منو فيكم جربت الوصله مالة زين

أختي بنت الوفا ممكن الرد متأخر بس أنشاءالله يفيدج

القطعه تباع مع خط شريحه خاصه للنت تركبين الشريحه بالقطعه وتعرفينها بالجهاز وتشبكين

فيه عند زين قطعه أسمها أيقو أشتراكها بـ 28 دينار تعتبر الأسرع لحد الحين يقولون السرعه 7,2 م ب بس طبعا ماتوصل للسرعه هذي بالفعل ولكن توصل بالداونلود أقصى حد 500 ك ب وتنزل للـ 250 ك ب
أنشاءالله أكون كفيت

بس حبيت اصلح المعلومة ان الاشنراك بوصلة زين 13 ونص اما السعر 65 ايقو وممتازة ووايد احسن من الوطنية

انا بتكلم عن الايجو - زين لاني استخدمها ...

آخر الاسعار : اذا السرعة 7.2 ب30 دينار هذي اسعار هالأسبوع مع انا ريلي شاريها من شهرين ب 13.5دينار تخيلوا
و اذا السرعة 348 ب 15 دينار ( حماتي توها شارية وانا الي وديتها وانصدمت الصراحة بالاسعار الجديدة )

انا عندي 7.2 الحمدلله سريع والقطعه مع الخط والاشتراك ب 70 دينار لان كان اول الشهر وصار اشتراك شهر كامل

كل شهر اذا حل الاشتراك الشهري راح يطرشونلج شركة زين مسج على الايجو نفسها ان اشتراكج حل وتروحين تدفعين

وبس . الصراحه وايد مفيدة حق الي كانوا يستخدمون كروت ( شخباري ) لانج ماراح تشغلين خط البيت وراح يكون اسرع بس الي عندهم Dsl فملاداعي حق هالقطعه .

أنا عندي وممتازة بصراحه وافتكيت من خط البيت

اشتراااك شهري 16 دينار والقطعه شريتها 75 دينار هذاا قبل ماغيروا وزاااادو الأسعااار بس ممتاااااااازة أنصحج فيها وتقدرين تاخذينها معاااج كل مكااااان مع اللاب توب أحسن من الدي أس إل اللى بس بالبيت أو الوايرلس بس في مكان معين ... أما الإيقوااااا في كل مكااان معاااج حتى المخيم والشاليهات

LUCK GIRL قال:

بس حبيت اصلح المعلومة ان الاشنراك بوصلة زين 13 ونص اما السعر 65 ايقو وممتازة ووايد احسن من الوطنية

أنقر للتوسيع...

عفوا حبيبتي أنا القطعه عندي وشغاله على الاشتراك الي سرعته 7,2 وسعره بــ 27 دينار

وأنا أشتركت بالأشتراك هذا لأني أسحب أفلام كامله عن طريق الرابيد شير ومواقع التورنت ومن أوصل 30 قيقه بايت ينزلون لي السرعه من 500 ك.ب الى 15 ك.ب

المهم ماطول عليكم قطعة e-go مالت زين ممتازه بس هذي مشكلتهم بتحديد الداون لوود وأشتراكهم فيه بو 27 دينار والثاني أعتقد بــ 14 دينار

خلاص ما باذني ماي عقب ما قريت ردود البنات برح اشتري القطعة من زين ... انزين

اناا طورت الوصله مالتي ايغوو عند الشركه ببلااش وصلت عندي 7.3 والاشتراك 16 دينار بلشهر

00000000

qa6wa_q8 قال:

اناا طورت الوصله مالتي ايغوو عند الشركه ببلااش وصلت عندي 7.3 والاشتراك 16 دينار بلشهر

أنقر للتوسيع...

نفس كلام الاخت

على فكرة عندهم غير الايقو شغلة ثانيه تشترين خط ب 20 وكل شهر ياخذون منج 15 دينار اشتراك بس يبيلها عباله لانه لازم تحطين الخط بتلفونج عقب توصلين التلفون بالجهاز وطبعا ما تشغل خط البيت لا اهي ولا الابقو

بس الايقو احسن

اول شيء عندي اسأله :

البنات اللي طوروا اشتراكهم ابو 16 صار الاشتراك نفس ماهو بس السرعة زادت صارت نفس سرعة الاشتراك ابو 28 دك شلون وصج صار سريع حيييل


اغلب الناس اللي اعرفهم امدحوا الوطنية اكثر ويقولون وايد سريعه وممتازة وما تأذين منها ابد

فشرايكم ايهوا احسن ؟؟؟

اخذ الاشتراك ابو 16 واطوره لي 7.3 والا اشترك بالوطنية ابو 28 دك

وايقو يقولون لازم يتم اشتراكش سنة وبعد السنة لي بغيتي تفطعين الاشتراك كيفج زهالشغلة بصراحة تشكك فشرايكم عن خبرة ؟؟

MeSha3L قال:

أختي بنت الوفا ممكن الرد متأخر بس أنشاءالله يفيدج

القطعه تباع مع خط شريحه خاصه للنت تركبين الشريحه بالقطعه وتعرفينها بالجهاز وتشبكين

فيه عند زين قطعه أسمها أيقو أشتراكها بـ 28 دينار تعتبر الأسرع لحد الحين يقولون السرعه 7,2 م ب بس طبعا ماتوصل للسرعه هذي بالفعل ولكن توصل بالداونلود أقصى حد 500 ك ب وتنزل للـ 250 ك ب
أنشاءالله أكون كفيت

أنقر للتوسيع...

صح لسانج :ggdw:
والدفع انا اول تمس دفعت بمحل هواتف بالجابريه يم بيتنا
وفي بجمعيه الجابريه محل هواتف تقدرين تدفعين الاشتراك
سعر الاشتراك 14دك:tek:

عندي قطعه ايقو ببيعها ب20 والله شاريتها ب70 فالي تبيها بتنازل لها عنها واشتراكها الشهري ب16
اللي تبيها تدزلي مسج ع الخاص

بنات شنو يعني نطور الاشتراك ؟؟

انا عندي الاشتراك بو 15 الي اقل شي .. شلون اطوره يصير اسرع ؟
وجم ادفع زيادة ؟؟

وليش ما اطلب بو 27 على طول ليش اطوره ؟؟

فهموني بليز

والله انا جربت اشتراك الوطنيه و اقولها لكم اشتراكهم سييييييييييييييييييييء و اسوء من اشتراك الكروت
الراوتر مالهم كلا يفصل كل دقيقتين يقطع و تسوين ريستارت حتى يشتغل و ماكو تغطيه و لو شبك يصير حيل بطيء بالتصفح و تنزيل الملفات
و اشتراكهم ما يغطي كل الكويت و ما يقولون لكم انه بيتكم فيه تغطيه و لا لا إلا بعد ما تقطون فلوسكم و تبتلشون بخدماتهم و معاملتهم السيئه في مبناهم الرئيسي

صج صج انقهرت منهم