بغيت بخاخ السيقان والوجه سالي هانسن

السلام عليكم...
حبيباتي التاجرات....الاسعار صراحه تفاوت بينكم بسعر البخاخ يعني وحده تبيع ب 6 ووحده تبيع ب 18 ...الفرق وايد الله يهديكم

انا بغيت درجه فاتحه ودرجه طبيعيه للتصفيه فقط.....بكم راح يطلع على و ياريت يتم توصيله لي....وان شاء الله راح اخذ اكثر من حبه

تلاقينه في كويتيات مول عارضينه

هلا دانا...يا قلبي انا ادري انهم عارضينه هناك...لكن المواضيع قديمه وانا بغيته موجود وجاهز يعني ما ابي وحده تشحن لي.. .....وايضا علشان اشوف الالوان المتوفره بالطبيعه

في انتظار تاجرات المنتدى الحلوات فقط...

و أنا معاج بعد اذا لقيتي قوليلي

والله يا كتكوته ما ادري اشعلامهم تجارات المنتدى...ما ادري ليش مطنشيني؟

:eh_s(6):

لقيت نفس طريقة البخاخ بس يكون بلمعه وزري ببيت شرق لكن الوانه حق البيض الشقر مو حقنا..ما عجبني كلش ...جربيته اختي على ايديها وصراحه ما حسيت في فرق حلاته طبيعي للسيقان وافتح بدرجتين بس عن لونج الطبيعي

شريته من كارفور بدبي .. اخف لون وواحد لون برونزي .. البرونزي طلع مو حلو علي كاني مريضه واللون الفاتح حلووو بس مطفي ...

انا كنت احبه يكووون لمعه مثل اللي يكون الجلد مبلول بماي ..!!!!

جربته على ركب اختي الصغيره ... خخخخ ركبها جلحه ....صارت اجلح من قبل....

وي...اي والله يا لوميه انا بعد ابيه كأن مبلوله ماي ...بس إذا السالفه نصير جلح لايبه شكلي بهون

تبين اييبه لج تجربين اللي عندي ...

انا يوم حطيته على ريلي ما طلعت جلحه ....

بس ركب اختي ....اللي صارت ..... مادري ليش ؟؟

هلا انا اوفر لج والالوان الى تبينها 7 دنانير والكمية الى تبينها بخلال اسبوع انشاء اللة

يا الساحره انا بعد ابي وكميه لي ولبنات خالتي تكفين صارلي مده ادور عليه ياليت تواصليني علي الخاص
في الانتظار.....................

:eh_s(6): .... لوميه اشلون اجربه ؟

انا ما ابي برونزي...اصلا ما ادري شتحبون باللون البرونزي!

الساحره....اوكي بس المشكله انا ودي اجرب الالوان واخذ اللي يناسبني يعني مو معقوله اشتري كل الالوان صح؟
إذا عندج كم واحد نقدر نجربه ممتاز خصوصا اللي حق الويه وتسلمين يا قلبي وانا بنتظار ردج

والله ياعمرى ماعندى لتجربة وهو بالاساس يعطيج لمعة ويخفى العيوب

هلا الساحره
سعره 7 مع التوصيل

اية ياعمرى

صراحة ما انصح فيه ابدا

هلا حورية ليش يبه ما تنصيحن فيه؟ قولي لنا عن تجربتك

سؤال برا الموضوع

بس ممكن اعرف شنو فايدته ؟؟؟

اخر موعد لطلبيات 12-9-2006

معلمة روضة

هلا اختي

انا الصراحة ما عجبني كلش لان يبهذل ... حتى كشن السيارة طبع عليها اللون ... و ما يغطي ذيج التغطية اللي ابيها صراحة يبهذل عدل !

انا شاريته من لندن و تعتبر هالماركة عادية جدا من طقة ريميل و الباجي ..

ما توقعته جذي.