المرة الكبيرة اللي طالعة من الحداد شنو تهدونها ؟؟؟؟؟؟

[.. مـــلاكـ ..]

امبيه اول مره اسمع هالشي؟؟
مسكينه ريلها مات وانتو تعطونها هدايا ؟

 

[قطوة@@]

بس سوو لها عشا بدون هدايا


و اذا تبين تعطينها هديه عطيها برمضان بخور و عود

 

[SILVER ROSE]

انا خابرة بس عشا توسع صدرها مع اللمة بس ان يصير استقبال بليز لاتسوونها هبة يديدة

 

[حمرة الورد]

عشا كافي والله يرحم المتوفي

 

[ام عفاف الكويت]

روحي واخذي معاج قطعه خام وبخور طيب ودهن عود وسوه لها عشاا بس مو نظام قوي واستقبال واحتفال
بس طلعتها من الشر عساها لاتعوده

 

[Th@RbAh]

الغرض انها تذكرها بشي و تفرحها مو القصد تهنئة او شي جذي
(عادي ما فيها شي يكفي تفرحينها و تذكرينها بشي تحسسينها بأهميتها)
اخذي مثل ما قالوا البنات قطعة خام حلوة و بخور و عطور ..
و الله يرحم موتاكم يارب .

 

[غرشة عطر]

عادي انسوي حق اللي تطلع من العده عشا عاااااااااااادي بدون اي بهرجه وكل من يعزمهاااا من صوووب
وانا امي يوم اطلعت من العده يوم توفي ابوي الله يرحمه ويغمد روحه للجنه بس بعد 7 شهور جذيه شريته لها اساور ذهب مع خاتمها والله مالبستها الا بعديــــن من الحزن علي ابوي انا قصدي انسيها واونسها

 

[*الجادل*]

انا اللي اعرفه يسوون لها عشا

بس يهدونها مادري احس مو حلوه


اذا بخاطرج تهدينها انطري بعد فتره واهديها (رمضان ع الابواب اهديها برمضان او العيد)

 

[بناتي سكر نباتي]

والله انتن يالحريم طلعون بدع ما انزل الله بها من سلطان
من عمرنا نعرف وحدة توفى زوجها الله يرحمه وهي تعتد والسلام .........خلصت عادي لايسوون عشا ولا خرابيط ...شنو استقبال الحين ويقهوونها ..وش هالخرابيط
والحين تقولون هديه ؟؟؟؟!!!!!!!!!!!!!!!!
الحمدلله والشكر الله بس يثبتنا على الدين
اذا بخاطرك تهدينها تقدير لها اختاري مناسبة مثل رمضان حتى المرة ماتستغرب وقت الهديه

 

[أم جوري]

الله يهداج المرى طالعه من حداد تشترين لها هدية ؟ على شنو عشان ريلها ماات صراحه غريبه
يعني اهديها عقب مو بمناسبة طلوعها من الحداد جريب رمضان وديلها بخور ودهن عود وقطعه خامه بس الحين مانصح
تقبلي مروري

نفس الكلام ...

 

[bride collection]

لا عادي من عمر الدنيا واحنا نهدي الارمله اللي تطلع من العده هديه و نسويلها عشا

لان جنها طالعه بالسلامه من العده

بالعكس تهادوا تحابوا

حبيبتي اهديلها دراعة حلوة تناسب عمرها و صندوق حطي فيه خلطات و بخور


وونسي المره احسن لج

 

[*truth_love*]

اولا ..الله يرحم زوجها..ويسكنه فسيح جناته ..والمسلمين اجمعين

ثانيا ..اول مره اسمع هديه للي طالعه من الحداد..بس بصراحه فكره حلوه..لادخال الفرح والبهجه..لنفسها ..

ثالثا..برايي احلى هديه لمثل هالمناسبه.وبهالوقت خصوصا دخول رمضان ..انج تجيبين صندوق خشب كشخه..وتحطين فيه شوية ورد

مجفف..تعطرينه..تالي تحطين داخل الصندوق(مصحف) ..وتحطين يمه دهن عود فخم من المرشود ..تلاقينه بسوق الديره ..يهبببل

تالي تسكرين الصندوق..وتلفين عليه شريطه ساتان..نفس لون الورد المجفف..وتسوينها فيونكه..سهله حييل ..وسلامتج وتعيشين << حدها قرقه

 

[طير الحب]

اول مره اسمع هديه للي طالعه من الحداد

 

[ام خالد 78]

والله مادري انا ماعرف بهالسوالف كلش

 

[فدوان]

قطعه خام عشان تفك الحزن
وطقم فراش لفراشها
وديرم
وحنه
ودهن عود
وبخور

 

[نور بوبيان]

موحلوه كلش...

 

[بزنسجيه]

اول مره اسمع انه اللي تطلع من عده يهادونها

انا اشوف انه ماله داااااااااااعي كلش

شنو المناسبه حق الهديه؟؟؟

 

[شمع تحترق]

حبيبتي هذي مره كبيره يعني ممكن تنقد عليج لانه يا الغاليه الحركه منقوده عند العرب

و لو انتي مكانها الله لا يقول و بعيد الشر اتهقين بتفرحين بالهديه ليش فرحانه انج افتكيتي منه و لا شنو

تري الحركه حدها بايخه و الوحده بعد العده اضيق عليها الوسيعه زياده لانها بتبدي تطلع بدونه فمالها خلق هل سوالف

خليها على القرقيعان و سوي لها شي معتبر و مخصوص تري اول رمضان كله بجي لانه اول رمضان بدونه و يصير ضيقة خلق حق البيت كله

بعدين مرت حماج بتضايق جنج فرحانه بموتت ابوها

 

[فديت منورة]

ما فيها شي عادي

تهادو تحابو

بس خليها برمضان احسن

 

[tooota_]

ييبيلها ريل
شوفي خطابه زينه واهديها زوج يديد
لووووووووووووووووووووووووووووول