وينكم ؟؟؟ ابي فزعتكم ياكويتيات تراني صغيره وما اعرف شي ):

السلام علكم ورحمة الله وبركاته ...

شلونكم بنات شخباركم ..؟؟؟

انا ببدا بالموضوع على طول

انا بنوته عمري 18 سنه صارلي سبع اشهر من ملجت ونظامي كله نوم ونت

فلما فكرت بيني وبين نفسي قلت باجر ماراح القي هالراحه اللي انا عايشتها

فماباجيلي غير 6 اشهر وانا للحين لا اهتميت لنفسي ولا تعلمت الطبخ ولا ولا اي شي

فقلت خلص طفح الكيل ...

ابي مساعدتكم علشان اتعلم الطبخ مع العلم انا فاشله بالطبخ حتى الجاي مااعرف ابضبطه

والطامه الكبرى اني شقتي بروحي يعني ماكو احد بطبخ غيري... لا وريلي مايحب شي اسمه خدامه

وتعرفون انه ::: أسرع طريق الى قلب الرجل معدتة)

ادري بتقولون ليش ماتعلمه امه ؟؟ امي مره كبيره وفيها مرض السكر والضغط فلخدامه اللي تطبخ لنا

طبعا اول شي بتعلم الاشياء المهمه ... مثل العيش والدياي والسمج واللحم وغيره من الاطباق الرئيسيه

انتم كرمين وانا استهل ... فلا تبخلون علي

الله يوفقج ان شاء الله ويتمم عليكم

حوسي بقسم الطبخ البنات ماشاء الله حاطين اطباق اتينن عاد انتي طبعي اللي تبينه وجربيه ووسويلج مرجع طباخ خاص فيج

إذا طبخ خدامتكم زين و تعرف ،،، أوقفي معاها بالمطبخ و خل تعلمج شلون تسوين العيش و هالأشياء ،، خطوة خطوة ،، و اشتغلي معاها

الطباخ لازم عملي دشي المطبخ كل يوم وابدي بالشغلات السهله والله يعينج

اولا مبروك عليك

والله يتمم عليك الزواج..

بالنسبه للطبخ
العيش والدجاج والاشياء الاساسيه هذي اوقفي عند راس الخدامه وتعلمي منها
اما اذا تبين تتفنين اشتري لك كتب حقت طبخ تكون سهله وتعلمك اشياء حلوه

وبالتوفيق يارب ..~

الله يتمم عليج فرحتج ..ويسخرلج زوج المستقبل ويرزقج بالذرية الصالحه

ويرزق كل البنات....يارب

ياقلبى فيه كتاب اسمه النخبه...حييل حلوو..وكتاب الضيافة القديم فيه اساسيات الطبخ

والحين النت فيه من كل شى....
بس حاولى قدر المستطاع تقللين من النت وتهتمى بنفسج باجر وراج بيت ومسؤولياات

وتهانينا مقدما ياقلبى......@@

مشكورين بنات وماقصرتو

والله يجعلها في ميزان حسناتكم ....

وادعولي اني اتعلم

مبروك حبيبتي !
في قسم بالمنتدي عن الطبخ وهالسوالف دشي وتعلمي مره مرتيين بتعرفيييين !
واذا خدامتكم تعرف تطبخ قوليلها خل تعلمج مافيها شي !
والله يوفقج ان شاءالله

دندونه الف مبروك وان شاء الله اتعلمين الطبخ وكل اعمال البيت

شوي شوي وبتعلمين بس يبيل وقت وتمرين

أول شي بالتوفيــق حبيبتي
وثاني شي
أنا رايي من راي البنات اللي قالوا
دشي المطبخ واوقفي على راس خدامتكم
تعلمي منها الاساسيات
العيش والدجاج واللحم والمعكرونه
بعدين عاد قلبي بالمنتديات
لأن الاساسيات يبيله اتشوفين جدامج
وعشان بعد يظبط معاج وماتحبطين
بس اذا كل بالكتب يمكن مايضبط وتحبطين
وانا بعد بتزوج
ومااعرف الا العيش والمعكرونه لا وبعد مو دايما تضبط
لوووووووووووول وموناويه اتعلم

انا انصحج تشترين كتب طبخ بتول الكندري كبداية....كلها اطباق سهلة و حلوة

بعد قلبييييي موووفقه انشالله وانشالله الله يهنييج مع زوج ويخليكم لبعض في مواقع حلوة وهذا الموقع انشالله يساعدتج :>ت شوفي وطبقي بالخطوات وفي كتب المطاااحن لذيييييذه وفناتق سهله وتينن والله تنفعج واايد الله يوفقج يا حلوة

مممممممممممم الموقع منت حاطته بالفيفرتس مالقييته صبر صبر (( لوووول مسنجر مع ويهي اسولف هني هههههههه))
لقسستلج هذا انشالله ينفعج منقووول
ام احمد
المطبخ العربي
كتاب الطبخ
http://www.angelfire.com/hi/hisham2...nuarabic01.html


المطبخ الايراني
Persian Cuisine Recipes.
اطباق
Atbak Home Page
مسلمه
http://64.37.109.38/matbakk.htm



اكلات عربيه من كنوز
http://www.konouz.com/cocina/index.html


كل ما يهم الطباخين
http://www.chefsupply.com/boston.htm


موسوعة البهارات
Spice Advice
قودي
وصفات شهية
ماجي
Welcome to Nestlأ© Family Network
موقع خفايف للطبخ
http://www.geocities.com/kafayef/


ركن المطبخ
alsunna.com: The Leading Terrorism Site on the Net
المطبخ الفلسطيني


مطبغ عيون
طعام طفلك
http://www.tadawi.com/htm/atfal_clinc.htm


اكلات عربيه

http://www.mnar.com/food.htm



الحلويات العربيه
http://home.talkcity.com/earthteam2000/arabicdesserts/



حلويات عبودي

http://home.talkcity.com/earthteam2000/arabicdesserts/


المطبخ الخليجي
Khaleiji Kitchen
الشيف رمزي
Welcome to Chef Ramzi


المطبخ الحضرمي
http://bafree.com/mukalla/recipe.htm


المطبخ التونسي
Tunisian Cuisine, Tunisia Travel Guide

اولويات الطباخه

ايييييييييييييي هني بعد بمنتدانا فديييتنا البنااات ما يقصرووون ومنهم خالتي تسوي سوالف عجييييبه وابداعات بالسلطااات روووووووووعه جيكي وشوفي

شـوفـي قـسـم الـمـطـبـخ

الله يوفقج