((( في طريقي الى الثنويه ))) بليززز لا تخلوني

بسم الله الرحمن الرحيم​

شلونك شخباركم عساكم بخير ؟
انا انشاء الله هالسنه راح ادش الثنوية و الصراحة كل من اقعد مع احد و اقوله اني راح ادش الثنويه ينصدم و يقعد يخوفني و يتكلم عن كذا شغله بذكرها لكم :

1- النظام المتشدد في الثنوية .
2- عصبية الأبلات و تعاملهم الغير لائق مع الطالبات .
3- صعوبة المرحلة 10 من الثنويه اللي يسمونها خواتنا (مطبة الثنويه) .
4- وجود طالبات يحبون يأذون البنات ( طبعا قصدي مشاكل البنات و التهديدات اللي يسونها لبعض ) .[/SIZE]5- واهم شي انه يقولون انه الابلات ما يفهمون و دايما نفسهم بخشمهم .
طبعا انا الحين حدي خايفة من الثنويه و اكثر من بنت يعني قالو لي شغلات تصدم الواحد
فانا اتمنى من البنات اللي بثنويه يفيدوني بطريقة النظام فيها و تعامل الابلات مع الطالبات و احب اذكركم انا مدرستي انشاء الله في منطقة الظهر اهيا ثنويه الكل يعرفها >>>بدون ذكر اسماء


مع تحياتي


:eh_s(6):

up
up
up
up
up

شوفي حبيبتي انا ما اعرف انتي باي مدرسه ,,

اما بالنسبه لتعامل الابلات هذا راجع لكل شخص بذاته يعني الابله ممكن تكون معصبه اذا البنات عصبوا فيها و هذا شي واايد يصير ,,لكن مع البنات المحترمه لا غيير و عادي

اما عااشر تقولين مطبه الثانويه ,,انا اقولج ليش لانها تاخذ بين العلمي والادبي و المواد شوي كبيره لكن اللي يذاكر اول باول و يدرس و يشد حيله ما اقول الا الله ما يضيع تعب احد ,,

اما بالنسبه للنظام لكل مدرسه لها نظامها الخاص ,,في مدارس يكون مسموح عندهم كذا و مدرسه ثانيه لا ما يصير هالشغله ,,

و عسى يوفقج الغااليه و لا تحاتين شدي حيلج و انتي محتاجه لكل درجه لا تضيعينهم على نفسج و تقولين 12 راح اييب نسبه عاليه لا ترى سنه ترفع للسنه اليايه

و اتمنى انج استفدتي

شوفي ياقلبي انا خرجيه وتوني هالسنه تخرجت ورايحه للجامعه



حبيبتي لما كنت بروح عاااشر كنت حدي متحمسسسسسسه وقلت بشد حيلي بس دخلت انصدمت لانا في بنات وياد يعني كانو شادين حيلهم اكثر مني

وفوق هذا الابلات ترا ماينفعون مو كلهم زييينييين









نصييييييييييييييييييييييييحة اخت


الابله اللي ماتفهم وكانت مادتها مهمه لاتنطرين دوريلج مدرسه خصوصيه واعتمدي عليها
لاتغشين


مالج شغل بالبنات

خلي رفيجاتج الي بالمتوسطه وياج دايم


لاتخافين
كوني علاقات سطحيه مع البنات الييدد


استفيدي منهم دايما

لاتنامين ع روحج وتراكمين الدرااااسه كل يوم درسي
تعبي



تعبي
والل ترتاحين يوم تشوفين درجاتج


ولما تتعبين الكورس الاول الكورس الثاني ترتاحين والله لانا الابلات بيكونون عارفينج ودرجاتج بالجيب



وفوق هذا سوي وسايل للابلات



انا والله ندمانه لانا ضيعت عاشر وحادي عشر بالنوووووووووووووم



بسبثاني عشر صحييييييييت وسويت كل شي وتفوقت بثاني عشر والحمدلله ع كل
حال



اتمنى اني افدتج واي سؤال انا حاضر

مشـــــــــــكووره ع الموضوع الحلوو الي صج فادني و الردووود احلى و احلى ,,,
يسلموؤووؤ

الله يوفقج

هلآ حبيبتي...

اول شي ببدي معاج بالنظام المتشدد على قولتج شوفي انا يوم كنت بالمتوسطه كانوا وايد شاديين علينا بس رحنا الثانوية والله كل دفعتي تقريبا انصدموا معاي ليش ان في اشياء ماكانوا يرضون بالمتوسط نسويها وبالثانوي عاااادي واحلى شي مايعطونج تعهد الا اذا كنتي تهريب ,, او متهاوشه مع بنت او ابله ,, تأخير دائم (( الحمدلله مع اني أتاخر وايد بس انا ادش لمن يكون الباب امبطل والوكيله حاسبت البنات يعني ماتشوفني )).... الخ

واذا عن الابلات انا اقولج نصيحه نصيحه اي ابله تصارخ عليج لا تردين عليها عطيها سكب وامشي بجذي راح تسكت اذكر مره انا ورفيجتي ع الخمس دقايق احنا كنا برا قاعدين نتمشى ويتنا ابله وتصارخ اهني عبالنا موحقنا بس قربت صوبنا وزادت اكثر انا طالعتها وسكت بس رفيجتي ردت عليها تخيلي والله قالت ابله احنا شسوينا جان تقول بعد تردين علي عطيني اسمج استدعي ولي امرج>>>> والله والله خذت اسمها ومشت ولا سوت شي بس تبي تخوفها اصلا اذا راحت الاداره شتقولهم؟؟

ماعليج الا انج تمشين مع الابله سيده ولاتهربين وديربالج ترى يسووون تفتيش بوقت محد يتوقعه لاتاخذين شي مخالف وتورطين نفسج ترى كللله بملفج

وترى عآآآشر سهله لا تحاتين ياحياتي مافيها صعوبه بس اول جم يوم بتشوفين الكتب وبتخترعين وبتشوفين كل الي بصفج منتبهين بالحصه >>>> خل يمر اقل من شهر وتشوفين العكس تماما قصدي ان محد راح يهتم لان سهلله والكتب لاتخرعج

والبنات لا حبيبتي مو من اهني والطريج اييون ويهددون >>> شنو الدنيا فووضه!!
انا اشوف هوااش بالثانويه صح بس ماتكون بدون سبب لا ومو سبب اي شي بس انتي لاتخافين بتتعرفين ع بنات عسلللللللل عندج انا في بنات ماكنت اعرفهم بالمتوسطه صاروا بصفي ب10 وفي بعضهم ب11 و12 والله جنه من زمان اعرفهم يونسون بعد فصله:ggdw:

وموفقه حبيبتي

اي سؤال آنا حاضره..

لا يا قلبي لا تخافييين ولا شي كل هالكلام غللللللط !!!!

شنو داشه حرب ولا ثانويه !!
لا بالعكس الابلات ما فيهم شي بس تعاملهم شوي يكون غير لانج وصلتي لمرحله كبيره مو ياهل فيتعاملون معاج على انج كبيره و هالشي حلو
بس ..
يمكن تصادفين ابلات نحاسه و ابلات ملاعيين و و و و بس عادي انتي حاولي تكسبييينهم !!!

انا كانت تدرسني ابله اسلاميه كويتيه استغفر الله مححححد يواطنهاااااا نفسيتها خااااااايسه و بالدرجات تذلج
بس طول السنه كنت محترمه معاهاا و دفتري كامل و و و و و و اخر شي قدرت انزل خشمهاا بحترامي
فعن معاملة الابلات يعتمد عليج انتي و اسلوبج عااد

و اذا عن البنات لا لا شكوو شنو داشه حرب !!
مو لهدرجه يمكن تصادفين هوشاات و جذي بس اذا كنتي غلطانه او شي مو اذا مالج شغل بحد تييلج الهوشه لا انتي مالج شغل بأحد !!
داومي عشان رفيجاتج و دراستج و طلعي مالج شغل بفلانه و علانه و انشالله تردين بيتكم ساالمه لوووول

و على عاشر انها مطبه الثانويه ,,,

حبيبتي اول كوورس بتشوفين فيها شوي صعوبه لانج مو عارفه شلون طريقتهم و و و و بس ثاني كوورس حددده سهل و بتكونين عارفه الوضع ..

ولو على كلامج الثانويه تخرررع و مادري شنو و مخترعه جان محد تخرج بنسب حللوه و و وو

بس حبيبتي لا تحاتيين ولا شي و اي سؤاال بغيتي انا حاظره

حياتي انا مابي اطول عليج بس بقولج شغله وحده بما اني انا الحين خريجه ب12ادبي ..والله احلى سنين عمرج تعيشينها بالثنويه اما اللي قبل متوسطه وابتدائي غيييييييييييير يعني تقدرين تقولين ملاقه ..بس الثنوويه انتي والابلات رفيجات ضحك وميانه ..شفتي المسلسلات والافلام الاجنبيه عن الثنويه شلون وناسه نفس هانا مونتانا وميوزك سكول وغيرها ..لما تروحين الثنويه جذي بالضبط وماراح تحسين بخوف بس تبين نصيحه مني ..لاتخافين من البنات الاكبر منج كلششششش ..واصلن ليش تخافين يعني كلها بينج وبينهم سنتين وسنه ليش تخافين ..وبس ماكو احلى من الثنويه ومقالب البنات والضحك والغشمره ..موفقه حووبي

مشكورين حبيبات قلبي والله كلامكم كله عدل و ععلى عيني و راسي و تسلمون وانشاء الله كلنا نتخرج و نروح الجامعه
فديتكم مشكوره ملاك الكويت وكلكم على راسي من فوق
باي