تجمع لمقاطعات المشاغل .. واللي ميزانيتهم تعبانه على رمضان و العيد ..
السلام .. أولا ..
مشرفاي العزيزات .. الموضوع تكفون لا تدمجون مع .. الموضوع المثبت فوق ..
الموضوع هذا مخصص .. بس للي ميزانيتهم 250 دينار .. للعيد ورمضان .. بس ..
أما التجمع .. اللي فوق ... الأماكن اللي فيه و المحلات و المشاغل اللي فيه .. غاليه حيل حيل ...
ما تنفعنا ..
.. عزلونا تكفون ... :0bee2e8d89:
ومو عشان .. ما عندنا ماده قويه راح نطلع مهتملين .. أو بشيء ما يشرف ..
بالعكس .. المبلغ يكفي .. بس . لمقاطعات المشاغل و الأسعار الأوفر. .
وإنشالله .. راح نطلع أكشخ بنات على هالرمضان ..
أولا . .هذا موضعي ..
==============================================
هاي بنوتات شو اخباركم ...
شعلومكم عساكم بخير. .
بنات كلمن يعرف رمضان قرب ... وورانا حوسه و ركضه وروح وتعال
عشان نزهب شغله . .. و الله يعين أم العيال .
والمعاش ما عاش ... والحاله كسيفه .. الله يعين ..
فاللي مقاطعه المشاغل . و مفركه تحوس بكل شيء بنفسها .لها ولعيالها .. . حيا الله بموضوعي ..
فاتحته هني عشان .. كل وحده تدش تقولنا شنو ترتيبها عشان على مايجي رمضان و العيد إلا هي خالصه ..
أكيد بيكون تعب ..بس أولا .. راح نوفر وااااااجد مو شوي ..
وثانيا .. راح تكون البدله أو الدراعه .. أو العباة ..لج إنتي بروحج . محد شافها من قبل .. حتى لو ماخذه الموديل من كتالوج أو ماخذته من مشغل .. ( مجرد تغييرج للألوان و الخامات وتغيير بسيط بالشغل .. ) .. راح يخليه شيء جديد محد راح يذكر الموديل الأصلي ..
ويخليج تلبسينه عند ناس بعاد بعد رمضان والعيد لو بعده بسنه .. بس لو من مشغل .. الكويت كلها شافتها .. حدج رمضان والعيد و وراه بشهرين ... بس ..
ببدي .. أقولكم ترتيباتي ..
إعيالي الصبيان .. بفصلهم من ألأسبوع الجاي دشاديش العيد .. وبروح أشتري غتر لهم و مسابيح و طواقي و جواتي .. إلخ إلخ .. ناوي هالأسبوع أخلص الصبيان .. وأفتك منهم . .يحليلهم ما يغثون .. يمكن بيومين .. أخلص منهم ..
البنات مفكره يا أفصلهم ... وبدورلي أفكار حلوه .. يا أطلب من النت .. ( جاري البحث عن مواقع حلوه وجديده وموثوقه و أسعارها معقوله .. )
البنات الكبار حلو عليهم المرتب والمخصر .. .. بس الصغار بخاطري شيء نافش جنه بدلة عرس .. ..
وبخاطري كلهم خامه وحده .. بس كل وحده ستايلها وقصتها .. اللي تختلف عن الثانيه .. دشيت ولقيتلي جم صوره .. وموديل للأطفال وبفصلهم ..
وطبعا شبابيص و أكسسوارات .. مفكره أسويهم بإيدي ....
يمكن أشتري خام و أفصله ساده وأشتغل عليه بالتراكيب .. بإيدي وبالصمغ الحراري ..<<< شدعوه بيلبسونها مره ثانيه ؟ ونفس الشغل يكون بالشبصات و الشغل اللي بالشعر ..بشتري حدايد بو اميه و أركب فوقها ..
أما لي ..
بشتري خام من البلوكات .. هالأسبوع .. وراح أعتمد الساده .. و الناعم لدراريع رمضان و الشغل بيكون بالكلف و التقاطيع و القصات الناعمه للجموم ..
ماخذه جم موديل من ركن الأزياء .. هني .. ما يقصرون البنات ..
وعندي كتالوجات .. سحر الشرق .. حتى لو قبل 4 سنين عادي .. لو تاخذين فكره بالجم .. تغيرين الألوان ..
وتحطينها بالقلبه والله محد راح يذكرها ..
لو تاخذين فكره من بدلة عرس ... يعجبج الشغل الي فيها بس يكون أوفر .. إخذيه وبسطيه .. وخففيه .. وحيه على دراعتج ..
والخياط .. مخايطه العربيد .. بشوف أسعارهم . .ويمكن أروح لمخايطه البيوت .. بالمناطق .. في بمنقطتها .. حلوين .. بس للأسف ممكن يخورنه .. لازم أخذ وياي الصور .. و التغيرات تكون بسيطه عشان لا يخوره ..
والحمدالله كل موديلاتي صوري وياي .. وعاجبيني ..
بس قولولنا شنو بتسوون .. ؟؟
شاركوني ..
بالنسبه للشيال ..ما أدري شسوي فيها ؟؟
يبيلي وحده للعيد .. و ثتين للرمضان .. .؟؟ وين أروح .. ما أدري بسوي موديلي .. ما أبي من السوق ..
بس أحس وقف مخي .. زين خلصت أفكار رمضان و العيد ..
والشحاطات و الصنادل .. والكعوبه عندي على أفى من يشيل وخص إن شغلي كله ساتر وطويل ..
مو شرط أشتري شيء جديد ..
يبيلي جنطه ..؟؟ شتنصحوني فيه ؟؟
