ليش هالشهر مانزلتلي الاعانه؟؟؟ صار معاكم جذي؟؟

هاييييييي
انا الحيييييين كل شهر تنزلي الاعانه بشكل منتظم من 3 مادري 4 سنين
وهالشهر نزلت حق الكل الا انا(((
ليشششششششششش ؟؟؟
افف مالت على جامعه الكويت وعلى بيت التمويل

إي صح حتى آنا وأخوي وبنت خالتي !!
بس أخوي الثاني نزلتله!!
مادري ليش؟!

حتى انا مانزلت لي الاعانه بس ان شاء الله راح تنزل نهاية الاسبوع هذا سألت المشرفة الاجتماعية اللي بالكلية لان بعض الطلبة نزلت لهم والبعض الاخر لا.........

انا رفيجة اختي ما نزلت لهااا للحين


انشالله تنزلج هالاسبووع

صاااير لخبطه للكل بالجامعه والتربيه الاساسيه لاتحاتين راح تنزل باثر رجعي

وااي ذلونه على هالاميه وكلها قاعده تروح على البانزين سبه مواقفهم السخيفه

الله يعينج بس روحى اسألى لا تسكتين

الله يعينكم على الجامعه النصابين

حبيبتي انا ماقلت شي قلت مالت على جامعه الكويت وبس يعني بالنسبه لي مجرد كلمه بسيطه ولوما انه الشهاده الجامعيه احسن من غيرها عمري مافكرت ادش الجامعه
ال100 الي يعطونه ياها وذالينه عليها شدعوه ميتين عليها خل يسون مثل الدول الثانيه ولايعطوونه ياها
بس يعدلون جامعتهم ليش يت على مشكله المواقف؟؟؟؟؟؟؟
مشكله الدكاتره
مشكله السقف الي شوي ويطيح على راسنا
مشكله الجداول والمواد اخلي شنو ولا اقول شنو
وشدعوه اخر شي شهادتنا معترف فيها
الحمدالله على كل حال انا ماجحدت النعمه ولا شي هذا مجرد تحلطم

الله يعينج انا صار لي هالشغله قبل جم شهر

ورحت حق قسم الاعانات وبعدين نزلولي اياها اثر رجعي

لاتسكتين عنهم

واااي استغفر الله و الله و الله ذالينا عليها هالـ اميه دينار مالت عليهم

يااا اينزلوونها لج بآخر شهرها و لا بالشهر اللي وراها

الله يعيناا يمعووده خنتخرج و نفتك ومعاشنا بإيدنا و لا منتهم علينا


:tek::tek::tek:

والله يا بنات انتوا مو حامدين النعمه اللي انتوا فيها

واخر شي تقولون ذالينا عليها

يصير خربطه بالحسابات بكل مكان انا موظفه وشغلي حسابات وعادي المعاش ما ينزل حق واحد وبعدين يحولونه على حسابه

صح هذا حقج حالج حال غيرج ودامه حقج روحي سالي

ليش تقعدين تتحلطمين

ان كل شي بالجامعه مو عاجبج

ليش داشتها من الاساس بس بالاسم شهاده جامعيه

انا نزلت عادي ...!

اهما يخورونه نطري

انا هالشهر ما انزلت

عادي ترى وايد يصير هالشي تلقينها على تاريخ 29 من الشهر تنزززل

عادي أنا مو أول مرة تصير معاي... تنزل أثر رجعي الشهر اللي بعده... مذلة! لوول

نسيت أقول لكم ترى بيت التمويل أحسن من اللأهلي.. لأن اللأهلي يتأخر جم يوم !

انا ما نزلتلي شيئ

متى:jumpon::jumpon:

_ أنا تأخرت علي مرة ثلاث شهور وما نزلوها ؛ والباقي نزلت لهم لكن للأمانة نزلت لي بأثر رجعي يعني خذت حقي ؛ أنتي تقدرين تروحين تراجعينهم بس هالله يالنفوس السنعه ألي بتساعدج بما أني متعقدة منهم وترى عادي تصير عند أحسن الطلبة ..!!

على قولتهم أسمها إهانة مو إعانة .. الله يعين ..