دراريع..دراريع..درايع تعالوو بنسولف عنها

[^^ ريان^^]

هااااااااااااااااااي بنات ان عضوة جديدة,,,,, رحبوا فيني وردووو على لاتفشلووني بعدين ازعل والزعل مو زين عشاااني :mad:
مااطولها عليكم بنسوبف اليووووم عن الدرايع ومثل ماتعرفون اغلبنا عند حمولة ولازم نجدد ونغيير وركزوووا على كلمة لازم وبما ان السالفة فيها مجاكر وتحدي ليش لأ ؟؟؟؟ادري ان فيها ارهااااق للميزانية ويبلها وحدو فاضية وكل يوووم تدور على هالمشاعل ياجماعة واللة تعبت وموملحقة على اللي عندنا بالبيت اربعة وفي تنافس شديد وكل وحدة تقووول الزين عندي تخيلووو كل اسبوع دراعتين اجداااااااااااااااااد بموووت يابنات هذيلمن وين لهم كل الفلووووس خلى الفوووس من وين لهم الوقت صراحة شي مرعج وممل بس شسوي وضع وانطيت فية الظاهر ما راح ارتاح لين اطلع بشقة اشرايكم؟؟؟؟؟؟؟؟؟؟؟ ولين اطلع بشقة عااام 2220



ابي منكم خدمة عطوني اسماء مشاغل حلوة اسعارة معقولة وشغلها ذرب وركززوا على ذرب




واذا شفت تجاوب منكم راح اقولكم على صولاتي وجولاتي في عالم الدرايع ناطرة ردكم

[أم الحلوة جمان]

اختي انا عندي دراريع للبيع بس تنفع شوي للعزايم و الاستقبالات

[srabeel]

حياج الله يا ريوف فين خواتج كويتيات

يحليلج الحال من بعضووووووووووو بيت حموله ولازم كل يوم متسنعه ودراعه يديده وغير يوم يمعتهم إلى عاد تكون البدله أو الدراعه غير وفنتق

بس تدرين الحين ما يحضرنى محل معين بس إنشاء الله البنات ما يقصرون وياج

[شمس و قمر]

ياربييييييييييييييييييييي ييي والله نفس حالتي

حريم حمواني ثلاث وخوات زوجي اربع

ويموتون على الدراريع ومتفرغين للسوقه

وانا مجابله بنيتي ولا اروح عند ماما

منين اجيب ميزانيه وافكار؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟

[أم ملاك]

انا كبتي بينبط من الدراريع ما شاءالله انا الوحيده عند حمولتي حماي مو متزوج بس انا احب الدراريع وموديلاتهم الغريبه ودايما اخذ من الحمرا مول تحت اول ما تزوجت كنت اخذ من الاوقاف بس غالي وايد هذول عندهم شغلات حلوه وغريبه واسعارهم زينه

[^^ ريان^^]

شكرااا للي ردوو على موضوعي مع اني زعلانة على الباجي اللي دشوو الموضوع وماسلمووو موضوع الدراريع شيق للجميع ادري :)بس إلى الان محد عطاني اسماء مشاغل أم ملاك أنا ما احب الجاهز احب التفصال شمس وقمر اللة يعينج سبعة انا اربعة مو ملحقة:eek:سرابيل شكراا على مرورج واكيد يوم اليمعة غيييييييييييييير اللة لايخسر .ام الحلوة جمااااااااااااان مومشكلة حتى لوللأستقبال طرشيلي التفاصيل على الخاص ما عليج أمر

وللخبيرات أبي ارقام مشاغل صباح الناصر و وضواحيها زرورييييييييييييييييييييي

[ام ديما]

ام الحلوة اللة لا يهينك طرشيلي التفاصيل كاملة عالخاص

[ektifeet]

مشكوره حبيبتي على هالموضوع..الكويت متروسه خياطين وخياطات..انا بصراحه اروح اشوف عروض الخياطات واخيطهاعند الهنود بس طبعا ارخص بكثير..في خياط بسوق الجمال في الفحيحيل اسمه ابحر..وبعد خياطين سوق الدبوس كلهم شاطرين..وفي خياط شاطر اسمه حوراء الشرق فوق سوق المعلم ..اما بالنسبه للخياطات عندج فاطمه قبازرد ونهى المنصور واعتدال وماسه الكندري و مشغل غايتي ..غير العروض اللي تنزل في بيت ديفا..

[:: عائشه بقلبي ::]

هلا بالغاليه

انت نفس حالتي
وشوفيهالرابط

شاركيني بنفس الموضوع

هنا دراريع (http://www.al7oorq8.net/vb/showthread.php?t=358&page=8&pp=10)


موضوعي ملف الدراريع (http://q8yat.net/showthread.php?t=1370)

[أم الحلوة جمان]

هلا خواتي ريوف و أم ديما
ماني قادرة ادز لكم رسالة خاصة بس إذا ممكن ايميلاتكم و انا ادز لكم رقمي و عنواني و حياكم الله

[fajoora75]

هلا بنات تفضلوا معرض بوتيك الفجر للدراعات الفخمه والبنجابيات والقمصان من تصميمي
http://www.q8yat.net/showthread.php?t=3310
http://www.q8yat.net/showthread.php?t=3399


وحياكم الله بمعرض الدراعات المقام بجامعة الخليج تاريخ 5 و6 ابريل من الساعه 9 الى الرابعه عصرا

[الحــــلوه]

ريوف اسميعيلي انا المركز الاول بالدراريع والكشخه عند حمولتي
لين صاروا حريم حمواني يكرهوني واذا شافوني جيت دققوا بالدراعه وكل وحده طسوا صرت مكروهه والسبه كشختي معاشي استلمه مني واصرفه على لبسي ودراريعي

الكل قام يقلدني تقليد اعمى والله حتى حقيرات حريم حمواني تجراوو انهم يدقون علي ويبون يعرفون من وين اجيب الدراريع وانا قاهرتهم الف وادور معاهم ماعطيهم علم بين لانهم هم العن مني مايعلمون يعطون العكس
انا عندي بالبيت ثنتين مسميتهم وحده شارون والثانيه بوش
ووحده منهم طايحه بطبع هذي بوش صايره تلزق فيني وتقدم لي نصايح تقولي لاتلبسين انتي كل شوي دراعه جديده وماتكدين الدراعه لان خالتي تحرهم فيني تحب الوحده تكشخ ودايما اذا جوها ضيوف تقولي لاتروحين ابيج موجوده ابي اوري الحريم مرت ولدي



والسر هو
دراريعي عند مشغل غايتي اطلبي منها دراريع حموله مو الاستقبال الحمـــــــــــــــــــــ ـــــــــــــــــــــــــ ــــــوله اسمهم مايجون غالين تقدرين عليهم
وعباياتي من حنايين بالنقره فوق اكشخي وحري العذال
على فكره لاتاخذين خاماتج الا من الجذور اللي بالنقره الشمالي او المنجد
عنده جاكارات اتهبل
والله بطيرين عقولهم

ادعيلي انه الله يرزقني بالذريه الصالحه ويكفيني شرور الناس

[حروف]

الحلوه ......... ابي رقم غايتي ........ ضايع مني ....... شغلها صج روعه

ام خالد البصمان ........ مشغلها باشبيليه

[الحــــلوه]

هلا فيج
هذا رقمها 7848706

[lekaa139]

ماشاء الله البنات الغاليات ماقصروا

[توت عنكبوت]

حبيبتي المنتدى مليان أرقام لهم قسم خاص طالعي فوق أسماء مشاغل الحريم بتلقين واجد واجد أصلا صار كل بيت فيه عرض من كثر الحريم وبالتوفيق

[OM-TURKY]

LOOOOOL walla faraGhaaaaa

[ملوكه]

بنات اللي بتلبس تلبس لنفسها اول شي وتوري الناس انها مهتمه بروحها مو عشان تحر غيرها اعتبرها تفاهه اللي تفكر جذيه ويا كثر المشاغل وكل وحده وذوقها

[توت عنكبوت]

حبيبتي ريووف ما عطيتينا اسماء مشاغلج ولا سولفتي عن صولاتج وجولاتج انا انتظر ردج

[oni]

بنات اللي بتلبس تلبس لنفسها اول شي وتوري الناس انها مهتمه بروحها مو عشان تحر غيرها اعتبرها تفاهه اللي تفكر جذيه ويا كثر المشاغل وكل وحده وذوقها

100% :eh_s(15):

بنات إنتو صفو النية وترا في النهاية هذا لبس لاراح ولارد

وبعدين آنا أعرف حريم شخصيا يحسبون لبسهم كشخه وحلو والكل يغار منهم

وفي الحقيقة محد درا عنهم ولاحد إنتبه لهم ,,, ولاحد حتى يبي يسألهم !

الله يكافينا الشر :(


نرجع لمحور حديثنا بالنسبة للدراريع والله ما ألبسها حيل

فما أدري عن المشاغل :eh_s(8):

[بريسم]

فيه دراريع بيت ب 15 دينار و ب 20 دينار و ب 25 دينار

و أغلبها قطع مو مكررة فى مشغل دانتيل صباح الناصر ت 6127228

[الشرحه]

حبيبتي جربي مشغل عزايز بخيطان صج ذرب

[الحــــلوه]

اختي اون مادري والله شنو نكج
صح كلامج حبوبه في ناس على بالهم الناس ميتين عليهم ومحد بالاساس طاق لهم خبر
وفي الناس مثل اللي انا تكلمت عنهم والناس اجناس
يمكن انتي على نياتج ومغمضه والناس مفتحه
وانشالله تشوفين اللي انا شفته من غيرت بعض شوفي قلت بعض الحريم اللي يغارون مني اللي اهم حريم حمواني وتقولين حرام ظلمت البنيه
وليش تتكلمين جذي انتي داريه انا شنو وشنو اللي يصيري من الحسد بعض الناس على فكره شوفي انتي لا اعرفج ولاتعرفيني من كلامي غرتي وحطيتي اني على بالي اني حلوة وخليتني ولا شي شمعناته ليش ماقلتي في ناس كذا وفي ناس عكسهم
ولاتعرفين دراريع والبنت طالبه دراريع بالاساس ليش تفرضين رايج وتعطينه وانتي ماتعرفين بالدراريع شي واذا جائتني مسبتي من ناقص" فهذي شهادة" بااني كااااملن


اوكي حبيبتي والحشمه لراعيه الطلب والموجودين
ولج لاني بنت ناس واجزي الاساءه بالاحسان والله يسامحج وسوري اذلا جرحتج لان اسلوبج نرفزني [/quote]

[Mi$$ Parby]

بوتيك قرطبة
ومجمع الاوقاف
تحصلين فيهم شغلات راقية بس مو دايما بالمواسم

[فساتين فخمه]

طيب نبي صووور

[say yes]

انا اقول الواحد ياخذ صور من النت ويفصل والله الواحد اسعار هاليومين نار الواحد مو عارف يجمع فلوس حق السفر ولا الكشخه بنا ت طايحن بكبدي 2 اقمشه سترتش ابي افصلهم فنتق واحد اورنج وواحد كحلي محروق هههههههههههههه والله بلشه بس والله ماعندي خوات ولا كان سالتهم

[الزين عنزي والدلع سعودي]

ياحليلكم ...

والله تتعبون حيــــــــــــــــل وتتعبون نفسيتكم عشان مجاكر الحريم والحموات ..

كل وحده تجاكر وتحر ترى هذا يرد عليها سلبي .. عشان معاشها كله على خرابيط لبس مالبس ..

اكشخي والبسي لكن كل يوم درااااااااعه وكل مناسبه بدله وماتنكرر ...

والله سخط وحرام عليكم ... ((تشوفون ماجانا مطر .. والفلوس مافيهابركه)) :(:(


عين العقل اخيط كل شهر 3 وامنا بالله .. ويالله لك الحمد نعمه .. واللبس اذا تكرر موعيب ولاحرام ..

..**((من تواضع لله رفعه))**..


<<----- حمواتي خوات زوجي 6 .. يلبسون يكشخون الحمدلله .. بس انا ماطالع فووووق ..
<<-----وحريم حموين ماعندي الا واحده وطالعه فبيت .. والثانيه وخيتي من لحمي ودمي لامجاكر ولاشيء يالله لك الحمد ..


يابنات اتقوا الله للي تقول كل معاااااااااااشي يطير على اللبس .. اللحين الزمن يخررررع ..


وسلالالالالالالالالالامتك مــ ..:):)

[slsbeel]

فى اتيليه دار المزيونه بالجابريه عنده دراريع شلاحات حراير فى الساده وفى المشجر بس وايد حلوين وفيكم الشك شوارفسكى ومدخل مع الشوارفسكى كريستال ملون على شكل احجار بس روووعه انا اخذت لى بنفسجيه ساده وفيها شوارفسكى وكريستال احمر واسعارهم بحدود 60 تقريبا بس بصراحه شغل

[الدلوعه2008]

حبيبتي انا جني سمعت في معرض بالرابيه في مشغل بقطعه 1 بس مو ام محمد لا وحده ثاني بس ما رحت لها اليوم يمكن بروح لها وشوف شنو عندها

وانا ما فصل بالمشغل كله غالي ويقلدون العربيد وانا حدي العربيد للي وره الجمعيه حلوو ما علي من غيري لبس علي كيفي للي يعجبني لبسه مو شرط احرر غيري انا واثقه من نفسي ولبس للي يعجبني

وروحي معرض في بيت الديفا بالفندق كل سبوع موجودين مشغل

[أجهله]

السلام عليكم خواتي
الموضوع بدا يطلع عن النطاق المعقول بالردود

المهم الوحده تكشخ وتسنع بحدود المعقول وتترك عنها مجاكر النسوان واذا ماتبي تعلم من وين مخيطه حقها واهي بكيفها((((((ولولا الحسد ما مات احد)))))..........