سجادة الجيب ... ضروووووري

يابنات ياحلوين

ابي سجادة الجيب وين احصلها ضروري
مابي من بنات المنتدى انا بروح اشتري قولولي من وين ضروووووري وبسرعه

دلوعه والله انا طلبت من اكثر من وحدة من المنتدى

اللي قالتلي اوكي وعطيتها الوقت اللي ابي توصللي فيه واللي يناسبني و اول يوم كنت مريضة وما داومت وانا كنت ابي اخذهم من الدوام ودزتلي مسج وتأخرت بالرد عليها وقالت ما اقدر اليوم وبعدها 3 ايام وانا ادزلها وانطرها ويا ما ترد والا تقولي انطر المندوبة

والثانية اتفقت معاها لما توصلها تدزلي مسج وقالت اوكي ونطرت ولما تباطيتها جان تقول انا يتلي الطلبية ودزيتلج وحطت رقميتقولي مو هذا رقمج وانا والله وربي يشهد ما وصلني مسج منها انا مابي اظلمها بس ترى فعلا ما وصلني شي ؟؟

والحين كل وحدة اللي تقول عندي 20 واللي تقول عمدي 12

بصراحة حدي تضايقت ورحت امس سوق الجملة وخذيت سجاجيد التركية والله حلوين بعد

وانا اللي خلاني اتردد بسجادة الجيب انهم ترى قديمين يعني صارلهم اكثر من 3 سنين مو شي يديد وكانت وحدة من اهلنا موزعتهم علينا بردتها من الحج

صج طلعوا السجاجيد غاليين شوي بس شحلوهم وراقيين ونفس اللي بمكة

وهمن ترى اعتقد سجادة الجيب مو موجودة الا بالسعودية جنه يقولون ببن داوود بمركز مكة بس ما تسوى عليج اتدشين مركز مكة بالحج ما يندخل

فانا ابي ايبب جم وحدة مناك لي ولصديقاتي وترى ارخص جنه برياليين هناك

بس مادري هني وين ينباعون ؟؟ بس مو مهم نبي نعرف حتى هناك وين ينباعون

حت انا طلبت من المنتدى وصارت لي سوالف من ثنتين وما وصلني الطلب حتى هذه اللحظه اذا موجودين بمكه خلاص انا بروح اداريه يوم السبت فشكلي بشتري من هنااك

شنو السجادة التركيه يعني شلون شكلها؟؟

سجادة عادية نفس السجاجيد اللي موجودين بمكة مطرزين ومزرين واشكال حلوة نفسهم انا شاريتهم من مكة

وحاطينهم بصانديق حلوة بس عيب الصناديق انه زيادة السعر 3 دك على سعر الدرزن ومكتوب عليهم ميد ان كويت يعني مبين انهم مني مو من السعودية

فآنا شريتهم بدون صناديق



وقلب راشد
حتى انتي صارلج موقف وبعد مع ثنتين شسالفة بعد يعين رب العالمين

انا سمعت انهم بمكة بس من وين مادري في ناس قالولي في بن داوود السوبر ماركت اللي بمركز مكة وبمنتديات سعودية يقولون انها تلاقينها في ابو ريالين

وناطرين البنات اللي يعرفون بعد

ممكن تلقونها بمكة بس مستحيل برياليين راح تلقينها ب 5 او 6 لان اصلا هي صناعة مصرية ...

وبالنسبة للطلبات من التاجرات اقول لكم شي لازم الكل يعرفه انه احننا دايم نتورط بسالفة الحجز وندز راسلي ومسجات وما يردون علينا ونخلي طلبها جم يوم وما نبيع على اسا انه لفلانه ويعني ما يرضي احد انه اخلي شي عندي لشخص ما يرد علي ويقطع رزقي ع ناس ثانيين

فانتوا لما تشوفون شي مثل هذا وفي المواسم تاكدوا انه ما يقعد لان الطلب بيزيد عليه وحنا بنبيعه بنفس السعر سواء لسعاد ولا تهاني ( مثلا )
يعني خذي اللي تبينه ولا تتاخرين ..

بعد عندي ملاحظة انه الحين بعض رسايل المسجات ترى مرات ما توصل .. والسبب الشركة لان مرة ريلي ارسل لي رسالة وما وصلت لي نهائيا مع انه عنده بالرسايل المرسلة ... ؟؟؟!!! ددق عالشركة وقال لهم قالوا مرات بسبب الضغط عالشبكة ..

انا ممكن اوفر سجادة العود ب 2.500 للحبة للي تشتري 10 منهم واكثر والتوصيل مجاني .. وحاضرين ...
وعندي اطقم اذا بتهدين لوالدة او الخالة او اختش او صديقة عزيزة عليش باسعار متفاوتة ..
روحوا المول وشوفوا وايد افكار لهدايا الحجاج ...