و اخيرا لقيت الرجيم الي يرضيني

السلام عليكم و رحمة الله و بركاته
من فتره قريت موضوع وحده بالمنتدى نسيت اسمها بصراحه كانت تراجع عند الدكتور عبد الله المطوع بالعوضي سنتر و مدحته بصراحه عجبني الاسلوب الي اتبعه معاها و قلت بس لازم اروح له بصراحه اسلوبه وايد حلو :eh_s(15): يعني حده كوووول المهم انا كنت مسويه فحص دم شامل فتح الملف و فحص نسبة الدهون عنده خذه علي 25 دينار طبعا غير شريت منه شاي اعشاب ملين للبطن ب 5 دينار المهم الرجيم عانياه حسب معدل الايض ( المعدل الي يحرق فيه الجسم الاكل ) و هذا اهوه النظام

الفطور:
5 تمرات + كوب حليب خالي الدسم + نسكافيه + سكر ذره تروبيكانا سلم

الضحى :
فاكهه ما عدا الموز و المانجا+ شاي و قهوه

كوب ماء قبل الغدا

الغداء:
سلطه مع اما 1/2 ملعقه زيت زيتون و خل و لمون و ملح او درسينج ماركة كرافت الي تكون خاليه من الدسم قالي هذي على كيف كيفج حطيها + 3 ملاعق عيش او ربع خبزه + دجاج او لحم او سمك بحجم كف اليد+ دايت او ماي
بعدها اشرب شاي الاعشاب

المغرب:
كاكاو وسط الي يكون بحجم اصبع اليد مو الصغير كلش جنه جاكليت اي اكبر منه + شاي و قهوه

كوب ماء قبل العشاء

العشاء:
سلطة روب و خيار+ 1 كيوي
او سلطه كبيييييييره خس + 2 كيوي + كوب لبن الوفره خالي الدسم
بعدها جاي اعشاب


اللله يسلمكم هذا اول اسبوع و مراجعتي معاه راح تكون يوم الاحد الياي ادعولي يا بنات امشي معاه و اضعف ترى زهقت من وانا 14 سنه و الحين بصير 21 و لي لحين بس رجيمات ملييت ودي يصير وزني 65 :eh_s(13):

الله يوفقج انشالله

مشكوره حبيبتي ما تقصرين خلاص حبيتج اول وحده رديتي علي بصراحه هذي اول مشاركه حقي و حدي متشققه من الوناسه انه شاركة بموضوع لعل و عسى ينفع احد:eh_s(22):

بصراحه حيل يمدحونهم
عسى ربي يوفقج ان شاء الله وتضعفين وانتي بصحه وعافيه
بس جن فحص الدهن غالي انا سويته عند ربيعه ب15 دينار ومعاه شنو النشاطات الي ضعفج اكثر
اهو ما قال لج سوي رياضه معينه

موفقه

الحلا كله:
الله يعطيج العافيه على الدعوه الحلوه و يحقق لج الي تبينه قولي آمين ترى الحين الفير انشاء الله دعوتي مستجابه :eh_s(6):
انا سويت الفحص ب 15 دينار و فتح الملف 10 فالمجموع 25 دينار بالاضافة حق شاي الاعشاب ب 5 دينار اتمنى الحين يكون اوضح
من ناحية الرياضة انا قلتله اني مبلشة رياضة مشي 3 مرات بالاسبوع فقالي خلج على جذي و بس اي سؤال انا حاضره:eh_s(8): :eh_s(8):

eng.q8:
مشكوره ما تقصرين انشاء الله اذا عندج اي سؤال لا تستحين

هلا بنات شكله الرجيم ما عجبكم توقعت تعلقون على العموم الي يبي صج رجيم زين و مغذي يروح حق هذا الدكتور صج والله زين ما ابي اسويله دعايه بس انا جربت تقريبا كل الدكاتره و كانت كل رجيماتهم احس فيها بالموت الحمر بس و لله الحمد هذا اول يوم حقي و ما حسيت بتعب:eh_s(15):

انا والله عجبني رجيمه
حلو

بس ما قالج جم تنزلين بالأسبوع؟
ومراجعاته كل اسبوع؟
وبجم المراجعه؟

والله يوفقج انشالله وتنزلين عليه..

هلا مزهريه:
شوفي اهوه قالي لاني انا كنت مسويه رجيم قبل لا اراجع عنده اني راح انزل 2 كيلو و مراجعته اسبوعيه علشان يغير النظام و ما احس بملل و من ناحية الاسعار فتح ملف : 10 فحص دهون : 15 شاي الاعشاب : 5 و كل زياره اسبوعيه: 5 و انشاء الله اكون جوابتج عدل و اذا تبين اي شي سألني :eh_s(6):

هلا مزهريه:
شوفي اهوه قالي لاني انا كنت مسويه رجيم قبل لا اراجع عنده اني راح انزل 2 كيلو و مراجعته اسبوعيه علشان يغير النظام و ما احس بملل و من ناحية الاسعار فتح ملف : 10 فحص دهون : 15 شاي الاعشاب : 5 و كل زياره اسبوعيه: 5 و انشاء الله اكون جوابتج عدل و اذا تبين اي شي سألني :eh_s(6): و مشكوره على الدعوه حبيبتي ما تقصرين الله يوفقج انتي بعد

الرقم

ودي بنات اشاركم باللي سويته اليوم من ناحية الريوق ما يحتاج بس اهم شي الغدا
غداي اليوم كان عباره عن 3 ملاعق عيش طبخته مع كمون و دارسين و خلاصه شوربة الخضار تبع ارض الطبيعه جربي هذي الطريقه حق العيش وايد لذيذه احس من طعمه خالي طبعا ما ضفت و لا نقطة دهن
و طلعة لي ستيك تبلة بخردل و ملح و ليمون و فلفل اسود و خليته ساعه بالثلاجة بعدين طلعته و حطيته في قصديره و عليه جوانح بصل و فصين او 3 ثوم و خليته بالفرن لما نضا طلع عجيب و السلط سويتها خس و خيار مقشر مع صلصة كرافت نوعها رانج خاليه من الدهون طعمها حلو:eh_s(22): طبعا ماركتها كرافت حصلتها من مركز سلطان
اييي و شربت جاي الاعشاب مفعوله حلو ما اييب اسهال بس لين بطني وايد ارتحت لما تكرمون رحت الحمام :eh_s(9): و الحين كليت الكاكاو و شربت نسكافيه واي احس اني شبعانه وناااسه ما تحسييين باليوع :eh_s(15): انشاء الله يعجبكم غداي :eh_s(6):

رقم التلفون: 3720710
هذا عنوانهم
المنقف الطريق الساحلي بين فند الهيلتون و نادي الفحيحيل البحري ابراج الهبدان الدور الاول حتى تلقين يمه مبنى احمر قرميدي على ما اعتقد انه المستشفى الالماني الله يهداهم بعد عمارتهم شوي مكحينه بس عادي و ديري بالج من المغازلجيه الي هناك روحي مع احد انا رحت بروحي استاحشت و مت من الخرعه:eh_s(11):

مشكوورة

االعفو حاضرين للطيبين

مشكورة حبيبتي على الرجيم

انشالله يارب مايطووف عليج الشهر اللا نازله 10 كيلوات

مشكورين و ماتقصرون على الدعوات الحلوه بصراحه حدي مستانسه اني تجرأت و قمت اشارك بالمنتدى حيل نفعتوني يعلكم على القوه و العافيه و يوفقكم فيما يرضاه الله و يحقق امانيكم باذن الله:eh_s(8):

الله يوفقك ويوفقنا ونضعف

انشاء الله اجمعين انا راح اقولكم كل شي اول بأول و الي يبي يسوي معاي حياه الله و انا حاضره حق اي سؤال حتى لو محتارين شلون تطبخون اكلاتكم بحيث تتوافق مع الرجيم آنا هم حاضره بنات لا تستحون ترى والله ما راح اقصر باذن الله:eh_s(6):