المساعد الشخصي الرقمي

مشاهدة النسخة كاملة : المتزوجات المغتربات ..والزوج مرافق :)


UK_Girl
10-10-2009, 12:40:35 PM
مساء الخير ..
شلونكم..طلب وليس امر لكي تعم الفائده على خواتنا المتزوجات وفيه احتماليه يسافرون وازواجهم يرافقونهم
اتمنى منكم خواتي المتزوجات الي يدرسون وازواجهم مرافقينهم ..
يقولون لنا عن الوضع بالنسبه للزوج المرافق لكم ..
بمعنى :
راضي ومستانس
و يساعدج ويعينج على الدراسه ..
ام مثلا يتحلطم ومتضايق من الغربه ؟وانشغالج عنه احيانا بالدراسه ؟

ووصف حالته هل كان على حال في البدايه ثم تغير مع مرور الوقت ام ظل على موقفه وحاله معاج ؟

فيدوا البنات اللي يبون ياخذون قرارت مصيريه بحياتهم ولكم الاجر والثواب باذن واحد احد.
طبعا
انا عزوبيه وما في احد بطريقي مكن يضايقه بعدي وانشغالي ..الله وكيلكم ماعندي الا امي وادري بتشقق ثيابها شوقا لاحتضاني باقرب وقت مثل امهاتكم اكيد :)

ربيعه
10-10-2009, 10:52:05 PM
اي والله ياريت تفيدونا الله يعافيكم ما بقى شي عالتقديم وانا ودي اروح باخذ بناتي وريلي يااااريت تطمنوني

Om_il3ubed
10-10-2009, 10:58:32 PM
يعطيج العافيه... انا ملجت شهر 9 الي طاف وييت استراليا بروحي صعب يعني عروس وبعد 12 يوم من ملجتي سافرت... بس ريلي كان للحين يدرس.. لما رديت شهر 11 سوينا العرس واهو كان متخرج حزتها

عاد شهر 2 سافرنا ويه معاي... اول اسبوعين كان صعب عليه ومو متاقلم على الوضع.. بس من تعرف على الكويتين... صرت اترجاه بس عشان اشوفه لووول

والحمدلله اهو يشجعني عالدراسه عشان اخلص وافتك و مايقول انتي مقصره ومن هالكلام... بس انا اول ايام ماكنت اخليه على ما اخذ عالمكان
وساعات اذا محتاجه اروح الجامعه عشان اشتغل بالويك اند او شي اهو اييب لاب توبه وايي معاي عشان ما اكون بروحي

والحمدلله مرت السنه وباقي القليل واتخرج ان شاءالله

اهم شي ان الوحده تقدر ان زوجها هاد ديره واهله وحبايبه وربعه عشان يكون معاها فهذا بحد ذاته تضحيه منه.. والمره لازم تخصص الوقت حق زوجها حتى لو كان عندها دراسه وغيره

وهم من اهلنا وايد تغربوا عشان ماستر ودكتوراه و عيالهم معاهم وريايلهم بعد والحمدلله ماشي الحال

قمر^خالد
11-10-2009, 03:59:57 AM
أي والله ياليت تفيدونا ............... آنه أنشالله بقدم أوراقي التعليم العالي الأسبوع الياي

Om_il3ubed
11-10-2009, 04:18:54 AM
موفقه ان شاءالله توكلي على الله والخيره فيما اختاره الله :) اذا كل شي صار سهاله ان شاءالله من صالحج واذا ماصار لا تتضايقين وعسى ان تكرهوا شيئا وهو خير لكم

UK_Girl
12-10-2009, 10:42:42 PM
شكرا ام العبد مع ورده بيضا ببياض قلبج الطيب ..

وان شاءالله الباجين يفيدونكم ..وما يقصرون معاكم

واعذروني ماقدر افيدكم شخصيا خبرتي على قدي باختصار شايله مسئوليه روحي بروحي ..والله يوفقكم جميعا :)

Om_il3ubed
13-10-2009, 07:39:10 AM
واعذروني ماقدر افيدكم شخصيا خبرتي على قدي باختصار شايله مسئوليه روحي بروحي ..والله يوفقكم جميعا :)

ولو ماسوينا الا الواجب... بس احسنلج والله انا تغيير روتيني كله من يه ريلي صار ماكو وقت حق روحي لوول
والحين بجي ودموع لانه سافر بالسلامه :krkrkr::krkrkr:

قمر^خالد
13-10-2009, 07:51:18 AM
حبيبتي يا أم العبد فديييييييييييييتج وأنشالله تخلصين شهر 11 .. وتاخذين الشهاااده ... بعد عمري:tek:

cheese cake 84
13-10-2009, 08:04:20 AM
الريال المرافق لزووجته يمشيله معاااش بالكويت ؟؟؟؟؟؟؟؟؟؟؟؟؟؟؟؟؟؟

قمر^خالد
13-10-2009, 08:11:15 AM
والله مادري .... سألت فيها قالوا نص معاااش

قمر^خالد
13-10-2009, 08:12:43 AM
واللي ما يشتغل ... يعطونه بدل مرافق اللي أهو أعتقد 550 دينار

*+$كويتية$+*
16-10-2009, 11:26:54 PM
عاد انا نفسي اعيش بالغربة

D.asmaa
25-08-2010, 10:19:47 AM
يمشيله معاش كاااامل وفوقه بوووسه ,, مااقدر افيدج ريلي يدرس

مشتطـه
08-09-2010, 08:00:29 PM
انا العكس انا بروح معاه ان شاءالله عسى الله يوفقه ويقبلونه ...


مادري احس وايد صعبه مرا تدرس وريلها مرافق !!

KittyCat
12-02-2011, 09:56:47 AM
انزين ادا وحده متزوجة و بتاخد اخوها مرافق و اهوه للحين ما يشتغل يعنى طالب يمشون له معاش؟؟

رهف المذهله
17-03-2011, 01:04:08 AM
والله خوش موضوع انا برافق زوجي انشاءالله واذا الله تمم علينا اقولكم بس ودي استفيد من المتغربات