بروح فيلكا لاول مره في عمري :) ساعدوني

قوه بنات شخباركم شمسوين عساكم على القوه ان شاء الله
انا بروح فيلكا مع هلي وزووجي وبنات عمتي بس صراحه هذي اول مره حقي وحقهم وقلت علشان لا نتوهق اسالكم
اي الاماكن الحلوه ووين نروح وشنو تنصحوني بغربتي
ناطرتكم
ابي معلومات حلوه اقدر افيد فيها هلي اهناك عن الاماكن الحلوه اللي لازم نمرها ومشكووووووووووووورين

انا رحت مرة بعد بس وناااسه

انتوا وين بتسكنون؟؟

احنا سكنا في المنتج الي هو مال هلتون ونااسه طول الوقت نتمشى بليل وفيه تأجير قواري ومطاعم ايه وفيه حمامات سباحه

بس حسافه مارحنا البحر كلش

مشكوره على المرور
انا مادري والله بعد مانعرف شي قاعده احوس على اماكن حلوه

للرفع
في تقرير بالمنتدى عن الجزيره

توني مكلمة سفير تقول عندهم شاليهات هناك في
85 باليوم حق 5 اشخاص
105 حق 8
155حق 11 شخص بالليلة طبعا
وتدفعين 5 دنانير كويت - فليكا- كويت على الشخص
عطتني الويب
www.safirhotels.com
ورقمهم 22530000

انا قبل شهرين رحت فيلجا وقبلها بعد كنت رايحة.....يعني مطيحة هناك......
بقولج كل اللي اعرفه وانشالله افيدج فيه......
في مكانين للحجز حق فيلجا : 1 فندق المرينا بالسالمية -2 فندق سفير(انا دايما احجز من سفير احس اضمن )
واسعار التذاكر6 دنانير للشخص اذا بتنامين بفيلجا و12 دينار اذا بتروحين وبتردين بنفس اليوم...
طبعا الاطفال من سنتين وتحت بدون تذكرة......
واماكن الاقامة هناك :في شاليهات وفي فندق ايكاروس تابع لفندق سفير اللي بالكويت..
وطبعا كلهم داخل القرية التراثية ...
اذا انتوا اكثر من عايلة اخذوا شاليه احسن..واسعار الشاليهات على حسب عدد الاشخاص وعلى حسب اذا كان ايام اسبوع والا بالويك اند...
اذا رحتي فندق السفير يعطونج قائمة بحجم الشاليه وسعره.....
وفيه 3 شاليهات جديدة بس حاطينهم خارج سور القرية التراثية نصيحة لاتحجزونهم اطلبي اللي داخل القرية عشان الامان وفي حراس امن ...
وبالنسبة للمطاعم اللي هناك :_
1) مطعم ايكاروس ( عنده مجابيس واكلات بحرية واستيكات ووجبات همبرجر ) مطعمي المفضل بفيلجا
2)مطعم ورد وهيل (عنده عيوش وبرياني ومشويات ) جربي عنده البامية لذيذة
3)مطعم بيتزا
4)مطعم ومقهى للمشويات(يصلح حق الشباب لان فيه شيشة )
5)نخي وباجيلا ( داخل المقهى )
6)باسكن روبنز(بجانب مطعم ايكاروس)
7)بقالة(داخل القرية التراثية)
8)بيتش برجر(هذا مطعم وجبات سريعة لذيذ )خارج القرية التراثية جاد البقيات بجانب شاطئ الوناسة
وهناك في طبعا بقيات واسطبل للخيول تاجير ومتحف الشيخ عبدالله السالم اشاطئ الوناسة يرد الروح قمة الطبيعة وفي بعد رحلات حق جزيرة مسكان قريبة يم فيلجا وتاجير جتات وقارب الموزة ...وفي حمام سباحة داخل القرية ...بس انصحج بالبحر عشان تاخذين راحتج اكثر...
حاولت اقولج كل اللي اتذكره واذا في اي استفسار انا حاضرة وياليت تراسليني عالخاص عشان اشوفه بسرعة...
ورحلة موفقة ان شاالله

مشكورة رزونة انا تشيشت بروحلها مارحتلها عمري كله معنه عيال خالي مطيحين مثلج خخخخخ

أنا رحت بس ما استانست وما ودي أروح مرة ثانية ما ادري ليش كنت رايحة ثالث يوم عيد الفطر تجربة كانت سيئة بالنسبة لي وأحسها مهجورة وجوها العام يخرع وإلى الآن فيها بيوت مهجورة ما أدري ليش شعرت هذا الشعور، بس إخذي بكلام البنات الناس اللي استانسوا والله أعلم.

هلا حبيبتي انا توني رايحه شهر 3 وكانت اول مره رحت مع ريلي واعبالي صج صج استانسه وحلاته تروحين مو موسم عيد او مناسبه عشان تستانسون وبعد في شي البنات ماقالولج اياه في حديقه حيوان اكثر شي ولدي استانس عليها وهم في بحيره اصغيره مع قوارب تاجير وايد استانسوا اليهال

اصحج تروحين..
صج
صج
صج
صج
:eh_s(9)::eh_s(9):
وناااااااااااااااااااااااااانة وماتملين منها
وبعدين فيها حمام سباحة بس طبعا تبع الحجز الخاص
والفرش يديد وكل الاثاث من ايكيا
وفيها مزارع الجمل وعندج البحر




بالمختصر شي كووووووووووووووووووووووووووووووووووووووووووووول حدة
وانتي براحتج

انزين مو حر اهناك
انا ولا مرة رحت ودي اروح

اخت كوارين.....
اكيد الحين الجو حار نفس الجو بالكويت...بس عشان هناك كله بحر فيمكن يكون اهون من اهنيه....
بس انصحج تروحين والله صج تغيير جو...خاصة انتي ماعمرج رحتي...