المساعد الشخصي الرقمي

مشاهدة النسخة كاملة : انا حامل واخاف اولد هني... بليز منو في بوستن...


بنت الديرة2009
04-10-2009, 01:02:04 PM
السلام عليكم
انا كويتية
صار لي الحين في بوستن شهرين
انا جاية علاج حق ولدي
المهم ان انا الحين حامل وبالشهر السادس
وشكلنا احنا مطولين هني...بوستن
انا اخاف اني اولد هني
شلون راح يكون الوضع
ولدي عمره سنتين
وسمعت ان الولادة في امريكا غاااااااااااااالية حيل
يعني شلون ارجع الكويت عشان اولد
وهذا معناتة اوقف علاج ولدي
ولا اتوكل على الله و اولد هني
انا ما احاتي الولادة والله
احاتي بعد الولادة
منو بيقوم فيني
(((الله يخلي امي)))
شرايكم يا جماعة ساعدوني عطوني حل
والله محتاره
ابي رايكم يمكن عندكم راي ثاني
سلااااااااااااااااااااااا ام

مغتربة 2006
04-10-2009, 05:29:18 PM
انتي ما عندج انشورنس صحي
اذا عندج الولاده عليه
واذا ما عندج طلعيلج واحد اصلا ضروري هذا
عشان لا سمح الله اذا مرضتي ما تدفعين شي
طلعيلج واحد ولا تخافين الولادة بتكون على التأمين
وبالعكس يمدحون ولادة امريكا يقولون سهالات ودي اجربها
توكلي على رب العالمين

بنت الديرة2009
04-10-2009, 05:35:04 PM
حبيبتي مغتربة 2006
انا سويت قبل ماسافر تامين صحي للسفر من عند بيت التمويل
بس قالولي ان ماراح استفيد منه
وفعلا ما استفدت
انتس قصدج اسوي انشورنس من هني؟؟؟
لان اللي سويته بالكويت ماله اي فايدة؟

مغتربة 2006
04-10-2009, 10:19:48 PM
اي سوي انشورنس في امريكا في شركات وايد وسعرهم معقول مو غالي

irresistible
04-10-2009, 11:08:32 PM
تامين الكويت ما راح يسوي لج شي اذا تقدرين سوي لج تامين بامريكا لان يتكفل بمصاريف الولادة كلها و تبين نصيحتي بعد عناء مرير ما بين الكويت و امريكا خلج علي امريكا واااااااااااااااااااااايد احسن ما راح تحسين بشي و معاملتهم مليون مرة احسن من الهنديات الممرززينهم بالمستشفيات عندنا بالكويت هنيي غيييير بس اذا ما عندج تامين الله يعينج علي المصاريف لانها وايد غالية و الله يقومج بالسلامة و يشافي ولدج قولي اميييييين

بنت الديرة2009
05-10-2009, 08:11:11 AM
شكراااااااااااااااااااااا لكم جميييييييييييييعا على ردودكم
وبصراحة ريحتوني حييييييييييييل
ثانك يوووووووووووووووو

حنوووونهـ
05-10-2009, 08:16:00 AM
حبيبتي والله اله يسهل امرج ماعندي فكرة بس مااقول غير الله يردكم بالسلاامه قبل لاتوصلين شهرج ويشافي ولدج

تآعِبنْ قَلْبِيْ
05-10-2009, 12:37:55 PM
أنا مثلج رآح أولد بأمريكآآ

ومابقى على ولآدتي شئ تقريبآ أقل من أسبوعين

في آلبدآية قمت أحآآآآتي شلون رآح يكون وضعي خآصة إن عندي بنت أم سنتين وزوجي يدرس

من بيقوم فيهم ..

بس بعدين خلاص لقيت ان آلولآدة هني أحسن وعنآيتهم مو طبيعية بنت خالتي ولدت هني من قبل 7 شهور

وتقول حيييييل إرتآحت ..

فتوكلي على آلله وكل شئ سهآآلات من رب آلعالمين :)

عاشقه القيصر
05-10-2009, 12:56:55 PM
اب لعيونج

alb7ranya17
05-10-2009, 01:02:35 PM
ربي يقومج بالسلامه وام ساره وياج وعاد كتبيلنا عن تجربتج هناك

إنسانه وأكثر
05-10-2009, 01:07:14 PM
وليييه
نفس حالتي بالضبط انا بالسادس ومسافره مع ولدي علاج وخايفه من سالفة منو بيقوم فيني اذا ولدت وولدي بيكون عند منو وااااي قلبي حده معورني

وسالفة الاسعار ناس قالتلي تكلف وناس قالت لأ
بعدين حبوبه جنه في قرار انه السفاره تتكفل بكل مصاريفج اذا كنتوا يايبين ولدكم على حساب الحكومه بس مو متأكده منه يعني سئلي احسن عشان لاتتوهقين

الله يشافي مرضانا ومرضى المسلمين

ويسهل امورنا يارب

تحياتي

بنت الديرة2009
05-10-2009, 01:43:01 PM
اشكر الجمييييييييييييع اللي ردوا علي
واللي مروا بالموضوع
تسلمووووووووووووووون يا الغالين

تهبل وتستهبل
05-10-2009, 04:10:10 PM
الله يشفي ولدج

ويرزقج بالذرية الصالحه ..
ما اعرف شئ بس حبيت ادعيلج

الله يهون عليج وخلي امج تروح معاج ..

اكابر
17-12-2009, 01:00:18 PM
حبيبتي بالنسبه للاسعار انا اعرف وحده مغربيه تشتغل بمكتب صحي افبوستن اذا تبين اكلمها روحي لها واستفسري عن الاسعار ويمكن تقدر اتساعدج