محتاجه شريكه بمشروع

السلام عليكم







شخباركم بنات





بنات انا سالفتي ان عندي طموح ابي يكون عندي دخل ثاني غير معاشي يعني اكثر شي مركزه عليه وحاطته في بالي مشغل ملابس حريم ...

بس المشكله في زوجي ما يساعد دايم يكسر مجاديفي ... ما يعطيني اي دافع ...


فاللي في بالها نفس اللي في بالي تقولي ونتشارك بمشروع صغير ...


فشاريكم انتوا ..؟؟؟؟

ربنا يوفقك حبيبتى
وحاولى تاخديه بالسياسه
وإن شاء الله تحققى ماتتمنيه

حالتج نفس حالتي بس انا تحديت الكل والحمد لله مشغلي ماشي رغم التحبيطات الي اسمعها منه ههههههههههههههه عادي طوفي .

حبيبتي ..شرحيلي خططج .. مثلا وين ناويه نحطه ؟ ناجر دور في بيت مثلا و الا بيت و الا محل؟ اي منطقه ؟ افكارج ؟ نزع العماله الي خاطرج فيها ؟ راس المال .. و ان شاء الله نتعاون مع بعض و نتشارك و نسوي انجح مشغل

ابدي حبه حبه لما يكبر مشروعج
انا الحين توني باديه بين اهلي
و ريلي لما شاف الارباح لووووول قال بشاركج
والحين قاعده اخطط اشترك في معارض واسجل بالمنتدى بنك تاجرة

وحبيبتي انتي شوفي شنو الي يناسبج ولج خبره فيه
ملابس عطورات مكياج حلويات
اخذي تجارة يكون انتي فاهمه فيها وحابتها

بالتوفيق

رياييل الكويت خليهم حق التحبيط استغفرالله كسالى (محتره منهم كله يذمون بحريم الكويت )

الله يوفقج وترى لو تبتدين بخياطه وحده المهم تجابلين شغلج صدقيني بتربحين لأن الأهم هو ان الوحده تجابل حلالها وابتدي صغيره وتوسعي شوي شوي وربي يوفقج.

الله يوفقج

ودي و عندي افكار و عندي طموح بس نفس الحاله حبيبتي راسليني عالخاص خل اشوف شنو مخطط و اذا في مجال نتشارك لأن هم آنا ودي اسوي مشروع مشغل و افكاري الحمدلله مبهره .

موفقة يارب وترا هذا حال اغلب الرياييل
بس يشوف الربح يستانس