منو عنده شاليه للأيجار (تم دمج المواضيع المتشابهه)

السفيرة عزيزة · 2 مايو 2005

بنات بلييز ابي مساعدتكم

اللي تعرف شاليه خاص للايجار
يكون في بنيدر او الخيران
و يكون نظيف و واسع

تعلمني بسرعه

محتاجه شاليه باسرع وقت

ابي اغير جو

السفيرة عزيزة · 3 مايو 2005

رد : منو عنده شاليه

اشدعوة يا بنات

كلكم ما تعرفون ولا شاليه

srabeel · 3 مايو 2005

رد : منو عنده شاليه

والله أنصحكم بشاليه هوليدى إن الخبر روعه رورعه روعه شويه عليه صج منتجع كامل

بس إذا تبين بالكويت روحى شاليهات فيلجا تينن العام أخذت شاليه مال الفندق مو مالوت ناس وحجزت إلى داخل البيت حمام سباحه أقولج ما خليت شى ما لبسته أنا وعيالى وبس وأخذنا راحتنا وفيه مطعم وخبز إيرانى ونخى باجله ( أدرى بتضحكون على )

وعندج هذا الشاليه نظيف وأهم شى مافيه فيران لأنه الحوش ماله مافى زرع وثيل علشان جذيه مافيه فيران ( أهم شى عندى ) وبعدين فيه عرزاله بس تدرين ترى بخور العمى بس توهم محفرين جدتمهم فالماى موجود حتى لو راحت المايه

هذا رقمهم 9019065
وبعدين أبوى عنده شاليه بس ما ياجر وإلا جان عطيتج الرقم
بس أنصحج بشاليهات الخبر والله غنهم روعه غن شاء الله أحط لكم إصورهم وبعدين شاليه فيلجا ترى أهو فندق وماسكينه إدارة فندق ساس يعنى نظيف والله وناسههههههه

srabeel · 3 مايو 2005

رد : منو عنده شاليه

الفندق مكون من غرف فندقية فخمة وشاليهات كبيرة وصغيرة
ومجموعة من المسابح والشاطئ الرملي المميز

منظر للمسابح أمام الفندق

منظر جانبي للشاليهات

بالنسبة لغرف الفندق فهي فخمة جداً ومجهزة وكبيرة ، وجميع الغرف مطلة على البحر

أما الشاليهات فهي نوعان صغيرة وتحوي على صالة كبييرة جداً وغرفة نوم بالإضافة إلى سيرفس (مطبخ )

أما الشاليهات الكبيرة ففيها غرفتين

الشاليه من الداخل ( مع الاعتذار على عدم وضوح الصورة كنت مستعجل )

والشاليه من الخارج

منظر عام للفندق وجميع الغرف مطلة على البحر

كما يقام في الفندق يومي الخميس والجمعة برامج ترفيهية للأطفال بشكل مستمر

srabeel · 3 مايو 2005

رد : منو عنده شاليه

مناظر مختلفة للشاليهات

والمســــــــــــــابح

ترى الصور مو منى بس انا العم لما شفتها رحت للمنتجع والله إنه من أروع المتجعات وكفايه مافيه مفاصيخ ومغازل نفس الخيران

أغلى حبيبه · 4 مايو 2005

رد : منو عنده شاليه

سرابيل انتي اجرتي شاليه بفيلجا
ولا بالكويت اسمه فيلجا

أغلى حبيبه · 4 مايو 2005

رد : منو عنده شاليه

اي وسرابيييل نسيت اسالج

بجم ليله الشاليه اللي بالخبر

srabeel · 4 مايو 2005

رد : منو عنده شاليه

أغلى حبيبه لا أنا قصدى فى فندق بجزيرة فيلجا وإدارته فندق ساس ف مسوينه نظام بيوت قديمه وفيه غرف إذا ما تبين البيوت وفى بيت إلى أنا اجرته داخله حمام سباحه وفيه بره حمام سباحه حق الكل بس سعر البيت ب 80 دينار وهم الخبر ب 80 دينار بالليله

om_nasser · 4 مايو 2005

رد : منو عنده شاليه

قوة سرابيل؟؟؟
بغيت اسالج يصير ااجر بس ليله وحده؟
واشلون عن الحجز يعني احجز قبل ابفتره طويله؟
انتي اي شهر رحتي؟
كان وناسه؟
والشاليه اللي فيه حمام سباحه جم غرفه فيه واشكبره؟
مشكوره

srabeel · 4 مايو 2005

رد : منو عنده شاليه

هلا والله أم ناصر الله يسلمج الرقم إلى حطيته مو شاليهى لا هذا واحد مره اجرنه شاليهه وبالحرى اهو ما يروحله بس ماخذه للأجار متشارك مع أخوه جنه جذيه بس والله ما أذكر جم أجرناه لأن كنا رايحين قروب يعنى حماواتى وخالتى وعمى وبيت الريال جنه على ما أذكر بالصباحيه أو شى جذيه فلازم تحجزين قبلها

وبالنسبه لفيلجا فأعتقد عادى تقدرين تحجزينه ليله لأن أصلاً أهو فندق فعادى

إيه نسيت البيت إلى اجرته وطبعاً كان أهو البيت الوحيد إلى داخله حمام سباحه ويمه بقاله ( علشان يكمل الشكل مثل بيوت أول وأصلاً إهى بيوت مجددينها وبيوت بانينها يديده ومسوينها فندق
( ترى بيوت أهلنا من ضمن البيوت إلى داخله ضمن الفندق ، وإذا طليتى بره تلاقين بيوت ما جددهوها سكراب هذى بيت عمى وبيت جدى ) ما علينا

المهم أنا رحت شهر 8 وأنصحج تروحين الخبر ترى صج من أحلى المنتجعات إلى رحت لها تاخذين راحتج عدل والله ناس مستورين والحمام سباحه على مستوى طبعاً من عمر البيهل أشهر توه يقعد إلى الكبار . يعنى شى متعوب عليه

srabeel · 4 مايو 2005

رد : منو عنده شاليه

إيه ام ناصر إسمحيلى نسيت أقولج تسغلينى إذا وناسه أقولج حييييييييييل إستانسنا ترى عندنا شاليه بفيلجا والخيران بس الفندق إلى بفيلجا رووووووووووعه وناسه يعيشج بوقت ما عشتيه أيام قبل بس ناقصنى البخنق والوزار حق اليهال

والله يسلمج الشاليه بفيلجا فيه غرفتين نوم كل غرفه فيها 3 أسره ونظيف وفيها حوش وبالوسط حمام سباحه ودوانيه وستلايت ومطبخ بس فيه الكتل ( الغلايه مالت الماى الحار ) مافيها جوله
وفيها ثلاجه بس طبعاً مو كبيره حيل

وقبال الدوانيه فى قعده وفوقها مثل عريش على ما أعتقد وفيها كراسى للقعده بس حلاته يمعه والله أنا رحت بس بروحى وهم إستانسنا عاد ساعات إذا ما اجرنا تلاقينا نتمشا بفيلجا عاد نشوف الناس إمأجرين بس إيون قروب كامل يعنى وناسه وييبون جوله صغيره وغاز بس ما يسوى إذا بتقعدين جم يوم غكلى خبز وجبن وغلا خبز إيرانى ونخى وباجله وبعدين في مطعم بس طبعاً يعنى مو تب تب المطعم بس زين لا باس

miss fabulosity · 4 مايو 2005

رد : منو عنده شاليه

سرابيل اقدر احجز عن طريق ساس الى بديره ولا لا
اسفه بس مافهمت عليج الرقم هذا صاحبه عنده شاليه
بفيلجا ولا شنو ياليت اتوضحيلى
ادرى انى ملقوفه بس سؤال عادى اذا ماجاوبتيه انتى
فيلجاويه ؟؟؟؟؟؟؟؟

srabeel · 4 مايو 2005

رد : منو عنده شاليه

وسومه ضحكتينى والله الله يسلمج شوفى يمكن انا إلى ما أعرف أشرح ميخالف

هذا الرقم مال الشاليه إلى بالخيران إلى حجزناه أنا وحمولتى لا باس فيه نظيف بس مو طابقين وصاحبه يأجره على طول بس لازم تحجزينه من فتره وبعدين لازم تدفعين الفلوس عربون أو كامل ما ذكر

وبعد الشاليه إلى بالفيلجا تقدرين تحجزينه من فندق سفير قوليلهم أبى أحجز بفيلجا واهم بقولولج كلشى وبعدين فى نظام غرف إذا ما تبين تحجزين بيت

يالله اى سآل ثانى انا تحت الخدمه يا وسوووووووووووومه

miss fabulosity · 4 مايو 2005

رد : منو عنده شاليه

وناسه سرابيل انا ابروحى اموت على الفيلجاويه من زمان والله من قبل
لا اتزوج والله رزقنى بفيلجاوى

))))))) الله يخليه لى معنه احنا 2 كل واحد
طريجه غير عن الثانى بس الحب ومايسوى حب اول مو الحين

والله يخليلنا
فيلجا واهلها وخلاص انتى عزيزه على انتى صرتى من الاهل

)))))))))))))

om_nasser · 4 مايو 2005

رد : منو عنده شاليه

واااااي شوقتيني سرابيل بقول حق ريلي عشان نحجز

ادري اني اذيتج بس اخر سؤال البيت الليله 80 دينار؟؟؟؟؟؟

srabeel · 4 مايو 2005

رد : منو عنده شاليه

أقول بنات والله إنى آسسسسسسفه إنى تخربطت ميخالف العتب على الذاكره

أنا قلت لكم إن الفندق مال فيلجا تابع فندق ساس بس ترى مو ساس لا لا اهو تابع حق سفير حتى إسمه قرية سفير التراثيه لجزيرة فيلكا

المهم لا تنسون ترى مالت سفير وهذا رقمهم 2520600هذا للتنبيه

srabeel · 4 مايو 2005

رد : منو عنده شاليه

يحليييييييلج يا وسومه أثارى انا من الأهل ونا ما أدرى عاد تدرين أنا ما أعرف أحد البته شفتى يعنى أبد ما أعرف بي أعرف عماتى والحين أعرف بيت حمولتى لأنهم نفس العايله المهم تشرفنا وفرصه سعيده وإنشاء الله بس يعجبكم المكان مثل ما عجبنى أنا واليهال .

أم ناصر ترى صج روعه إن شاء الله يعجبج إيه والله إلى اذكره إن الليله 60 إلى 80 مانى ذاكره بالضبط

al7anona · 4 مايو 2005

رد : منو عنده شاليه

ما يحتاي اقولج اتوقع البنات ساعدوج

al7anona · 4 مايو 2005

رد : منو عنده شاليه

srabeel
مشاءالله وايد حلو المكان حده حلو

srabeel · 4 مايو 2005

رد : منو عنده شاليه

شمعة الحب عيونج أحلى

بس ما يمنع إذا عندج شاليهات للأجار حطيهم لأن تدرين الناس أذواق ويمكن يعجبج وما يعجب غيرج فأدلى بدلوكككككك

منو عنده شاليه للأيجار (تم دمج المواضيع المتشابهه)

**عضـــوة شـــرف منتديات كويتيات**

**عضـــوة شـــرف منتديات كويتيات**

New member

New member

New member

**مشرفة قسم بيــــتك**

**مشرفة قسم بيــــتك**

New member

New member

New member

New member

New member

New member

New member

New member

New member

New member

&#9829; المــراقبـــة العـــامــــه &#9829;

&#9829; المــراقبـــة العـــامــــه &#9829;

New member

عضـــوة شـــرف منتديات كويتيات

عضـــوة شـــرف منتديات كويتيات

مشرفة قسم بيــــتك

مشرفة قسم بيــــتك

♥ المــراقبـــة العـــامــــه ♥

♥ المــراقبـــة العـــامــــه ♥