الي تعرف بالصالونات تتفضل

شيراتون-رسمات العين-تسريحات..الخبيرات يتفضلون

شلونكم كويتيات
د

ودي اسالكم عن شغلتين ابي رايكم ضروري :

1- شرايكم بمكياج الشيراتون و تسريحاتهم ؟؟؟ يعني يعرفون برسمات العين و يتفننون فيها ؟؟ كريم الاساس مالهم حلو و نظيف و ثابت و لا اجلح و املح ؟؟ مكياجهم ماركه و لا بوطقه ؟؟ يعرفون يتفنون بالشعر ؟؟ و منو احسن شي حق المكياج و الشعر؟؟

بس للمعلوميه معيار جمال المكياج عندي مثل الي تحطه هيفاء و هبي و حليمه بولند و هالبنانيات مو المكياج الخليجي و التلطيخ ..

يعني مثل هالصور حق حليمه ممكن يسون لي مثله و يضبطونه ؟





هذي الصوره بالنسبه لي قوي شوي


انا هذا ستايلي بالمكياج لان احنا الحين خلاص حجزنا حق عرس اختي بس ما ادري احس احنا حظنا مو حلو بالصالونات .. مثل مره رحنا عرس و حطينا بمكياج بصالون الله لا يوريكم الكريم الاساس فضي جنه يايين من الفضاء

السؤال الثاني :

انا عندي مشكله بالمكياج انا عيني صغيره شوي و مدوره و احسها غايصه شوي .. سؤالي : شنو اهي رسمة العين الي تكبرها ..


السموكي احس يكبر العين بس يخلي عيني مدوره ,, الممدود عند زاويه العين مثل هذا ؟؟؟\ ؟؟




يالله يا بنات ساعدوني كل وحده تقولي طريقتها في تكبير العين بس عفيه لاحج يقول حطي داخل ابيض ؟؟؟؟

و طلب اخير شنو اخر التسريحات او حركات الشعر الي هابين فيها هالايام ؟؟؟ انا بالرد الثاني بحط لكم جم صوره عاجبتني و ابيكم تقولون لي الاحلى



اسفه طولت عليكم بس لا تبخلون علي بالردود تراني محتاره و بس افكر شلون راح يطلع شكلي بالحفله

مشاركة: الي تعرف بالصالونات تتفضل

اوكي هذي صور تسريحات اوبالاحري نص تسريحه و مابي احطه بقسم الشعرلان هذا تابع للموضوع ما ابي اشتت الردود اوكي ؟؟


يمكن راح تقولون ان عادي او ما في زود - انا مابي ارفع شعري بس بسوي حركه بسيطه و ابي رايكم بهالحركات و انا مرقمتهم علشان يسهل التصويت عليكم لوول











اانشاءالله عجبوكم الصور

مشاركة: الي تعرف بالصالونات تتفضل

حبيبتي مادري عن الشيراتون ما جربتهم بس انا احب مكياج الفرنسية بميشيل وايد ناعم مكياج اوربيات و جربت الاء دشتي حلو و راكز و ليلى العرادي فى ليلي هارمني حلو اذا هي تحط مو وحدة ثانية
انا سمعت البنات يتكلمون عن الشيراتون ان وحدة بس اللى حلو ما ركزت على الأسم احاول اعرفلج و ارد عليج
و بالنسبة لتكبير العين و الله ما عندي فكرة حبيبتي و لا جان قلتلج انا عيوني عادية مو صغيرة و ان شاء الله لحطيتي صور الشعر اقولج رايي

مشاركة: الي تعرف بالصالونات تتفضل

مشكوره هارموني على مرورج بس احنا خلاص حجزنا عند شيراتون و دفعنا العربون بس ابي اطمن لاني مثل ما قلت احنا حظنا مو حلو بالصالونات و المشكله انا احنا ما نحط مكياج بصالون الا بالمناسبات السبيشل كلش كلش يعني ما نتردد على الصالونات الا يا دوب


المهم في جم صوره حق الشعر نسيت احطهم

مشاركة: الي تعرف بالصالونات تتفضل

الشعر حق مناسبة 3 وايد حلو

و لقيت الموضوع و هذا اللى قالوه عن شيراتون المكياج حلو عند ايمان و لينا و رجاء للشعر

مشاركة: الي تعرف بالصالونات تتفضل

مشكوره هارموني عالرد

و كويتيات منو جرب الشيراتون ؟؟؟
ليش ما تردون علي

مشاركة: الي تعرف بالصالونات تتفضل

بصراحه يا بنات فيكم ميزه كله تطنشون

عبروني شويه و ردوا علي حتى لو ما تعرفون شدعوه انا شطالبه منكم رايكم بالبرنامج النووي الايراني ؟؟ كل الي طلبته رايكم بالشيراتون , و رسمة عين مناسبه للعين الصغيره و تسريحات هالايام ,,,

والله اني قاعده الفجر اكتب الموضوع حتى جيكوا على الساعه و اخرتها بس عضوه ترد علي ؟؟؟؟

و المشكله اني احب هالمنتدى بصراحه و مالي غيركم اساله بس شكلكم بتخلوني ادور لي على منتدى يعبر الاعظاء

مشاركة: الي تعرف بالصالونات تتفضل

آنا الصراحة الشيراتون ما عرف عنه بس شفت جم مرة عرايس قالو انهم رايحين الشيراتون حلووو بس موناعم وبالنسبة لي أفضل مكياج ليلى هارموني و منيرة الفرج والشعر احب ابتسااام صالون فوج فوق شلاويط وكريستال عند رانيا هذولي عن تجربة وبالتوفيق حبيبتي

مشاركة: الي تعرف بالصالونات تتفضل

مشكوره عالرد .. بس احنا حجزنا عند الشيراتون على اعتمدنا على مكياج حليمه بولند

مشاركة: الي تعرف بالصالونات تتفضل

يبا مالج الا صالون فنق المرينا شغلهم عجيييييب

مشاركة: الي تعرف بالصالونات تتفضل

فندق المارينا

عند مدام بريجيت تحط المكياج ب50

مشاركة: الي تعرف بالصالونات تتفضل

جوفي حبيبتي

انا بعرسي كان قبل جم شهر رحت الشيراتون و طلعوني شحلاتي ناعمه لاني انا طلبت ناعم بس بصراحه طلعت وايد حلوه و هم بعد خواتي مكياجهم وايد حلو و انا لي الحين مقتنعه بشكلي الحمدالله حتى زوجي مع ان ما يعرف بسوالف المكياج يقولي مكياجج حلو مو نفس الي اجوفه على البنات وانا اقوله ليش تجوف بنات لووووووووووول

و بالنسبه للشعر تسريحاتهم حلوه لا تخافين

اما بالنسبه لرسمة عينج انا شايفه مذيعه م اعرف اسمها عينها نتفه بس بالمكياج طالعه وايد حلوه و اهي تحط سموكي مع جليتر و حاولي ترسمين الاي لاينر خط الي بره عينج يعني سحبي معاج لي بره

و التسريحات والله ما ادري كلهم حلوين بس اكثر وحده عجبتني اهي مالت هيفا الي لابسه ابيض اخر صوره لان الحين هابين بالباف

مشاركة: الي تعرف بالصالونات تتفضل

المكياج مثل ماقالوا البنات
لازم يكون ممدود شوي<<<< قصدي الاي شدو طبعا

والتسريحه الاخيره الي فيها باف مالت هيفا وهي تتمكيج روووووووووعه رووووووووعه

مشاركة: الي تعرف بالصالونات تتفضل

أنا ماجربت الشيراتون
بس سمعت يستعملون مكياج هنود!!!
و رفيجتي حطت عندهم بحفلتها تقول حاطتلي كريم ريول على عيني!!!!!!!!!!!!!!!!
تقول وهي تحط الكريم انا شكيت فيه لأن عندي منه
و يوم رجعت البيت شفته ولا كريم ريول
و بعد الحفلة جفونها حسااااااااااااااااااسية و يحكها مسكينة الحين طالع لها بقع بيضا في جفونها صار لها الحين تقريبا سنتين
عاد الله ماكثر الصالونات شحقه تروحين لهم!!!!!!!!!!!!!!!!
و بالنسبة حق تكبير العيون ما أعرف والله بس مادام عيونج مدورة خليها تسوي رسمة الحين مفتوحة شوي مو وايد
و أتوقع السموكي يدورة لج زيادة

مشاركة: الي تعرف بالصالونات تتفضل

مشكورين يا بنات على ردودكم

بس اختي بيتوتية معقوله فندق و شيراتون و اخر شي كريم اساسهم مال الريول ؟؟؟
واالله ما ادري يجوز
بس اضمن شي حق الكريم الاساس ان الوحجده تودي معاها اساسها الي تستخدمه تضمن اللون و الماركه !!!


و بالنسبه حق رسمة العين المفتوحه والله اخاف يسووني ساحره ؟؟