المساعد الشخصي الرقمي

مشاهدة النسخة كاملة : انا مـــــتغـــــربه بس بمـــــوت من الهم .. برد الكويت :(


ChaRminG DiVa
30-08-2009, 03:16:24 PM
السلام عليكم .. مادري من وين ابدي موضوعي :s
من اني ضيعت سنه على عمري ابي طب ولا من الحين اللي بس ابي ارد الديره و مابي شي حتى شهاده مابي :0bee2e8d89:
انا بس قاعده وابجي و ضايق خلقي و حاسه بغربه مع ان بنات تدرون انا وين ؟؟ انا بالبحرين
يعني المفروض اكون مستانسه اني بكون يم اهلي واقدر ارد كل ويك اند بس فوق كل هذا مااااااااااقدر احس ماااااااقدر
اوخر عن ديرتني حبيبتي و عن اهلي فديتهم خصوصا اني مرتبطه بأمي وايد وااااااااااايد فديتها .. بس قاعده وابجي بنات والله :0bee2e8d89:
و فوق كل هذا تسجيل جامعه الكويت مسكر وانا بروحي ضايعه مني سنه شلون اضيع علي كورس واصير شماته العالمين ومع ان بنات كنت ميته على الطب الحين كرهته مادري شفيني !! هالشعور يي حق الكل ولا بس انا ؟ بنات انا مابي ارد عشان ودي اصير طبيبه هذا حلمي و بنفس الوقت ابي اكون بين امي وابوي و اخواني واهلي :0bee2e8d89: نصحوووني الله يخليكم حاسه بضيقه مو طبيعيه .. :0bee2e8d89: الله يريح اللي يريحني و ينولها اللي ببالها يارب

أوراد التميمي
30-08-2009, 04:19:58 PM
وسعي الصدر يالغالية هونيها وتهون

life1
30-08-2009, 08:59:20 PM
عبالي انتي بامريكا ولا لندن ولا استراليا ولا على الااقل دوله مو عربيه و لا مسلمه


خلج ابمكانج وديري بالج تتحركين راح تكون اكبر غلطه ابعمرج

نهاوند
30-08-2009, 09:21:01 PM
ياحبيبتي هونيها وتهون لا تضايقين عمرج احساسج طبيعي لانج بعدتي عن اهلج بس تذكري الهدف وانها سنين وبتعدي وما راح تنقطعين عن اهلج خلي امج تزورج وانتي بتزورينهم وهذا طب مو لعبه تذكري التعب اللي تعبتيه عشان تحصلين هالتخصص وبعدها سنه تعب تضيع جذي

نصيحتي لج تعلقي بربج اللي معاج دوم وما يتركج والله ما تصدقين اول زواجي شلون كنت يأسه لاني بعيده عن اهلي بس الحمدلله كل ما اضيق اتوضاء واصلي وربي يفرجها اشغلي نفسج ولا تعطين نفسج مساحة فراغ وبترتاحين

وتذكري مو انتي بس اللي تحسين بهالشي وشعورج طبيعي جداً

والله يكون بعونج وتردين للكويت بالشهادة يارب

ChaRminG DiVa
30-08-2009, 10:24:19 PM
حبيباتي انتو فديتكم وايد ريحتوني وانا امي مو مقصره معاي فديتها تقولي بقعد معاج و هم اهلي كلهم يقولون لي ماراح نخليج بروحج بس انا خايفه و صح كلامج انا كلما اتذكر ان معاي الله سبحانه و تعالى يهون علي كل شي والله .. بس صج شعوري طبيعي ؟ يعني انا مو مكبره الامور ؟؟؟

سلهمة رمش
31-08-2009, 08:35:21 AM
حبيبتي مو مكبره السالفه ابد


انتي بس تذكري انج راح تفرحين امج واهلج وراح يفتخرون فيج


انا متزوجه من سنتين بالكويت واهلي بالسعوديه بس للحين ودي ارجع


لا ترجعين بعدين البحرين قريبه حطي في بالج انج اي وقت راح تشوفينهم


في ناس بأوربا مره بالسنه بس يروحون لاهلهم الماده ماتسمح لهم



اعتبريني اختج وارتاحي عشان تركزين على دروسج لان كذا ماراح تفهمين وتستوعبين


والدراسه بالبحرين ترا كثير يتمنونها ..تعرفين على كويتيه وقزريها معها


وترا البحرين حلوه وهاديه وماينخاف منها


يالله نبي نشوفج دكتوره

3aboora
31-08-2009, 08:59:36 AM
حبيبتي شلونج شخبارج ؟

عاد قبل جم يوم كنتي على بالي .. اول شي مبروك البعثه حياتي ..

و صدقيني هذا شعور طبيعي جدا .. انا اول ما سافرت حق بعثتي و الله كنت كل يوم ابجي كان الوضع وايد خايس مع انه امي كانت معاي اول شهرين بس هذا شي طبيعي يصير لانه اول مره تبتعدين عن ديرتج هالمده .. بس بعدين راح تلهين بالدراسه و تتعودين عالمكان و حرام انتي نطرتي سنه كامله عشان الطب و ترا البحرين قريبه و انتي تقولين تقدرين تردين كل ويك اند فا عادي اهيا مسألة تعود مو أكثر يا قلبي .. و الله كا انا صار ما عندي احساس لووول يعني احس هناك ديرتي و الكويت ديرتي حتى اهلي تعودوا سهالات ..

انتي بس اهم شي خلج قريبه من ربج و شدي حيلج بالدراسه و اخذي الشهاده عشان ترفعين راسج و راس اهلج يا قلبي و عشان تحرين العذال بعد لول و تصيرين دكتووووره اااااد الدنيا يا رب ..

الله يوفقج يا عسل و شدي حيلج ..

لاتجرح المجروح
03-09-2009, 03:26:04 PM
يا حيااااااااااااااااااااتي فدييييييييتج ولا يضيق خلقج حبيبتي طبيعي هالشعووور خصوصا انتيباين عليج دلووعه امج الله يخليها لج

حبوووووبه قعدي مع نفسج و فكري عدل انتي شنو تبين انسي الناس و الي راح يقولووه عطيهم طاف بالاخير هذي حياتج انتي و بس

هدي اعصابج وماكو الا العافيه بعدين كاهي البحرين قريبه منا بس لا تكبرين الموضوع ولا تبجين حيااتي دموعج غاليه علينا

قبل كل شي انتي عندج حلمج قعدي و صلي صلاه استخاره و الله بوفقج و انشالله انشوفج اكبر دكتوره

و اذا على جامعه الكويت حبوبه مو مشكله اذا قرري تردين الكويت تسجيل بالجامعه على الكورس الثاني و تمشين عادي

و اذا ما تبين جامعه الكويت كليه الطب لانها صعبه انا انصحج تقديم طلب على بعثه داخليه داخل الكويت وبجذي بتكونين يم اهلج

Stylista_Q8
03-09-2009, 07:33:47 PM
كنت ماره باللي مريتي فيه وديرتي بأوروبا يعني ألعن

بس معه الايام تتعودين وتلهين ~

وكل ما تشتاقين لهلج شبكي وكلميهم من Skype

و بتحسين جنج عندهم و صراحة حرام ترجعين وتهونين بس لنج Home sick

وانتي رايحة تدرسين طب و الطب يبيله تضحيات شويه

انتي بس هونيها وتهون :*

والله يسهل عليج ان شالله ..

ملفتة للنظر
03-09-2009, 09:29:53 PM
ياعمري عشان تغير الجو عليج..وتغيرو الناس


اكيد بتحسين بوحشة..مع الايام راح تندمجين...لاتضايقين فديتج كسرتي خاطري

UK_Girl
04-09-2009, 05:57:46 AM
مساء الخير ...
حبابه اول شهر وممكن شهرين يمر ثقيل على القلب خصوصا الويك اند ..بعدين كلشي يصير عادي وراح تتأقلمين على الوضع والبحرين روحيا وقلبيا راح ترتبطين فيها ..

لا تستسلمين من اول مره خليج قويه وصبري والبحرين جريبه كل مااشتقتي لاهلج زوريهم او طلبي منهم يزورونج ..
لا تضيعين هالفرصه من ايدج بعثه ودكتوره تعرفين شكثر في بنات يتمنون يكونون مكانج ..صبري وتحملي تره عادي بجي اول الايام هههههههه :)
عمري بالتوفيج وبليز طمنينا عليج

غلا 89
04-09-2009, 06:05:50 AM
واي فديييييييييييييتج انتي .. شكلج دلوعه شوي ومتعلقة باهلج

ياعمري دايما قولي انا اضحي عشان ارفع راس اهلي بعدين

كلها جم سنه ولا بعد وين في البحرين يعني ساعة الا ربع بالطيارة وساعتين ونص بالسيارة

في اي وقت اهلج يقدرون ايونج

بس لا تكدرين عمرج وركزي بدراستج والله يوفقج يارب وبتردين انشالله حاملة الشهادة ودكتورة قد الدنيا :dddds:

* ليــــدي *
04-09-2009, 06:26:14 AM
بالبحرين وخايفه وتبجين !
حياتي حمدي ربج مو بـ لندن ولا دوله بعيده اعرف وحده تدرس بالصين تخيييييييييييلي بروحها محد وياها وعمرها 19 ,, فـ عادي كلها جم سنه وترفعين راس اهلج وديرتج وتسيرين دكتوره ان شاءالله
فكري بالمستقبل مو بيومج وبس ..

ChaRminG DiVa
06-09-2009, 04:41:07 AM
امبـــيه و الله مشكورين بنات حيييل حيييل مشكورين .. وايد خففتو عني الله يخليكم وويوفقكم وينولكم اللي ببالكم يارب .. الحمدلله انا قاعده احاول اني اتأقلم مع الوضع وارتب اموري شوي شوي و ان شاءالله سهالات و تمر السنين بلمح البصر يارب .. بس صج الغربه صعبه !! سبحان الله حتى لو بالبحرين لوول .. والله يرد كل مغترب و مغتربه ديارهم و اهما حاملين شهاداتهم و رافعين روس اهلهم يارب ياكريم :)

لاتجرح المجروح
08-09-2009, 11:24:21 AM
هههههههههههههههههههههههه الله يتمم عليج حيبتي مو قلنا لج سهالات اول فتره بس و انشالله بعدها راخ تتعودين بس هالله هالله بالصبر

تسلمين حبيبتي و احنا ما سوينا اا الواجب و الله يردج الكويت و بايدج الشهاده و رافعه راس اهلج

MiSs Roma
15-09-2009, 11:14:50 AM
وي وي حبيــــــبتي انتي

>> لا تتضايقين ولا شي

* مس روما بتأذيج مناك كل يوم تدق عليج ههههههه *

أنا معاج بجامعة الخليج بالبحرين هالسنة أول سنة

>> ولا يهمج انا معاج مناك و أمي مثل أمج لان أمي ساكنة معاي

يلا ابتسمي :eh_s(6):

-----

sara999
15-09-2009, 05:30:55 PM
يا بعد عمري قولي لا اله الا الله وشغلي نفسج وااايد اذا عندج فراغه وباجر تتعودين
وبعدين انتي مو بعيده واذا ولهتي ومافي وقت تيين الكويت احنا موجودين بالمنتدى سولفي لين تقولين بس

Dr.CarameLLa
02-10-2009, 08:57:22 PM
cheer up dear
تدرين انا كنت مثل وضعج امي و اخوي الصغير قعدو وياي شهر ... و لمه رجعو الكويت وااااااي لا كان الوضع صعب اهو بجي اهو هستيريا لووووول :krkrkr: اصلا لما وصلتهم المطار وراحو طول الطريج كنت ابجي بالتااكسي كسرت خاطرة يقولي لا تبجيين احنا هني كلنا اهلج و فعلا اول شهر كان صعب علي وااايد و فكرت اني ارجع الكويت بس عشان حلمي و هدفي الي بوصله صبرت و الحمدلله يارب تخرجت دكتورة اد الدنيا و الكل مستانس فيني و الفال لج يارب
فكري فيها كلها جم سنه و الايام ترككض مشاءالله والي عليج انج تشدين حيلج و البحرين حذفة عصى و كل اسبوعين او عالاقل بالشهر مرة ردي الكويت
و عسى ربي يوفقج و يسهل امورج ..
ولاتنسين المنتدى هيهيهي محد كان يشغل وقتي إلا المنتدى و هون علي وحشه الغربه والله
شغلي وقت بالدراسه طلعي غيري جو... دشي شوي سيرج بالنت و اقري كتب اي شي المهم انج تشغلين وقتج و كلمي اهلج كل يوم بالليل بعدين تدريجيا راح تتاقلمين و لي تخرجتي باذن الله راح تشتاقين حق البحرين و تنقلب االايه ماتقدرين تتاقلمين بالكويت لوووول :krkrkr:
وربي يوفق الجميه و يرجع بنات الديرة ومعاهم اعلى الشهادات

قمر^خالد
10-10-2009, 01:16:58 PM
هونيها تهون وحبيبتي ..............

قمر^خالد
10-10-2009, 01:18:00 PM
هونيها تهون وحبيبتي .............. كملي .. أهناك وأنشالله تتأقلمين

زوجة دبلوماسي
13-10-2009, 02:35:24 PM
قوه بنات انا اقووول حمدي ربج عيل انا شقووووووول زوجي دبلوماسي العام كنت بدوله من دول الاتحاد السوفيتي شفت الموت عاد تخيلي كان رمضان ديره تييب المرض والحين انقلوه ديره عربيه بعد جم يوم بلحقه اهناك لاني توني والده الله يكون بالعون:0bee2e8d89:

زوجة دبلوماسي
13-10-2009, 02:38:26 PM
الله كريم

كعبية
18-10-2009, 08:13:36 AM
الله يسهل عليج دراستج وترفعين راس اهلج حبيبتي

rawona
20-10-2009, 11:05:51 PM
حبوبه انتي لا مكبرة السالفة ولا شي .. وشعورج جداً طبيعي .. هونيها وتهون .. وديري بالج يقص عليج ابليس ويردج من غير شهادة .. خلاص انتي ابتديتي هالدرب ولازم تكملينه للاخر علشان نفسج وعلشان امج واهلج وترجعين لهم مرفوعة الراس ان شاءالله .. والبحرين شنو؟؟؟ حذفة عصا .. :)


والله يهون عليج غربتج ويردج بالسلامة :)

om-3abdallah
30-12-2009, 08:39:36 AM
لا تحاتيين حبيبتي هالشي طبيعي جدا هذا الهوم سك لازم يمر عليج بين فترة والثانية لانج بعيدة عن الاهل وقولي الحمدلله انج عند الاهل يعني اقل اجازة اني ساعة بالطيارة او اقل وانتي واصلة الكويت خليج بجامعتج ودراستج ونبيج دكتورة ياحلوة

عيل انا بامريكا وتمر الاجازات ومااقدر انزل اشوف الاهل وخواتي ميتين على عيالي بس شسوي هذا الي الله كاتبه والحمدلله

ادعولي انزل الكويت عن قريب يارب

حنين وطن
01-01-2010, 11:19:27 PM
يؤه حبوبتي لاتضيعين مستقبلك انتي ماتغربتي وتعبتي عشان تردين ايدك فاضيه بعدين الي معااك شئ طبيعي الحنين للوطن

انصحك تقرين قران وتحافضين على الاذكاار وان شاء الله اشوفك كاتبه بالمنتدى انك خلصتي دراسه وجبتي الشهااده ورفعتي راس اهلك

girl_in_abottle
02-01-2010, 12:55:25 AM
ردي كل ويك اند
ليش ماتردين تونسين نفسج بالويك اند؟
التذكرة ب 30 دينار

و الي يبي الشي لازم يضحي
و انا اقولج كملي دراستج لا اهلج و لا ديرتج بينفعونج لانه لا هذا و لا ذاك دايم, شهاتدج اهي الي دايمتلج
و شهادتج اهي الي راح تخدمج
طردي الأفكار السودة و تحملي
عيل احنا الي بستراليا شنقول؟ حتى كويتيين ماكو

صبري صبري
ان الله مع الصابرين :)