سؤال بخصوص بنك بيت التمويل الكويتي

بيت التمويل اسلامي
يشغل لج الودائع ويعطيج ارباح مافيها ربا
ولا يتعاملون بالربا
ولاتحاتيييييييييييين

ما اعتقد
انه ربوي
لانه اسلامي

لااا بيت التمويل بنك اسلامي
وفوايد ودايعه مو ربويه
وفوق هذا معروف انه اعلى نسبه فوايد على الودايع عندهم

وانا حاطه وديعه عندهم وارباحهم وايد حلوة ومخليتها الحين سنه ثانيه بعد وبخليها طول العمر لين احتاجها
واذا المبلغ الي عندج نوعا ما كبير ارباحه تغطيج لسنه واكثر
واي سؤال حاظره

مشكورين خواتي..بارك الله فيكم..بس عندي كم سؤال معلش تتحملوني..

هل في فرق بين الوديعة والحساب الجاري عندهم يعني هل اذا كانت وديعة اقدر اسحب منها باي وقت؟..

وهل هالارباح اللي يطلعوها تكون من تشغيل الاموال؟..معلش انا ما عندي خبره كبيرة بامور البنوك بس حبيت استفسر ومشكورة مرة ثانيه

توكلي على الله وحطي فلوسج البنك غير ربوي

حبيبتي الوديعه ما تقدرين تستخدمينها يعني تشوفينها بالحساب بس ما تقدرين تسحبين منها و اهم يشتغلون لج فيها و ينزلون لج ارباحها بعد سنه

اماالحساب الجاري تفتحينه ب 100 دينار و و هذي ال 100 اهي اللي ما تقدرين تسحبينها و تنزل عليها ارباحسنويه اما باجي المبلغ اللي بحسابج عادي تستخدمينه


و الوديعه ما تكون اقل من 1000

بنك التمويل بنك اسلامي
فيه لجنه علماء وعلىراسهم الشيخ الدكتور عجيل النشمي
يفتون للبنك في تحليل او احرام بعض العمليات الحسابيه او التجاريه

يراقبون تطور العمليات البنكيه بعيدا عن الربا والحرام
والحمد لله مافيه ربا ولا يتعاملون بالربا وفلوسج يشغلونها ويعطونج ارباح
تطمني وارتاحي
وجزاج الله خير على حرصج على الرزق الحلال وكثر الله من امثالج

زين بنات لما احط وديعه الف دينار شكثر يطلع لى ارباحها بالسنه

حبيبتي الافضل دقي عليهم اهما بيفيدوونج

رقمهم 1803000

الله يوووفقج

اعتقد اقل وديعة 3 الاف دينار

انصحج تشترين اسهم لبيت التمويل في البورصة بالف

لان الاسهم نازلة + اسهم بيت التمويل تصعد ولا تنزل..
واهي حاليا نازلة لان صيف..
ومع الوقت تاخذين ارباح واسهم منحة بعد
واذا بغيتي تبيعين بس انتظري يزيد السعر وبيعي

وديعة الكوثر اقل شي مبلغ 10000 عشرة آلاف مدتها سنه وارباحها تنزل بالحساب شهريا
يعني ماتنطرون سنه

الوديعه المطلقه المستمره اقل شي مبلغ 5000 خمسه آلاف وارباحها تنزل بنهايه السنه .. السنه الي طافت كانت الارباح 8% من قيمه الوديعه

الوديعه الاستثماريه الثلاثيه اقل شي 10000 عشره آلاف ومده الوديعه 3 اشهر

وديعة السدره 1000 ألف دينار مدتها سنه


وطبعا اي وديعه تكسرينها قبل موعد استحقاقها دفعين عليها رسوم