آلة البخار للوجه . شفتها في محل Boots . شرايكم ؟

السلام عليكم و رحمة الله وبركاته

في محل Boots لقيت آلة البخار للوجه ، شرايكم فيها ؟ عادي استخدمها يوميا ؟ شنو نصائحكم لاستخدامها ؟

مع العلم انني اعالج بشرتي ، فيها حبوب و آثار .

جزااااااااااااكم الله كل خيييييييييييير

ايه حلو الجهاز هذا آنا عندي نفسه بس كنت طالبته من الوسيط
سوي بخار مرتين بالاسبوع اذا بشرتج دهنية ومره وحدة اذا بشرتج جافة ترا مظر كثرة استعمال البخار على البشره شوفي الطريقه اللي انا سويتها وفادتني مع البخار : راح تشكرينيييييييييي

جربيها امانه وشوفي :

اول شي غسلي ويهج بصابونه البابايا ونظفيه عدل عدل او استعملي اي غسول مرتاحة عليه وينظف

بعدين اخذي قفشة من : السدر , ترمس مطحون , خميرة البيرة , ونص علبة روب

خلطيهم عدل عدل ودهني ويهج فيهم وعرضي ويهج للبخار ثلث ساعة جذي

بعدين ابدي فركي بشكل دائري وخاصة الاماكن الدهنيه حيل مثل الخشم والخدود

واخر شي شطفي ويهج بماي بارد عشان يسكر المسام ونشفيه عدل


وحطي اي مرطب مايكون معطر


وطالعي نفسج بالمنظره ......... شوفي بشرتج شلون تلق ...



سوي الطريقة .هذي ... على ضماااااانتي

مشكوووووورة اختي عذوب . جزااااااااج الله كل خير .

حبيبتي انا اسوي مرة بالشهر بس اروح اسوي جلستي

كثرة البخار يفتح المسام

لازم اتحطيين شي بعد البخار ماسك

تسلمين اختي نوتي جزاااااج الله كل خير .