ولدى واكله طوووول اليووووم تعالوا شوفوا وساعدونى

" ام حمود " قال:

الله يخليه لج
بس نصيحتي خليه ع طبيعته احسن يعني لاتزيدين الاكل عنه ..
وياهل مره يضعف ومره يمتن

أنقر للتوسيع...

آهات الليل قال:

الله يحفظه لج وتشوفينه معرس
ايه ماشالله جذي اكله صحي وزين
بس هم اي شي تاكلينه حاولي تذوقينه شوي عشان تنفتح نفسه عالاكل
حاليا حاولي تدخليله الدياي والعيش
لازم يتعشى فديته
لاتدققين عالاكل وكليه ذوقيه
وهم فواكه عطيه شوية تفاح وموز وهالسوالف
وان شالله يفيدونج باقي الامهات
انا اخر العنقود عمرها5شهور
وناسيه شلون كنت اوكل بناتي ؟؟ لما كانوا بعمر ولدج الله يحفظه

أنقر للتوسيع...

كتكوته22 قال:

حبيبتي نصيحه اخذي كتاب دكتوره ريم قنواتي وانتي مقمضه واااااااايد راح يفيدج وفيه جدول مكتوب شلون تنظمين يومه بالوجبات
وترى شويه رضعتين باليوم المفروض 3 رضعات باليوم بكتبلج بالمختصر الجدول الي بالكتاب
اول ما يقعد من النوم سويله رضعه بعدين لازم ريوق سويه كورن فليكس ولا توست وجبن او لبه او موزه مهروسه مع جبن او سيريلاك وفيه بعد اكلات وايد حق الريوق موجوده بالكتاب

بعدين غدا لازم تدخلين لحم ودياي وسمج يعني وكليه من اكلكم اسم لله عليه 10 اشهر ياكل من اكلكم مثلا سويتي مرق كثري القرع والكوسه والبطاط والجزر وهرسيه بيدج مع اللحم او الدياي والعيش وعطيه


العصر مميه
بعدين سناك مثلا محلبيه او روب زبادي او بالنكهات او جلي محلبيه بالشوفان والمكسرات الخ
بعدين عشا خفيف مثلا فوحي قرع وبطاط بعدين حطي عليهم قفشه جبن قلاص وايد اكلات موجوده بالكتاب
وبليل قبل لا ينام ممه والله يحفظه


بس نصيحه اخذي الكتاب وانتي مغمضه واالله انا نفسج بجر وما فادني غير كتاب الدكتوره والحلو فيه فيه تنوع بالاكلات يعني جنه كتاب طبخ

أنقر للتوسيع...

كتكوته22 قال:

العفو حبيبتي لا شكر على واجب احنا خوات بمنتدى وحده تساعد الثانيه


الكتاب تحصلينه بمكاتب الجمعيات ومكتبه جريرومركز سلطان والمكاتب الي بحولي يمكن مو متاكده بس بسرعه يخلص يعني انا حست شكثر ادوره بعدين حصلت اخر كتاب موجود بمكتبة جمعيه بالصدفه
ووايد بنات بالمنتدى يقولون موجود بالنتناشونال اكلينك المكان الي تشتغل فيه الدكتوره وان شالله تحصلينه بسرعه بس جد راح يفيدج وايد

أنقر للتوسيع...

opera قال:

الصبح بس رضعه

وينطر لي الغدا !!


يبيله وجبه بينهم

أنقر للتوسيع...

cheese cake 84 قال:

شوفي الصبح اول مايقعد رضعه عقبها سويله توست مع لبنه ولا مع جبن وكليه قصيهم صغار ووكليه الغدا عيش ومرق سمج لازم مره بالاسبوع دياي فوحيه مع خضار ونتفيها مع الخضره عندج العصر سيرلاك او موزه تفاح مهروس بسكوت اطفال مع حليب وترا العشا لازم ولا ياذيج بليل كل شوي قايم لان يوعان عشيه توسته بيضه شوربه خضار والرضعات قسميها انتي على مواعيد نومه بس شويه رضعتين ترا وااايد شويه :/ اقل شي 4

أنقر للتوسيع...

حـنـيـن 83 قال:

استفد كثير يسلمو صاحبة الموضوع

أنقر للتوسيع...

noynoy قال:

لا حرام
الصبح حليبه
بعدين سويله ريوق صفار بيض مخفوق او مفيوح مع جبن كيري
او كورن فلكس
او توست مفتفت و لبنه و زعتر بس خليه لين عسان ما يشرق

بعدين الغدا
(عيش مصري او بسمتي _ او مكرونه صغار _ او شوفان + خظار منوعه (كوسا قرع بطاط جزر طماط زهره بروكلي او عندح الخظار المجمده الجزر و البزاليا، السبانخ الملوخيا البروكلي +و لحم _او دياي_ او جبده دياي _او عدس)


بعدين الحليبه


بعدين كويكر ( شوفان ) مطبوخ مع فاكهه (تفاح - عرموط - مشمش - كوج - تمر - مشمش مجفف - تين مجفف - اراسيا مجفف ) مع شويه ماي
او
روبه اكتيفيا مع موزه
او
مهلبيه دانيت

و بالليل قبل لا ينام حليبه

و انشالله يمشي هالنظام معاه و اذا تبين اي سؤال قولي

أنقر للتوسيع...