شعري اللي كل مااشوفه يعورني قلبـي :( حسبي الله ونعم الوكيـل

الســــــلام عليـكم ورحمه الله وبركاته...



ااااااااااااه ياربي مادري شلون ببدي بالموضوع :lkmnkl:
والله وانا قاعده اكتب لكم احس قلبي ينزف ويعورني
كـــــان طبعا فعل ماضي كان شعري يهــــــبل
طويـــــــــل وكثيـف مووايد كثيف بس زين
بس كان حيــــل طويـــــــــل
وشوي متقصف
فناديـــت فلبينيه يايه تقص شعر اختي
جان اقولها بس قصي اطرااافه اهي افتحت شعري
جان تشهق تقوووول واااااااايد طويل بس بالانجلــــــيزي
جان تقولي انا لو اقعد 100سنه مايصير شعري هالطول
جان اقولها قل اعوذ برب الفلق
قولي ماشاء الله جان تقولي ههه ماشاء الله

والله ثم والله ثم والله
ان بس عقب هالسالفه اب شـهر
شعري كله صار متشابك فجأه وطااااااااح بشكل خيالي
والله بنااااااات ليما الحين شعري صار بوي
حسبي الله ونعم الوكيــــــــل
:eh_s(2)::eh_s(2):

والحين ابجي ومابقى شي ماحطيته ليل نهااار وماكو فايده


الله يعافيكم بنات ابي شي يفيد شعري ويرجعه والله يعافيكم ادعولي يرجع نفس قبل وكل دعوه
تدعونها حق اختكم بظهر الغيب يقول الملك ولك نصيب مثله

وبــــس مع السلامه

حبيبتي روحي لها الصالون وخليها تشرب اي شي واخذيه شربي من وراها والباجي زيديه ماي وغسلي فيه شعرج

استغفر الله اذا شفتيها مره ثانيه شربي وراها وعندج تونيك سورسير وااايد زين ودهني شعرج بزيت مقري وغسليه بماي مقري وارقي روحج كل يوم

هلا فيكم حبيباتي
والله مادري عنها اختي مطلعه رقمها من الوسيط
هذا الحجي قبل سنه ولي الحين ماتعدل شعري
الله كريم ان شاء الله يرجع
ويعطيكم العافيه عالردود

عطتج وحدة ... اقري على نفسج الله يحفظج

على كل شي يطالعون

ان شاء الله كريم يعطيج العافيه
حبيبتي عالمرور

لا حول ولا قوه اللا بالله

اقري المعوذات كل يوم ومايصير اللا الخير انشالله

هذي عيون الناس مانسلم منها لا حول ولا قوه الا بالله

حسافة عليييه

اقري على نفسج ارقي روحج دايما ولا تهدين اذكار الصباح والمساء

واستخدمي خلطات والله كريم .

سورة البقرة اقريها كل يوم وادعيلي والله والله ولله انها راح تنفعج

حبوبة عسى الله يشفيج من العين
زيت الاس او تونك الاس ( ماي + اس) وايد زينين و يطولون الشعر

زيت زيتونن مقري ولا تنسين الأذكار
وناديها شربي من مايها

لاحول ولاقوة الا بالله العلي العظيم

اذا شفتيها مره ثانيه شربي وراها

اول شي اقري على نفسج وروحي الحداد خوش شيخ مجربته انا بشرتي كانت كلها حبوب الظاهر طاقيني بعين من رحتله عطاني اشياء وقرا علي الحمدلله راحو بس اثار
بعدين حطي زيت خروع مع زيت براشوت مع زيت مزرولا مال الاكل وكل يومين حطي على شعرج ساعتين وتسبحي وكل ما زدتي زيوت زين بس وخري عن دبر املا لان اذا هديتيه يطيح
انا مجربة
ووخرييييييي عن السشوار والفير والستريتنر وكلها جم شهر وانشالله شعرج احلا من اول

لا إله إلا الله !!! حسبي الله عليها !!!!
اختي عطي حنا .. و زيت اللوز و زيت خرع و زيت زيتون .. داومي عليهم .. وان شاء الله يرد مثل اول واحسن ...

مدام شعرج مندمر من عين فعلاج المعيون بالقران

لاخلطات ولااي شئ بيفيد لان عين

وربي يعوضج باحسن مما كان علية

اقري سورة يس
الناس ماتعطي خير

samara20001 قال:

حبيبتي روحي لها الصالون وخليها تشرب اي شي واخذيه شربي من وراها والباجي زيديه ماي وغسلي فيه شعرج

أنقر للتوسيع...

مايبيلها واحد اثنين حبيبتي روحي لها

واقري على نفسج المعوذات على طول ونفثي بماي وغسلي فيه شعرج

وبعد اخذي زيت زيتون واقري فيه المعوذات وايات الحفظ وسورة البقره وكل يومين دهني شعرج فيه

وان شاء الله يرد مثل اول واحسن

ناديها مره ثانيه جنج بتسوين شغله وخل تشرب ماي واخذي مايها شربي منه وغسلي شعرج فيه وقري المعوذات