تجمع اللي بيسافرون تايلند....

[خوخة الحلوة]

شنو رايج في تايلند
في ناس ذموه لنا يقولون شوارعها ريحتها فضيعة
والسوالف الوصخة الي خبري خبرج في رالشوارع ما تعرفين اهو ريال ولا مرا
صج

 

[ام الحوراء زينب]

لا يبا مو وايد يعني عادي المهم ربطي زوجج وحطي ايدج ابأيده لان اهناك قالولي ينسحب منج
بس لا قالولي شوارعها انضيفه وحلوة

 

[المدينه]

:eh_s(14):

لا يبا مو وايد يعني عادي المهم ربطي زوجج وحطي ايدج ابأيده لان اهناك قالولي ينسحب منج
بس لا قالولي شوارعها انضيفه وحلوة

وين قاعدين زوجي يسحبونه مني زين قلتيلي بجلب فيه بضروسي

 

[ام الحوراء زينب]

اي والله ديري بالج
الله يعين زوجي علي
لووووووووووووول

 

[^^ام ميمي^^]

بنات انا مستغربه من اللي يقولون بيروحون بتايا ؟؟

بتايا يسمونها ديرة العزوبية يعني كلها شباب و مصخره و خيسه شفتو شارع العرب بس على اكبر و تلقين هناك بلاوي الشباب والشياب كل واحد معاه وحده تايلنديه و وصاخه الصراحة انا زوجي ما رضى انروحلها لو شنو يصير

وكل شيء موجود في بتايا موجود في بانكوك وبالنسبة حق الحجز اهني بالكويت ارخص واحلا وانصحكم بفندق جراند ماجستيك وايد حلو وراقي و نظيف و حتى فيه ((( هوز بالحمام )) عزكم الله هذا اهم شيء لان الفنادق الباجيه مافيها


واللي يقولون يسحبون ريلج منج اشدعوه مو لي هالدرجة صج عيونهم على زوجج و محترين منج ليش معاج ريال يفتر فيج واهما ماكلين هوا بس هذي الفئه الوصخة صوب البارات وتلقينهم يطلعون اكثر شيء بليل عقب الساعه 10 بليل

اما يسحبون ريلج ولازم تتقضبين فيه لا عادي اذا انتي الحمدلله واثقه بريلج خلاص خليه ياخذ راحته وانتي اخذي راحتج علشان ما تخربون على بعض سفرتكم على اشياء ماتسوى وكل ما شفتو وحده تخز بريلج تبسمي لها علشان تموت قهر اكثر ولا تبينين لهم انج احتريتي ليش تخز ريلج

وبالنسبه للي تقول ماتدرين الريال مره اولا هذا شيء خاص فيهم وماتفرق عندهم الريال عن المره ممكن وحده تبيع بمحل وكل شيء ومحترمة اخر شيء تطلع ريال بس صدقوني الريال اللي متحول مره عندهم محترم اكثر من المره نفسها

والفنادق يوروج ليش شيء وتنصدمين بشيء لان التصوير يكون من اول ما بنو الفندق يعني قديم انتي اذا تبين تضمنين ان حلو تاكدي اذا جديد خلاص

 

[خوخة الحلوة]

انا بعد جذي سمعت حتى زوجي ما رضى نروح بتايا
راح نروح بس حق بانكوك وبوكيت
والله يستر بس على قولتج اذا انت واثقة من زوجك خلاص
كل شي عادي واهم الشي الثقة

 

[ام الحوراء زينب]

لا يبا بتايا عادي توا رادين ارفيجاتي قالو الوصاخه بروحها مكانها والجزيره ككل حلوة
والله مادري عاد

 

[^^ام ميمي^^]

بتايا مو جزيرة بتايا منطقة قريبة من البحر وماتسوى الروحة لان طريجها من بانكوك لي بتايا ساعتين تقريبا او 3 و تروحيلها بباص او تاكسي واللي رايحة بانكوك وشايفة شارع العرب (( غريس )) اهوا عبارة عن صورة مصغره عن بتايا

 

[pink.girl]

بنات انا بسافر وبشتري جناط وساعه غريبه و حلوه وتقليد الدرجه الاولى ويديده

من وين اشتريهااا ؟؟؟
وجم الاسعار الجناط والساعات؟؟؟؟؟

 

[^^ام ميمي^^]

اذا تبين ساعات التقليد درجة اولى لازم تكونين شايفة الساعه و ماخذه صورتها علشان تتاكدين ان نفسها بالضبط وتكون توها نازلة


انا قبل لا اروح هناك نزلت جم ساعة كانو توهم نازلين واشتريتهم من هناك لقيت جم وحده بسوق الليل البات بونغ و جم وحده عند فريدة علي و عند وحده اسمها ليلى داخل مطعم محلها من المطاعم العربية بشارع العرب

والساعات على حسب يعني عند فريدة والمحلات تلقينهم غاليين اما بسوق الليل او من الريايل اللي يمشون بالشارع واييج يكلمج بالمساسر يقولج تبين ساعات تلقين عنده ارخص وطبعا السعر اللي يقولج تنزلين نصه

 

[عسولة الأبلات]

للرفع.........

 

[د-سوسه]

بنات احنا سفرتنا عشره ايم انا وريلي اشلون اقسمها الحين عقب كلامكم شلت بتايا من الحسبه شلون ارتبها بين بوكت وبانكوك وشنغماي ؟؟؟

 

[سفرجل]

3 ايام بانكوك و4 بوكت و3 شنغماي
ماادري عن شنغماي بس بوكت تستاهل 3 الي 4
لانه حلوه واذا انتي من النوع الي اتحبين السوق قعدي بالبانكوك اكثر
واتروحين واتردين بالسلامه
بس ممكن اعرف جم طلع عليكم التذاكر وعلى اي طيارة

 

[د-سوسه]

التذاكر ليلحين ما حجزتها بس الاتحاد والاماراتيه اهم الي علي راس القائمه واثنينهم فيهم حجز

 

[futooosh]

السلام عليكم
انا الحين في بانكوك وصلت من اسبوع
وبقعد ان شاءالله شهر تقريبا
واي اساله انا حاضره

 

[بطاط مهروس]

ودى اشوفج ....بس روحتى يوم ردتج
يوم 28/7................. 6/8
رحلة سعيدة انا وريلى ولدى وحماى ومرتة وبنتة وحماى ولد خالتهم ................. ما شاء الله قروب حلو
بانكوك تايلند بانكوك

 

[منجة]

بنات انا الحين في بانكوك وين القى شاي الرجيم

 

[futooosh]

مادري بس اذا رحتي mbk الدور الثالث
تلاقين كشكات بالممر عندهم كريمات وحبوب تخسيس ويمكن تلاقين الشاي مال الرجيم

 

[فديت حبايبي]

السلام عليكم شلونكم
ديروا بالكم بنات من تايلند انا اختي توها راده وفيها انفلونزا الخنازير بس الحمد لله اليوم صارت احسن وربي يستر الحين اخوي هناك احرصوا على عيالكم

 

[ogany]

!!! ماكو إبرة ناخذها قبل لانرووح ؟؟