منو عنده شاليه للأيجار (تم دمج المواضيع المتشابهه)

ديحانية+كويتية · 4 مايو 2005

رد : منو عنده شاليه

السلام مشكورين علي الموضوع الحلو الحين سرابيل ماعليج امر اللةي فهمتة اذا بحجز عن طريق سفير صح وثانيا الليلة ب80 دينار صح بس بسأل عن نهاية الاسبوع غير ايام الاسبوع العادية وهل فية زحمة وفية اكل هناك ولا لازم اجيل لان اذا بروح بروح عايلة وبالنسبة للعبارة سعرة غير الشالية وفية زحمة ولا عادي اي وقت احجز وبالنسبة للشالهاتة مطلة كلها علي ابحر ولا بس البيت الكبير اهو اللي مطل والحمام السباحة بس بالبيت الكبير وهل في مجال احنا يالحريم ناخذ راحتنا نتسبح بالبحر عاد انا خبري بفليجا قبل الغزو كان بحرها يجنن للحين نظيف وهل فية امان بعد واسفة علي الطوالة بس صراحة فيلجة ماتطوف

srabeel · 5 مايو 2005

رد : منو عنده شاليه

هلا والله يا الديحانيه والله بالنسبه للسعر ما أدرى لأنى أخذته أيام الإسبوع وبعدين ترى أيام العطل فوضه عوايل وشباب وبعدين ترى أهو مو شاليه لا أهو عباره عن بيوت وفرجان جمب بعض وفيه بينهم حمام سباحه حق الكل بصس فى فيت إلى أنا أجرته داخله حمام سباحه وسبحت لين قلت بس
والبحر شوى بعيد يبيلج تمشين 3 دقايق تقريباً مشى
وبعدين داخل القريه فى بقاله

وبالنسبه للماجله والله ما ادرى على حسب ميزانيتج بس لا تنسين ييبى جوله صغيره وأصلاً فى مطعم يبيع سندويشات وبريانى يعنى مطعم وكباين بس مستواه لا باس مقبول وبعدين للريوق فيه خبز إيرانى وباجله ونخى وآش وجبده وما أدرى شنو من هالسوالف
وبعدين بفيلجا فيها بقالتين وحده مالت عمتى وحده بقالة فيلجا مالت ناس وبعدين لازم تودين بفك وحلاو حق اليهال وجاى وحليب ومكسرات ( وجبن قلاص هذا أهم شى عندى )

إيه العباره سعرها بروحه ومن صبق لبق يعنى لازم تروحين مبجر علشان تدخلين وقبل لازم تعرفين متى تمشلى العباره.

وإذا تبين شى بعد لا يردج إلا لسانج

ديحانية+كويتية · 5 مايو 2005

رد : منو عنده شاليه

وإذا تبين شى بعد لا يردج إلا لسانج
عاد شنو يفكج مني صحتي بمطيرية اولا انتي اي شهر رحتي ومتي تنصحيني اروح يعني انا حاطة في بالي اخر شهر 8 ولا تنصحيني اروح اخر الشهر هذا

srabeel · 5 مايو 2005

رد : منو عنده شاليه

أفا عليج يا الديحانيه تمونين حبيبتى وإخذى راحتج وإن شاء الله يعجبج بس المكان لأن بصراحه تدرين الناس أذواق بس إن شاء الله يعجبج وتستانسين فيه

الله يسلمج أنا حجزته بشهر 8 تدرين أحسن لن الجو حار نار وتبين شى يبرد عليج وبعدين ترى فيلجا أبرد شوى من الديره .

إيه تعالى هم هوليدى إن الخبر روعه روعه روعه أحلى منتجع رحتله بحياتى كفايه الناس اهل دين ومستورين وكله عوايل محتشمه يعنى تاخذين إنتى وريلج راحت وبعدين ما تطلعين من المنتجع نهائ لأن كل شى فيه حتى ألعاب حق اليهال .

أغلى حبيبه · 5 مايو 2005

رد : منو عنده شاليه

سرااابيل

شلون على السياره نوديها ولا في هناك تأجير

جوريه · 19 مايو 2005

رد : منو عنده شاليه

وناااااااااااااااااااسه سرابيل بس هالصور صور فيلجاا ولا الخبر؟؟؟

انزين هوليدي ان الخبر جم غرفه بالشاليه ويشيل عايله كبيره ؟؟ خالاتي وبناتهم وخوالي وعيالهم يعني يبيلنا اربع شاليهات من طقه خيران نفس نظامهم موجود؟؟؟؟

srabeel · 19 مايو 2005

رد : منو عنده شاليه

الله يسلمج هذى صور شاليهات الخبر بس ترى مو نفس الخيران لا شوى أهدى وأحسن
كا شوفى الصور وبعدين الشاليه إلى أجرته ب 80 الليله وفيه غرفه وصاله ومطبخ تحضيرى وداخل الصاله حاطين سرير وهم فى نظام تأجرير بيت كامل جنه 3 غرف وما ادرى شنو بس أغلى بميه وجذيه ..

لورا · 30 مايو 2005

رد : منو عنده شاليه

حبيبتي ممكن تعطيني رقم الشاليه اللي بالخبر ...وقبل جم يوم لازم احجز الشاليه؟؟؟؟

السفيرة عزيزة · 30 مايو 2005

رد : منو عنده شاليه

مشكورين بنات على تفاعلكم

بس سرابل عندي سؤال

الشاليه اللي حاطه رقمه بالخيران

عندج صور حقه؟؟؟؟
ممكن توصفينه عدل لي

لان ودي اروحله

بريق · 3 يونيو 2005

رد : منو عنده شاليه

سرابيل ممكن رقم اللي بالخبر بلييييييييز وشلون نحجز من عندهم .. علميني الطريقة بالتفصيل ..

بريق · 8 يونيو 2005

رد : منو عنده شاليه

هل من مجييييييييييييب ؟؟؟!!!!!

srabeel · 8 يونيو 2005

رد : منو عنده شاليه

آسفه يا بنات أدرى تأخرت عليكم بس بصراحه نسيت وكنت ما أدخل الموضوع مره ثانى نبهونى أو دزولى رساله وقولولى شوفى الموضوع جذيه أحسن

المهم هذا رقم منتجع هوليدي أن نصف القمر _ 8963333

srabeel · 8 يونيو 2005

رد : منو عنده شاليه

إيه وبالنسبة للشاليه إلى بالكويت والله على ما أذكر جنه 3 غرف وصاله ومطبخ ودوانيه وبره فى عرزاله بس ترى لا تنسون على الخور العمى ها يعنى الماى إذا راحت تروح عدل بس جنه حافرين جدامهم علشان يبقا ماى إذا راحت المايه

المهم أنا عن نفسى دايما ً اودى شراشفى وكفراتنا وقطع زل علشان ما أحب أقعد بمكان غيرى وهم أأول ما ادخل أخم وامسح الأرضيه علشان أنضف حق اليهال
بس مو معناه إنه وسخ لا والله أحسن من غيره بوايد وسعره مناسب بعد

يالله إلى عندها سعاااااال أنا حاضره
وإلى عندها شاليه غير إلى ذكرتهم لا تبخل علينا

بريق · 10 يونيو 2005

رد : منو عنده شاليه

سرابيل هذا الرقم نقال ولا شنو .. هو بالخبر صح ؟
زين ماكو فتح خط .. قصدي الكود نمبر..

xxx · 10 يونيو 2005

رد : منو عنده شاليه

سرابيل مشكورة

الشاليه الي بالكويت بجم؟؟؟؟؟؟؟

ووين مكانه؟؟

srabeel · 11 يونيو 2005

رد : منو عنده شاليه

بريق هذا رقم الخبر وفتح الخط والله ما أعرفه

بنت الكويت الشاليه بالخيران بس للأمانه ما أدرى جان ليلحينه يأجره وإلا وقف ؟؟

xxx · 12 يونيو 2005

رد : منو عنده شاليه

لا الخيران وايد بعدي

انا ابي بالضباعيه

سارونه · 16 يوليو 2005

وين الشاليهات ؟؟؟

بنات العطله ملل والميزانيه ماتسمح بالسفر اللي تعرف رقم شاليه حلو ومرتب تنقذني فيه ....... واللي راحت شاليه وجربته تقولنا عنه ...

al7reyaa · 16 يوليو 2005

مشاركة: وين الشاليهات ؟؟؟

شوفي الوسيط فيه واااااااايد....

اا اجرتوا شاليه وحطيتوا حنه وطبيتوا بالبحر ويابوا لكم رقي احمر باااارد وانتوا بالبحر ( تلوع جبد السمج) تذكريني بهالغييله

عود مبخر · 17 يوليو 2005

مشاركة: وين الشاليهات ؟؟؟

حبوبه شوفي شاليهات منتزه الخليفه في ميناء عبدالله
او شاليهات كبنسكي بعد ميناء عبدالله

منتجع هيلتون في المنقف بعد

منو عنده شاليه للأيجار (تم دمج المواضيع المتشابهه)

New member

New member

New member

New member

**مشرفة قسم بيــــتك**

**عضـــوة شـــرف منتديات كويتيات**

New member

New member

**عضـــوة شـــرف منتديات كويتيات**

New member

New member

New member

New member

New member

عضوه موقوفة

New member

عضوه موقوفة

New member

New member

New member

مشرفة قسم بيــــتك

عضـــوة شـــرف منتديات كويتيات

عضـــوة شـــرف منتديات كويتيات