المساعد الشخصي الرقمي

مشاهدة النسخة كاملة : ما ينرفزونكم مندوبات التسويق؟؟؟


Fouz
24-02-2006, 07:19:03 AM
أكيد مروا عليكم و اذا قلتي ألو فكت حلجها و ما صكته و تهذر على راسج حتى ما تعطيج فجة تقولين لها مااااابي، أنا قمن من أشوف الرقم يبدي 24 ولا 47 ما أرد لو شنو و اذا شلته بالغلط و هذرت و ما عطتني فجة أتكلم أصكه بويها و أفتك. المفروض يحطون قانون حق هالشغلة الناس مو فاضية و انا مو موزعة رقمي حق هالاتصالات المفروض تكون في خصوصية حق الواحد، انا مرة سألت المندوبة قلت لها من وين يبتي رقمي جان تقول عندنا سي دي مال الارقام و كل وحدة تاخذ جم رقم و تدق و الله شغلة!!!!!!! ودي أسمع منكم خواتي

شهدQ
24-02-2006, 07:25:45 AM
شوفي انا ارد عليهم بلباقه واحترام واحيانا تنكيت لان هذي شغلتهم فاهمتي شغلتهم على نسب الزباين الي يحصلونها

وعشان جذي ماقدر اهاوشهم

انا كويتية
24-02-2006, 08:27:27 AM
مزعجين جدا وكله نصب بنصب وادا صار رقمج حلو تعالي شوفي
احيانا تكونين تنطرين مكالمة من ناس مثل مهندس ديكور او عامل وتطلع لج الحلوة وساعات نفسيتج تعبانة وتتصل عندج وقت؟؟؟ والله ودي احط حرتي فيها هههههههههههههه

احلى عيون
24-02-2006, 09:05:22 AM
انا اصرفهم ما ارد عليهم اقولهم مشغوله ..
اذكر من فتره كانت في شركه سياحه تتصل على الناس وتقولهم انتوا ربحتوا رحله مجانيه
ويعرضون عليج انج تاجرين او تشترين شاليه في الدوله الفلانيه بسعر معين ..
رحتلهم مره اخذ فكره بشوف شنو سالفتهم .. ولمن شفت ان السالفه نهب فلوس ودعايه خليتهم يولون
ما ابي هديتهم .. واللي تتصل وتقولج انه لج هديه من شخص عباره عن تنظيف الوجه ..
ومن هالطقه ..

نفنوف كشكش
24-02-2006, 08:54:34 PM
اول ماتقولي عرظ ولا شي اقول لها شكرن مابي بس اذا دبال جبد ومارظت تعطيني فجه اسكر الخط ابويها

جكورة
24-02-2006, 10:41:00 PM
إيـــــه والله صاجـــــــه قمة الإزعاج والملاقــــه خصوصا إذا كنت بدوامــــــج وإلا نايمه الصبـــــح........

شكثــــــر صارت معاي وأصرفهــــم ......... هم قاهرتني سالفه المسجات اللي تقول نكت وأهدي أحدث الأغاني أو إرسل قصايــــد حب جديده لم تنزل بالإسواق من هم السوالف ....وودي أذبحهم هم ومسجاتهـــم...

رفرف
24-02-2006, 11:11:57 PM
اي والله شكو يطلعون ارقامنا من مادرري وين بس انا مازفهم حرام هذا شغلهم وتخيلو جم واحد يزفهم باليوم بس كله اقولهم مشغولة ومع السلامة وطااااااااااااخ اسكر الخط ..

Fouz
25-02-2006, 06:20:15 AM
جكورةترى اذا تبين تفتكين من سالفة المسجات دقي على 107 و قوليلهم مابي تدزولي و ترتاحين والله انا سويتها و من يومها افتكيت و مثل ما انتي عارفة جكورة ما تيي المسجات الا توالي الليل و لا الظهاري اللي توج غافية
مشكورين خواتي على المشاركة

قهوة عربية
25-02-2006, 08:05:58 AM
ايه والله صاجين بنات ..وايد مزعجين

وساعات تبين تخلصين المكالمة ..مالج خلقهم ...وهم مكملين ....

حتى المندوبات اللي بالجمعية

مايمديج تمرين على رف ..إلا استلموج ....

ويهذرون ..يعورون راسج من القرقة ..تبين تفجين عنهم ..مايخلونج

دكتوراة بالذوق
25-02-2006, 08:16:00 AM
والله ازعاااج عالفاضي انا من اول ما تقول معاج هدية من صاحبتك؟؟؟



اقول لها ما ابي واصكرة ؟؟




صج ازعاج عالفاضي ؟؟؟

جوك احلى جو
06-01-2008, 12:25:29 AM
انا صرت اجعم ماحب القرقه ابي اتمقل علي راحتي لما تحن تدودهني قطييييييييييييييييييييييي يييييييييعه ساعات اطلع من المحل من كثر ماسمع جربتي ده حابه اساعدك طب بصي علي الكولكشن ولعنه قطيعه عندي عيون اشوف انطمي اشتري قرقر واجد انا يروح اففففففففففف ==========قالبه هندي ينيت

C'est La Vie
09-08-2008, 06:08:45 PM
مرة كنت رايحة الصيدلية بشتري كريم وبمشي
لصقت فيني مندوبت روك
قتلها عطيني الكريم الفلاني
جان تقول خليني اوريج كريم احسن منه ومفعوله اسرع
مشكورة بس انا ابي هالكريم
انزين انتي شوفي الكريم الثاني
لو سمحتي عطيني الكريم بمشي
عطتني الكريم توني بعطيها ظهري جان تقول
انزين تبين اعطيج كريم يصفي ويفتح ويهج؟
انا هني بدت ترفع ضغطي
المرة الياية انشالله
لا الحين ايبلج اياه
لو سمحتي عطيني الكريم مستعيلة الوالد ناطر بالسيارة <---- قمت االف كنت ياية بروحي
دقيقة اييبه ماراح اطول
عطيني الكريم هاتيه مشكورة مع السلامة
وااااااااااااااي لصقة غصب؟؟؟؟؟

BaTTy
09-08-2008, 07:33:21 PM
اهوا صج انهم مساكين هذا شغلهم بس يا ربي ينرفزووووون
سالفة ربحتي هديه من طرف شخص جلسه تنظيف بشره صارت لي مره من فتره و كنت ابيت عمي قلت لها هاا اوكي تعالي بس ابي حقي و حق وحده قالت اوكي لوول علبونه انا و بنت عمي قاعدين ماكو شغل و ياتلنا البيت جان تقول لاااا ممنوع بس وحده قلنا اوكي قعدت انا طلعتلي منتجاتهم و عرضتلي واحد واحد و حطت على ويهي تونيك بعدين كريم مرطب بسسسسسسسسسس لووووول ماكو شغل
و مره بالجمعية مريت بالغلط صوب الحفاضات و مسكتني عاد المندوووبه و داا تاخذي منوو اثنييين و بتربحييي .....
قلت لها مابي مشكوره و رااايحه الاخت تكمل قلت لها مااااااعندي يهاااااااااال جان تقول أأأه انا آسفة :\ لقافه

kuwaitya_zoGaa
09-08-2008, 08:42:45 PM
ويييييييييييييييه انا ياكثر ماتصير فينى ...
خل اعطيكم الطرق الناجحه اللى صارت معاى احم احم ...

اول شى المسجات دقى على 107 .
ثانى شى اللى يدقون على ارقام غريبه ماارد عليهم واذا رديت على طول مشغوله واسكر التلفون بالويه .
نيي للجمعيه وهذى اهم شى ...
دايما لاححظو دايما حطى السماعه على اذونج جنج تتكلمين صدقينى ولا وحده بتقرب منج وعن تجربه
والله يبعدهم منا

manoola
09-08-2008, 11:54:40 PM
انا ماارد كلش واذا صدف اني رديت اقولهااا مشغوله واسكره ..... بس اللي مااحبهم صج صج اللي يقعدون بالصيدليات واااااااااااااااي يطلعون عينج وينسونج حتى شغلج اللي بتاخذينه من الصيدليه

الاسطورية
10-08-2008, 12:43:23 AM
انا كلمه وحده اسكتهم
انا مستعيله وامشي بسرعه بس

زيـنـه
10-08-2008, 01:16:51 AM
انا اعتذر و اقولها شكرا ما ابي
و اذا صممت تكمل كلامها يا تنزف و الا ينسد بويهها .. على حسب المزاج
بس فعلا سالفه مزعجه
و الا اذا قالت فلانه الفلاني (و تكونين تعرفينها) دازتنا عليج .

قهوة برية
10-08-2008, 02:33:13 AM
اذا ع التلفون ..!!

اصلا انا بطبعي ماأرد ع اي رقم ماأعرفه ابد ...!!!


بالنسبة لنكت والأغاني ومادري سنو همن ريحت راسي واتصلت ع 107 واقطعوا هالخدمة ..!!

طيب نجي حق الصيدليات والجمعيات ...!!

ساعات اسمع لهم لأمانه وارد .. لالاه صج شي حلو بس انا مرتاحة ع الي عندي ومشكورة قلبي ماقصرتي ,,!!\

وساعات اقطع عليها خاصة لما اكون بالجمعية وقاعده ادور ع شغلة ..!!

ع طول سوري حبيبتي مشكورة وماقصرتي اذا لزمت ارد واقول بكل حزم لو سمحتي مشكورة ..!!

وبس

المصيبة لا صارت المندوبة قليلة ادب ..!!

يعني اتردين بكل ذرابة واهي ترد عليج بنفس وربي لو ماحترامي لذاتي جان كفختها بس ساعات اقط نغزة يعني اشلون

صرتي او حطوج مندوبه وهذا اسلوبج ..!!

بس ع كل حال ترى هذا مصدر رزقهم ..!!

مو جني قلت قصة حياتي ...!!

ام الغالين
10-08-2008, 02:33:52 AM
..وايد مزعجين

وساعات تبين تخلصين المكالمة ..مالج خلقهم ...وهم مكملين ....

حتى المندوبات اللي بالجمعية ،،، مزعجات وايد الله يهديهم

كندية
12-08-2008, 07:13:40 AM
ويييييييييييييه تعاالي عندناا وشووفي....حتى طلعو جهاااز تلفوون يمنع ان يتصلوون علييج....بس اناااا اذا شلته اقوولهم مشغوووله...بس مرات يكون قاعدين يسوووون احصاااء او شيء موفيد اكلمهم.....شكلناا بنرد على ايااام الرقم السري

nice-girl
12-08-2008, 07:35:48 AM
انا الصراحه امشي معاهم مايعطوون فجه تقولين لا شكرا
نفس مالت المكنسه بالله شقالولج بيتي اللي اشتري مكنسه 1000 دينار وين قاعدين
ولا تقولي عليها عرض
!!!!!!!!!!!!
واي
وعلى سالفه اللي بالجمعيات مو يقثون الا يذبحون تقضبج اقولها انا اسنعمل بامبرز مشكوورة لا
طب قربي ده والله فرئ وتمشين تييها
انزين خلاص خذيت بامبرز منكم خلاص خودي ماللت بامبرز المناديل الوايبس

el3aNoOoNa
12-08-2008, 08:45:53 AM
صج صج في بعضهم اوف اوف ماينعطون ويه وودج اتسكرينه بويهم
بس شتقولين بعد =)


مشكورة حبيبتي ع الموضوع

كتوه مو شريرة ^^
19-08-2008, 12:32:54 AM
بنات حرام هذي طبيعة شغلهم يبون يترزقون الله .. صج مرات اتنرفز منهم بس دايما ارد عليها بطريقة لبقة حتى لو معصبه واعتذر منها بكلام حلو علشان لا تحس بأهانه لان هذي طبيعة شغلها .. ولا تعتقدين انهم مستانسين .. بالعكس وايد يتعبون لانهم ينزفون وايد وفي ناس ما تحترمهم ف تتعب نفسيتهم ويحسون بمذله وغير جذي اذا مايابوا شغل مالهم معاش.. ف حرام والله ياليت نحط نفسنا مكانهم ... :(
انا يكسرون خاطري الصراحه

تقبلي مروري اختي