المساعد الشخصي الرقمي

مشاهدة النسخة كاملة : منو عنده شاليه للأيجار (تم دمج المواضيع المتشابهه)


الصفحات : [1] 2

السفيرة عزيزة
03-05-2005, 12:40:02 AM
بنات بلييز ابي مساعدتكم

اللي تعرف شاليه خاص للايجار
يكون في بنيدر او الخيران
و يكون نظيف و واسع

تعلمني بسرعه

محتاجه شاليه باسرع وقت

ابي اغير جو

السفيرة عزيزة
04-05-2005, 02:03:56 AM
اشدعوة يا بنات


كلكم ما تعرفون ولا شاليه

srabeel
04-05-2005, 02:33:10 AM
والله أنصحكم بشاليه هوليدى إن الخبر روعه رورعه روعه شويه عليه صج منتجع كامل

بس إذا تبين بالكويت روحى شاليهات فيلجا تينن العام أخذت شاليه مال الفندق مو مالوت ناس وحجزت إلى داخل البيت حمام سباحه أقولج ما خليت شى ما لبسته أنا وعيالى وبس وأخذنا راحتنا وفيه مطعم وخبز إيرانى ونخى باجله ( أدرى بتضحكون على )

وعندج هذا الشاليه نظيف وأهم شى مافيه فيران لأنه الحوش ماله مافى زرع وثيل علشان جذيه مافيه فيران ( أهم شى عندى ) وبعدين فيه عرزاله بس تدرين ترى بخور العمى بس توهم محفرين جدتمهم فالماى موجود حتى لو راحت المايه

هذا رقمهم 9019065
وبعدين أبوى عنده شاليه بس ما ياجر وإلا جان عطيتج الرقم
بس أنصحج بشاليهات الخبر والله غنهم روعه غن شاء الله أحط لكم إصورهم وبعدين شاليه فيلجا ترى أهو فندق وماسكينه إدارة فندق ساس يعنى نظيف والله وناسههههههه

srabeel
04-05-2005, 02:55:08 AM
الفندق مكون من غرف فندقية فخمة وشاليهات كبيرة وصغيرة
ومجموعة من المسابح والشاطئ الرملي المميز

منظر للمسابح أمام الفندق


http://aif.jeeran.com/file/H1.JPG

منظر جانبي للشاليهات


http://aif.jeeran.com/file/H2.JPG

بالنسبة لغرف الفندق فهي فخمة جداً ومجهزة وكبيرة ، وجميع الغرف مطلة على البحر

أما الشاليهات فهي نوعان صغيرة وتحوي على صالة كبييرة جداً وغرفة نوم بالإضافة إلى سيرفس (مطبخ )

أما الشاليهات الكبيرة ففيها غرفتين

الشاليه من الداخل ( مع الاعتذار على عدم وضوح الصورة كنت مستعجل )

http://aif.jeeran.com/H99.JPG

والشاليه من الخارج

http://aif.jeeran.com/H9.JPG

منظر عام للفندق وجميع الغرف مطلة على البحر

http://aif.jeeran.com/file/H5.JPG

كما يقام في الفندق يومي الخميس والجمعة برامج ترفيهية للأطفال بشكل مستمر

http://aif.jeeran.com/H7.JPG

srabeel
04-05-2005, 02:58:34 AM
مناظر مختلفة للشاليهات


http://aif.jeeran.com/H6.JPG

http://aif.jeeran.com/H8.JPG

والمســــــــــــــابح

http://aif.jeeran.com/file/H3.JPG

ترى الصور مو منى بس انا العم لما شفتها رحت للمنتجع والله إنه من أروع المتجعات وكفايه مافيه مفاصيخ ومغازل نفس الخيران

أغلى حبيبه
04-05-2005, 03:32:33 AM
سرابيل انتي اجرتي شاليه بفيلجا
ولا بالكويت اسمه فيلجا

أغلى حبيبه
04-05-2005, 03:55:43 AM
اي وسرابيييل نسيت اسالج

بجم ليله الشاليه اللي بالخبر

srabeel
04-05-2005, 04:29:27 AM
أغلى حبيبه لا أنا قصدى فى فندق بجزيرة فيلجا وإدارته فندق ساس ف مسوينه نظام بيوت قديمه وفيه غرف إذا ما تبين البيوت وفى بيت إلى أنا اجرته داخله حمام سباحه وفيه بره حمام سباحه حق الكل بس سعر البيت ب 80 دينار وهم الخبر ب 80 دينار بالليله

om_nasser
04-05-2005, 04:47:21 AM
قوة سرابيل؟؟؟
بغيت اسالج يصير ااجر بس ليله وحده؟
واشلون عن الحجز يعني احجز قبل ابفتره طويله؟
انتي اي شهر رحتي؟
كان وناسه؟
والشاليه اللي فيه حمام سباحه جم غرفه فيه واشكبره؟
مشكوره

srabeel
04-05-2005, 05:39:01 AM
هلا والله أم ناصر الله يسلمج الرقم إلى حطيته مو شاليهى لا هذا واحد مره اجرنه شاليهه وبالحرى اهو ما يروحله بس ماخذه للأجار متشارك مع أخوه جنه جذيه بس والله ما أذكر جم أجرناه لأن كنا رايحين قروب يعنى حماواتى وخالتى وعمى وبيت الريال جنه على ما أذكر بالصباحيه أو شى جذيه فلازم تحجزين قبلها

وبالنسبه لفيلجا فأعتقد عادى تقدرين تحجزينه ليله لأن أصلاً أهو فندق فعادى

إيه نسيت البيت إلى اجرته وطبعاً كان أهو البيت الوحيد إلى داخله حمام سباحه ويمه بقاله ( علشان يكمل الشكل مثل بيوت أول وأصلاً إهى بيوت مجددينها وبيوت بانينها يديده ومسوينها فندق
( ترى بيوت أهلنا من ضمن البيوت إلى داخله ضمن الفندق ، وإذا طليتى بره تلاقين بيوت ما جددهوها سكراب هذى بيت عمى وبيت جدى ) ما علينا

المهم أنا رحت شهر 8 وأنصحج تروحين الخبر ترى صج من أحلى المنتجعات إلى رحت لها تاخذين راحتج عدل والله ناس مستورين والحمام سباحه على مستوى طبعاً من عمر البيهل أشهر توه يقعد إلى الكبار . يعنى شى متعوب عليه

srabeel
04-05-2005, 05:48:33 AM
إيه ام ناصر إسمحيلى نسيت أقولج تسغلينى إذا وناسه أقولج حييييييييييل إستانسنا ترى عندنا شاليه بفيلجا والخيران بس الفندق إلى بفيلجا رووووووووووعه وناسه يعيشج بوقت ما عشتيه أيام قبل بس ناقصنى البخنق والوزار حق اليهال

والله يسلمج الشاليه بفيلجا فيه غرفتين نوم كل غرفه فيها 3 أسره ونظيف وفيها حوش وبالوسط حمام سباحه ودوانيه وستلايت ومطبخ بس فيه الكتل ( الغلايه مالت الماى الحار ) مافيها جوله
وفيها ثلاجه بس طبعاً مو كبيره حيل

وقبال الدوانيه فى قعده وفوقها مثل عريش على ما أعتقد وفيها كراسى للقعده بس حلاته يمعه والله أنا رحت بس بروحى وهم إستانسنا عاد ساعات إذا ما اجرنا تلاقينا نتمشا بفيلجا عاد نشوف الناس إمأجرين بس إيون قروب كامل يعنى وناسه وييبون جوله صغيره وغاز بس ما يسوى إذا بتقعدين جم يوم غكلى خبز وجبن وغلا خبز إيرانى ونخى وباجله وبعدين في مطعم بس طبعاً يعنى مو تب تب المطعم بس زين لا باس

miss fabulosity
04-05-2005, 06:01:46 AM
سرابيل اقدر احجز عن طريق ساس الى بديره ولا لا
اسفه بس مافهمت عليج الرقم هذا صاحبه عنده شاليه
بفيلجا ولا شنو ياليت اتوضحيلى
ادرى انى ملقوفه بس سؤال عادى اذا ماجاوبتيه انتى
فيلجاويه ؟؟؟؟؟؟؟؟

srabeel
04-05-2005, 07:09:04 AM
وسومه ضحكتينى والله الله يسلمج شوفى يمكن انا إلى ما أعرف أشرح ميخالف

هذا الرقم مال الشاليه إلى بالخيران إلى حجزناه أنا وحمولتى لا باس فيه نظيف بس مو طابقين وصاحبه يأجره على طول بس لازم تحجزينه من فتره وبعدين لازم تدفعين الفلوس عربون أو كامل ما ذكر

وبعد الشاليه إلى بالفيلجا تقدرين تحجزينه من فندق سفير قوليلهم أبى أحجز بفيلجا واهم بقولولج كلشى وبعدين فى نظام غرف إذا ما تبين تحجزين بيت

يالله اى سآل ثانى انا تحت الخدمه يا وسوووووووووووومه

miss fabulosity
04-05-2005, 08:54:59 AM
وناسه سرابيل انا ابروحى اموت على الفيلجاويه من زمان والله من قبل
لا اتزوج والله رزقنى بفيلجاوى:)))))))) الله يخليه لى معنه احنا 2 كل واحد
طريجه غير عن الثانى بس الحب ومايسوى حب اول مو الحين :) والله يخليلنا
فيلجا واهلها وخلاص انتى عزيزه على انتى صرتى من الاهل :))))))))))))))

om_nasser
04-05-2005, 09:40:20 AM
واااااي شوقتيني سرابيل بقول حق ريلي عشان نحجز :)
ادري اني اذيتج بس اخر سؤال البيت الليله 80 دينار؟؟؟؟؟؟

srabeel
04-05-2005, 12:41:09 PM
أقول بنات والله إنى آسسسسسسفه إنى تخربطت ميخالف العتب على الذاكره

أنا قلت لكم إن الفندق مال فيلجا تابع فندق ساس بس ترى مو ساس لا لا اهو تابع حق سفير حتى إسمه قرية سفير التراثيه لجزيرة فيلكا


المهم لا تنسون ترى مالت سفير وهذا رقمهم 2520600هذا للتنبيه

srabeel
04-05-2005, 12:43:09 PM
يحليييييييلج يا وسومه أثارى انا من الأهل ونا ما أدرى عاد تدرين أنا ما أعرف أحد البته شفتى يعنى أبد ما أعرف بي أعرف عماتى والحين أعرف بيت حمولتى لأنهم نفس العايله المهم تشرفنا وفرصه سعيده وإنشاء الله بس يعجبكم المكان مثل ما عجبنى أنا واليهال .

أم ناصر ترى صج روعه إن شاء الله يعجبج إيه والله إلى اذكره إن الليله 60 إلى 80 مانى ذاكره بالضبط

al7anona
04-05-2005, 12:57:07 PM
ما يحتاي اقولج اتوقع البنات ساعدوج

al7anona
04-05-2005, 12:57:45 PM
srabeel
مشاءالله وايد حلو المكان حده حلو

srabeel
04-05-2005, 01:09:42 PM
شمعة الحب عيونج أحلى

بس ما يمنع إذا عندج شاليهات للأجار حطيهم لأن تدرين الناس أذواق ويمكن يعجبج وما يعجب غيرج فأدلى بدلوكككككك

ديحانية+كويتية
05-05-2005, 02:15:33 AM
السلام مشكورين علي الموضوع الحلو الحين سرابيل ماعليج امر اللةي فهمتة اذا بحجز عن طريق سفير صح وثانيا الليلة ب80 دينار صح بس بسأل عن نهاية الاسبوع غير ايام الاسبوع العادية وهل فية زحمة وفية اكل هناك ولا لازم اجيل لان اذا بروح بروح عايلة وبالنسبة للعبارة سعرة غير الشالية وفية زحمة ولا عادي اي وقت احجز وبالنسبة للشالهاتة مطلة كلها علي ابحر ولا بس البيت الكبير اهو اللي مطل والحمام السباحة بس بالبيت الكبير وهل في مجال احنا يالحريم ناخذ راحتنا نتسبح بالبحر عاد انا خبري بفليجا قبل الغزو كان بحرها يجنن للحين نظيف وهل فية امان بعد واسفة علي الطوالة بس صراحة فيلجة ماتطوف

srabeel
05-05-2005, 08:32:31 AM
هلا والله يا الديحانيه والله بالنسبه للسعر ما أدرى لأنى أخذته أيام الإسبوع وبعدين ترى أيام العطل فوضه عوايل وشباب وبعدين ترى أهو مو شاليه لا أهو عباره عن بيوت وفرجان جمب بعض وفيه بينهم حمام سباحه حق الكل بصس فى فيت إلى أنا أجرته داخله حمام سباحه وسبحت لين قلت بس
والبحر شوى بعيد يبيلج تمشين 3 دقايق تقريباً مشى
وبعدين داخل القريه فى بقاله

وبالنسبه للماجله والله ما ادرى على حسب ميزانيتج بس لا تنسين ييبى جوله صغيره وأصلاً فى مطعم يبيع سندويشات وبريانى يعنى مطعم وكباين بس مستواه لا باس مقبول وبعدين للريوق فيه خبز إيرانى وباجله ونخى وآش وجبده وما أدرى شنو من هالسوالف
وبعدين بفيلجا فيها بقالتين وحده مالت عمتى وحده بقالة فيلجا مالت ناس وبعدين لازم تودين بفك وحلاو حق اليهال وجاى وحليب ومكسرات ( وجبن قلاص هذا أهم شى عندى )

إيه العباره سعرها بروحه ومن صبق لبق يعنى لازم تروحين مبجر علشان تدخلين وقبل لازم تعرفين متى تمشلى العباره.

وإذا تبين شى بعد لا يردج إلا لسانج

ديحانية+كويتية
05-05-2005, 09:39:14 AM
وإذا تبين شى بعد لا يردج إلا لسانج
عاد شنو يفكج مني صحتي بمطيرية اولا انتي اي شهر رحتي ومتي تنصحيني اروح يعني انا حاطة في بالي اخر شهر 8 ولا تنصحيني اروح اخر الشهر هذا

srabeel
06-05-2005, 12:50:01 AM
أفا عليج يا الديحانيه تمونين حبيبتى وإخذى راحتج وإن شاء الله يعجبج بس المكان لأن بصراحه تدرين الناس أذواق بس إن شاء الله يعجبج وتستانسين فيه

الله يسلمج أنا حجزته بشهر 8 تدرين أحسن لن الجو حار نار وتبين شى يبرد عليج وبعدين ترى فيلجا أبرد شوى من الديره .

إيه تعالى هم هوليدى إن الخبر روعه روعه روعه أحلى منتجع رحتله بحياتى كفايه الناس اهل دين ومستورين وكله عوايل محتشمه يعنى تاخذين إنتى وريلج راحت وبعدين ما تطلعين من المنتجع نهائ لأن كل شى فيه حتى ألعاب حق اليهال .

أغلى حبيبه
06-05-2005, 01:12:19 AM
سرااابيل

شلون على السياره نوديها ولا في هناك تأجير

جوريه
19-05-2005, 03:32:19 PM
وناااااااااااااااااااسه سرابيل بس هالصور صور فيلجاا ولا الخبر؟؟؟

انزين هوليدي ان الخبر جم غرفه بالشاليه ويشيل عايله كبيره ؟؟ خالاتي وبناتهم وخوالي وعيالهم يعني يبيلنا اربع شاليهات من طقه خيران نفس نظامهم موجود؟؟؟؟

srabeel
19-05-2005, 11:18:40 PM
الله يسلمج هذى صور شاليهات الخبر بس ترى مو نفس الخيران لا شوى أهدى وأحسن
كا شوفى الصور وبعدين الشاليه إلى أجرته ب 80 الليله وفيه غرفه وصاله ومطبخ تحضيرى وداخل الصاله حاطين سرير وهم فى نظام تأجرير بيت كامل جنه 3 غرف وما ادرى شنو بس أغلى بميه وجذيه ..

لورا
30-05-2005, 04:27:56 PM
حبيبتي ممكن تعطيني رقم الشاليه اللي بالخبر ...وقبل جم يوم لازم احجز الشاليه؟؟؟؟

السفيرة عزيزة
30-05-2005, 09:25:12 PM
مشكورين بنات على تفاعلكم

بس سرابل عندي سؤال

الشاليه اللي حاطه رقمه بالخيران

عندج صور حقه؟؟؟؟
ممكن توصفينه عدل لي

لان ودي اروحله

بريق
03-06-2005, 03:15:36 PM
سرابيل ممكن رقم اللي بالخبر بلييييييييز وشلون نحجز من عندهم .. علميني الطريقة بالتفصيل ..

بريق
08-06-2005, 02:40:59 PM
هل من مجييييييييييييب ؟؟؟!!!!!

srabeel
09-06-2005, 01:13:34 AM
آسفه يا بنات أدرى تأخرت عليكم بس بصراحه نسيت وكنت ما أدخل الموضوع مره ثانى نبهونى أو دزولى رساله وقولولى شوفى الموضوع جذيه أحسن

المهم هذا رقم منتجع هوليدي أن نصف القمر _ 8963333

srabeel
09-06-2005, 01:27:33 AM
إيه وبالنسبة للشاليه إلى بالكويت والله على ما أذكر جنه 3 غرف وصاله ومطبخ ودوانيه وبره فى عرزاله بس ترى لا تنسون على الخور العمى ها يعنى الماى إذا راحت تروح عدل بس جنه حافرين جدامهم علشان يبقا ماى إذا راحت المايه

المهم أنا عن نفسى دايما ً اودى شراشفى وكفراتنا وقطع زل علشان ما أحب أقعد بمكان غيرى وهم أأول ما ادخل أخم وامسح الأرضيه علشان أنضف حق اليهال
بس مو معناه إنه وسخ لا والله أحسن من غيره بوايد وسعره مناسب بعد


يالله إلى عندها سعاااااال أنا حاضره
وإلى عندها شاليه غير إلى ذكرتهم لا تبخل علينا

بريق
10-06-2005, 12:38:00 PM
سرابيل هذا الرقم نقال ولا شنو .. هو بالخبر صح ؟
زين ماكو فتح خط .. قصدي الكود نمبر..

^^بنت الكويت^^
10-06-2005, 03:27:42 PM
سرابيل مشكورة

الشاليه الي بالكويت بجم؟؟؟؟؟؟؟

ووين مكانه؟؟

srabeel
12-06-2005, 02:50:56 AM
بريق هذا رقم الخبر وفتح الخط والله ما أعرفه

بنت الكويت الشاليه بالخيران بس للأمانه ما أدرى جان ليلحينه يأجره وإلا وقف ؟؟

^^بنت الكويت^^
12-06-2005, 06:42:21 AM
لا الخيران وايد بعدي

انا ابي بالضباعيه

سارونه
17-07-2005, 01:40:37 AM
بنات العطله ملل والميزانيه ماتسمح بالسفر اللي تعرف رقم شاليه حلو ومرتب تنقذني فيه ....... واللي راحت شاليه وجربته تقولنا عنه ... :(

al7reyaa
17-07-2005, 01:50:58 AM
شوفي الوسيط فيه واااااااايد....


اا اجرتوا شاليه وحطيتوا حنه وطبيتوا بالبحر ويابوا لكم رقي احمر باااارد وانتوا بالبحر ( تلوع جبد السمج) تذكريني بهالغييله

عود مبخر
17-07-2005, 07:00:53 AM
حبوبه شوفي شاليهات منتزه الخليفه في ميناء عبدالله
او شاليهات كبنسكي بعد ميناء عبدالله

منتجع هيلتون في المنقف بعد

Umabdulmohsen
17-07-2005, 10:07:12 PM
اختى عود مبخر

الشاليهات اللى ذكرتيها غالية ولا رخيصة اسعارها ؟

اذا تعرفين الاسعار افيدنا لو سمحتى

looloo
17-07-2005, 10:24:55 PM
انا ارعف شاليهات الوطنيه اسعارها معقوله بس الهلتون وااايد غالي اسافر الامارات ارخص لي :)

looloo
17-07-2005, 10:25:39 PM
اعرف سوري على البدليه من كثر ما ولدي يرعف تاثرت

رمانه كويتيه
17-07-2005, 10:39:22 PM
انا اللى سامعته ان شاليهات خليفه ماجرينها سنوى على الامريكان

keeka
17-07-2005, 10:55:29 PM
اي صح شاليهات خليفه ماجرينها على الامريكان روحي الخيران جنه 3 ايام ستيديو 100 دينار
خوش شي لليهال والعايله انا استانس على الخيران
هيلتون زين بس ما يصلح لليهال

sky
18-07-2005, 01:24:50 PM
الصراحه اونس شاليه الخيران بس للأسف ماكو حجز الحين بس يمكن تلقين حق شهر 9

:: عائشه بقلبي ::
27-06-2006, 12:14:23 AM
كملوا هذا وقت الشاليهات

ضي الغروب
30-06-2006, 02:44:57 PM
صججججججج صججججججججججججج بنات لا يطوفكم شاليهات الهولدي ان بنات لا تفصخ لا قلت ادب
جو مو طبيعييييييييييييييييييييي الشاليتها روووووووووعه مريحهههههه واي ايننننننننننننننننننننننن ن

نصيحه روحوله

طبعا طريقته كلهم نفس المقاس

بس فيه

واحد فيه 3 غرف
وفي واحد غرفتين وفي واحد غرفه وفيها سرير بره هذي انا وريلي اخذناها ما انسى روحتنا لشاليه قمت الرومانسيه والهدووووء لا تاخذون اعيالكم روحو بروحكم جوووووو حددددددده وناسه وناسه

السفيرة عزيزة
03-07-2006, 09:55:51 AM
صاجه شاليهات الهلتون وايد يمدحونها

بس بجم ليلته

انا سامعه انه غالي

رشيقه
06-07-2006, 05:05:01 AM
شوقتوني الله يغربل بليسكم

بروح هوليدي ان الخبر

بس جم ليله يبيله نقعد؟

احلى الحور
06-07-2006, 06:58:07 AM
بعد نبي شاليهات ..

وكل وحده توصفلنا الشاليه الي راحتا وجم سعره ؟؟

يلا مابقى شي وتخلص العطله ومارحنا شاليه:(

سعادتي برضى ربي
07-07-2006, 07:07:00 AM
بالوسيط اليوم

حاطين شاليه في منطقة الخيران بس مو بالمتنزه لا شاليه عائلي وشكله حلوو

السفيرة عزيزة
08-07-2006, 02:08:37 PM
صج يبيله شاليه
انا رحت شايله على الخور العمي

بس للاسف الحين محجوز بالكامل

ودنا نعيدها مره ثاينه بس مافي هالشهر

بس صج شوقتوني على شاليه الهوليدي ان بالخبر

بس جم ليلته اللي راحو؟؟

Shams O Gomar
29-05-2007, 12:30:51 PM
والله يبيله نروح شاليهات فيلجا والخبر

تسلمين يالغلا

سعادتي برضى ربي
19-07-2007, 10:08:54 AM
بنات جم ليلة شاليهات نصف القمر اللي بالخبر

ممكن التفاصيل

معلمة رياض اطفال
07-08-2007, 01:44:34 AM
بنات اللى راحت شاليهات فيلجا تكتب تجربتها

srabeel
07-08-2007, 03:56:53 AM
بنات شاليهات نصف القمر كلش مو شي ما عجبتنا بس هوليدي إن روووووووووووعه روععععععععععه رووووووووووووووعه وايد حلو طبعاً بالخبر

وبالنسبه لي فيلجا في موضوع أنا كاتبته قبل فتره عن فيلجا ومعاه الصور بالتفصيل

عيزانه أدوره الحين بس نطروني بدور الرابط وحطه لكم

معلمة رياض اطفال
07-08-2007, 09:30:06 AM
سرابيل بجم كلفتك روحة فيلكا

واشلون العبارة زحه وجم ساعه بالتفصيل ابي هالامور

fajoora75
07-08-2007, 11:04:17 AM
عندنا شاليه بضبيعيه عل البحر دورين 5 غرف نوم و4حمامات وبلكونتين وصالات مفتوحه سيراميك ودشات خارجيه للاتصال

ملاك-77
09-08-2007, 02:39:00 PM
دشي هالرابط وان شاءالله يفيدج
http://www.q8yat.net/showthread.php?t=86678

حبووبة 76
07-05-2008, 01:19:29 PM
قوووووة :tek:
مثل موو مبين بالعنواان

تكفووون من عندها رقم او ارقااام شاليهاات للاجاار ؟؟؟ :gathering:

وابي تقولوون لي باي منطقة لاني ماا احب الخييراان ,, ماا يونس لليهاال :0bee2e8d89:

ناطرتكم اللة لاااااااااااا يخليي ني منكم ,,,,,,, :P_03BA:

آمييييييييين :tek:

^مرايم^
07-05-2008, 01:31:33 PM
اي والله نبي شاليهات نظيفه و مافيها مصبنه ..

يعطيكم العافيه

حبووبة 76
08-05-2008, 11:21:06 AM
ويييينكم ؟

حبووبة 76
08-05-2008, 03:45:52 PM
===============================

fajoora75
12-05-2008, 01:57:54 AM
هذا شاليه عل البحر في منطقة ضباعيه نظام فيلا دورين صالات مفتوحه والدور الاول غرف نوم وبلكونات ودشات خارجيه مع الصبي
للحجز
6545588
ام علي

حبووبة 76
12-05-2008, 06:09:06 AM
هذا شاليه عل البحر في منطقة ضباعيه نظام فيلا دورين صالات مفتوحه والدور الاول غرف نوم وبلكونات ودشات خارجيه مع الصبي
للحجز
6545588
ام علي


مشكووورة حبيبتي ....
:eh_s(8):
بس ممكن أعرف الأسعاار أهني ,,:tek:,

^مرايم^
12-05-2008, 06:55:33 AM
دقيت عليها ,, اذا بالاجازه الويكند بـ 300 و هالايام 250

^مرايم^
12-05-2008, 06:56:43 AM
حلو سعرها و تقول نظيف و مجهز تجهيز كامل و فيه العاب خارجيه لليهال و مايكرويف و كل شي , ,و سلامتكم .. اذا رحت اقولكم :)

حبووبة 76
12-05-2008, 09:39:32 AM
حلو سعرها و تقول نظيف و مجهز تجهيز كامل و فيه العاب خارجيه لليهال و مايكرويف و كل شي , ,و سلامتكم .. اذا رحت اقولكم :)


يحلييييلج مرااايم ,,,, حجزتي .......

انزييين يعني اليووم بجم .؟؟ يتراواالي غاااالي !!!

bambena
12-05-2008, 09:50:10 AM
الخيران انا وايد احبه لانه معزول عن اللويه يعني الشاليه وراه البحر بروحج واللويه والسيارات بعيد عن الشاليه

عندج كمبنسكي والوطنيه والجون حلوين

حبووبة 76
13-05-2008, 06:01:00 AM
رفعععععع

^مرايم^
14-05-2008, 05:34:49 AM
اي حبوبه بيروح زوجي يشوفه اليوم و اخذناه من الاحد لي الاربعا ,,

ابلغج بالتفاصيل بعدين , ,

تاخذينه من الاحد الى الاربعا او من الخميس الى السبت 250 دينار و قالتلي بالصيف يصير 300 و عربون 30 يردونه لو ماكان فيه شي عقبكم,,

أم الكتاكيت
14-05-2008, 07:10:16 AM
ما اعرف

foofo
14-05-2008, 11:38:27 AM
مرام اذا رحتي حبيبتي عطيناااا خبر عنه يسوى او لااااء

supermarket
14-05-2008, 12:36:20 PM
منو جرب الجون ؟

حبووبة 76
14-05-2008, 02:25:02 PM
أنا مااجربتة !

^^DADDIES GIRL^^
15-05-2008, 01:43:58 PM
مابي منتجع ابي شاليه خاص بأجر اسبوع حققولي حلمي صارلي دهر مشتهيه اطب حمام سباحه:0bee2e8d89:

♥ąϻᴑŁ♥
15-05-2008, 01:56:51 PM
حبيبتي والله كان ودي اساعدج ,,

بس ماعندي فكرة

انا كلة بكمبنسكي و الهلتون

^^DADDIES GIRL^^
15-05-2008, 02:02:04 PM
مشكوره حبيبتي كلج ذوق

^^DADDIES GIRL^^
15-05-2008, 02:29:42 PM
شدعوه!!!!!!!!!!!!!

د.شريفة
16-05-2008, 05:14:46 AM
شلونكم بنات شخباركم
بنات اللي عندها شاليه للايجار
شاليه يكون كبير وواسع وغرفه كثيره وحلو ونظيف وسنع
لاتبخل علي

ابي أأجر بالصيف انا والاهل يعني يكفي عايله
وبارد ونظيف والبحر ايينن بحر حلووو يعني يفضل يكون في ميناء عبدالله
بنيدر
جليعة

وبانتظاركم لا تطولووون علي علشان يمديني احجز

om mariam
16-05-2008, 05:44:49 AM
الله يسمع منج ويكون عندي شالية علشان أأجره لج
اجازة سعيدة

د.شريفة
16-05-2008, 05:57:02 AM
:)
يالله ميخالف ننتظر من يفيدني بالموضوع

كـلا كـلا
16-05-2008, 06:23:48 AM
شوقتينا بلغيني اذا لقيتي شي

د.شريفة
16-05-2008, 06:50:58 AM
خلاص بس احصل شي اقولج

autointoxication
16-05-2008, 08:25:24 AM
اي و الله حتى احنا نبي

^^DADDIES GIRL^^
16-05-2008, 09:15:47 AM
شوفي الوسيط حبيبتي تلقين اللي تبينه

د.شريفة
16-05-2008, 01:46:48 PM
الوسيط مافي الا في الخيران
اللي تكون المايه كلش ميح مافي مايه لالالالالالا قلت ابي جليعة والا بنيدر والا ميناء عبدالله

د.شريفة
16-05-2008, 03:50:05 PM
up up up

وهـــايب
20-05-2008, 01:38:35 PM
الهلتون يهبل

zrzooorah_q8
20-05-2008, 01:53:21 PM
اي صح الهلتون روعه والله

مضاوي..
20-05-2008, 01:54:33 PM
الهلتون
في مسبح خاص ؟؟

COOCOO-STYLE
20-05-2008, 10:17:48 PM
في منتجع حلو وقريب اسمه صحارى عند نادي الصيد والفروسيه مقابل منطقة الزهراء

بنات حواء2
20-05-2008, 10:41:39 PM
ايو الله العظيم انا بعد ودي عفيه بنات فيدونه
حتى لو فندق يكون فيه حمام سباحه خاص ودي
و الله
مره شريت بكينيات اول ما تزوجت ماركت شنيل و و سان لوران و الحين ودي البسهم
بس اشلون حلات بحوض سباحه عفيه الي تعرف تقول

مضاوي..
21-05-2008, 11:20:54 AM
؟؟؟؟؟؟؟؟؟؟؟؟؟

ام عفاف الكويت
21-05-2008, 11:23:59 AM
الهيلتون المنقف
تأخذين الشاليه الكبير في حمام سباحه داخلي تقريبا الويك اند فيه 400 دينار
او اكثر بجم دينار

بس مرات يسوون عروض

دخــــــــــــــــون
22-05-2008, 02:29:34 PM
صحاري شاليه خاص فيج مع حمام السباحة

Na77olah
22-05-2008, 04:13:51 PM
وين صاير صحاري وعلى جم اسعارهم ؟؟؟؟؟؟؟؟؟؟

candle-tears
23-05-2008, 12:41:53 AM
انا سامعه بمنتجع النخيل بس مو حمام سباحة جاكوزي خاص



وهذا رقم منتجع صحارى لي تبي تسأل 840084




:tek::tek:

#حور#
23-05-2008, 01:22:59 AM
زين اول مره اسم بشاليهات صحارى الي عندها معلومات اكثر تفيدنا

صج يبيله

#حور#
23-05-2008, 01:26:08 AM
منو جربته حلو ونظيف وشلون صاير في العاب حق يهال

دلوعة ناصر
23-05-2008, 01:40:43 AM
مكانها بصبحان دق زوجي عليهم والليله ب155 غرفه وحمام وصاله وحمام سباحه بس وان شاء الله بنروح لها هالايام بس زوجي دوام

^^DADDIES GIRL^^
23-05-2008, 03:03:12 PM
:مابي الهلتون قطيعه تفصخ على اصوله مو الاجانب لا جان زين بنات الديره اذا صحارى نفس الطريقه عساني ماتسبحت على حلمي السلام:eh_s(8): اهئ اهئ:0bee2e8d89:

رهوف
23-05-2008, 03:20:33 PM
صحارى اللي معاه حمام سباحة خاص الليلة ب250

هــــامــورة جنيــف
23-05-2008, 04:40:27 PM
صحاري هذا رقمهم 840084
في عندهم نوعين الكبير عنده حمام سباحة برايفت مع غرفتين نوم وغرفة معيشة وحمامين ومطبخ وصالة والليلة ب250

أم وهابي
25-05-2008, 01:04:33 AM
كمبنسكى سشيل حاليا بس الليله 140 دينار

^^DADDIES GIRL^^
25-05-2008, 02:22:54 AM
مشكورين ياحياتي يسلمووووووووو

د.شريفة
27-05-2008, 08:46:09 AM
شدعوااااااااااااااااااااا وينكم يا حافظ

FunkiYa
27-05-2008, 10:06:03 AM
حبوووبه مابغيت ادش واطلع بدون رد بس ماعرف احد

شيهانه
27-05-2008, 11:58:08 AM
انتي مجربه التأجير من قبل ؟؟؟

شلون الشاليهات تطلع صج زينه وبنيان حلو ونظيفه ولا العكس ؟؟؟

كـلا كـلا
27-05-2008, 12:05:39 PM
والله انا بعد قاعد ادور
وصراحة شفت شاليه وحده مكانه بالخيران يم الوطنية
رحت شفته عشان ابي احجزه
ماشالله راهي ونظيف وبنيان يديد وحلو حق عايلة كبيرة
بس عيبه ان خور فمو وايد يصلح للسباحة
وان اغلب الصيف محجوز

حلا مطير
27-05-2008, 03:15:46 PM
للرفع

ما اعرف

fajoora75
28-05-2008, 02:25:26 AM
اختي في شاليه للاجار بضبيعيه عل البحر نظام فيلا كله صالات مفتوحه والدور الاول غرف نوم وفيه العاب اطفال مع الصبي
للاستفسار والحجز
6545588
ام علي

د.شريفة
28-05-2008, 04:16:25 AM
مشكوره فجوره ان شاءالله ادق عليها واشوفه اهم شي النظافه والوسع والبحر الحلو

انا كل سنه ااجر في ضباعيه او ميناء عبدالله او بنيدر بس السنة طافني الحجز

كـلا كـلا
28-05-2008, 04:26:39 AM
انا كلمت ام علي بس ليلحين مارحت اشوف شاليها
بس مبين خوش موصفات ماشالله

د.شريفة
28-05-2008, 04:28:07 AM
مشكووووووووووره كلا كلا الله يعطيج العافيه

بطوووووطه
28-05-2008, 04:36:11 AM
انا عندي وعجيب ببنيدر البحر واااااااو والشاليه وايد حلو ونظيف وكشخه كل سنه انا واهلي اناجر اهو مقسوم بالنص انا وزجي نص واهلي نص بس والله روعه بس ماقدر احطه اهني:bbbiu: خلي بيني وبينج لانه رفيج ابوي راعي الشاليه :bye22:

د.شريفة
29-05-2008, 04:36:10 PM
مشكوووووووووووووووووووووو وووورين يا بنات ماقصرتواااا
واللي راحت اي شاليه تمدحه لا تقصر معانا

القلب الصافي
30-05-2008, 12:27:19 AM
بطوطه لو سمحتي دزيلي رقم صاحب الشاليه نبي نأجر

RegaLoS
30-05-2008, 02:11:43 AM
عندي هذا الموقع فيه كل شي اجار شاليهات بكل المناطق مع الاسعار او بيع شاليهات
او كل شي شقق بيوت اجار او بيع

اتمنى اكون فدتكم

http://www.dealnet.net/browse_rentals_by_state/%D8%B4%D8%A7%D9%84%D9%8A%D9%87/

أم حيدر
30-05-2008, 02:16:24 AM
حبيبتي روحي شاليهات الجون اللي صايرين لزق بشاليهات كمبنسكي الحين قاعد يجددونهم وهم عبارة عن 40 فيلا ورقمهم 802808 هذا رقم الشركة وطلبو شاليهات الجون

وايد هدوء وبحر حلو و ونااااااااااسة :*)

د.شريفة
30-05-2008, 04:40:54 AM
مشكوووووووووووووووووورين الله يعطيكم العافيه

Hello_kitty
31-05-2008, 01:46:30 AM
خوووووووش موضووع

مشكوووره دكتووووره شريفه

بس بسأل الشاليهات يكون معاها جت سكي او دونات او طراد؟؟؟

hmama
31-05-2008, 02:03:32 AM
فوق فوق

sun light
31-05-2008, 02:28:24 AM
بطوطه ممكن رقم الشاليه

د.شريفة
03-06-2008, 12:47:51 AM
فوق فوق فوق

^^نـــواره^^
04-06-2008, 01:38:21 PM
زوجي اليوم دق على واحد ولد الفهد شكله خووووووووش واحد
فيه 3 غرف نوم و2 حمام وصالة ومطبخ بنروح باجر نشوفه

رقمه 9014687

الفودرية
07-06-2008, 07:44:56 AM
السلام عليكم

هذا شالية زين حلو بالخيران ونظيف ويديد أنا حجزت عندهم اسبوع كان روعة وهذا رقمهم

7070678

bambena
07-06-2008, 04:09:45 PM
انا جربت الجون وكمبنسكي وايد حلوين

حبووبة 76
07-06-2008, 04:34:42 PM
تسلموووون

أم حيدر
08-06-2008, 02:41:01 AM
انا اكلمج من الجون وايد حلو ومو اول مرة اييله

هدوء ونظيف وذرب وتوهم مجددين كل اثاثه من ايكيا وااااااايد نايس روحي وادعيلي

أساور
08-06-2008, 04:01:13 AM
ام حيدر ياليت تعطينا فكرة عن الشاليهات والاسعار ومشكوورة

omsaja
08-06-2008, 10:25:00 AM
هلا أم حيدر بجم الشاليه الله يهنيج انشالله واشلون عالحجز من وين؟وينفع حق وحدة حامل يعني مو متعب؟ أنا أعرف شاليه بيت بودي 4أيام 250 احنا نعرفه فمنزل من السعر خوووش شاليه قبل العام رحت جنه بالضباعية 5 نجوم بس ما ينفع حق وحده حامل لأن من 3طوابق ولازم تنزلين الدرج حق البحر بس يوننننس

beauty-janash
09-06-2008, 07:16:26 AM
omsaja ممكن تعطيني رقم الشالية ماال البودي عفيه بسرعه

د.شريفة
10-06-2008, 07:51:08 AM
بنات بعد الله يخليكم ابي شاليه بلييييييييييييييييييييييي ييييييييييييز

أساور
11-06-2008, 05:50:16 AM
على جم شاليهات الجون

أساور
11-06-2008, 05:52:19 AM
بطوطة ممكن سعر ومواصفات الشاليه

د.شريفة
11-06-2008, 09:07:28 AM
وينكم الووووووووووووووووووووووو

نووووونا
11-06-2008, 12:31:24 PM
بطوطه جم رقم الشاليه !

ام فيونه
11-06-2008, 01:23:32 PM
بنات انا بعد وياكم انشاله تستانسون بالصيف وكشته سعيده مقدما:dddds:
انا ابي شاليه داخله حمام سباحه يعني فيه خصوصيه :P_03BA:
ومن زمااااااااان ادور ومالقيت ياريت اللي تعرف لاتبخل علينا وتدزلي رقمهم عالعام او الخاص

Hambka Q8
11-06-2008, 01:37:47 PM
ترا مو كل ماي الخيران مو زين

اللي يطلون على الخور (خور العمي او المفتح)
بعضهم يكونون زينين

و مو كل الخيران تطل على الخور بعضهم يطلون على البحر

abla_momaiza
12-06-2008, 07:36:09 AM
اللي تعرف رقم شاليه خاص للإيجار تفيدنا ويكون في مصداقيه لأني بصراحه اخذت رقم شاليه بالمنتدى رافعينه السما بخيران وطقيت طريج طلع كلش مو شي ما يسوى على الطريق:cxxxp: والله كله علشان هالعيال:tomato2: افيدونا :tek:

غيـ الناس ـر
12-06-2008, 11:50:51 AM
حبيبتي شوفي المنتجعات .. خليفه والوطنيه يمدحونهم :)

Sadf2000
12-06-2008, 01:24:35 PM
اختي فى شالية سبق واجرنا عند واحد ينقاله بويوسف صراحة خوش شالية مكون من دورين ومبني يديد وصاحبة خوش ريال ووايد متفهم

وهذا رقمه 9772203

DoOoOoha
13-06-2008, 12:37:58 PM
مرحبـــااا كويتيات

بنات واللي يعافيكم بغينا شاليه بالدوووحه يمدحووونهم يقولون خوش شاليهات تسنعوا

منو فيبكم يعرف شاليه نظيف ومرتب او من فيكم عندها شاليه بالدوووحه

نبيه ضرووريه

بانتظاااركم

DoOoOoha
13-06-2008, 02:31:29 PM
up

up

up

DoOoOoha
14-06-2008, 02:55:21 PM
ولا وحده عندهم شاليه بالدوووحه

طيب منو تعرف رقم واللي يعافيكم ضرووووري؟؟؟

د.شريفة
15-06-2008, 09:58:07 AM
up up up

أبيار الكويت
15-06-2008, 10:58:03 AM
انا عندي وعجيب ببنيدر البحر واااااااو والشاليه وايد حلو ونظيف وكشخه كل سنه انا واهلي اناجر اهو مقسوم بالنص انا وزجي نص واهلي نص بس والله روعه بس ماقدر احطه اهني:bbbiu: خلي بيني وبينج لانه رفيج ابوي راعي الشاليه :bye22:

أبيه بليز

الفودرية
15-06-2008, 05:00:03 PM
انا أعرف بخيران نطيف وحلو ورقم الريال 7070678 اسمة بوعبداللة

الفودرية
15-06-2008, 05:21:16 PM
انا أعرف شالية بالخيران يدبد وحلو عند بوعبدالله ورقمة 7070678

شندوخه
15-06-2008, 09:47:08 PM
عفيه دزولي الارقام عالخااااااااص

fajoora75
19-06-2008, 10:29:09 AM
هذا رقم شاليه اللي بضباعيه
6545588
ام علي

قدساويه!!
20-06-2008, 10:15:13 AM
السلام عليكم...
حبايبي انا اول مره اطلبكم واحترت وين احط موضوعي مادري وين؟ لكن
عفيااااااا لا تردووني
طلبي اهواا
ابي تأجير شاليهاات تعرفون الصيييف شطووله ولازم شاليه
فممكن تساعدووني وتعطوني اسماءهم وارقامهم
وانا في انتظاركم...
والله يعطيكم العااافيه..

قدساويه!!
20-06-2008, 11:45:38 AM
شدعوووى
محد يعرف؟؟؟؟؟؟

Stylish_q8
21-06-2008, 01:06:39 PM
انشالله البنات يفيدونج

مغروره بس معذوره
27-06-2008, 08:29:35 AM
هااااااي بنات منو عندها شاليه بالخيران وتبي اتأجره ؟؟

مغروره بس معذوره
27-06-2008, 02:38:03 PM
؟؟؟؟؟؟؟؟؟

مغروره بس معذوره
28-06-2008, 06:24:02 AM
؟؟؟؟؟
شنو ماعندكم ولا اتعرفون احد
اوكي حتى لو الوطنيه عادي

ام خالد99999
28-06-2008, 07:17:08 AM
حبايبي عندي حجز حق شاليهات سي شل حاليا كمبينسكي سابقا بتاريخ من 12-7 الى 16-7 اسبوع قيمة الحجز 650دينار للبيع بسعر 325 نصف المبلغ لظروف خاصه

كويتية طموحة
28-06-2008, 01:07:34 PM
جم غرفة الشاليه ؟؟

alhayen
28-06-2008, 03:07:57 PM
جم غرفة واللي يعافيج ....

جكورة
28-06-2008, 03:17:20 PM
نفس أسألة البنات :)

bambena
28-06-2008, 04:14:02 PM
وايد حلو المنتجع لاتطوفونه

رمش العين
28-06-2008, 06:21:34 PM
"
"
"
السلام عليكم
كويتيات ما عليكم امر
ابي احجز شاليه و ماني عارفة شنو احسن شاليه
ابيه يكون فيه خصوصية ( مادري اذا فاهميني او لا )
لان زوجي غصب وافق نروح الشاليه و ابي شي يبيض الوجه
طبعا زوجي مو راضي عشان ان البحر يكون للكل مو لراعي الشاليه نفسه فشنو تنصحوني

"
"
"
و ابي خدمة انشاالله اذا رحنا شنو الاغراض اللي بأخذها معاي و اللي احتاجها

روحـ روحه
28-06-2008, 07:50:55 PM
والله انا اعرف وحده عندها شاليه بفيلكا وتاجره ومقابل البحر مباشره :)

فطفط نجد
28-06-2008, 08:12:20 PM
عندج شاليهاااات الخليفة جداااا رااااقيه والليلتين 200

الفودرية
28-06-2008, 10:18:44 PM
فى شالية بخيران وايد راقى ليلتة 55 ونظيف وعلى خور المفتح

ام خالد 78
28-06-2008, 10:24:15 PM
للرفع

ام خالد 78
28-06-2008, 10:31:16 PM
بالتوفيق

ام مضاوي
28-06-2008, 11:25:29 PM
جم غرفه

اذا الشاليه الكبير حبيبتي راسليني عالخاص
نتفق

Om.Fisal
28-06-2008, 11:41:49 PM
الفودريه اذا ممكن عطينى رقمهم اذا ما عليج امر

ام طلال
29-06-2008, 12:56:17 AM
الفودريه ممكن الرقم

ana_q8eya
29-06-2008, 02:04:15 AM
انا ابيه

بس اي نوع حاجزه؟؟؟

الأنوار
29-06-2008, 03:20:12 AM
/

السلام عليكم ورحمة الله وبركاته

شلونكم بنّات ؟ ان شااء الله بخير وصحه

بغيت شاليه للإيجااار روعه وقريب من البحـــــــــــــــر بأي مكان


واكوووووووووون شاكره لكم


/

ام خالد 78
29-06-2008, 03:29:20 AM
حبيبتي بالقسم هذا انكتب تقريبا 3 مواضيع عن الشاليهات اللي الغت حجزها واللي تبي مثلج شوفيهم يمكن تستفيدين منهم

مغروره بس معذوره
29-06-2008, 08:50:29 AM
حتى انا حطيت موضوع ابي شاليه وماردوو علي :(

fajoora75
29-06-2008, 09:07:42 AM
عندنا شاليه بضبيعيه عل البحر نظام فيلا دورين
6545588
ام علي

:: Diva ::
29-06-2008, 09:32:58 AM
عندج منتزه الوطنيه يمكن مو بصيت كومبنسي ( سيشيل حالياً )
لكنه احسن و افضل

رمش العين
29-06-2008, 04:23:03 PM
يعطيكم العافية
و الله يوفقكم

كيوت_25
29-06-2008, 05:26:48 PM
بنات من سمع عن شاليهات ما ادري شينقال لها بولمن ؟!؟بولدمن؟!؟! بولدن؟!؟!؟

و الله ما ادري ؟؟!؟؟

كيوت_25
29-06-2008, 05:39:29 PM
للرفع

كيوت_25
29-06-2008, 05:42:12 PM
الشاليهات هناك انواع في عنبر و فيروز ووووالخ

انتي اي واحد فيهم شاليهكم ووين موقعه يم البحر ولا حمام السباحه و جم غرفه و طابقين ولا واحد
واذا طابق واحد الطابق الارضي ولا الاول

ههههههههههههههههه ماسوت عليج على هالاسئله

@@@ام حمووودي@@@
29-06-2008, 08:47:57 PM
شاليه بو عبدالله وايد حلو تمدحه مرت حماي اختها مجربته
اتصلي عليه واستفسري
هذا رقمه 7070678

nawarie
30-06-2008, 01:51:58 AM
جم غرفة
انا ابي لوسمحتي

ياسمينا
30-06-2008, 02:36:19 AM
جم غرفة واي نوع اهو.....؟؟؟؟؟؟

الفودرية
30-06-2008, 05:03:35 AM
موفقة

الفودرية
30-06-2008, 05:06:58 AM
الفودريه ممكن الرقم

رقم الشالية اللى بالخيران 7070678
حلو وراقى اسم الريال بوعبداللة

غيـ الناس ـر
30-06-2008, 07:53:07 AM
حبيبتي اذا زوجج يبي خصوصيه معناه ما يبي منتزهات .. انصحج تشوفين احد يأجر شاليهه الخاص اهدى من المنتزهات

^^DADDIES GIRL^^
30-06-2008, 03:13:22 PM
للحيني احلم اهئ اهئ

توت عنكبوت
01-07-2008, 02:09:09 AM
الأشياء اللي بتاخذينها معاج:

(( طيعا كل شي خاص بالأكل شاي سكر قهوة حليب وشيبس لللأطفال وككاو وعصاير لأن احتمال الشاليه مايكون حوله شي))

كثري فوط بيأذونج العيال . نعول فلات ضروري جدا .

ملابس البحر كثري منها وحتى الملابس بعد.

ترى عقب السباحة نجوع لا تنسين حرام العيال

سبائك
01-07-2008, 02:31:17 AM
عاد على الله تحصلين حجز ان شاءالله الحين فولت الشاليهات الخاصه والمنتزهات بعد:(

انا بصراحه عجبني هيلتون المنقف

مافيه مناظر بكينيات وخرابيط كلش بس مشكلته غالي صله الليله فوق ال100 حق اصغر شاليه!!

الفودرية
01-07-2008, 04:22:19 AM
هيلتون المنقف كلة أجانب و بيكينى بالعكس أنا رايحة هناك كنت زايرة ناس ومشكلة كلشى غالى لأنج بفندق ما تحسين بالاستمتاع ما أدرى أنا عندى شالية أجرة من ناس يكون قى خصوصية أكثر

الفودرية
01-07-2008, 06:40:06 AM
عندج شالية بالخيران على خور المفتح نظيف وراقى و هذا رقمة 7070678

Baby^Bop
02-07-2008, 02:50:50 AM
للرفع حق حبيبتي زوغه وان شاء الله اتحصلين الي ابالج
لايضيق خلقج

جنون العشق
02-07-2008, 03:53:37 AM
اي والله وناسه نكسر الروتين ونتسبح




يلي بعد الي تعرف غير صحاري تفيدنا




ومشكورين

^^DADDIES GIRL^^
02-07-2008, 05:23:39 AM
للرفع حق حبيبتي زوغه وان شاء الله اتحصلين الي ابالج
لايضيق خلقج

:tek: حياتي والله على راسي حبي

legally blonde
02-07-2008, 01:38:29 PM
للرفع

ابلة رسم كتكوته
02-07-2008, 03:27:18 PM
صحارى يهبل
هدووووووووووووووء
وصخه
حمامج السباحه بروحج
يننن
سعره 225 الليله
بس اللي يشتغلون بالكي ان بي سي
لهم خصم 50% من الاحد لي الاربعا بدال 800 وشوي يصير 400
بس نصيحه روحو
حجزنا بس كنسلنا
ما صار نصيب

ابلة رسم كتكوته
02-07-2008, 03:32:54 PM
كمبنسكي في حمام سباحه بر ايفت؟؟؟؟