مهفة
والله مادري شكلي بحجز من هني على قولتج اخاف اتوهق بس ياليت اعرف راي باجي البنات وتجاربهم في احد حجز من هناك؟؟داخلي؟؟
بنات بسألكم عن شغلة مضايقتني هي مو وايد مضايقتني بس قاعدة احاتي الوزن في بنتين معاي بالدوام موصيني على عطر توم فورد اللي
هابين فيه هالايام تقول رفيجتي وصل سعره 65 عندنا بالكويت تعرفونا الكويتيين لما نهب بالشي شيصير تقول هناك سعره 8 دنانير ووصوني
عليه ياربي استحيت ماعرف اردهم بس قتلهم بيني وبينكم لا يدرون باجي البنات لان ادري اذا دروا راح يوصوني على درازن وهو شفته
عند اختي ثقييييل وقرشته كبيرة يعني راح ياخذ وزن......وانا كل سفرة تصير لي سالفة مع الوزن
شرايكم تعرفون شركة شحن زينة؟؟ يطلع ارخص اذا شحنت؟؟؟ لاني ناوية أتسوق الصراحة
مرات بيني وبين نفسي اقول بروح أجهز نفسي تجهيز يديد مثل العروس ودي احذف كل اللي عندي اتبرع فيه واشتري كل شي كل شي من هناك
احس كثر ما سولفتولي عن سوقهم صرت مشفوحه عليه قبل لا اشوفه لووول
ابي جناط وجواتي تكرمون وعطورات وكريمات وملابس وقمصان نوم وملابس حق الياهال وصوايغ حق اهلي+حمولتي وكل شي....
وفوق هذا اختي تقولي ريلج راح يستخف عالاجهزة هناك لانه يحب هالسوالف....بنات بخاطري اشتري جهاز موبايل من هناك يديد بس
انا استخدمه عربي وهناك ماكو عربي وثاني شغلة ماراح يكون مكفول (الله والكفالة اللي عندنا بس اسم) واااااااي كل شي ابي انشفحت
قرقت وايد بس هذي النطرة وماتسوي
