انشقاق القمر ابي احد يفسر لي الحلم!

السلام عليكم ورحمة الله وبركاته
اخواتي أنا حلمت انه كنت طالعه مع اختي بلسياره وأحنا بلطريج
ولا اقولها فلانه طاعي القمر وله القمر كبير ومنشق وكان الموقف حده يخرع!!!
وبعدين ولا اقول حق اختي مقطع ايه الي يتكلم فيها عن انشقاق القمر
وبعدين اختي استانست وكأنه هذا بشاره لها وانا لا خفت الانه مومتحجبه وكنت خايفه من عقاب الله سبحانه
وقمت من نوم وانا على بالي الحجاب!
مادري شنو معنات الحلم؟؟
انا مو متحجبه تعتقدون انه انذار انه لازم اتحجب؟
ولا انه يوم القيامه قرب؟
ولا شنو
الي عندها اي تفسير اخر تقولي بليز
وشكرا

العلم عند الله .. وان شاء الله خير

ما في مفسره احلام في المنتدى ؟؟؟

نبي تفسير مضبوط حتى حق احلامنا

حبيبتى انا ما عرف افسر عدل بس صدقينى دام انج حسيتى بالحلم علشان لحجاب يمكن يكون انذار لج علشان تتحجبيبن وان ربي العالمين اذا حب انسان يهديه حتى لو بحلم فتسارعي شوفى الدنيا معفوسه فوق وتحت لازم الواحد يتحذر يقترب لرب العالمين اكثر صدقينى حبيبتى

الله العالم بس يمكن هذى رساله لج شخصيا مع العلم ان يوم القيامه قريب... انا مابى افتى وبصراحه حلمج يخلى الانسان يفكر شنو زهب لهذا اليوم العظيم الله يجعلنا جميعا ممن يحمل كتابه بيمينه ... ولانج من داخل طاهرة ربى يبى يكمل لج وتتحجبين ...الله يهدينا جميعا

يمكن تنبيه ..

مع العلم ان يوم القيامه قريب...

أنقر للتوسيع...

خير حبوبه !! ..

ليه تعلمين الغيب انتي !!

لاتقعدين تقولين هالكلام .. هالشي محد يعرفه الا ربي ..

استغفري بس

قال تعالى : " اقتربت الساعة وانشق القمر "

قد يكون هذا قصد الاخت اللي قالت الساعة قربت

أكيد علم الساعة " عند ربي في كتاب لا يضل ربي ولا ينسى " لكن نقول انه أغلب علامات يوم القيامة الصغرى تحقق هذا يدل على اقتراب موعدها وعلى فكرة وردت أحاديث في هذا الخصوص ..

و الاقتراب هني ما نقصد فيه ان نعرف متى تقوم الساعة ..

بالنسبة لحلم الأخت قد يكون تحذير لها

أنا من حلمت هذا الحلم قاعده افكر وكله على بالي الحلم
وصار فيني وسواس انه يمكن يومي قرب"
انا من قبل كله ادعي ربي انه كنت اقول انه ما ياخذ عمري قبل لا اتحجب وبعدين حلمت
انه قاعده مكان فيه كله قبور وانه بلحلم معاي ملك الموة على هيئه رجل وكان قاعد ووراني قبر واحد يتعذب وقبره كله حشرات وشفت حيه تخرع حتى بلحلم كنت ادري انها الحيه الي تعصر الميت
المهم بلحلم قلت له انه مابي اموت قبل لا اتحجب ولا اهو يبتسم بويهي وبعدين قمت من الحلم
شرايكم بحلمي هذا؟؟

ياريت تلجاين لاحد عارف فعلا بهالشي عشان محد يفتي

وشكرا