التسجيل مادري بس اعتقد طاف اذا كنت تقصدين تقديم الطلبات لأن احنا سجلنا المواد الأسبوع اللي فات والدراسة تبدأ برمضان
الجامعة فيها خمس تخصصات فقط ( انجليزي - اقتصاد - انظمة ادارية - حاسوب - تربية )
بتكلم عن تخصصي لأني ماعرف شي عن التخصصات الباقية
انا تخصصي انجليزي بصراحة تخصص حلو بس دسم حيل ويبي له قعدة التخصصات الباقية مادري والله عنها بس اللي اسمعه دايما ان طلبة الحاسوب يتذمرون واجد ويشكون منه مو عشانه صعب بس لأنه اغلب مواده تحتاج الى تطبيق عملي وللأسف الجامعة تدرسهم هالمواد نظري
التربية هو التخصص الوحيد اللي دراستهم بالعربي بس يقولون ان موادهم دسمة حيل
الاقتصاد والأنظمة مادري والله بس اتوقع نفس الانجليزي تبي مقابل
المميزات الله يسلمج ان الدوام مو كل يوم يعني يوم او يومين بالأسبوع وهذا ينفع للموظفات ومعاج 12 سنة على ما تتخرجين طبعا مو لله والا لمساعدة الطلبة لا عشان الربح اكيد
اما العيوب فحدث ولا حرج اولها ان الواجبات وكثرتها بصراحة تهد الحيل خصوصا احنا بتخصصنا الواجب يبي له 3 او 4 ايام على ما ينحل أو اكثر - مو قع الجامعة سيئ جدا قاطينا بخيطان بوسط العزابية يعني اذا عندي حاضرات بالليل ما اقدر اروح مع السايق بروحي لازم ابوي او واحد من اخواني يوصلني - المعيدين بالجامعة بعضهم مو كلهم متشددين حدهم ومايساعدون نهائي - مشاكل التسجيل اللي مو راضية تخلص كل كورس العن من قبل وعكس الجامعات الثانية كل سنة تتطور اكثر واكثر اما جامعتنا فللأسف تنحدر لتحت - الجامعة هدفها الربح وتحاول قد ماتقدر تنهب الطلبة
وغيره وغيره وغيره
يمكن اكون حبطتج لكن هذا الواقع وأسألي اي وحدة تدرس بالجامعة المفتوحة بتقول لج نفس الكلام اللي قلته