كللووووووووووش البشارة

[ام يوسف القمر]

يعني نزل القرار نزل عن نقص التذاكر ان شالله

 

[ريحة الحنه]

يابنات هم قالوا ارسال المرضى للعلاج بالخارج مع تحمل نفقات علاجهم ماجابوا طاري المخصصات قالوا نفقات علاجهم يعني اتوقع بس المستشفى
انتوا اشرايكم؟؟؟؟؟؟؟

 

[ام يوسف القمر]

صح توني قريتة بجريدة صح نفقات العلاج فقط

 

[ام_مرام]

الحمدلله
جزاج الله خير

 

[كيكه^_^]

عسكر: الصحة وافقت على إرسال المصابين بالعقم إلى الخارج


أعلن النائب عسكر العنزي أن وزارة الصحة وافقت مشكورة على إرسال المواطنين المصابين بالعقم الى الخارج، مع تحمل نفقات ومصاريف العلاج.

وقال العنزي في تصريح صحافي أمس ان «موافقة وزارة الصحة على ارسال المصابين بالعقم، كانت من ضمن الاولويات التي سعينا جاهدين إلى تنفيذها من دون تحمل المواطن تكلفة العلاج»، مشيراً إلى ان سمو الشيخ ناصر المحمد رئيس مجلس الوزراء كان له الدور الفعال في هذه القضية، إذ أعطى تعليماته إلى وزير الصحة الدكتور هلال الساير الذي وعد مشكوراً بإرسال المصابين بالعقم الى الخارج مع تحمل نفقات علاجهم.

وقال العنزي ان المصابين بالعقم من المواطنين يبلغ عددهم نحو 350 شخصاً تقريباً، ولذلك طلبنا ضرورة الاهتمام بهم واعطائهم الاولوية في العلاج بالخارج.


( منقول من جريدة الجريده )
25 يونيو 2009

 

[كيكه^_^]

صح مو مكتوب مع المخصصات ؟!

 

[بمبة المفترسة]

قرار ماله معنى اكوو عندنا بالكويت علااج ليش الخارج
وبعدين شدعوة يابوا هالعيال شيبون يسوون فيهم بيقطوونهم على الخدم ونبي عيال ونبي عيال
قرار فاشل ويخدم ربعهم بس

 

[ريحة الحنه]

استغفر الله
اختي بمبه المفترسه احمدي ربعج عالنعمه الي انتي فيها وترا العقم والحرمان مو شي بسيط
لاحول ولا قوه الا بالله بصراحه مادري شرد عليج
الله يسامحج

 

[كيكه^_^]

قرار ماله معنى اكوو عندنا بالكويت علااج ليش الخارج
وبعدين شدعوة يابوا هالعيال شيبون يسوون فيهم بيقطوونهم على الخدم ونبي عيال ونبي عيال
قرار فاشل ويخدم ربعهم بس

قولي الحمدلله لا باجر الله يبليج واستغفري ربج اشهالكلام!!!!

وشي ما اتعرفين فيه مالج شغل تتكلمين فيه انتي تدرين شنو فيهم وشنو مرضهم علشان تحكمين ان علاجهم متوفر بالكويت!

 

[RAIN FALL]

الاخت بمبه المفترسه انا اثني علي كلام اختي كيكه بارك الله فيها و اعتقد يا ان الموضوع انتي ما تفهمينا و لا انتي خالف تعرف
و الخطا واضح في تقديرك لذا اطلب منك سحب و الاعتذار عن هذا الكلام الي ما منه فايدة الا جرح اخواتك
و الاعتراف بالخطأ فضيلة

 

[نــعــوومــه]

صح يابنات بيمشون المخصصات.........بس بنفس الوقت بيوقفون العلاج حق الدول الأجنبيه.......

بس فاتحين العلاج بالسعوديه والأردن..........

 

[**اريج**]

قرار ماله معنى اكوو عندنا بالكويت علااج ليش الخارج
وبعدين شدعوة يابوا هالعيال شيبون يسوون فيهم بيقطوونهم على الخدم ونبي عيال ونبي عيال
قرار فاشل ويخدم ربعهم بس

وعن أبي هريرة -رضي الله عنه- قال: قال رسول الله -صلى الله عليه وسلم-: من كان يؤمن بالله واليوم الآخر فليقل خيرا أو ليصمت

اذا عندج كلام ينقال تعبي نفسج و اكتبيه و اذا ما عندج ياليت تكرمينا بسكوتج
واذا في شي "ما له معنى" فهو كلامج اللي ينبع من قلت عقلج و سذاجة تفكيرج
والبنون زينة الحياة الدنيا شنو "شيبون فيهم" شهالكلام السخيف
وبعدين الاخت مجربه العلاج هني عشان تفضل علينا باقتراحها المميز
واذا على قطت العيال عالخدم فكلن يرى الناس بعين طبعه
وياليت تثمنين كلامج قبل لا تكتبينه لان "ما يلفظ من قول الا لديه رقيب عتيد".اذا تعرفين ربج و تعرفين ان الله حق
وياليت خواتي يسمحولي عالكلام اللي قلته لان البشر هذي ما تتعامل الا بهالاسلوب

 

[ام تركي2008]

جزاج الله خير

 

[RAIN FALL]

بارك الله فيك كفيتي و وفيتي رحم الله والديك

 

[om_jsoom]

قرار ماله معنى اكوو عندنا بالكويت علااج ليش الخارج
وبعدين شدعوة يابوا هالعيال شيبون يسوون فيهم بيقطوونهم على الخدم ونبي عيال ونبي عيال
قرار فاشل ويخدم ربعهم بس

اول شي هذا شي مو انتي تقررينه وتقولين ان العلاج متوفر بالكويت او لا وحمدي ربج علة هالنعمه الي غيرج يسوي كل شي عشان يحصل عليها واذا انتي مو مهتمه بعيالج وقاطتهم على الخدامه موشرط كل البنات هاملين عيالهم
بدال لا تفرحين حق خواتج وتباركيلهم هذا كلامج
الله يسامحج واستغفري ربج وحمديه لان انتي بنعمه موحاسه فيها

 

[om_jsoom]

صح يابنات بيمشون المخصصات.........بس بنفس الوقت بيوقفون العلاج حق الدول الأجنبيه.......

بس فاتحين العلاج بالسعوديه والأردن..........

نعومه منو قالج ان بس السعوديه والاردن؟؟
ماسمعت ان بيوقفون عن الدول الاجنبيه

 

[نــعــوومــه]

نعومه منو قالج ان بس السعوديه والاردن؟؟
ماسمعت ان بيوقفون عن الدول الاجنبيه

يااختي انا موعدي مع اللجنه كان امس..وبلسانه قالي الرميح...جانا قرار يقول بس خلاص

لااتدزونهم..حق الدول الأجنبيه لأنها غاليه ومصاريف...بس فاتحين السعوديه والأردن.......

وشنو مخليني منهاره غير كلامه اللي يسد النفس..​

 

[كندوش]

اللهم لك الحمد كما ينبغي لجلال وجهك وعظيم سلطانك
الحمدالله مبروك يابنات والله عوض صبرنا خير من ترجى الله ماخاب واليوم انا من قريت الخبر الصبح دقيت سيارتي سلف ورحت العلاج بالخارج اتاكد من الخبر والحمدالله طلع اكيد بس قالي الدكتور ان ليللحين ماحددو الاليه لصرف المخصصات بس القرار يشمل الكل حتى اللي راحوا على حسابهم بخاطبون كل المكاتب الصحيه عشان يصرفون لهم المخصصات

 

[أثير الورد]

الله يرزقنا

 

[اشتاق الى الجنة]

الحمدلله حمدا كثيرا كما بنبغي لجلال وجهه ولعظيم سلطانه

الف مبروك على المخصصات

واللي تحس نفسها مو ناقصها شي فالتقل الحمدلله ولا تحسد فالحسد يقطع الرزق اللهم لا تجعلنا من الحاسدين اللهم ارزقنا جميعا
وجزاكم الله خير يا بنات