لي رجعة معاكم.. بس باقول اللي بقلبي....وافرغ الشحنة اللي كاتمة على صدري...
اعترف... اني مرة خطيت بحقك...
وبكل امانة عقب صارحتك....
لاجذبت ولانفيت...
ولا باصرار على الغلط رضيت...
واعتذرت لك ....
مثل اعامل روحي عاملتك ....
ومثل ما احب نفسي... عشقتك...
شالطاري... تبي تعرف يافلان شالطاري...
ليش ذكرتك؟؟؟ واليوم بالذات رجعت اعتذرت لك؟؟؟
اليوم...يا فلان انتهينا...
بلحظة..مثل ما ابتدينا...
حسبت اني بيومين بانسى...
وحسبت روحي يا فلان... اقوى...
صرت بصراحة ضعيفة...
ولماضيك ... اسيرة...
مابي شي منك...
مابي غير ان طيفك يتركني...
وابي صوتك...عن الهجر... يكلمني...
يمكن عقبها انسى...
واقسى قلبي... واتحمل...
ماني مراجعة كلامي...
ولا ابي ازيف احساسي...
هذا كلامي اليوم...
وهذا احاسيسي...
يمكن باجر يتغير..
وينقلب حالي ويتغير...مثل حالك...
وكلامي..يصير كلامك...
يمكن عقب سنة..
ارجع اقرى اللي كتبته واضحك...
اشلون حبيتك... واشلون بالهجر كنت اتعذب..
ويمكن عقب سنة...
القى احساسي.. لك ما تغير...
بصراحة...
ابي ارجع... واقرى..واضحك...
مابي وجودك بحياتي يستمر...
مابي طيفك بكل لحظة علي يطل...
