الجناط- شسوي فيهم

يابنات ياليت كل وحده تعطينا افكار لطريقه ترتيب الجناط ( جناط الطلعه) شلون تخزنهم ووين تحطهم؟
واذا عندها افكار لهم
انا عندي مشكله ان كبتي صغي ومايشيل ولا ادري شسوي فيهم !!!
ياليت تعطونا افكار

رد : الجناط- شسوي فيهم

انا اعلقهم بعلاق كل 3 جناط بعلاق

واحطهم بالكبت احسن شي

رد : الجناط- شسوي فيهم

كبت التعليق عندي مايكفيوبعضهم ينمسكون بالايد مايتعلقون



شسوي؟
ماحب الدثره يابنات

رد : الجناط- شسوي فيهم

والله حتن انا احطهم بالكبت وللي بستخدمها تتم على التسريحة بس بسوي فكرة مستقبلا ان شاءالله شفتها بحوا واعجبتني وهذي صورتها

شوفي شلون حاطين رف خاص حق الجناط

رد : الجناط- شسوي فيهم

مشكوره رقيقه
بس هذي يبلها حيز ومكان
وانا ماعندي مكان اسوي جذي

رد : الجناط- شسوي فيهم

هاااااااااااي

انا شاريه صناديق اللي تيي كرتونه من ايكيااا و شكلهااا حلووو ..وحجم كبير .. و حاطه فيها الجناااط مرتبه.. و جناطي واااااااااااااااااايد و كفاني كرتونتين بس ..و شكلهم حلو في الغرفة حاطتهم يم الكبت في الزاوية ..

رد : الجناط- شسوي فيهم

كادي ماليج امر
ممكن اتتصورينه لنا او تحطين لنا صوره قريبه منه
ماعرفت الكرتون

رد : الجناط- شسوي فيهم

الكادي خوش فكرة بعد

رد : الجناط- شسوي فيهم

انا حاليا شبهه مقتنعه بفكره الصناديق بس قاعده افكر شلون احزن الكراتين ووين
كبتي مايشيل
ولاقدر اشوهه شكل داري اني احط كبت ثاني او اني اضيقها

بس الكراتين احفظ وافضل
وخصوصا ان الجناط حرام اتكودينهم بمكان ويتجاعصون
والله حرام
عندي جنطه ايغنر ماستعملتها وايد اكتشفت انها تخفست ولاسبيل لاصلاحها بهالسبه وجنطتي كارتيه صارت جنها جوتي قديم تشمخت والسبه الضيج

رد : الجناط- شسوي فيهم

فكرة الصناديق فري قووووووووود على قولتج

بس فيه فكره يمكن تعجبج

تشترين سله من السلال العريضه

وتشترين خام دانتيل وشرايط وحركات

وتلبسين السله بالدانتيل وتحطين لها شرايط وفيونكات وكشاكش

ومن نفس الخام تخيطين الاكياس ملوت الشناط الي تجي من فوق مزمزومه بخيط

وكل شنطه قبل لاتخزنينها لازم تحشينها جرايد وورق عشان ماتتخفس وتصير موشي

ولازم تغطينها باكياسها عشان ماتتمشخ وتخترب

روحي المحل الي بالمثني وشوفي الصينيين مادري كوريين فيه لهم محل كله سلال وشغل يهببببببببببببببببببببل يونس حيل

واذا مالقيتي الحجم الي يعجبج اشتري سله من السلال الي لها غطا ووديها لهم اهما يلبسونها لج ووريهم الاكياس ملوت الشناط خليهم يسوون لج على عدد شناطج

ووووووووووووووبس

تعبت

رد : الجناط- شسوي فيهم

شمس وقمر انا شاريه من الصينين شغلهم عجيب بس ماقدر اطبق علي جناطي منهم لان الجنطه الوحده بسته جم وحده بشتري وانتي الصااااااااااااجه وايد




بس شكرا علي الفكره هم عجبتني فكره الجناط العنونات والسلال

رد : الجناط- شسوي فيهم

خوش فكرة بعد

انا امس حطيتهم في بوكسات كبار ملوت ايكيا وايد حلوين

رد : الجناط- شسوي فيهم

انا عندي رفين بكبتي كبار وعراض شوي ..

مصففه الجناط كلهم يم بعض ومتى ما بغيت وحده تليتها وحاطتهم على الراحه يعني مو راصتهم وعادي كلما بغيت اطلع اخذ الجنطه الي تطيح على هدومي عشان ما انسى الي عندي ..

رد : الجناط- شسوي فيهم

والله انا اول ماتزوجت امي شرتلي علاليق بالكبت فيهم فتحات وجياس نايلون ومبطلين من على الجوانب واهم مخصصين للجنط طبعا العلاقه الوحده تشيل 10 جنط امي شاريتلي علاقتين بس هم مو مكفيتني ومادري من وين شاريتهم والله تقريبا اهم شبهه هالصوره بس اللي عندي اضعف ومخصصين للجنط يعني اكثر

رد : الجناط- شسوي فيهم



وفي هالطريقه للجنط اكثر استعمالا اعجبتني

رد : الجناط- شسوي فيهم



لقييييييييييييييتها اللي بالنص هاذي اللي اقصدهاااااااااااااا

طبعا انا ماعهندي مكان بكبتي فحاطتهم بكبت دشاديش ريلي خخخخخخخخخخخخخخ

رد : الجناط- شسوي فيهم

جوريه وايد حلوه

بليييييييييييييييز سالي امج من وين شاريتها؟؟؟؟؟؟؟؟؟؟؟؟؟

رد : الجناط- شسوي فيهم

انا بقول لج على فكره ذكيه اذا كان كبتج اللى فيه المعاليق طويل يعنى يبقى فراغ بين القاعده وآخر الثوب ما ادرى فهمتى والا لا المهم هذا المكان يكون فاضى حطى الجناط فيه بس مو بالباب اللى ينفتح بالوجه والطبقه الثانيه
والله ما ادرى شرحى يفهم والا لا؟

رد : الجناط- شسوي فيهم

بصراحة موضوع حيييل حلو انا انا كنت احط جناطي في كرتون كبير الا من ايكيا بس التعليقه احلا وارتب زين بما انه في الترتيب وتخزين شلون ملابسكم الداخلية تخزنونهم وانتم عارفين المتزوجات الاطقم كثيره مو عارفه ارتبهم انا مجمعتهم في صندوق الا من ايكيا بس مو عاجبتني هو القمصان شلون عليهم

رد : الجناط- شسوي فيهم

الصوره اللي تبينها من ايكيا

وجناطي راستهم بمكان ملابس الطلعه مخليتهم تحت

بس بنت اختي مو مخليتهم كل مره اعدل من وراها