طيـب ولكـن طيبتـى لاتغـرك
لايخدعك حلمى،، ولا طول بالـي
كم خفت من يوم يجى مايعذرك!!
قلبى وينسف سيرتك من خيالـي
ماشفتـى الا كـل شـى يسـرك
مني ولا في يوم جرحـك طرالـي
عن غيرك من الناس قلبي يبـرك
وغيرك إلى جا مالقى له مجالي،،
لين اهتمامى فيك بالحيل غـرك !
وقلتى تولع بـي ولالـه بدالـي
غريتـك انـى قـلـت/ لله درك
وكبرتك بعينى علـى كـل حالـي
ظنيتى أن الشوق فينـى تحـرك
ومالى غناة عنك طـول الليالـي
ضاع السلام وصار عنى يجـرك
للكبر خاطى ظنـك اللـى بدالـي
لكن بمان الله/ بخيـرك وشـرك
وعسى الزمن لك طول الأيام حالي
ان كان به شى واخافـه يضـرك
فهو غرورك والكبر والتعالـي !