منو جربت شامبو فاست لتطويل الشعر

رد : منو جربت شامبو فاست لتطويل الشعر

ماأعتقد فيه شامبو يطول الشعر
أستعملي الفيتامينات والزيوت
وإن شاء الله يطول شعرج

انا استخدمته بس بصراحه انا شعري اصلا طبعه يطول بس للامانة انا استخدمته للتساقط

قوة

قبل عرسي استخدمته .. وطااااااااااااااال بسرعه خلال اسبوعين حتى انصدمت

والكل استغرب

بس بصراحه قام يطيح .. طويل بس يطيح شالفايده فوقفت الاستخدام بعد شهرين

يمكن التصاقط مو من الشامبو يمكن لانه معاي نقص حديد وماكنت اكل ذيج الفتره لاني كنت خايفه واحاتي العرس

اذا بتاخذينه اكلي معاه فيتامينات حديد .. والله يوفقج

انا استخدمته استمريت عليه لين خلصته ولاحظت الفرق ان طال بس شووويه موووايد ... واللي خلاني الاحظ انا شعري بطيء مايطووووووول بسرعه ..
جربيه وشوفي ااذا يساعدج بالتطويل ولالا

انا ماجربته بس سمعت انه يطول الشعر ورحت للبوتس وسالت الاخصائيه قالت لي اذا شعرج نوعه جاف مايصلح لج لانه ينشف الشعر

بصراحه انا جربته الشامبو هذا عجيييييييييييييييب خصوصا للي شعرها دهني مثلي وفعلا ترى فرق معاي وايد وطال شعري وايد صج جربيه عزيزتي انصحج فيه فعلا

والله جربته 3 اشهر ولا سوالي شي شعري حالف ما يطول

والله انا استخدمته على حجي اغلب بنات المنتدى قالو يطول ...ماشفت منه شي

ما سوالي أي شي حتى التساقط ما خف

حيرتونا
عاد شكثر سمعت عنه يطول
انا ابي الكثاااافه اول شي
اهم من الطول

ودي افيدج ماجربته

هلا حبووبه والله اناا فادني و طول شعري عن تجربه و الكونديشنر ماله زين بعد بس لا مايبين النتيجه من اول سبوع يبيله على الاقل اسبوعين الي ايي بسرعه يروووح بسرعه بس حلو لا ترددين فيه اذا خاطرج فيه و تبين تطويل

اهو ما يكثف الشعر ولا ينبت لج شعر

اهو يساعد بتسريع تطويل الشعر

ومراح يطول باسبوعين !!

لا بس هم راح تحسين مع الاستمرار انه شعرج طال

احسن شي اذا كان شعرج دهني لأن وايد ينشف الشعر

بس والله انا حبييييييته حدي واذا خلصت هالعلبه بشتريه مره ثانيه ..

احط يوم وترك دابر املا وبرشوت .. وعقب اتسبح فيه .. انا عني وايد حبيته بس مادري اذا يعجبج

ماقريت الا الصفحه الاولى ..

انا شريته اهوا مع بلسمه لان قالتلي هم بعد ينشف الشعر ..

بس احس سوالي قشره مووووو طبيعيه .. صار راسي كلا يحكني ..
فوقفته .. عاد مادري صج ولا لا .
كنت ميته عليه ابي شعري يطووول ..