فيه طريقتين بقولهم بشكل سريع
(بكلا الحالتين تحتاجين فيزا - كلمي البنك قوليلهم شنو الفيزا اللي اقدر اطلب بالنت منها يعني تعبينها وتطلبين ويسحبون منها المبلغ)
الاولى : تحطين عنوان بيتكم كاااااااامل
ولما تشترين من امازون يوصلج عن طريق البريد
عيبه يطول شوي ويدقون عليج البريد يقولون وصلج طرد استلميه
ولااازم المنتجات توصلج ( مو كل شي شي يوصل من امريكا للكويت) ينكتب globel shipping معناها
المنتج اللي اخترتيه يشحن برا امريكا --- يكون السعر شامل الشحن لما تحطين place order
اما الطريقه الثانيه
تروحين ارامكس تسووين صندوق عندهم يعطونج حق جم دوله عناوينج ( امريكا بريطانيا دبي تركيا الصين اليابان افريقيا وغيره)
تكتبين العنوان بامازون بالضبط ( العنوان الامريكي لامازون امريكا وعنوان برييطاني لامازون بريطانيا)
ميزته تقدرين تشترين اي منتج بدون ما تسوين اختيار شحن globel shipping
لان بهالطريقه لما تطلبين وتدفعين يوصل لعنوانج بامريكا ثم لي ارامكس شوب اند شيب العارضيه
ويوصلج مسج ان وصلت الاغراض
عيبه شوي غالي كل نص كيلو 3ونص امريكا وبريطانيا وباجي الدول كل نص كيبو 2ونص
يعني مرات تطلبين شي قيمته دينارين تدفعين الشحن بارامكس 4دنانير لو شي نتتتتفه لان تغليفهم فيه نصب شوي
وعيب ثاني مايصير ككاوات اكل وعطور بس اعتقد افتحو مجال حق وزن معين ويضاف 10دولار للمنتج الواحد
ويعطونج قائمه ممنوعات وترا لو طلبتي مثلا سجينه او سائل كبير يدقون عليج يقولون لازم نرده وتروج فلوسج
الطريقتين زينين حسب المنتج وحسبه المبلغ والوقت والضمان
وبس حبيبتي