المساعد الشخصي الرقمي

مشاهدة النسخة كاملة : منو زوجها يشتريلها قمصان نوم وخلافه؟؟


الصفحات : [1] 2

طير الحب
17-11-2004, 01:13:09 AM
كنت مع بنات نتناقش بهالموضوع واللى هو منو زوجها يشتريلها قمصان نوم او ملابس داخليه ........؟؟

او يقولها ابى هذا اللون ولا سمعت عن هذا الموديل وا هذا الشئ الغريب؟؟؟

طبعا استغربت لما قالوا ان رياييلهم يشترولهم .....!!! خاصه فى الكويت فشله الواحد تلاقينه فى محل شذيه؟؟

عن نفسى ريلى لما كنا عاييشين فى امريكا كان يشتريلى كل شئ حتى اذا كنت بالكويت يدق يسال عن مقاسى ...... ولما ارجع القاهم مكودين لدرجه انه مره شرالى نفس الموديل لونين؟؟؟

وطبعا الملابس الداخليه اللى فيها حركات حلوه......

بس من ردينا الكويت ما شفت عود منه ابدا واطبعا انا مقدره انه صعبه عليه انه يدخل هالمحلات ....

بنت خالتى ما شاء الله ريلها دايه ومشطه كل شئ يسويه ويه بن فهره ............ عادى عنه يدخل اى محل ويشترى اى شى.....
يشرى الشى ويقولها يالله لبسى..

صديقتى ريلى يسويلها مفاجآآآآآت مثل يشترى القميص ويحطه على السرير ويقولها ييبلبيى شى من الدار ولما تدخل تلقاه؟؟؟؟؟؟؟؟!! وناسه

انا مره شفت ريال فى محل اكسفورد اللى بالايوب ريال قاعد تاخذ من الدهونات اللى فيها ريحه وطعم ويسال بعد رايعه المحل ....

قلت يعنى وايد رياييل يروح خلف الله على علامه انا ريلى ما يوطوط صوبهم؟؟؟؟

يعنى حلو لما الوحده تحس انه ريلها يقولها ابى اشوف علىالشى عليك؟؟؟؟

انت شنو رايك ...؟؟

وريلك من اى نوع فيهم؟؟؟؟؟؟

فى انتظاركم؟؟؟

سمسميه
17-11-2004, 01:18:30 AM
موضوع حلو يا بطه
انا اتمنى من كل قلبي ان ريلي يطلب مني البس قميص نوم معين او يتحلى علي شي من هالشغلات.....................ولكن..... .............حطي خطين تحت كلمة ولكن!!!!!!!!!!
ليس كل ما يتمنى المرء يدركه!!! :(
مو راعي هالسوالف خير شر!! ولا يحبها...شفتي الرومانسيه!!

الشيف رقيقة
17-11-2004, 01:21:55 AM
وآنا بعد مثل سمسمية سواء كنا إهني ولا بأوروبا مايسويها مستحيل .... عمره ماشرالي قميص نوم ولا دراعة حتن، ماأدري شفيه هالريال ، اقوله ودي مرة تدش علي بشي حتن لو بطيخة بس ماكو، إلا لمن أطلب منه ييبلي خضرة ولا شغلات الجمعية إييبها بس من نفسه مستحيل، هذا والاكل له ولي ، عيل شلون بالملابس مستحيل مو بخل بس مافيه هالطبع كلش ...

بنت العز
17-11-2004, 01:27:16 AM
mashkoora ekhte 3ala elmawthoo3 iljaree2 ,, ana belnesba lee lama kint belq8 nafes 7altech raylii noway edesh ma7al malabes da5eleya .. bs barra leq8 3adee katha marra kan ekhalini belfendeg egooli bakhth shaghla o baie late6l3een welmofaja2ah ena eroo7 yeshtree malabes da5eleya ana kint aste7ey albes-ha lani kint 3aroos yedeeda :P om 6 months bs mn yeet usa ana ma gemt aste7ey 3adee 7ata enage weyay elmodel ele e3ajba bs ma yed5al wayed la2na elmokan ele ga3den feeh akoo shwayat 3arab en3aref-hoom o ana noo3i mn aroo7 elsoog akthar shay eshedne ma7al elmalabes elda5eleya :P victorias secret feeh tashkila 3ajeeeeeeeeeeeeeebaaaa o thog-hoom rageee
o hathe wej-hat natharee o mashkora ikhti 3almawthoo3 :)


بنت العز

رفرف
17-11-2004, 01:32:16 AM
وي وي وي من صجكم يدش محل قمصان نوم ويشتريلي ؟؟؟
هاذي فيها قبايل ...
انزين اللي تبيع بالمحل مو مره ؟
تبونه يدش ويسأل ؟؟؟!!!!!!
والله جان اذبحه ...
لكن اذا بخاطره البسله لون او موديل معين مو مشكلة ...
حركة كريم سامع عنه مني مناك هم مو مشكلة ...
لكن يدش محلات القمصان ويتسأل !!!!
لالالالالالالالالالالالال الالا لاعمره سواها ولا ابيه يسويها

طير الحب
17-11-2004, 05:42:49 AM
سمسميه عندى وعندك خير .,........ طلعو طقه وحده ...... بس الله كريم شنسوى بعد....


الشيف ....... والله انى ضحكت على بطيختك ..... انا ما ادرى ليش رياييل الكويت شذيه فيهم هالعاده الشينعه لا والحريم الثانيه حاسدسينه من هالمسلسلات ان الكويتى مفتح باللبن ...... وان مقطع السمكه وذيلها وانه راعى سوالف .....آآآآآآآآآخ بس وين يا حسره
عادى لا يضيق خلقك كلنا على هالحال........

بنت العز ما عرفت اقرا كتبته ما عرف حق هالكتابه بس قريت جم كلمه بس بقعدلها عدل.......

رفرف ..... ليش ما يدش ويسال واذا اللى تبيع مره شنو يعنى هو بتشوفه مره وحده فى العمر عاد هو اذا بغى يشتريلك كل مره يروح مكان غير علشان ما ينشبه..... :)

اشوه الحركات مقدور عليها ما يبلها مشرى ولا شى بس العنوه فى المشترى والذوق .....

انا والله لو الحين ييبلى لو من المحاميد بدينار ونص راضيه بس شى تزاينه على ... الله شان بخت

والله كاسرين خاطرى يا بنات الكويت ما تستاهلون ..... انتوا تستاهلون الدلع ..

طير الحب
17-11-2004, 05:45:30 AM
بنت العز تكفين كتبى عربى او انجليزى.........

بس المانى ما نعرف..... :)

@ الرسامة @
17-11-2004, 11:44:14 AM
هههههههههههههههههههههههه



انا بعد ودي ريلي يشتريلي هالشغلات بس وين اللي عندي حده مخدي







بس هم ساعات اسال نفسي لو يدش واللتبيع وحدة هم عيب انه يسالها لو يسويها مو اذبحه الا انتفه













بس اذا فيه ريال ماعليه مسموووووووووووح

نفيشه
17-11-2004, 12:06:05 PM
انا بعد اعارض وبشده
مو حلوه يدش ويزاحم الحريم بهالاماكن اصلا انا وايد اتضايق من الرياييل اللي يدشون محلات ملابس الحريم الداخليه او القمصان حتى ما اقدر اختار على راحتي
بس انه يقول لي والله لبسي القميص الفلاني ولا مشتهي عليج الشغله الفلانيه اتمنى ذلك لكن الحال من بعضو وريلي ديزاين قبل وزار وقوملق مو مال طكنولوجيا ابد
ولما يسافر واييب لي شغلات ممكن اييب بدل طلعه او جاكيتات او دراريع او ممكن بعد ملابس البيت العاديه تنانير قصار وبديات هذا حدنا بس شي ثاني والله اسوي له سين وجيم

طير الحب
17-11-2004, 12:41:16 PM
طلعنا كنا نفس الشى...... : )

عاد اذا بيشترى يروح محل فاضى مو المتروس .....

الصبح فى الايوب ما فى احد ..... عاد هى لو مره بالسنه ميخالف .....العوض ولا القطيعه

وخير يا طير اذا اللى تبيع مره بشترى ويطلع مو متزوجها : )

آآآآآآه ودى افرح وهو شارلى شى ودى ودى

رفرف
17-11-2004, 12:43:15 PM
زين اشوه طلع في احد نفس رايي ....

احس قلة ادب اذا اللي تبيع مره ويسألها ويختار الموديلات ... !!!

مو متقبلتها كللللللللللللللللش

طير الحب
17-11-2004, 12:49:20 PM
رفرف ليش الحين اذا سافر وشرى من بره اشدراك انه اللى تبيع موو مره.....؟؟؟

المهم هم يشترى ويطلع مثل الاجانب ما يعلقون ولا لهم شغل باحد

رفرف
17-11-2004, 01:00:35 PM
حتى بره مايصير ....

الا اذا محل مو خاص بالقمصان معروض فية كل شي وفي ركن حق القمصان ياخذ ويمشي... ممكن تترقع ....

طير الحب
17-11-2004, 01:28:49 PM
الحين كل شى عادى ذاك اليوم شفت بالايوب واحد ما تاخذ قميص تسال عن الكريمات اللى فيها ريحه وطعم ...... بس مافى غيره المحل......

محد دره عنده احسن الصبح........ :)

^SwEeTa^
17-11-2004, 02:01:52 PM
لاااااااااااااااااااااااا اااااااااااااااااا و الف لاااااااااااااااااااااااا ااااااااااااا

من صجكم بنات ؟؟ انا لو امووووت ما اخلي ريلي يسوي هالسوالف .. مااااا احب انه يشتريلي ملابس داخليه .. اصلا انا ما ارضاها عليه ... شنو رايح راز ويهه عند الحريم تعالوا عطوني قميص

بعدين انا جم مره اشوف رياييل بمحلات القمصان .. الصراحه ما احترمهم .. شنو هذا ؟؟ الريال عندي لازم تكون له هيبه .. ما ينزل نفسه حق محلات قمصان حريم

قولوا عني معقده .. قولوا ما عندي سالفة .. ما اعرف .. بس لاااااا و الف لااااااا .. ما احب هالشي

الريال انا البس له و اشتري خاطره بهالسوالف.. مو اهو يشتريلي و يقولي تكفين لبسي ..
احس جنه يقولي لبسيلي ترى انا محروم .. ما احبها تطلع من الريال .. انتي لبسي و كشخي و بس .. لا تعطينه فرصه يترجاج تلبسين له .. و يشتريلج عشان تلبسين غصب ..

هذي وجهة نظري .. و اتمنى انها ما تزعل احد

:):):)

كويتيه
17-11-2004, 02:29:31 PM
ياخزيااااااااااااااااااه والله هاذا الي ناااقص
رياييل بهالمحلالالات انزين انتو ما تغااارووون عليهم

والله عيب لا وخاصه الي عارضين صور الحريم بقمصان النوم
تخيلي ريلج يطالع هالحريم ويشتهيه ويتخيله عليج ويع حده ويع
اصلا عيب يدخل هالاماكن انا مره وانامره استحي وينقص ويهي لما ادخل هالمكان
واستحي من الي تبيع واذا كان ريال ما اوطوط خير شر
واذا شفت بالمحل راييل مع حريمهم داخلين هالاماكن انطر ليما يطلعون والله فشله ادخل
هالاماكن مخصووصه للحريم واصلا اغلب المحلات يحطون ستاره يعني عيب اشكره لا تدخلون
انزين اشتهي ريلي اييب لي ورده اييب لي عطر اييب لي خاتم اييب لي ساعه اييب لي كيكه اييب لي اي شي وقفت على قمصان النوم يعني ..

طير الحب
18-11-2004, 01:06:45 PM
عاد احنا حاصلنا ........ هذه احلام اليقظه ولا وحده منا ريلها شراها عود مو قميص بس من اللى نسمعه ............ نقول لعله وعسى.......

يعنى ناس مو حاصلهم قاعدين يتخيلون اذا صارت اشلون احساسهم ونطبااهم.....

هذه احلام اليقظه........... :)

Maltesers
18-11-2004, 01:48:34 PM
هههههه .. على قولت البنات واخزيااااااااااه

انه بعد ما ارضى انه زوجي يدش محلات الحريم ويزاحم الحريم .. بس اشوه الحمدلله انه زوجي من النوع اللي يقولي ترى بخاطري تلبسيلي جذي أو جذي وانه اروح اشتريلي عن اللي قال عنه .. او اشتري اللي يعجبني طبعا وغصبا عليه لازم يعجبه بعد مو بكيفه :)

بعدين ما شالله الرياييل مو مقصرين باخصين ويعرفون كل شي .. فأي شي الريال خاطره فيه خل يقول عنه ومرته تروح تشتري اللي يبيه او اللي وده يشوفه على زوجته :)

أغلى حبيبه
19-11-2004, 09:07:23 AM
وانا بعد وياكم ماارضى يدش محل قمصان النوم
يوم كان يدرس برا اي كان اييب لي قمصان نوم بجامات
بس اهني لا
لما نتمشى بمجمع يكون المحل معلق القمصان بره اهوا ينقي وانا ادش المحل اشتري اللي بخاطره
وساعات يقولي ابي اللون هذا

بس ماعمره شرالي من الكويت قمصان

طير الحب
19-11-2004, 09:42:14 AM
ام علاوى حالك احسن من حالنا ....... ريايلينا ما يقولون شى صم بكم عم احنا اللى نشتهى الشى واحنا اللى نشتريه.........

بس اشوه اذا يطلب من يخالف عاد موليه لا طلب ولا قالها الله.....

اغلى حبيبه شان زين يقول ولا شى من ردينا الكويت والحيا زايد ..... :)

على العموم هم احسن من غيرنا

جوريه
19-11-2004, 10:50:09 AM
انا اول ماتزوجت لما كنت البس قمصان احسسسس انه مايعجبووونه حتى ماكان يقولي هذا حلووو ولا مو حلو ولا هاللون ولا لا شي وسالته جم مره شنو ودك وشنوو تحب الالوان كله يرد علي عادي اي شي فكنت اخذ من كل شي اللي بالكتالوج اللي يعجبني ومايعجبني قطييييت فلووووس الدنيا كنت اطلع من اكسفور ب200 و300 حتى كلمه حلوه ماكنت اسمعها منه ولا مدح ولا بطيخه رقيقه لما مره انفجرت كنت ماخذه قميص غالي وسوالف فناتق وهيهوووب وتحزم وتربط عطاني ظهره وناام وحلفت من يومها مااااااااشتري قميص حده بو دينار ونص ويخب بعددددددد والله صارلي سنتين ماشريت وقتله اذا عجبك شي انت اشتر من الانترنت قاعد تطلب كل شي ليش ماتطلب قمصان لي شرد علي بذمتكم "" مو ضرووري "" قتله احسن بعد ومره شريت بو طعم من الامارات بعد حنه ورنه خذيته وظل 3 سنين مقطوط ولا فجيت قرطاسه وقطيييته انا ريلي مو كفوووووووووووو هالسوالف رفيجتي كنت اروح مهاها ايوب وتاخذ من بوطعم كل شهر مايضل عندها ماشالله
وانا مره كنت باخذ قمصان لولادتي من انور اللي بشرق يوم دخلتت الا موجود ريال مصري وكان فيه كويتي قاعد يشتري منه جان اقوله شوف حق اربعيني تعال اهني واخذلي قميص نوم ترا ماراح اشتري انت ييب هالمره فيه ريال عادي بعد والله طلعت من الاربعيين وانا كان عندي امل بانه راح وشرا منه صج يوم اساله هاااا وين قميص الليله جان يرد علي نفس كلمته "" موضرووووووووووووري "" قهرني ولبست قميصي يايبته لي بنت عمتي من لندن وانا مقهوووووره منه

طير الحب
19-11-2004, 11:43:14 AM
جوريه عادى كل الرياييل شذيه لو بفلم او بره البيت كان صار الشى يهبل واشحلاته بس اذا صار لمرته صار يلوع الجبد...... كلنا على هالحال انا كنت ما البس القميص مرتين بس يوم شفت انه ما ينتبه حتى اذا لبسته 20 مره صرت اوفر ما اشترى الى وين وين.........

ما ادرى ليش الرياييل يايتهم حاله صده ..... :)

غدير^الجنان
19-11-2004, 12:00:27 PM
انا عبالي بروحي اعاني طلعتوا مثلي


وااااااااي عليهم هالرياييل

بس الحمدلله على كل حال

رفرف
19-11-2004, 12:14:35 PM
شفتي شلون بطه ؟؟
اخر زمن صرنا احنا الرياييل

طير الحب
19-11-2004, 12:40:49 PM
ايه والله احنا نشترى ونلبس حق روحنا يعنى احنا خلط نص رياييل ونص حريم....:)

معقول كلنا على هالحال ابى وحده تشذ عنا ....خلينا نستانس عليها:)

نفيشه
19-11-2004, 10:03:52 PM
جوجو

كسرتي خاطري الظاهر عدوى بين الرياييل

طير الحب
20-11-2004, 12:25:17 AM
هذا وباء حاش الكويتيين مساكين ........

بس الله يصبر قلوبنا...... :)

نفيشه
20-11-2004, 08:41:47 AM
خل نسوي انقلاب و نجازيهم

من اليوم ورايح وداعا لقمصان النوم و اهلا بالدراعة بارتي

السفيرة عزيزة
20-11-2004, 09:46:55 AM
هههههههههههههه


قريت رددكم كلها

طلعوا الرياييل نفس الشي
و انا اللي كنت حاسبه انه بس ريلي اللي جذي

اللي يسلمج اهي مو عدوي بين الرياييل
انا كنت قاعده اقرا كتاب

تدرون شنو مكتوب فيه
انا الانفتاح الزايد اللي نمر فيه هالايام
من الستلايت
و اللي فيه
و من هاللبس اللي اللهم يا كافي
الريال يطلع بره البيت يشوف كل شي

خله الريال بارد عادي عنده كل شي
يعني اذا الريال شايف كل شي بره البيت ليش يشوفه داخل البيت
نفس الشي
اهو تشبع من كل شي
ليش يطلبه منج

لكن قبل كان الريال ما يشوف شي بره البيت
ما كان في ستلايت
و لا كان في بنات مفاصيخ مثل الحين بكل مكان
و الشي
علشان جذي يبي يشوف كل شي من مرته و يطلب بعد

علشان جذي تشوفون المدين يطلب من مرته لانه ما يشوف شي

فهمتوني

نفيشه
20-11-2004, 09:54:28 AM
والله يا عزوزة مو شرط الرياييل فيهم الدين وفيهم السرسري وفيهم الوسط



والنتيجه وحده ليش مادري؟؟؟

السفيرة عزيزة
20-11-2004, 10:02:18 AM
لا نفوش مو وحدة

انا اخوي متدين ما شاء الله عليه مريح مرته عالاخر

و رفيجتي ريلها ملتزم بعد

ما يشتريلها قمصان بس اهو اللي يقولها اليوم لبسي جذي و اليوم لبسي جذي
و اذا مل يقولها انتي رايحه السوق هاج فلوس و اشتري قميص جذي مواصفاته

الله يسخر لها

يعني انا اعتقد هذا من التدين

نفيشه
20-11-2004, 10:09:37 AM
عزوزة انا عن نفسي ريلي دين وطاااااااااااااااااااااف اهمال من الدرجة الاولى اصلا يعتبرني يمكن واحد من الربع .. ولا اي شي يحسسني اني انثى خخخخخخخخخخخخخخخخخخخخخخخخخ خخخخخخخخخخخخخخخخخخخخخخخخخ خخخخخخخخخخخخخخخخخخخخخخخخخ خخخخخخخخخخخخخخخخخخخخخخخخخ خخخخخخخخخ
و هالاشياء عنده كماليات و وين ووين لما يتكلم بهالموضوع كل شي يتم بصمت
اصلا ولا مرررررررررررررررررررررررر ة علق على قميص او حتى بدلة طلعة عادية الا طبعا بانتقاد وتحلطم يعني مو عاجبه شي

بالطقاااااااااااااااااااا ااق

السفيرة عزيزة
20-11-2004, 10:20:46 AM
نفوش لا يضيق خلقج يا حياتي و لا شي

عندنا و عنج خير

اللي عندي يا حبيبتي مرة سويت له سالفه
انت ما تطالع انا البس وانت ما تشوف
الي اخرة

عقبها بجم يوم كنت لابسه بطلع
عاد جان يطالعني و يقول الله شهالبدله يديده صح

و انا لابستها فوق 3 مرات
عاد شقول قلت اي مشكور حلوة

بعد شنسوي
الله بلانا برياييل عميان و لله الحمد

نحمد الله و نشكرة

أنا وين ؟؟
20-11-2004, 10:23:42 AM
ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه هههههههههههههه

لا تعليق عندنا وعندكم خير

:D

رفرف
20-11-2004, 10:45:20 AM
وانا ريلي دين بس ماله شغل على قولة نفيشو عنده انا جني واحد من الربع (مو جنه هالظاهرة وايد انتشرت بين رياييلنا؟؟؟؟) ...
ولي لبست والا مالبست نفس الشي (أوفر) ....
واذا تحلطمت وحنيت يقولي اوووووووووه لابسه قميص يديد ...
ويكون القميص اللي لابسته ماكل عليه الدهر وشارب ونايم بعد ......

نفيشه
20-11-2004, 10:49:49 AM
عميان وبس؟؟

عاهات قولي
على خدايهم وهم بعد مافيهم واحد يعطي من عمره


اقول بس لا تسمعنا سندرلوو والله بعد ما تتزوج كلش

Dancing^Queen
21-11-2004, 01:23:44 AM
صجكم
جانزين بس اعرف ذوقه فيهم
عيزت وانا اشتري
ولاعرفت
مره يمدح القميص وعقبها بفتره يذمه ماني فاهمته

جوريه
21-11-2004, 02:19:33 AM
امبيييييييييييييييييه بنات امس بليل ناموا اليهال وتسبحت وتعطرت و(مع اني مو كاشخه ) وقميصي العتيج مال النوم واحن عليه تعال اقعد معاي انسولف يروح يقعد بالصاله الف مره اقوله تعال والفين مره يقولي انزين لما حطيت راسي ونمتت مع اني ماااااااابي منه شيي بس كنت بسولف عن عيالنا بس همممم مالللللللله خلقي
عنده مجابل الكمبيوتر ابررررك مني

ماقوووووووووووووول الا ماااااااااااااالت على رياييل الكوووووووووووووووووووويت كلهم زييييييييييييييييييييييين ( معصبه )

والله حرام الفلس اللي نقطه علشان اونس روحي فيههم ابرررررك
عاد من فتره قطييت التنانير القصار والبديات العلاق والحفر والشورتات والاستريشااات كلهم فضيت الكبت منهم وعطيتهم امي قتلها عطيهم فقاره امي بطلتهم انصدمت تقوولي يدد حرااااااام وشي بليبلاتهم ليش مو لابستهم
اقولها ليش البسهم حق الطوووووووفه هم استبردد تحت التكييف وامرض ولا احد يشوفهم هذيل للدلع مو لنا ياااااااااااااااااحظي ياحلو الروب يدفي مايقول لالا

حتى يوم رحت بانكوك اهما اهل هالسوالف البديات اللي تينن والشورتات واله ماخذيييت ولا شي ادري مو كفوووووووووووووووووو

نفيشه
21-11-2004, 05:48:46 AM
جوجو
ما عليج منه انتي لبسي حق عمرج مو حقه انتي تحسين بانوثتج ولا اهو عنه ما حس
وانا حالتي مثل كوكو اصلا ما اعرف ذوقه

طير الحب
21-11-2004, 08:46:52 AM
نقشه خلى باجر الانقلاب مو اليوم؟؟؟؟؟؟؟؟؟؟ :)

عزوز والله كلامك فعلا انا ريلى واحد مهنم لا الادهى ان كان بامريكا يدرس ....... وشايف وعرف ...

بس كلامك والله فعلا صح مليون بالميه

نفيشه
21-11-2004, 09:02:00 PM
خلاص باجر الانقلاب اخر كلام
بس ليش تبين تاجلين؟؟؟
اخاف عندج مخططات ثانيه؟؟؟
اعترررررررررررررررفي

سمسميه
21-11-2004, 09:11:29 PM
عيل انا قصتي قصه معاه..تخيلوا يقول لي لا تقطين فلوسج على هالخرابيط واذا تبين تكشخين لي لبسي دراريع مثل ملوت امي!!!!!!!!!!!!!!!!!!!!!!!!!!!!!!!!!!!!!!!!!!!! !!
تدرون يقصد ايهم؟؟؟؟
يقصد المخمل ملوت العيايز الي فيهم نقشات داثره!!!
يا ربي اش هالحظ بيسكربني هالريال ومو عارف اشلون؟؟!!

جوريه
21-11-2004, 11:18:27 PM
سمسووومه
ترا في رياييل مزاجيين رفيجتي كان ريلها يدق عليها يقولها لبسي الدراعه الفلانيه تقول مالت بيت وعتيجه بس يحبها تلبسها يقولها تغريني خخخخخخخخخخخخخخخخخخخخخخ
صج عجايب

الشيف رقيقة
21-11-2004, 11:20:42 PM
ياليت يقولي مرة وحدة بحياته لبسي الشي الفلاني ...

طير الحب
22-11-2004, 12:05:02 AM
نقيشه تونى جاهضه من ( من نص رمضان) وتونى اخلص ( يعنى لا صيام ولا شى)

فاجلى الانقلاب جم يوم........... على ما اشوف نفسى( بس هم ما نى شاريه يديد)

بس كلامكم بنات ونسى حسسننى ام ريلى طبيعى ( صناعى مخلوط) يعنى اذا كنت بس انا اللى اعانى كنت رحت الطب النفسى ....بس دام الكل على هالحال فمافى مشكله

عندى وحده تقول ريلها كييف ما تلبس القميص وبس لا لازم تسريحه وبوت وهيلهوب واكسسوارات......الخ

انا اذا يمكيجت قالى ليش مصبغه ويهج........ :(

والله قهر.......... اكسفورد ما قام إلا على فلوسنا وهم مافى فايده ,,,,( عمك اصمخ)

خلاص المحاميد متروس بدينار ونص ,,,,,,,, دام الغالى مو عاجب هنجرب الرخيص....

والله يمكن يحل العقده.............

كوين حتى انا ريلى من النوع اللى مو فاهمته يعنى ما تدرين شنو اللى يحب واللى يكره......

الله يصبر قلونبا على هالنوعيه منهم

Dancing^Queen
22-11-2004, 12:27:55 AM
عني الظاهره منتشره بالكويييييييييييت
يعني الريالييل اللي ااختربو احنا مافينا شيييييييييييي




بس وينكم
ترا نا ريلي استايل الرداريعي
وايهي التايغر
مالت المحاميد
ام دينار ونص
او 750 فلساحلا واحلا ولو احصل بربع يمكطن اصير صاروخيه
بدور دراريع ارخص ان لقيتو بطيور الجنه علي اميه علموني :)



لا بس انحرف ياجدعان
اكتشفت انه يحب البديات اللي فيها دلعه مو مهم ضيج بس المهم انه دلعه وفي لوووك
:)


يالله يابنات جربو يمكن تلقون لهم اهتمام بشي

زيـنـه
22-11-2004, 12:32:14 AM
و الله الله يعين يا بنات .. بس الواحد يسوي اللي عليه و الاجر من الله ..

اعرف وحده تقول كل ما البس شي و فنتق و ستايل و غالي .. ما يبين في عينه و لا يحس بقيمة الشي .. قامت و غيرت .. طاحت بالاسواق الشعبيه طيحه تقول من دينار و نص لي ثلاثه و ان ذبح روحه خمسه .. على كلامها منه التغيير يصير بكثره و برخص دام انه ما يستوعب الغالي و الماركات .. الحين تقول ماني متحسفه و ان هالاماكن يطلع منها اشياء ناعمه و حليوه .

و سلامتكم و تعيشون :)

Dancing^Queen
22-11-2004, 01:44:54 AM
سقا الله ايام لابيرلا يا زينه
شفيه المحاميد؟
اشي شفتشي ومفتشي وبدينار ونص :)

بنت العز
22-11-2004, 04:32:44 AM
لوووووووول أمبيه بنات خرعتوني صج!!!!
انزين سؤال هالحاله بدت وياكم أول ماتزوجتو؟؟؟؟؟ و الا عقب فتره؟؟؟
أنا ليلحين ريلي أوكى مع هالسوالف بس خوووفكم يقلب مع الوقت و ريلي شويه دين الحمدلله ... و أنا تقريبا بكمل السنتين بعد شهر بس أبي أعرف متى بدت هالحاله !! :d
عشان أخذ احتياطي و ماشتري أي شي غااالي :d

Dancing^Queen
22-11-2004, 04:39:38 AM
متا بدت؟؟؟
لما يئست انا

طير الحب
22-11-2004, 08:08:11 AM
كوين ....... خلاص هذا القرار الاخير وداعا اكسفورد اهلا المحاميد.......

ومبروك على الانحرراف بس تعالى اشلون طحتى عليه ( هذا المنحرف) ان شاء الله ريلى ينحرف مثله واكثر..... :)

واشترى الدراريع اللى عند بو نص والله اشحلاتها......

======================

زينه عرفت لروحها وزين تسوى ليش المخاسير دام الريل عمى........ :(
======================

بنت الغز ....... الله يسلمك بدى هذا المرض ( اقصد الصدود والعمى والامبالاه)
من بعد ما صار فيه عيال ولويه ومسئوليات ....... والظاهر انها بتستمر يعنى مرض مزمن الله يشافيهم منه......
يعنى اتن تقريبا باقيلك سنه ويعنى هالحروه :)
.................................................. ....

رفرف
22-11-2004, 11:40:49 AM
بنت العز ... الحالة أزلية موجودة منذ بدء الخليقة ...
انا من عرفت ريلي وعرفني وهو جذي ...
لا ارى لا اسمع لا اتكلم ...

طير الحب
22-11-2004, 12:35:19 PM
عدل رفرف............... منذ بدء الخليقه والمشكله انه شئ ازلى يعنى ما في علاج.... :(

نفيشه
22-11-2004, 03:17:54 PM
انا بعد بادية من باية الخليقة
احنا نمثل حياة الانسان الاول
يمسك مطرقته وطااااااااااااااااخ على دماغ النثية ويسحبها من شعرهاااااااااااااااااا لي الكهف او عش الزوجية وخلاص
وسن الياس شفط علينا من دهور وقرون و طواعين السنين

كوينو
مبروك الانحراف الجزئي وعاباااال الانحراف الكلي
ويالله ينولنا من الحب جانب ولا انا اللي بنحرف شكلي
بمشي واتحرش فيه بخليه يخاف مني
خخخخخخخخخخخخخخخخخخخخ
خخخخخخخخخخخخخخخخخخخخخ
خخخخخخخخخخخخخخخخخخخخخخخخ

وووووع مو لايق بعد هذا اللي ناقص بس

ومن اليوم ورايح بداوم عند المحاميد بس ماني داثرة عمري مثلكم كلش عاد ... نوووووووووووو
بطيح لكم طيحة بالشلحات امهات الدانتيل اللي يشمخ من عند السدر خل اشخط ويهه تشخط
مو عاجبته قمصاني الناعمة الذربة خل يدفع ثمن استهتارة
باخذ من كل الالوان و بلوع جبده فيهم وبكثر من الاصفر والجويتي والاخضر الحشيشي والابتغالي
والادعم اللي يلوع الجبد
يمكن يظرب معاه شي
وبكثر له من الوزارت ( الوزرة) كاروهات ومنخطط ويا القحافي امهات الزري علشان يكمل اللوك
البحري وبحط على كمدينته زبيدية وربيانتين نيين علشان الريحة تترس راسه
شرررررررااااااااااااااايك م؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟
والله يطلع مني حتى في اصعب الظروف
والله اني انشرى بالذهب
امراة مكافحة
مناضلة

بنت العز
22-11-2004, 09:25:18 PM
لوووووول بصراحه الله يعينكم كلكم و الله يبعد عنه هالوبااااء :p و يشافي رياااييلكم انشالله :)

جوريه
22-11-2004, 11:12:47 PM
ههههههههههههههههههههههههه ههههههههههههههه
لوووووووووووووووووووووووو ووووووووووووووووووووووووو ووووووووووووول نفوووووشه
عيل انا امس اكتشفت شي انا ريلي بيتبع معاي الهجر علشان يأدبني لطوله الساني خخخخخخخخخخخخخخخخخخخخخخ
تصدقين ما همني بس جني بحررره واخذ من شلحاتج واخليه يفرفر

كويتية أمورة
23-11-2004, 12:07:42 AM
ههههههههههههههههههههههههه ههههههه
خخخخخخخخخخخخخخخخخخخخخخخخخ خخخ
كع كع كع كع كع كع كع كع كع كع كع كع
كر كر كر كر كر كر كر كر كر كر كر كر

واي نفيشة موتيني ضحك ياحليلج
صج صج امراة مناضلة
المفروض يسوون معاج لقاء ببرنامج اوبرا وتحكين رحلة الشقاء والكفاح
وتالفين كتاب وتعطين محاضرات وتسوين ندوات ودورات

اهم شي كثري من الشلحات العشبية والقرمزية لاتنسين والداخلي اللي تلبسينه مرة والثانية سيره ينفتق وتطلع خيوطه

Dancing^Queen
23-11-2004, 01:25:38 AM
واي نفووووووووووووووووووووووو ووووووووووووووووووووووووو ووووووووووووووووووووووووو ووووووووووووووووووووووووو ووووووش غشييييييييييييييييييت من الضحك اشوا ان المكتب مسكر علي
وعلي بالهم اتكلم باليتلفون والا قالو ينت البنت خلاااااااص


راح الاحترام اللي صارلي سنين ابنيه بالشركه


لاه باه هذا اختصاص قمصان نوم سوريا
اللي لاميه وتلمع والوانها متوحشه
اشي ارتكواااااااااااز
اشي برتغااااااااااااااااااااا ااااااااااااااااااااااااا ااااااااااااااااااااااااا اااالــــــي اييب اليهد وفيه تخريج اخضر

اشي لونه كركمي
اشي بنفسجي اييب الحارج
الوان شقاقيقه
والفسفوري سبحان الله ماراحت مودته (مو قلبنا حجي اول موده بدال موضه)

وتلقينهم بالموسكي شزينهم ومتوفر القياس من اكس سمووووووووووووول ليييييييييييييييييييييييي ييييين اكس اكس اكس اكس اكس اكس لاراااااااااااااااج يعني الجميييييييع
ووياه روبه بعد شتبين قمه الاغراء رحيق الاغراء يا شيخه


علي الموديلات اللي حطيتيهم الصراحه انا لاني محاتيج ولا ريلج احاتي اح من عيالكم لي راح داركم بالليل بالغلط شنو بيصير فيه بعد عمري
وعلي الموديلات اللي فوق
يبله تسريحه قذله سوسن بدر ووررده صناعيه علي كتر وحمره مالت ضد البوس الخضرا
شرايج؟
كمل كمل الاغراء ايواااااااااااااااااااااا ياباميلا العباسيه ايوا يا ياوا

زيـنـه
23-11-2004, 01:32:34 AM
كوكو .. من وين طالعه على الذوق الشقاقي .. وااااااو .. :)

Dancing^Queen
23-11-2004, 01:36:21 AM
افا عليج زينه ماعرفتيني
اتصدقون بنات ماعرفتني :)


حبوبه ناا منافتر الكويت كلها من اقصاها الي جنوبهاااااا
انا من عرف ودخل كل مجمع (الا اجيال مول والمجمع الثاني اليديد)

انا من رحل من الفروانيه الي الصالحيه الي الي الثريا الي الفنار الي شرق الي المارينا الي بقالات ودواعيس

انا لها انا لها
هل من مباااااااااااااااااااااار ز؟
هل من منااااااازل؟

زيـنـه
23-11-2004, 02:13:48 AM
ابيه .. شفيج كوينه . اسم الله عليج بعد عمري :)

جوريه
23-11-2004, 02:23:22 AM
حلووووووووووووووووووووووو وووووووووووه ده الشقاقيه خخخخخخخخخخخخخخخخخخخخخخخخخ خخخخخخخخخخخخخخخخخخخخخخخخخ خخخخخخخخخ

حق الاغراء اخذي اكس اسموووول نفوووووشه مودييييييييل تطلع

وليش حمره ه خضره فضيييييييييحه شفيه الديرم يهببببببببببل ( الله يعينج على تششقق البراطم ) بس اغراااااااااااااء وماشه سوده ياعينيي كملتتتتتتتتتتتتت

kajool
23-11-2004, 02:43:13 AM
الله يعينكم بنات على ازواجكم صدقوني
انا اشتري واكشخ والبس المايوهات والعلاق والبلاوي المتلتله وفي الاخير الاخو شايف نفسه بس على قولة الوالده راحت رييايل تنطح الدروازه وجت رييايل المطنزه والعازه
وهذا اللي قاعده اتبعه وشفت في نتيجه البس واكشخ وخلي يلحس الارض اللي امشي عليها وفي الاخير طنش تعش

رفرف
23-11-2004, 03:04:11 AM
هههههههههه واااااااااااااااي موتوووووووووووووووني ضحك حسبي الله على ابليسكم ...

kajool
23-11-2004, 03:06:02 AM
شنسوي لانهم يستاهلون شذي واكثر انا عن نفسي لو اطووووول كل اليوم احرررره ما اعندي مانع

طير الحب
23-11-2004, 10:06:00 AM
والله ضحكتونى ............ يعنى خلاص ودعوتو الكشخه الى الابد ....... احسن ارخص لكم........

نفيشه انتى المفروض يعطونك وسام المناضله........... كوين اشدعوه قلبتى على الريال هذا مسكين بعد ما نحرف قمتى تسوين حركات........

انا قمت اشك ان فى الرياييل عمى اذواق والوان ......... يعنى اذا انت حبيتى الشى لا تشترينه واللى يلوع الجبد كثرى منه يمكن عندهك هذه النظريه ( الانعكاس الذوقى )
بعد ما تدور مو كل شوى يطلع مرض يمكن هذا المرض منتشر بس ما اكتشفوه,..........

رفرف
23-11-2004, 10:53:40 AM
بطه حلللللللوة الانعكاس الذوقي ...

انتي مدرسة علوم ؟؟؟؟

نفيشه
23-11-2004, 10:44:33 PM
بطه
خطيررررررررررررة نظرية الانعكاس الذوقي ضربتي عالوتر والله

كوكو
حسبي الله على ابليسج من وين طلعتي الحمرة الخضرا الي ما تروح؟؟؟
وي وي وي ياني غبااااااااااااااار طووووووووووووووووووز
بروحنا حلوين جذي
بس ترى هااااااااااااااااااا سمعوا نصيحتي
الشلحات كلكمتاخذون اكس سمووووول المتينه والضعيفه والمتروسة والكل والجميع
قولوا لي ليش؟؟
هاااااااااا قلتوا ليش؟؟
علشان تبين المطبات والاير باق والسفكات والكروش والخطوط والفلوع
لا تتحرجون ترى جذي ابلغ بالتعبير واحلى ويغريهم اكثر
وقولوا نفيشوا ما قالت
بس لي تطلقتوا ترى ما اعرفكم مو مني


كاجول
ما اقدر اسوي مثلج مايوهات على الفاضي اموووووووت من البرد ممكن مايوه اسلامي؟؟

جوريو
وانتي ويا الويه تقولين لي حطي ديرم؟؟
الله ذكرتيني بيديده الله يرحمها برحمته لي حطت الديرم لا اله الا الله يحجي عليها
ما شافت عيني شي جذي
بس انا لو احط ديرم اصير جني كاسكو قاعد يتفل حب شمسي
و امولح و براطمي تصير بيض مو حمر
يشين الشي على غير اهله

زيـنـه
23-11-2004, 10:53:00 PM
كاجول .. حلو مثل الوالده : راحت رييايل تنطح الدروازه وجت رييايل المطنزه والعازه .. عجبني وايد وايد :)

نفيشه
23-11-2004, 10:57:38 PM
حتى انا وايد عجبتني
يحليلهم اهلنا عندهم تعبيرات في الصميم

جوريه
23-11-2004, 11:35:30 PM
نفييييييشه بروووووح المخفر اليوم تيين معاااااااااااااااي؟؟










































































بشتكي على ريلي
....................................



































































































سوووووا فيني جريمه امسسس برووووووووووووووووووووووو وووووووح اشتكي عليييييييييه
الفزععععععععععه يابنات
http://smilies.sofrayt.com/fdm/speak-no-evil.gif

الشيف رقيقة
23-11-2004, 11:45:02 PM
وان خلص الفول آنا مش مسئول .... ترى ماأعرفج ياجورية

جوريه
23-11-2004, 11:56:59 PM
افاااااااا يا ذا العلممممممممممممممممممممم مممممممم رقيقه تخليتي عني افااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ا
بس بنتحررررررررررررررررررررر ررررررررررررررررررررررررر رررررررررررر
http://smilies.sofrayt.com/fdm/sobbing.gif[Automated by GetSmile]

نفيشه
24-11-2004, 02:55:46 AM
لالالالالالالالالالالالال الالالالالالالالالالالالا لالالالا

تنتحرين وانا موجود؟؟؟
افا يا ذا العلم
ماهي هقوتي والله
منو اللي ماذيج الله ياذيه؟؟؟
شنو عباله ما عندج اهل؟؟؟
ولا ما عندج عزوة؟؟؟
ناديه لي اهو مع ولي امره

رفرف
24-11-2004, 12:19:24 PM
هو جوريه لا تنتجرين ولا شي ومايحتايي مخافر ....

احنا نفزعلج افا عليج

بس قولي شالسالفة

جوريه
24-11-2004, 01:35:27 PM
نفووووووووووووووووووشه ورفرف بعد عوووووووووووووووووووووووو ووووووووومري والللللللللللللللللللللله
كامحرمشششششششششششششش منكم ابددددددددددددددا
السالفه منيله بستين الف نيييييييييييييله
ماتنقااااااااااااااااااال ولا ينحجى فيهاااااااااااااااااااااا اااااااااااااااا يالهووووووووووووووووووي

طير الحب
24-11-2004, 11:28:34 PM
جان زين انا مدرسه علوم انا لو مدرسه علوم كنت سويت خلطات ووصفات سحريه لهالنوعيه من الرياييل........ اللى يبيلها قطع رقاب.........

نفوش بنتى فى الصميم لان الصميم هو اللى متاذى من هالسالفه ومتعور :(

ججوو خلى عند المخافر انت قدها ونص...:)

Dancing^Queen
25-11-2004, 12:08:21 AM
بطوط ماظنتي لو مدرسه جان سويتي خلطه
هذا لو انتي مو هاري بووووووووووووووووووووتر
لو كنتي الابيض بابيض اللي بلورد اوف ذارنغز ماقدرتي عليهم

رفرف
25-11-2004, 12:18:22 AM
يالهوي ياجوجوووووووووووووووووووو ووووووووووو

ماتسكتيلووووووووووووووووو ووووووووووووووووووووووووو ووووووووووووووووووووش

نفيشه
25-11-2004, 02:25:03 PM
جوجو
عسى ماشر
؟؟؟
الحين تقولون رياييلنا كاشتين فيننا ... ولي تصدقوا ويوكم ما تبونهم؟؟
اعترفي حالا بالا

**فلونه**
25-11-2004, 07:27:34 PM
يحليلكم بنات موتوني من الضحك ولا النيو لوك اللي بتسويه نفيشه حق ريلها ............وكوينا ترى وايد ريايل اذوقهم دراريع شوفوا اموضوع اللي بنزله بعد شوي ؟؟

ومن ناحيتي ريلي على المشتهات ............طبعا نظرا لدوامه الشفتات كلا نايم نايممممممممممم .......................ومرات يتطلب اشياء شايفها بالفترينات او لون ....وانا اروح اشتري بس ..........من سنة يدي ..............ومثل ماقلتوا لو البس القميص 100000 مره مايتذكر ....................؟؟؟؟؟؟؟؟؟؟

roro
26-11-2004, 01:55:16 PM
انا ما دوخني الا رد نفيشه ههههههههههههههههههههههههه هههههه ترى من صج مت ضحك

وجوريه احلى شي هذي الجمله ( الروب يدفي مايقول لالا ) ههههههه

مأسات

طير الحب
27-11-2004, 10:26:11 AM
نفيشه اتحسين انها خلاص سلمت الرايه :)

يعنى المره باعتها

Dancing^Queen
28-11-2004, 01:07:52 AM
بعد البي
انشالله باجر في امل برياييلنا
اللي ريلي تحسن
يعني لاتفقدون الامل يابنات

طير الحب
28-11-2004, 08:01:32 AM
هو الامل مقطوع من زمان بس ممكن نلزقه بشمع اذا شفنا فى تطورات :)

Dancing^Queen
29-11-2004, 01:56:00 AM
خخخخخخخخخخخخخخخخخخخخخخخخخ خخخخخخخخخخ


بطه بعدين اتشمعون البيبان :)

طير الحب
30-11-2004, 11:16:15 AM
;) ;) ;) :eek:

Maltesers
30-11-2004, 11:31:30 AM
وي وي وي .. آخر التطورات .. عشتوا ماني مصدقة

ريلي بيشتريلي قميص نوم .. لالالاء لالالاء أكيد صار شي بالدنيا

خنشوف ذوقه اشلون صاير يا حظي .. ومن وين بيشتري وعلى جم

ومنه نستفيد :) :)

طير الحب
30-11-2004, 11:49:24 AM
ام علاوى خوش خبر سيرى ونحن من ورائك........

تلاقين ربعه معلمينه يعنى حركات لبعد النفاس ان شاء الله ........

مبروك بس عاد صورى لنا..... بس هذه انحراف خطير ممكن انه ياثرؤ فى الباقى يارب واتزيد حالات الانحراف الجماعى

Maltesers
30-11-2004, 11:55:43 AM
اي شكله جذي .. ولا اهوه وين وهالأفكار وين .. على قولتج شكله ربعه معلمينه هالحركات


الله يسمع منج اي والله عسى كل مرة يأثرون عليهم ويعلمونهم وتزيد حالات الانحراف الجماعي
بس زين يعني طلع فيه رياييل بالكويت يهتمون بهالسوالف ..

ا

طير الحب
30-11-2004, 11:56:19 AM
بنات سمعوا شيكون موقفكم اذا ريايلكم دخلو المنتدى وشافوا ردودكم والكلام الحلو :) اللى قلتوه عنهم......

خاصه المجرمه نفيشه اللى بتزلق ويهه......

وكوين :)

رفرف
30-11-2004, 12:51:13 PM
وي عادي اذا قراه بقوله انته شفيك ماعندك ديمقراطية !!
عالاقل افضفض احسن ما احن واتحلطم فوق راسك

صح والا لا ؟؟؟؟؟؟؟؟؟؟؟

السفيرة عزيزة
30-11-2004, 09:38:31 PM
بنات بديتو الاضراب و لا لا


ترى انا اقرا هالموضوع من غير تعليق
كل يوم افتحه
و اقول

يلا حق الحرة و بس

طير الحب
01-12-2004, 12:00:28 AM
والله الاضراب احنا ما سوينا بس هو موجود من الاصل بفعل فاعل....:( واللى الى الحين مو قادرين نسيطر على الوضع بس لا يأس مع الحياه.....

Dancing^Queen
01-12-2004, 12:18:32 AM
مو اقولكم الريايييييييييييل صايرفيهم فايرس (اقرو الديوانيه صفحه 200 او 201)
انا ريلي باول مراحل المرض

ام علاوي خلي ريلي يصادق ريلج

نفيشه
01-12-2004, 05:18:14 AM
بطوووووووووووووووووط

فال اله ولا فالج

انا بروحي من نفسي لي درا باخذ بقشتي وارةح الدار الثانية قبل ما يتكلم
واذا بغى يتكلم برفع له صبعي لي عينه وبقول له

وقف عندك

ما اسمح لك
وبصك علي الباب

Dancing^Queen
02-12-2004, 03:47:30 AM
بطووووووووووووووووووووووو وووط توني اقرا ردج باول الصفحه

انا ماراح اسوي شي
برد عليه بالمثل
ان طقني
طقيته
ان رضني
رضيته
ان مجعني مجعته
اييييييييييييييييييييييي
العين بالعين والسن بالسن والبادي اظلم <<<< شريعه حامورابي افا علييييييييييييييييكم



بعدين كله اقوله له بالهواء مباشره فماكوشي مغبا عنه ( خل اجيك واشوف)

توتو الحلوة
02-12-2004, 08:18:46 AM
وووووييييييييييي هذا اللى الناقص

بعد عيزانه تشترين قمصان النوم حق رييلج

صراحه موحلوة اذا مارحتي انتي بروحج وتختارين اللى تبينه وناسبج

وتفاجئيين فيه ريلج ولا شخانته ,<<<<<<< بنات آخر زمن

ومو حلوة الريال يدش هالاماكن ويشتري حق المرة

اذا كلش كلش مشتهيه تلبسين على ذوق ريلج اخذيه معاج يختار اللى تبينه \

وانت اشتريه مالاداعي هالسوالف

يعطيكم العافية

طير الحب
03-12-2004, 11:33:13 AM
نفيشه...غحس اقصرى الشر :) لا تفلسين مو ليه

كوين ..... بطله بعد حامورابى مالك ما راح تشوفين شى مو ليه حتى ريلك يمكن ما تشوفينه...خلى حامورابى عندك واخذى احسن قولى ( قوليله كنت داخله مسابقه عن اكثر قصه مأساويه :( قصى عليه

نونو لا والله عادى يدخل شنو اهو بيشترى متفجرات يشترى ويطلع انا راضيه لو مره بالعمر اللى ما بقى فيه اللى مضى :(

**فلونه**
03-12-2004, 12:52:24 PM
والله اذا ريلي بيقر ردودي يدري ان هل كلام بس من الحره والقهر .....بس مو من قلبي .....( وحده ترقع خايفه لاتصير الصجيه ) وانطق

نفيشه
03-12-2004, 03:00:13 PM
والله ليش عيل اهم رياييل و احنا حريم؟؟؟
لان احنا ناقصات عقل ودين
بس اهم شخصيات وعجال وسنعين
اقول؟؟؟
خلي السنع لهم مو اهم السنعين؟؟
واحنا عويان؟؟
عيل شلون العويان مو جذي؟؟
مو وقت اللي يبون يسووننا ما نفتهم ووقت اللي يبون يحاسبوننا نطلع حريم وكبار و تصرفاتنا محسوبه

السفيرة عزيزة
03-12-2004, 10:00:48 PM
بنات بقول لكم شنو صار وياي

قبل امس كنا قاعدين قعدة حميمه
عاد شنو صار

الله يسلمكم كنت قاعدة اسولف معاه
قلت له ليش عاد يحافظ ما قط قلت لي هذا حلو و لا لا
عاد قال لي اشدعوه عيل انا مو مرة شريت لج قميص
قلت له شنو متى(لا يكون شارى قميص حق احد ثاني و اعترف .....يا لهوي)
قال صج ما قط مرة شريت لج
قلت له لا و الله ولا مرة يا ليت
قال خلاص انزين
عاد قلت له لا ما يصير خلاص اشتر لي
قال انزين

عاد خنشوف متى هذي الانزين تصير








































عقب سنه











عقب سنتين

























عقب ثلاثه




























عقب اميه سنه






















و الله ما ادري


















الله المستعان

طير الحب
03-12-2004, 11:53:40 PM
وحده ترقع خايفه لاتصير الصجيه ) وانطق>>>>>>>>>>لا ابدا هالكلام قلته فى اللاشعور ههههه

السفيرة عزيزة
04-12-2004, 12:50:57 AM
بطة اشفيج خفتي!!!!!!!!!!!!!!!!!

نفيشه
04-12-2004, 05:15:54 AM
عزوزة
الله يهديه لج ويسخرة بس لي بغى يوديج محل قمصان النوم تكفين قولي لنا قبل خل نسبقكم عالمحل نبي نتطمش ونصوركم ونسوي لكم زفة ... بعد هالشي مو كل يوم يصير ...

السفيرة عزيزة
04-12-2004, 09:31:47 PM
نفيشه

ههههههههههههههه

من صجج
كلام الليل يمحوة النهار

انا بذكرة باللي قاله

بس ما اعتقد يبصير شي

خو اهو كلام و بس

تعودنا عليه

الله يعينا

فروحة توحة
04-12-2004, 10:00:14 PM
يبا ما نبي يشترولنا شيء بس نبيهم اليفين معانا طيبين حلوين يحبونا
مو مهم الشروة

كل يكفون شرهم عنا وبسسسسسسسسس

ولا لا تهقون منهم شيء سنع الا اذا كان مدمغ

السفيرة عزيزة
04-12-2004, 10:08:20 PM
عجبني ردج
خصوصا اليفين

يبا ما نبي يشترولنا شيء بس نبيهم اليفين معانا طيبين حلوين يحبونا
مو مهم الشروة

كل يكفون شرهم عنا وبسسسسسسسسس

ولا لا تهقون منهم شيء سنع الا اذا كان مدمغ

Dancing^Queen
04-12-2004, 11:19:05 PM
انزين مايصير يتدمغون لو يوم بالاسبوع يافروح؟

السفيرة عزيزة
04-12-2004, 11:20:48 PM
كوكو

لا تفكرين يمكن تصير طفرة

بس يوم بالاسبوع صعبه

قولي بالسنه

يمكن

طير الحب
06-12-2004, 12:07:44 AM
انا ما خفت واقربها الكذب ما يعطل :)

كوين ليش الطمع يوم كل 4 سنوات ممتاز ...... اشفيج لازم الواحد يتدرج بالدوا مو على طول جرعه مميته

نفوشه اى فرقه بتطلبين عشان الحجز حتى لو مو لنا لغيرنا بنستانس..... يمكن الرياييل تيهم حاله العدوى مثل الدياى الكويتى كله متعاد ى....يكمن يصير فيروس انحرافى جماعى....

عزوز يعنى خليهم زيينين معانا ويشترولنا اشبيضرهم..:)

السفيرة عزيزة
06-12-2004, 12:27:42 AM
بطه حبيبتي

ما يظرهم شي

بس اهم ما يعرفون هالسوالف
يعني اللبس و الاشياء هذي احنا اللي نسويها عمرج شفتي ريال يلبس قميص نوم حق مرته

الا ما ندر طبعا

بس الغالبيه ما عندهم هالسوالف

اما عني انا
قالي بشتريلج قميص

امس اذكره يقول يصير خير

انا ادري ان يوم قالي بشتري كانت طفرة

و راح يرجع زي ما كان

عادي

طير الحب
06-12-2004, 12:33:36 AM
دام قال يصير خير يعنى ممكن يشتريلكم لالفيه الواحد وعشرين ..... هو قالها وتوهق

وفى رياييل يسوون العجب والمره مالها شغل ....ليه عندنا تنقلب السالفه :)

السفيرة عزيزة
06-12-2004, 12:37:19 AM
بطه يا بطه

انا قلت لج

اغلب الريياييل اللي منهم رياييلنا
ما يسوون شي ينطرونا احنا نسوي اشياء

اما القله فهم اللي يسوون سوالف

طير الحب
06-12-2004, 09:23:38 AM
ادعى يصيرون من القله :)

السفيرة عزيزة
06-12-2004, 09:32:26 PM
هههههههههههههههههه

بطوطه


خلاص مافي فايدة

عرفنا انهم من الاغلبيه مو من القله

خخخخخخخخخخخخخخخخخخخخخخ

نفيشه
07-12-2004, 02:21:05 PM
:d


:D

نفيشه
07-12-2004, 02:28:30 PM
خلاص يعني ما في امل؟؟
انا رفعت الراية البيضااااااااااااااااااا
هذا واحنا تونا شباب باحلى سنين العمر ودفنونا بالحيا؟؟
لي شدقنا خلاص بعد ما نبي منهم شي

السفيرة عزيزة
07-12-2004, 09:50:26 PM
و الله صاجه نفيشه
و انا بعد معاج رفعت الرايه
سكتي انا مرتفع ضغطي
و زعلانه و معصبه بعد

و هالسوالف لاتتكلمون عنها
و لا ترى قد اعذر من انذر
بفجر بنفسي


خلاص مانبي شي منهم لا هدوم و لا سوالف و لا شي

طير الحب
07-12-2004, 11:09:16 PM
خلاص مانبي شي منهم لا هدوم و لا سوالف و لا شي .......خلاص ما بنى ولا شى شى شى :)

فروحة توحة
07-12-2004, 11:22:39 PM
مو قلتلكم من الاول

تعبكم راح هبااااااااااااااااااااااا ااااااااء

جوريه
08-12-2004, 01:40:39 AM
ههههههههههههههههههههههههه هه

ياحليلكم اضربتوا اشوووووووف

ذيك اليوم يقولي شكلج حطتي قلبج بالثلالاجه قتله احسن شي الثلالالالالالالالالالالا لالالالالالاجه احسن من الفريزر خزني خزه يسوي يعني مو عاجبه

السفيرة عزيزة
08-12-2004, 02:09:52 AM
جوريه حطيتي بالثلاجه ها؟؟؟؟؟؟؟؟؟؟؟؟؟

جوريه
08-12-2004, 02:12:46 AM
ههههههههههههههههههههههههه هههههههههههههههههههههههه

وانا اقول عنج فطينه اثاري طلعتي ميح خخخخخخخخخخخخخخخخ

السفيرة عزيزة
08-12-2004, 02:15:41 AM
اي واله ميححححححححححححححححححححح


100%

عاد علميني
بلييييييييييييييييييييييي ييييييييز

طير الحب
08-12-2004, 01:24:25 PM
جوريه حطيتي بالثلاجه ها؟؟؟؟؟؟؟؟؟؟؟؟؟

sunshine22
08-12-2004, 07:55:43 PM
مستحييييييييييييييييييل

انا ماارضاها عليه فشللللللللله وين العروبه وين الرجوله<<<<حشىىىىىىىى

صج انه هو ما يسوويها بس انا مااحب اللي يدش محلات حريم انا مااخذ راحتي وانقد على الرجال اللي يسوي هالسوالف


احنا مهما كان عرب

صج اتمنى يقولي البسي هذا وذاك وما يسويها بس بس مرات مراااااااات يمدح شكلي ككل اذا ما قدر يقاوم.......................

واحنا بالنهايه نكشخ لنفسنا مو لهم

طير الحب
12-12-2004, 11:10:08 PM
يالله لنا لهم كله محصل بعضه :(

آآآآآآآآآآآآآآآآآآآآآآآآآ آآآآآآآآآه يا الحسره

تختوخه بس قشطه
20-12-2004, 05:04:29 PM
هههههههههههههههههه والله يا بنات ضحكتونى ..
بس انا اقول آآآآآآآآآآآآآآآآآآآآآآآآآ آآآه وانا ابجى واضحك نفس الوقت شلون جذى ؟؟ :confused:

من القهر ومن الحره والله على عمرى تونى ادرى انه الرياييل الكويت كلهم جذى !!!!!!!!!!
وانا كنت اتحسر على عمرى واقول ليش غيرى احسن منى بشنو ؟!!
طلعنا كلنا فى هوى سواااااااااااااا ..

والله انا عاد صج فاضيه يوم افكر واشترى واعابى بنفسى وبالاخير يقولى فاضيه ماكو شىء .. :mad:

واى وعلى سالفة الملابس القديمه عندى وحده تقولى تدرون لازم وحده فينا تخلى شىء للخراجين يعنى يوم تدهن شعرها جسمها تحنى المهم تقول انا خليت عندى نفنوف احمر علاق قصير اشوى ومنقط وكله عليه كلورلكس والله تقول بس انه يشوفه عليها يقولها هاذى عجيب اشرايكم !!!!!!!!!!! :confused:

والله امت من الضحك يوم قالتلى مااقول الحمدالله وشكر لله على نعمه وعلى نصيب :D :p

Maltesers
20-12-2004, 05:11:51 PM
لوووووووووووووووووووووووو ووووووول .. حسافة نقط فلوسنه على قمصان النوم

انه اقول اشتروا فيهم مكياح وعطورات وكشخوا فيهم بالبدل ونفانيف السهرة أحسن لكم بوايد

طبعا انه قلت لكم ريلي قالي يبي يشتري لي قميص نوم بس ليلحين ماشفنا شي لوووووول وانه لازم كل اسبوع اذكره واقفه ببلاعيمه يعني انبهه اني موناسية ترى وموعبالك اني بعدّيها على خير .. يا انه يا اهوه وخل نشوف

وكل ما اقوله يقولي انتي اولدي بالأول لوووووووووووووووووول .. خنشووف بس يا انه يا اهوه

اي صج تذكرت شي .. انه معاه قاعدين نلعب فراموش جنه اسمها جذي خل اعطيه شي متفقين ان يشتريلي كريمات لووووووووووووووول ذكرتوني خل أغلبه اكيد ناسي الأخ نياهاهاهاها

Dancing^Queen
21-12-2004, 01:34:41 AM
وي انا ريلي ان مرينا علي محل يبيع قمصان نوم
قالي عييييييب امشي الناس تشوفج تشترين !!!!


بعدين بتخيلونه عليج
عفيه غيييييييييره
بعدين انا مابي اتخيله علي
مو من زين جسمي
ليش الناس تتخيل وتخرع عمرها !! مو لصالحها



بس خل ابلغكم
رحت ذاك اليوم مستوره وحطيت ميزانه بس 5 ويخب علييييييييييييييييييييييي ييييييييييييه

مالقيت قمصان نوم
لقيت كريمات وشغلات وزيوت مساج
بس هذا سوق شعبي شكو مغلين الاسعار

والله (عادي طاقني الفير اخر الشهر)

ورحت الجميع جن لقا قمصان نوم شقايقيه اتهبل
لقيت واحد انما ايييييييييييييه
بس للاسف مايبعون الاجسام وياهم
فماشريت :)
والالوان
انا اللي مالبست اصفر الا بنتخابات الجامعه
بس علي اللي شفته
فكرت البس اصفر

السفيرة عزيزة
21-12-2004, 03:13:35 AM
خخخخخخخخخخخخخخخخخخخخخخخخخ خخ


حلوة منج كوين


بس اسالج كوكو

المستورة و الجميع عندهم قمصان حلوة

و بجم؟؟؟؟؟؟؟؟؟؟؟؟؟

طير الحب
25-12-2004, 10:56:41 AM
قلتلكم ما لكم الا الاسواق الشعبيه والمحاميد ........ :)

انسوا اكسفورد والطاهر وووووووووووووووو :( خلاص كان زمان

شهد_الكويت
01-01-2005, 11:01:46 AM
قوه بنات اشلونكم
انا بشاركم بعد الموضوع هذا
انا ريلي نفسكم بعد ما يرضا بس اذا خاطره ابلون او موديل يقولي وانا اشتري وما يروح معاي اسوق لما ابي اشتري وريلي سبحان الله لما اشتري قميص غالي بس عادي موحلو ويكون القميص الثاني الرخيص احلا موديل ولون يعجبه الغالي بس علشان غالي ما يحب اشتري من الرخيص حتي قمت اشتري من 5د واقوله 35 د يستانس وايد حلووو
وخامته حلوه شسوي بعد جذب ابيض ههههههههههه:)

Dancing^Queen
01-01-2005, 11:44:14 PM
المهم انه بعجبه كويتيه :)

نفيشه
02-01-2005, 02:28:32 PM
كويتية
يحليله ريلج يحب الزين والغالي للغالي يبا يستاهل اشتري له من الغالي
احنا اللي عندنا يخب عليهم بو خمسه

السفيرة عزيزة
02-01-2005, 09:32:55 PM
نفوش !!!!!!!!!!!!!!!!!!!!



ليش جذي

ليش تخالفين القواعد و القوانين


؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟



احنا مو اتفقنا ان ناخذ لهم من بو دينار و نص

عاد ليش تقولين بو خمسه

يا خاين الوعد
لا عاد تزورني بعد

:mad::mad::mad:

Dancing^Queen
03-01-2005, 12:01:59 AM
زوزو يمكن توه نازل المعاااااااااااش

السفيرة عزيزة
03-01-2005, 01:49:19 AM
كوين حتى لو توة نازل المعاش
و المنحه الاميريه
و البونس بعد

هم دينار و نص و يخب عليهم

انا ترى معصبه حدى

ما راح اشترى شي
لما يصير اللي في بالي


هم زعلت عليكم

يا خاين الوعد
لا عاد تزورني بعد

جوريه
03-01-2005, 02:07:03 AM
على طاري المنحه متى تنزل؟

السفيرة عزيزة
03-01-2005, 02:23:33 AM
جوجو يقولون انها الحين بالبنوك

و راح تنزل يوم الاربعا

بس ترى على دفعات

Dancing^Queen
03-01-2005, 04:44:47 AM
زوزو



ماعليه مرات نلبس بوخمسه حق نفسنا انوس عمرنا نحس ان احنا كشخه ( امحق كشخه بوخمسه)

^^دموع الكويت^^
03-01-2005, 06:50:31 AM
5/1/2005

شهد_الكويت
03-01-2005, 07:57:29 AM
يحليله ريلج يحب الزين والغالي للغالي يبا يستاهل اشتري له من الغالي
احنا اللي عندنا يخب عليهم بو خمسه////////// شسويساعات لفلوساطيربسرعه فمايكون عندي الا20 اشتريفيهم 4 قمصان وقوله من 35 يستانس ههههههههههههه

جوريه
03-01-2005, 08:45:26 PM
زوزو
من قال على دفعات ماظن كلهم 200

السفيرة عزيزة
03-01-2005, 09:31:29 PM
جوريه مو قصدي 200 دفعات

لا

انا قصدي انها راح تنزل دفعات

مرة حق الموضفين
مور حق المطلقات و الارامل
مرة حق اللي عليهم قضايا

و هلما جرى

هذا اللي سمعته

نفيشه
04-01-2005, 08:53:50 AM
عزووووووووووووووووووووووو وووووووووووووووووزة

افا يا طير شلوة افاااااااا ...
انا ما خنته تبلالالالالالالالالالالال الالالالاني ... ما خنته تبلالالالالالالالالاني وراني العذاب الوان ... ولا جيته وهو جاااااااااااااني وحيد الفكر بليا الاااااااام ... انا لي صاحبن جبار

يبا علشانج حتى بو دينار ونص يخب عليه ماااااااااااااااني شاريته خلاص مقاطعه
اخوان اخوان اخوان
تطمني لا تخافين علي

السفيرة عزيزة
04-01-2005, 11:40:54 PM
نفوش


يا بعد عمري

هذا و الله العشم فيج

على العهد باقون




يخب عليهم

انا اقول اذا نفوشه ما توقف معاي عيل منو يوقف معاي

يا بعد جبدي و الله

نفيشه
07-01-2005, 01:39:09 PM
عزوزة
اعجبج انا بهالامور افا عليج
بس هديني عليهم عيال قريح

السفيرة عزيزة
07-01-2005, 10:03:28 PM
خخخخخخخخخخخخخخخخخخخخخ



مشكوره حياتي و الله


انا اقول رفيقه دربي

بس اقول شوب شوي عليهم

اخاف ينقلبون علينا

بعدين شنسوي

على قوله اخوي
لا تشوفين الوجه الاخر

خخخخخخخخخخخخخخخخخخخخ


خو احنا شايفينا من زمان
و مو راضي يرجع الوجه اللي خبرج

ههههههههههههههههههههههههه هه

نفيشه
08-01-2005, 04:45:36 AM
واللي ما شافت ولا ويه
ما شفت غير غبرته

طير الحب
10-01-2005, 05:44:34 AM
نفيشه انتى الى الحين مضربه .....ز هذا ويهى اذا مو حامل

اشفيك عالريال فقير .... يوزى عنده

عزوز بسك تشيش فيها ....... وخلوا الا ضراب عندكم....

ودى اضرب معاكم بس ما اقدر ما خذخ كلوميد هالشهر واخاف يروح على :)

أم ملاك
10-01-2005, 02:15:49 PM
انا لما اكون رايحه معاه نتسوق وبالصدفة شفت محل قمصان نوم اخليه يدش معاي ةينقي على ذوقه او انا اختار الموديل وهو اللون على حسب بس بحاله وحده اذا كان المحل مافيه حريم بس انا معاه اما بس ادش وحده يطلع من نفسه على طول لانه يستحي وانا بعد مااحب لان الحريم ماياخذون راحتهم فا ليش الاحراج

طير الحب
12-01-2005, 06:25:38 AM
عدل ام ملاك هذا النموذج المشرف لو تسوون رياييلنا شذيه شان بخت؟؟؟؟؟ :)

العسل وصل
14-01-2005, 12:17:06 AM
هلا يا بنات شلونكم؟؟؟؟؟؟؟؟
أنا سنة من السنين>>>>>>من قدم عرسي ما أذكر....
شرالي ثلاث قمصان نوم والله اني اذكرهم واذكر الوانهم(نيلي وأحمر وأووف وايت)
وكان أول عرسي.....بس ما حطيت في بالي شلون دخل للمحل........ماطرى علي كنت للحين حياوية>>>>>>موبألحين........أفضحه ان سواها..........
وبعدين بنات مهيب حلوة ان الرجال يدخل ويزاحم الحريم في هالأماكن صح؟؟؟؟؟؟؟الا أنا وياه عادي ممكن أدخل أنا قبله وأشوف اللي يعجبني بعدين أناديه وآخذ رايه سواء بالموديل أو اللون...مع اني ما أحبه يشوف القميص الا وأنا لابسته........في غرفة النوم....يكون مفاجأه والا شرايكم؟؟؟؟؟

طير الحب
14-01-2005, 05:12:47 AM
العسل وصل........

اهو عاد مو يشوف المحل الزحمه ويدشه فى محلات تصفر .... يدشها وياخد اللى يبيه المهم اتصير لو مره... :(

Dancing^Queen
16-01-2005, 01:37:15 AM
العسل وصل
موشرط يدش يشتي
علي الاقل يبدي رايه
بلون
موديل

السفيرة عزيزة
16-01-2005, 02:44:36 AM
اي و الله صاجه كوين

ياشر
يغمز
يقول لون
يقول موديل
يقول حلو
يقول مر



اي حاجه و السلام

المهم كلمه ولو جبر خاطر

و لا سلام من بعيد

و لا رساله يا هاجر

بيد ساعي البريد

kajool
16-01-2005, 02:52:01 AM
يا حليلكم بنات انا زوجي لما نسافر اروح انا وياه نشتري ندخل مع بعض ونشتري وبعض المرات ادخل بروحي والم وبعدين انادي له علشان يدفع ههههههههههههههههههههههههه هههههههههه
اما في الديره لا ما يستجري يدخل يستحي فاروح بروحي مع حماتي ههههههههه

طير الحب
16-01-2005, 11:23:03 AM
يعنى اذا بغينه قميص لازم نسافر :) هذها بطلع على اغلى من بيع السوق..... :)

السفيرة عزيزة
16-01-2005, 09:01:04 PM
بطه مو تسوينها
ترى مو كل الرياييل جذي

انا لي سافرت معاه و بغيت ادخل محل قمصان نوم

وقف ينطرني بره

عادي

يعني لا تكلفين على نفسج و بالاخير تطلعي على فشووووش

طير الحب
17-01-2005, 01:27:13 AM
هى عويه عويه بالكويت ولا بره مانى شاريه ومتعبه نفسى بنطر البياعه اذا عنده قمصان بكشخ فيهم.....

السفيرة عزيزة
17-01-2005, 01:45:58 AM
هههههههههههههههههه
بطه اي بياع هذا

بعد حلوة بياع و عنده قمصان نوم

طير الحب
18-01-2005, 01:43:54 AM
كل البياعين عندهم كل شى حتى لو بغيتى ذهب :).......

اييبلك معاى.......................:)

نفنوف كشكش
20-01-2005, 09:30:37 PM
هههههههههه يحليلكم بنات
ترا وناسه لمه ايسويلها مفاجئه ويشتريلها بس اطفارتي اذا شفت واحد داش محل جذيه ويقعه ايقلب بالهدوم ههههه يكرهي لمه ايسوي جذيه

طير الحب
25-01-2005, 03:51:46 AM
كشكوشه يعنى اطفارتك لما الله يسهل على الواحد ويروح يشترى ...... انت اذا شفتى صدى عنه خلى المره تستانس :)

نفنوف كشكش
25-01-2005, 08:32:18 PM
ماعندي اعتراض بطوطه بالعكس عادي كيفهم بس لايقعد ايقلب بالاندر ويرات يرفع الشسمه ويعد ايقلب فيه لالالالالالالالاء ههههههههههههههههههههههههه

keeka
26-01-2005, 02:32:11 AM
والله انا بحكم سفرات ريلي عادة يشتريلي من برا الكويت عادي
في الكويت اممم ما صارت لما الحين
بس اتذكر موقف مره لما كنا في كندا دخل معاي المحل وكنت انقي ملابس داخليه ويت اللي تشتغل في المحل وتقول ترى هذا 100% قطن ووايد مريح حتى انا لابسه واحد الحين
انا انصفق ويهي وريلي مسكين توهق قال الحين ابتفصخ اتورينا
هالاجانب ما كو حيا

دلوعة امها
07-02-2005, 01:53:09 PM
انا عن نفسى احب ريلى يرع معاى بس بالسوووووق لا ماحب وعموما الرياييل اغلبهم بره الكويت شى ثاااااااااااااانى

ektifeet
09-02-2005, 05:09:50 PM
بنت العز شنو لغتك؟؟؟؟؟؟؟؟؟؟؟؟؟؟؟

طير الحب
12-02-2005, 08:49:07 AM
الريال بره الكويت يصير انجليزى عادى كل شى عادى.......

مو احنا هنيه نسوى من الحبه قبه..... :(

وكله على راسنا :(

al3ethri
23-01-2007, 12:30:13 PM
والله انا ريلي اذا سافر بروحه
يشتري مخلط جميع انواع الملابس
مابين قمصان نوم وطلعه وجناط وبجامات
يعني الله يحفظه بتاع كلوه
هذا طبعا بس بره الكويت

love love
23-01-2007, 01:48:52 PM
يدش محل نسائي بحت؟؟؟ لالالالالالالا مايسويها اصلا اهو يوقف برى اشوي بعيد واذا شاف واحد بالغلط طل بالمحل ويييييييييييييه راح فيهااااااا

يعني مثل مايحب واحد يدش هالاماكن وهم اهو يحترم ومايدش


بس يقولي ابي هذا ومن هذا وذاك امبلا عادي ممكن تصير

بس برى الكويت ماجربت لانه ماسافر بروحه ليلحيين

ذكريات
23-01-2007, 07:49:52 PM
ويييييييييييييه يريت بس يقولي شنو يحب او شنو وده


على الاقل احس انه مهتم :(

FANDA
23-01-2007, 10:28:50 PM
الظاهر احنا الخليجيين كلنا بالهوا سوا ( انه بحرينيه )
انه زوجي مستحييييييييييييييييييييي ل يدخل الاماكن حتى لو كنت معاه يوقف عالباب
واذا دخلت محل ملابس وقربت يم قمصان النوم والملابس الداخليه ينحاش مكان ثاني ههههههههههههههه

وحتى لما يسافر ما ييب لي يعني ممكن فساتين او تنانير قصيره بديات ضيجه وفيها حركات اما قمصان نوم و ملابس داخليه ابد

وصراحه انه عاجبني جذي يعني الي يسويه معاي يسويه من وراي

om el7elwen
24-01-2007, 04:32:13 AM
بره الكويت ايه بس بالكويت لا

الكويتـ80ـية
24-01-2007, 05:36:23 AM
ههههههههههههههههههههه

الوحده تفرح لا ريلها اييب لها اي شي بدون منااسبه .. مو ضرووري ملابس داخليه و مزاحمة الحريــــم مو حلووووه...

تعليقي بسيط و اتمنى ما ازعل احد

الاسطورة
24-01-2007, 09:43:04 AM
والله بالكويت مستحيل يسويها بس اذا بره الكويت عادي

ضحكة الدنيا
24-01-2007, 11:03:01 AM
انا بس مره شفت واحد فى المحل قاعد يشترى حق حرمته طاح من عينى لانه شكله منحرج ومتفشل واهو يزاحم الحريم علشان ستيان والا قميص نوم واااااخزياه

أسيرة قلبه
24-01-2007, 02:13:47 PM
واااااااااااااااااااااااا اااااااي
انتوا من صجكم تخلون رياييلكم يدخلون هالمحلات؟؟؟؟؟؟؟؟؟؟؟؟؟؟؟؟؟ ؟؟
انا عن نفسي ما ارضى زوجي يدخل ولا يتفحص بالموديلات و صور العارضات العاريه اللي عليها ا و بعد حلاته موظفة المحل تعطي زوجي كاتالوج لاخر صرعات اللانجري .... يالاهووووووي

زهرة اللوتس
24-01-2007, 09:26:16 PM
مو حلوة الريال يدش محل قمصان نوم
اصلا اذا شفت ريال داش هالاماكن يطيح من عيني

عشق
25-01-2007, 03:20:15 AM
ما عمره سوووواااها حى اذا دخلت المحل اهو واقف برا ينطرني

وبعدين انا ما احب يدخل معاي ابي اخذ راحتي واشتري على راحتي مابي يقول لي هذا حلو وهذا مو حلو
ابي افاجاه لما البسهم <<< غصب طيب يرضى بالامر الواقع خخخخخخخ

سيدة الكويت
25-01-2007, 03:50:41 AM
يا خزياه وعععععععععع

يطيح من عينى

الغنادير
26-01-2007, 11:19:42 AM
ياناس موضروري ملابس نوم

بس على الاقل يتذكرج بدووون مناسبه

عيزت شلوون افهم ريلي قمت اسوي له مفاجاءات وحركات وشوي قام يحس بس عقب ماطلعت عيني خخخخخخخخخخ

بس خاطري يقووولي احب هاللون عليج ،،، لبسي ذاك الشي ،،، اخذي هالشي خاطري اشووفه عليج
مافي فايده ياجبل مايهزك ريح :( ذبحني بالتفهي

فرحانه
26-01-2007, 01:08:42 PM
انا خلي اول يروح معاي السوق ولو بالغلط
علشان يشتري لي قميص نوم
هههههههههههههههههههههههه
هذا من سابع المستحيلات

Petite_Chica
26-01-2007, 02:24:31 PM
waay chan zain ana methlkum rayli maythabet shlabsa :( ana rayli daqeeq o ythabet kelshay mashallah 3alaih o kelmarrah yabeeni albis shay yadeed 7eta marrah kan 3endi qamees labseta mn ziman yom radait lebasta thekra elyom eli kent labseta feh o 7eta ygoli tefa9el thak elyom hehe o yabeni kela fanateg asawela.. enrid 3ala mawtho3 yeshtereli o ma yeshtereli eeh elsara7a yeshteri bas barrah elkuwait o etha kena belkuwait ya6lob mn el internet maykhali shay ebkha6ra ya3ni ayshay yshofa o y7eba 3ala 6ool yabeni albesa o yshofa 3alay bs ena ydesh ma7al belkuwait mosta7eel aslan mayro7 ma3ay etha sharayt o ya banat marrah sheft dayen le7ya o 7alta 7ala dash ma7al kan ba3ad mezde7em 7areem o ygallob eli feh waay elkel ga3ad ykheza

حبيبته آنا
26-01-2007, 02:34:15 PM
لما يكون مسافر دوله اجنبيه يشتريلي كل شي يخطر على باله اما بالكويت او بالدول العربيه مستحيل يسويها بس يقولي شنو بخاطره او الالوان اللي يبيها وانا اروح اشتري بروحي

bnt_kwt
27-01-2007, 09:09:38 AM
طبعا لا والف لا عمره ما سواهل ولا راح يسويها

ممكن انه يطلب مني البس له شي معين او لون معين صارت وايد لكن انه يروح ويشتري لي لا اصلا انا يطيح من عيني وبصراحه مو حلو كلش شكل الراييل اللي يدشون مع حريمهم محلات قمصان النوم بعد هالمره ريلي يصير منهم no way

om_jenan1978
27-01-2007, 10:26:38 AM
أنا ريلي ساعات يشتريلي من نفسه وساعات لما اروح السوق أخذ رايه ويقولي شنو يعجبه .
ليش ما تحاولون تاخذونهم السوق معاكم وخل يشوفون شنو يعجبهم وجذي راح يتجرأون :)

طير الحب
27-01-2007, 12:07:24 PM
لنا الله

الغنادير انا ودى بعد عالاقل يقول ابى هاللون ولا هالموديل

بس الظاهر ان ريلى عنده عمى الوان :)

الفنانه79
27-01-2007, 12:24:23 PM
انا كان يشتريلي قمصان اذا كان رايح تدريب مع النادي بره الكويت ويتحلى علي يعني في دول اوربا

بس اهني مستحيييييييييييييييل حده يستحي بس يقولي ابي هاللون وهالطول وطبعا حده ماينسى لو اكرر القميص مرتين يقولي هذا لبستيه في اليوم الفلاني والمناسبه الفلانيه هههههههههه

الغنادير
27-01-2007, 12:38:05 PM
طير الحب

خخخخخخخخخ شكلنا في الهوى سوا:eh_s(6):

:confused:

:eh_s(14):

طير الحب
27-01-2007, 12:42:00 PM
محدش احسن من حد :)

الفنانه مو هذا هو ما تطلع هالسوالف الا بالسفرات:)

الاسطورية
27-01-2007, 12:46:23 PM
مره سافر ويابلي احس برا يتجرا بس هني ولاامره سواها

رفرف
27-01-2007, 02:02:04 PM
عيل انا لما سافر ودش فيكتوريا سيكرتس قلت بيبدع الحين والا يايبلي علوج على منت وبس يقول دشيت المحل استحيت وماحبيت اطلع وايدي فاضية !!!!!!!!

بنت الشمالي
27-01-2007, 02:24:58 PM
قبل لا اتطلق من سبع البرومبه :eh_s(6): كان اييبلي و الظليمه شينه
وكان ذويق والله مااييب اي شي بس امه البومه كانت تغار وكله تفج كبتي وتحوس مثل الفار بكبتي وتقلد بعد الحمدالله والشكر مناشبتني تقول شريجه مو خاله

طير الحب
28-01-2007, 12:52:17 AM
مو الشغل ما يصير الا بره:)

واى قهر علوج عالاقل عطر:(

وى هذه غير خاله ... بس ما اقول الا لو الخاله تحب الجنه جان ابليس دخل الجنه:)

rawona
17-02-2007, 07:23:11 AM
انا اتفق مع بنت العز ..
انا لما كنت في امريكا كان ريلي ادش وياي و ينقي وياي الموديل اللي يعجبه
بي اهني بالكويت "نو واي" .. اصلا انا ما رضى ادش
ليش اهني الحريم واااااااييي يخزخزون و ما يخلون احد بحاله..
و بيني و بينكم انا نادرا اشتري من الكويت ..
دايما اسافر و اشتريهم من برا مع ريليي

سفرجل
17-02-2007, 09:45:31 AM
انا والله مرتين شرالي ريلي مره هديه عيد ميلادي وانا في النفاس خخخخخخخخ يعني حق بعد الاربعين:)
ومره ثانيه في المزاد قالهم راعي المزاد اذا تبي مرتك تستانس اشترلها هذا :)
وشرالي بس مالبستهم ولا لبسه للحين --------------------اشناطره:)

pain
17-02-2007, 01:37:43 PM
looool

عيل ريلي طلع مو ريّال؟:p

والله دايم يروح ييب لي

مره ياب لي اصفر يهبببببببل صج صج حلوووو لا ومن تحت شفاف وطويل

مره ياب لي اسود باحمر

مره ازرق

دايم ايييب لي دارعات

فديته

حتى ابوي جي مع ابوي

ولا صراحه ما جفت غير ريلي وابوي يسوون جذي :)

الله لا يحرمني منهم