بنتي

الاسلام عليكم ورحمه الله وبركاته

خواتي انا لي فتره افكر في بنتي ومعوره قلبي .. عمرها سنه وخمس شهور
ماترد لمن اكلمها ما احس انها اجتماعيه تبتسم وتحب قناة طيور الجنه شكيت انها ماتسمع وديتها عيادة البوز استشاري اذن وانف وحنجره قالي سليمه بس فيها لحمية.. فيها خمول وتحب النوووم .. شتنصحووون فيه خواتي انا حيل احاتيها اهي تحب اللعب بالألعاب بس ماتطالع فيني وماقالت ماما بابا....

شلون طريقة الطب التطوري اروح سيده والا لازم تحويل من المستوصف وشلون مواعيدهم

ان شاء الله خير ضروري تودينها لدكتور خاص لان راح اييلج الرد وانتي قاعده وهم بعد اخذي لها
موعد بالتطوري لان وايد بعيده مواعيدهم،الله يطمن قلبك ويبرد عليه

حبيبتي أول شي عسى الله يطمنج عليها ..
وثاني شي نصيحتي لج .. لا تسكتين عن الموضوع مو عشان شي .. بس عشان تتطمنين وتكونين سويتي اللي عليج ..

اذا حابه الطب التطوري لازم تحويل من المستوصف .. اذا خاص عندج د.عبير عوض في مستشفى السلام .. و د.فاطمة العوضي ..
هذيل اللي اعرفهم وانهم ممتازين في هالتخصص ..
وعسى الله يبعد عنها الشر ويطمن قلبج حبيبتي

جزاكم الله خير خواتي باخذلها موعد بالتطوري وبالخاص عشان اتأكد

بشرينا عنها وشنو التطورات؟؟؟