المحاضرات والدروس ومجالس الذكر والفعاليات الدينية النسائية

السلام عليكم ورحمة الله وبركاتة ..

أخواتي .. عندي اقتراح وهو كل وحده منا تعرف مكان يقام فيه دروس ومحاضرات وحلقات تذكره ليعم الفائده على الجميع ..

انا بصراحة كنت اروح لدرس كل اربعاء للداعية وفاء الغانم بالاندلس مقابل مدرسة اروى للبنات الحين غيروها صارت مدرسة بنين ابتدائية ما عرف اسمها يبدون من بعد صلاة المغرب الى العشاء بس للاسف انقطعت من بدا الدوام والمدارس ولكن راح احاول ان شاء الله ان استمر معهم لان بصراحه دروسها قيمه جدا ..

وياليت القى تفاعل من الاخوات ونفيد بعضنا ..

والله ما عندي فكرة وانا وياج بعد ودي أعرف

هلا ياقلبي

في درس كل سبت بعد صلاة المغرب مباشرة بجمعية الاصلاح بالشامية وكل اسبوع داعية غير ...وايد حلوة دروسهم ومرات ييبون مشايخ وفي كل ثلاثاء بيت ام جاسم بالخالدية اذا تحبين تروحين بلغيني اعطيج العنوان

ام تركي 000قصدك وفاء الختلان 00 في الاندلس
واعرف الداعيه 00اقبال الغانم لها حلقه كل جمعه في الفحيحيل 00
بصراحه مثل هالداعيتين عمري ماشفت 00 اسال الله ان يثبتنا واياهم في الدنيا والاخره 0
وفي بصراحه دروس في جميع مناطق الكويت 00 ماشاء الله داعيات كثر فيهم الخير والبركه 0
اسال الله ان يجزاهم خير على مايبذلونه من جهد 0

اسعدني اخواتي مروركم ومشاركتكم بالموضوع وعسى ان تعم الفائدة..

أختي لموية ياليت لو تذكرين العنوان عشان الكل يستفيد ..

أختي النون توني ادري ان اسمها وفاء الختلان مدري ليش معلقه على وفاء الغانم وكل من سألني قلت وفاء الغانم مشكورة اختي على التصحيح والله يبارك في الجميع ..

فيه حلقة الهداية في مسجد محمد العدواني في الفردوس كل اثنين وداعياتهم روعة ودروسهم اروع


وهم فيه بيت الدعوة في العارضية كل جمعة عندهم درس ويوم الثلاثاء حلقة تحفيظ قران

جزاج الله خير على هالموضوع
ان شاء الله اذا عرفت بكتب اهني