اول يوم استقبال للأطفال

اول شي

السلام عليكم
صراحة ماتتصورون وناستي اني طحت على هالسايت!

أول مرة اشوف سايت في عن شغل الروضة ومدرسات يحسون بمعانات شي اسمعه روضة


سوري من بدايتها كتبت موضوع بس حبيت افيدكم واستفيد من افكاركم..



الكل عارف اول يوم استقبال اهوا يوووم الحوووسة خاصة اللي يدرسون مستوى اول نفسي..


شوفوا انا شنو خططت واللي عندها افكار ياريت تساعدني بليز..


:: اول يوم ::

طبعا لازم يعطونج صور اليهال مو؟

فأنا بطبع كوبي على صور اليهال كذت
وبخلي واحد كله اتعامل معاه يترس لي سقف الصف كله بالونات

وبخلي كل بالونه فيها صورة الياهل + مربوط فيها حلاوة

عشان ينشد لها ويفكنا من الترفس والبجي ..: p


ثاني شغلة:

تعرفون اجياس بومية البيضا السادة بشتري على عدد اليهال ..

وبطبع صورهم على شكل ستيكرات الورق اللاصق الابيض

وبلزقه على هالاجياس كل ياهل وجيسته


بيصير شكلهم جنه انتي طابعة الجيس بمطبعة وبيستانسون عليهم الامهات وحتى مشرفتج والناظرة


شنو نحط بهالجيس؟

فكروا معاي؟

فكرت بشغلة بتستانس عليها الناظرة و بتحس صج انتي مهتمة بعيالج

بشتري خط تلفون خاص حق اعيالي

وبحط و قت يدقون علي او يتواصلون معاي اولياء الامور

خط خاص عشان مابتلش فيهم بخطي العادي

+ يكون الكنترول عندي متى مابي اخليه مغلق اسكره

جذي بتعرف الناظرة ان صج انتي حريصة على موبس اليهال حتى الامهات



بحط كلمة ببرواز مو100 عن كل ياهل طبعا متكرره بس من فوق احط اسمه


انه مستانسة ان اهوا صار عندي وان شاالله بيتعلم وهالسوالف وان الروضة مو بس لعب ....ألخ



بعد شنو برايكم احط بهالجيس؟؟



=======

فكرت كاستقبال

بدمج صور عيالي بالفوتوشوب جنهم مصورين صورة جماعية

وبطبعها على شكل بوستر بالواجهة بالروضة


وبحط أسهم توصلهم للصف

عشان يعني تخلين عيالج مثل اسبشل استقبالهم..



اشرايكم بهالاشياء؟


ياريت اذا عندكم افكار نساعد بعض فيها ؟؟




وسووري طولتها واهيا قصيرة ..


: )​

dreamy

أجمعين..

مشكورة ع مرورج : )


زلابيا

شكراً من ذوقج عزيزتي

متأكدة ان عندج افكار احلى : )

الضاميه

شهادة اعتز فيها


بالنسبة للتكلفة

مادري اختي انا عندي نوعين من الطابعات عشان جذي ماسوي شغل الطباعة بره كلش

بس اللي بيكلفني اغراض بو100 ومايوون 5 دنانير

والبالونات ميزانية الروضة


يعني ان شاااالله ماتكلف

: )


:: SECRETS ::​