شفتي خدامتج تطق بنتج ولا ولدج شتسوين؟

السلام عليكم
بسألكم يابنات بكل صراحه شتسوين اذا كانت خدامتج زينه ومعتمده عليها وواثقه فيها وشفتيها واهيه ماتدري اطق بنتج اوولدج على ويهه ولا راسه وماتدري انج شفتيها اشلون اتقولين لها؟ وتهاوشينها؟ ولا تسفرينها على طول؟ ابييييييي رايكم بصراحه

لأ اذا زينه ومعتمده عليها ليش اسفرها
بس اكلمها نفس الوقت واخب الدنيى ترا بسرعه يخافون واخلي ريلي يكلمها لا تسكتين عن طق الياهل
بس ترا انا لاحظت شغله بالخدم انا خدامتي تموت على ولدي الصغير ما ترضى عليه بس اطيح عليها ساعات اتله حيل وتصرخ عليه بس طق ولا مره

يوم كان بالاشهر مره قاعده اشكره جدامي قاعد يتعبث بشغله والا طقته على ايده طقه خفيفه قتلها ليش جذي وهاوشتها وإلا تقول لا ماما انا بس بخوفه عشان ما يعيدها بس انا قتلها يويلج اذا عدتيها مالج شغل اطقينه لا خفيف ولا ثقيل
كلميها عشان ما تعيدها مره ثانيه

بس اذا كنتي طايحه عليها اطقه طق قوي سطار قوي او حيل لا تسكتين وديها لا اتخلينها في بيتج اهم شي عيالج والا الخدامه تروح واتيي بدالها عشر

قولولها بساعتها ليش تطقين وزفيها على خفيف وخليج على حذر منها لاتكررها اسمحيلى المفروض بحزتها تنكرين عليها وتبين غضبج بلحظتها علشان ماتنكر

والله اطقها و العن خيرها الخير هذا اللي ناقص و الله لو تجيسه بس غشمره حتى لو طقه على الخفيف اكوفنها الكلبه كلش ولا الياهل الخادم ما يتجرأ و يمد ايده اهي وظيفتها خادم مو ام بعد و الله سالفه هذي تطق ولدي و اخليها مادري ليييييييش

اذا طقيتيها حطت حرتها بالياهل ذيك الساع اشيسوه عليج
والمشكله اذا واجهتيها وقلتي لها ليش طاقته تنكر اتقول ماطقيته شتوين ذيك الساع اشلون تتصرفين؟

مره صار هالموقف ولما هاوشتها قالت لي اهوا طقني وانا اعتبرة مثل ولدي بالله شرد عليها وبعدين شرايكم باللي يقول الخادمة خليها ام بديلة مو بس موظفه تؤدي وظيفة؟

مصيرها الباب

لا والله ما اسكت و لو زوجي يدري يذبحها لا تخلينها تستجري على الاولاد وتطقهم وانتبهي منها هذي بوجودك تسوي جذي عيل لا طلعتي شنو تسوي .
والله اني لما اطلع امشي عيالي بره بحولي بارك ولا مطعم اشوف اطفال مع شغالات ما دروا عنهم اهلهم والله انها تصارخ عليهم و تلهم من يدينهم ومرة شفت وحدة طقت الولد على راسه وتالته من يده ابو خمس سنين واقسم بالله اني مت من القهر انه كان ودي اذبحها يمال الضربة .

أسفل فيها وأطسسها سيدة ماتقعد ابيتي دقيقة ...

الزم ما علي عيالي لا الدوام ولا الخدامة ولا غيرهم نافعيني ...


انا امسك اعصابي كثر ماقدر ولي عصبت وزفيتها اطالع عيونها مطالع ولا اطق بنتي اداري نفسيتها اتيي الشسمونه اتطقها ؟ جان اذبحها ...

اتطق اعيالي واسكت لها ؟!!!!!!!!!!!
تاكل تبن

الا اكسر لها ايدها اللي انمدت على اليهال
شكو تطقهم ؟؟ اذا انا ما طقيت لا ولدي ولا اعيال الناس .. اتيي الغريبة تطقهم!!
اذا شفتها تطق ولدي .. مادري اشبيصير فيني
يمكن اين واقعد
اطقها وزفها اسبها .. مادري بالضبط شسوي
بس لازم ابين لها بلبدايه غلطتها ..
وابرد حرتي عددددددددل فيها
وعقب اذلفها

حبيبتي الخادم على ماتعودينها عليه اذا خافت من المعزبه سوت لها و الف حساب و حساب و لازم تحس انج مراقبتها و تنبشين دايما و تعرفين شقاعد يصير من وراج بالبيت و مع العيال عشان ما تستهين بشي و ماتطيحين الميانه معاها اذا نادرا و تردين تصيرين جد تعطينها انطباع بانج حبوبه و طيوبه بس وقت الجد تخرعين
و الخادم اللي تتطاول على العيال ماتقعد فبيتي ليله بدالها الف و السوالف اللي نسمع عنها من الخدم اللي يذبحون الياهال ماتيي من هنيه و الطريج اكيد شايفين شي من اهل البيت نادرا ما تكون مني و الطريج و احنا بيدنا كل شي
الخادم اللي اشوفها مو متقبله بيتي من اول مره اخيرها و بس تروح بيت ثاني ليش اوصل نفسي لي هالمرحله
انا ما ارضى ام تطق عيالها تقولين لي خدامه !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! و الله بعرس امها

manoora قال:

والله اطقها و العن خيرها الخير هذا اللي ناقص و الله لو تجيسه بس غشمره حتى لو طقه على الخفيف اكوفنها الكلبه كلش ولا الياهل الخادم ما يتجرأ و يمد ايده اهي وظيفتها خادم مو ام بعد و الله سالفه هذي تطق ولدي و اخليها مادري ليييييييش

أنقر للتوسيع...

بضضبببببببببببط هذا جوابي:eh_s(15):

وااااااي و الله ودي أصارخ بس اتخيل الموقف.....

من شوي انا مايبت خادمه....

و الله مادري يمكن اقطعها بضروسي....بالشارع ما أتحمل حد يطق أحد على ويهه هالنوب ولدي ينطق جدام عيوني على ويهه و أسكت و اروح اشاور شسوي؟!!!!!


واااي قمت انفض من الحره ودي اروح بيتج و اكفخها لين اطلع حرتي.....




و اذا كلش مسكت عمري مالها عيشه معاي....



اذا هم بشر عيالي هم بشر و يهال ما ارضالهم المهانه.
و لا ارضالهم يربون على كل من هب و دب يمد ايده عليهم حتى الخادمه بالبيت.....

مره شفت ياهل يهدد خدامته (ماتقدرين تطقيني انا معاي يدتي)
خنت حيلي و تم مده يروح و يرد عالخادمه و هو يقولها جذيه و هي تطالعه بذيك النظرات من بعيد....

مسيكين مستقوي بيدته يدري ماترضى عليه ...

اذا ولدي أمانة الله عندي مالقاله ظهر ينصره اذا انظلم عند أمه عيل شبقاله من عزة نفس!

تربية ولدج مسؤوليتج...انتي تقومين اخلاقه بالطريقه اللي تشوفينها...مو تجي هذي من شارع عايشه فيه بديرتها عشان تربي ولدج و تطقه سطارات على ويهه....

صاجه رنين بس في شغلة بضيفها في حريم اشوفهم معاي بالدوام او غيره مايدرووووووووووووووون عن الياهل اهوه مسئولية الخدامة من إلى فالخدامة بهالحالة وراها شغل بيت وياهل ما استبعد تكفخه اذا انا بنتي سهرتني ودي اكفخها واتعوذ من ابليس هالخدامة اللي لا مذهب ولا ملة ومتغربة وووراها شغل ومجابلة هالياهل ماتبي ترتاح ؟ والله اتكفخه وجنه العيد هني اشره عالام مو عالخدامة ..
يعني لي شافت الخدامة تطق ولدها خل تشوف روحها لا تزفها ولا شي ...

بس بالنسبة لي ماخلي الخدامة تجيس بنتي الا ما ندر فإن طقتها غسلت شراعها بالله من زود الشغل اللي عندها والا الضغط ؟؟

سبائك هذي القضيه ماينفع فيها التعميم....


في خطوط حمرا ما تحتمع التعقل أو المداراة.

الكلام عن خادمه بوسط بيتج تطق ولدج على راسه و وجهه سطارات...
و شفتيها بنظر عينك مو أحد قالج.

ماتفزعين لولدج؟!!


لو شنو يكون مالها عذر و لا اشوف لي أنا يا الأم عذر ما أنصر ولدي بوسط بيته....



أما المجتمع الخارجي قوانين التعامل معاه تحتمل المرونه أكثر. شكثر بيشوف خواله و الا عمامه مره او مرتين بالاسبوع و بين كل شكثر و شكثر راح يحصل جذيه مواقف؟!
غير ان في قضيه الصله و الارحام لازم أراعيها

و الخوال أو العمام و الأهل عارفتهم و عارفه طريقه التعامل و المطلوب اعلم ولدي شلون يتعامل مع ها المواقف.
و كل عمر على حسب عمره
ماني صافه حرس حوالينه و لا اربيه عالجبن لكن ما اربيه انه مطيه كلمن يلطش فيه.


اذا بوسط بيته ماخذا حقه و من أمه مالقه من يدافع عنه عند الضروره عيل وين بيتعلم انه كيان و له كرامه!

بالمواقف اللي بره أنصر ولدي حسب الموقف ماني متهاوشه مع الأوادم على كل شارده ووارده!
و ساعات نصرته اني اسكت

ساعتها كل موقف و له ميزانه.
و كل عمر بعد له ميزان....




الياهل ماهو طالع من بطني للعالم الخارجي...كل شي بالتدرج.
او شي لازم يتعلمه انه مو عادي ينطق و هذا شي مرفوض.
و هذا يجي من البيت.
اذا فهم ها الشغله أعلمه شلون يدافع عن نفسه كل موقف بالاسلوب اللي يناسبه.

مع اليهال اللي كبره أخليه كيفهم يطق و ينطق و يتعلم.

بس اذا يا واحد بيتفرعن على ولدي اوقفه بدون مايحس ولدي قد ما أقدر.

لكن اذا الخادمه طقته على راسه و ويهه جدام عيني لا و الله ما اسكت و ان مسكت ايدي عنها ما يردها الا باب المكتب.

والله الواحد صار اخاف يخلي الياهل مع الخدامه دقيقه .. كلش هل اشكال مافي قلوبهم رحمه..
جدامكم يصيرون على الياهل يادهينه لا تنكتين .. ومن وراكم تكفخ و اجرام بالياهل..
اصلن دام طقته طق خفيف قولي في قلبها شويت رحمه .. في خدم سوالفهم اتشيب الراس ! ياما سمعت خدم يتحسسون على الاطفال .. وله يكون بالاشهر والمعزبه معتمده عليها اتوكله .. وتاكل اكله وتخليه اصيح اموت يوع والام ماتدري شسالفه !!
الله يحفظ عيالنا منهم