تجمع : ----> هَذآ أَثَّرْ فيني وَ غَيْرْنِي مِنْ بَعْدَ الله !

:eh_s(17):

صباحكم ومسائكم خير وبركة

هذا أول موضوع لي في هذا القسم الإسلامي وإن شاء الله إنطلاقة للجنة :eh_s(17):

حبيت نسوي تجمع يشارك في كل من يشاهد هالموضوع ويكون عبارة عن مواقف أو أشياء شفتيها او

قريتيها أو حسيتي فيها وأثرت فيج روحيا :eh_s(17):

غيرت طريقة تفكيرج ..

غيرت طريقة تعبيرج وأسلوبج ..

غيرت لج نظام حياتج ..

غيرت لج قلبج وصدرج ..

شاركيني بأي شيء تأثرتي فيه وتغيرتي من بعده ..

شاركيني بكلمة - بدعاء - بمقالة - بكتاب - بأقل القليل أو أكثر الكثير ..

أي شيء أثر فيج وغيرج وصرتي انسانة جديدة روحيا وفكريا وممكن جسديا ..

شاركينا وتاخذين الأجر ..

خاصة إنج راح تكتبين كلام ويظل حتى بعد مماتج وكل وحدة تقرا كلامج وتتأثر .. تكون صدقة جارية لج

واحتمال كبير تنشر تجربج لناس أكثر وأكثر وأكثر ..

كله بسبب كم حرف تكتبينه في هذا التجمع على خير !


ويله منو يبي الخير والأجر يشاركني ويفيد الجميع ! :eh_s(22): :eh_s(7):



وحياكم الله وبياكم وأنار لكم طريقكم ومسعاكم !



::eh_s(17)::

ببتدي بشيء أثر فيني . .

بصراحة أنا اعاني من مشاكل مع زوجي وأهله ، والمشكلة الأكبر إن دخلت أمي وأمي دخلت أبوي ..

وصاروا أهلي يكرهون زوجي وكل هذا بسبب تحلطمي منه ..

صح زوجي وايد اذاني بس انا دلوعه ، وما أحمد الله وأبي كل شيء عند غيري وأحسن منهم ..

بس بصراحة فيه فرق كبير بين حياة زوجي وحياتي انا كل شي متوفر وزوجي على قد لحافه فمو متعودة على نظام جذي ..


المهم !

أنا أحبه وهو يحبني حمدلله ..

أمي مرة قالت لي :

اذا انتوا تحبون بعض وهالمشاكل بينكم , وانتي ما تشوفين الا عيوبه وهوا ما يشوف الا عيوبج .. اتوقع هذي عين عاين ولا حاسد !

فقالت ارقي نفسج وجذي .. أنا كله اقول : اي اي واطوف !

. .


اليوم صدفة ، في غرفة أمي طبعا تحلطمت من زوجي ، لين نعست عيون أمي من التعب ونامت ّ !!

عورني قلبي ، كانت تحاول تمسك نفسها عشان تسمعني ..

بس نعست عويناتها ونامت بهدوء ..

خليتها وانا بطني مترين قدامي افكر في حالي بالاربعين وشلون ابوي راح يبدي يكلم زوجي ويتدخل وممكن ما ارجع لزوجي لو ما تنفذ

كل اللي في راسي من طئ طئ الى السلام عليكم ..

حسيت بذنب كبير ..

ابوي تعبته ..

امي تعبتها وهي تحاول تمسك نفسها عشان خاطري ..

اخوي ما يحب زوجي رغم ان زوجي في خصال وصفات احسن من غيره ..

قلت يا ربي انا ليش اسوي لهم جذي كافيهم يحاتون اصلا ولادتي الحين اقوم اغثهم بعد بزوجي ..

وابوي خلاص حلف ما اطلع من الاربعين الا كل شي ابيه متنفذ .. وهذا من حبه ،

يقول لي ماقدر اشوفج تبين شي وما يتنفذ !

حسيت الدنيا خلاص بتوقف وخايفه من المستقبل اللي بيصير ..

خايفه على اللي في بطني وعلى قلب زوجي شلون راح اكسره ويمكن احرجه قدام اهله ..

صحيح في بعض الاشياء من واجباته يسويها مثل المصرف وجذي ..

بس في اشياء ثانية ابيها من زينة الحياة الدنيا ..

""

عموما ، هذي مشاكل تصير بين كل زوج وزوجه ، بس كلنا ندور السعاده الزوجية

..


وقبل الموقف هذا جربت اقيم الليل وادعي واقرا سورة البقرة على نفسي ،
وهذا قبل مشاكلي مع زوجي وتحلطمي . .

والله يا بنات ... : يا دهينة لا تنكتين !!

..


بعدين راح كل هذا ولا اكو قران ولا صلاة ليل ولا دعاء .. وبدت المشاكل تكبر وتكبر وتكبر وتتعقد وتتتعقد وتتعقد ..

لدرجة فكرت بالطلاق وفكرت اقول له ما ابيك وابي راحتي وابي وابي وابي ..

..


فاليوم يوم امي نامت وانا قاعده افكر جذي .. طاحت عيني على كتاب ..

[ العلاج بالقرآن مع قصص واقعية في التداوي بالرقية الشرعية ]

قلت خليني اقرا كم صفحه والكتاب شجعني ان صغير 72 صفحة بس

..


قريت القصص ..

مريض سرطان ، وحده كل تحمل وتسقط ، مربوط من الزواج ، مريض تشنج ، شلل ، حبوب بالجسم ، أمراض عضوية .. امراض روحية .. كل كل شيء
واخيرا السعاده الزوجية ، الصلاة ، وغيرها من المشاكل والامنيات اللي نبيها تتحقق ..

كلها تمت وطاب حالهم بالقران !
بالرقية الشرعيه !
بقراءة سورة البقرة والمعوذات والفاتحة وكم ادعيه بسيطة والمداومة عليها ، والدعاء والصلاة !


كلهم لقوا حلول لمشاكلهم وعلاج لهمومهم وامراضهم !


فقررت اليوم ,, إني أعالج مشاكلي كلها بالقران !

وأنا تأثرت بـ هالكتاب وأتمنى يفيدكم مثل ما فادني ..

الحمدلله اللي هداني لهشيء وان شا الله اقدر اسويه ويساعدني ربي على نفسي الكسولة ..

منو تبي تبتدي واياي .. ؟

تأثرت بتوقيع وحدة من البنات هني .. تأثررررت حيل من الادعيه ..

وان شا الله بحفظها وارددها ..

وكانت حاطة رابط موقع وسمعت الدعاء وحبيت تسمعونه واياي ..

http://www.7alm-3shg.com/M7AL/7c7/Index.htm