحيد اللون ياريت تفيديني والاحظ قبل لا ابدا خلطتج صارلي 3 ايام من قبل لاحظت سواد على الحنج ومن فوق وبين الشفايف يعني غير عن باجي البشرة واحس قام يزيد قلت خن اتلاحق عمري واستخدم خلطت مذهلة

2- بسألج عن جسمي ابي جسمي يكون مخصـــــــــر ويكون بالعباة حلــــــــــــو يعني ودي اخسر 8 او 9 كيلوات مو مشكله اقدر اخسرهم بس ابيه يكون مخصـــــر

3- ابي كريــــــــــــــــم اساس يخليني بيضة بياض طبيــــــعي يعني كأني بيضة من الله ولاتنسين اني حنطية وبديت استخدم خلطتج ابي كريم اساس يفيد من الحين لبعد الخلطة لمن راح تصير بشرتي حلووة بفضل الله ثم فضلج

4-ابي شي ينفخ الشفايـــــف ويكون طبيعي لأني اخاف بصراحة

ويعطيج الف الف الف الف عافيـــــــــــــــــة بوسة على راسج على هالموضوع الحلوووووو والمرجع الاكثر من رائع لكل العضوات

عســــــــــــــــــــــــــــــــــــى ربي يسعدج ويوفقـــــــــــــــــــــج يارب ويحققلج كل الي في بالج


" الله لا يفرقنـــــــــــــــــــــــــــــــــ:eh_s(17): :eh_s(22): ـــــــــــــــــــــــــــــــــــــــــــــــــــــــــــــا"