تكفووون أبي رايكم

انا محتارة وخايفة ودي اسوي تقويم ، و اسناني نظيفة و ما عمري شلت منهم بس عيبهم ان اسناني من جدام متجمعة على بعض و لما اضحك يبين شكلي مو حلو و انا ودي اسوي تقويم بس خايفة يشيلون منهم واندم فياليت تفيدوني وتنصحوني شسوي و اي عيادة اروح ( ويصير اركب تقويم على الفك العلوي من غير السفلى و لا لازم الفكين مع بعض لان مشكلتي بالعلوي )
والي ركبت تقويم تقولي عن تجربتها و معاناتها .
ومشكورين

مشاركة: تكفووون أبي رايكم

السلام عليكم
شوفي حبوبة اي تقويم لاااااازم يشيلون 4 ضروس تدرين ليش؟؟ لأن بالنقويم راح تتحرك الضروس عاد لاتحركت وين تبينها تروح دام ماكو مكان؟؟ وترى شيلة الضروس عادي مافيها شي بالعكس لما تخلين ضروسج وهم جذي متراصصين هذا بيأثر على عظم الفك واللثه تلقين لثتج كله ملتهبه والاكل يدش بين الضروس ويسوسون وعظم الفك يضعف وتتعرضين حق سقوط الاسنان المبكر عاد انتي شالله حادج؟؟
وشيلة الضروس عادية خو بيعطونج بنج وكلها دقيقة الا شالعين الضرس وباي باي
نيي حق التقويم
احسن دكتور شفته يسوي تقويم مضبوط ومايزيد عن سنه هو الدكتور الهندي بعيادة الحكمة اللي بالبلازا بحولي
واااايد اعرف ناس راحوله يمكن 4 او 5 وتعالي شوفي اشكالهم الحين تغيروا فووووق تحت
اصلا انا ماهقيت التقويم يغير جذي
تصدقين انه حتى الفك دش داخل عقب ماكان ناط
يعني التغيير يستاهل صراحة غير انه الدكتور حييل ايده خفيفه وحبوب وفاهم
اول ماتروحين تدفعين 400 دينار واذا ساحلتيه يقللهم وكل زياره تدفعين 50 اللي هي بالشهر مرة لما يشد التقويم لج
ولما تنتهي السنه تكونين مخلصة الدفعات واذا باقي شي من المبلغ تدفعينه اخر شي مرة وحدة
هو اعتقد 1000 او 1200
انا ان شاء الله مفكرة اروحله عقب ماشفت الناس شلون تغيروا فوووووق حدر صراحة تشوقت
وقلتلج لاتحاتين تشلع ولا شي لانه في اسنان لازم يشلعونها حق التقويم عشان يصير فيه مساحة للاسنان تتحرك
اما مسألة انج تبين التقويم بس للفك العلوي يتروالي الدكتور هو اللي يحدد حسب حالتج
ونصييييييحة لاحد يقص عليج ويقولج سوي تلبيس سيراميك ولا بورسلان ترى موووو زيييين صج بتصير ضروسج سيدة بالمنظر بس
لكن العرج مال الضرس بيظل منعوي ويظل يعاني من تحت واللي يمه يضايقونه يعني لازم تقويم عشان الضرس يتعدل من عرجه
غير انه اذا فكج بارز راح يظل بارز ماراح يدش داخل نفس التقويم انا كلش مايعجبني التلبيس
وغير هذا كله وايد ناس اشتكوا من الريحة بالفم عقب ماسووا تلبيس
يعني احسن شي التقويم هو العلاج الجذري لهالمشكله

وبالتوفيق حبوبة

مشاركة: تكفووون أبي رايكم

سلامتج هنادي
والله انا ما سبق اني سويت تقويم.. بس سامعه عن التقويم الغير مرئي اللي موجود في عيادة الخليج

مشاركة: تكفووون أبي رايكم

http://www.q8yat.net/showthread.php?t=29398

دشي هني شوفي تفاصيل التقويم غير المرئي اتوقع ينفع لحالتج وهم يسوونه بالحكمة عند نفس الدكتور الهندي

مشاركة: تكفووون أبي رايكم

كويتية أموووورة
coffee
مشكووووووين على ردودكم
والله يجزاكم خيررررررررر و الله انتم خوش خوات
و الله يخليكم لي

مشاركة: تكفووون أبي رايكم

العفو حبوبة وبشرينا عنج لاسويتي التقويم

مشاركة: تكفووون أبي رايكم

الفوزان احسن دكتور بالكويت لتجميل الأسنان

مشاركة: تكفووون أبي رايكم

ديري بالج اذا شكلهم زين خليهم ترا والله شكثرررررر دكاتره عليميه بالديرة يخربونها لج لا وياخذ فلوس بعد