رحلتي لأسواق الجهراء وناسه في وناسه

السلام عليكم

شلونكم خواتي شخباركم .... اليوم حابه أكتب لكم عن تجربه جديده مريت فيها وبصراحه استانست

فيها حييييييييييييييل وخصوصا إني كنت محتاجه لها بعد أشهر طويله من الدوام المدرسي وبعد

التصحيح اللي يهد الحيل .....

المهم إني متعوده بعد نهايه العام الدراسي احتفل بهالمناسبه السعيده أنا وعيالي وزوجي

فأول يوم إجازه نروح مطعم ويكون باختيارهم ونقضي اليوم كله بره.

وبالنسبه لي أحب أسوي New look يعني أقص شعري وأصبغه اشتري هدايا لزوجي وعيالي.

بس هالسنه كانت مختلفه تماما وما راح أطول عليكم وأقولكم القصه بالتفصيل...

ومثل ما قلت لكم في البدايه عن التصحيح وهمه فأول شئ خلصنا تصحيح مراحل النقل العاشر

والحادي عشر ومدرستنا كبيره يعني أعداد الطالبات ...... وبعدين دخلنا على تصحيح الثانويه العامه

ما إني ما رحت إلا فترتين بس صراحه شئ لا يطاق تعب وازعاج ... وما عطلنا إلا يوم الاربعاء اللي

طاف وكان يوم الهنا ...... وحسيت إني محتاجه إلى فتره راحه ويومها كانت سفره زوجي لمصر

علشان أمور الدراسه وكان زوج بنت خالتي بيروح معاه ...


وهنيه طرت علي فكره:ggdw: جهنميه فطلبت من زوجي إني أروح أزور بنت خالتي وأنام عندها وبعد


معاناه ومحاولات لاقناعه أنا وعيالي وافق والحمدلله .... وعلى طول شلت قشي وعيالي


وطيران على الجهراء لان بنت خالتي سكنت بيتها الجديد في مدينة سعد العبدالله وكانت دايم تحن علي


إني أزورها بس ما كان عندي وقت ولما حانت الفرصه سويتها مفاجأة وقلتها على الخبر السعيد


وهى كانت دايما تسولف لي عن أسواق الجهراء وصالوناتها فقلت لنفسي هذه أحسن فرصه


وبدينا المشوار أو الرحله فأول يوم كان يوم الاربعاء بعد صلاة المغرب رحنا سوق اسمه (مجمع القصر)


وكان فيه مذركير وبودي شوب ومحلات اكسسورات والشايع فأخذت ملابس لعيالي من مذركير


وبخور من الشايع ....وكان فيه سوق شعبي اسمه الشاهبندر الامارات عجبتني الكفرات اللي عندهم


وأخذت منهم كفرين واحد بيج فبني والثاني بنفسجي ...


بعدين طلنا ورحنا سوق شعبي ثاني وعجبني عندهم شغله حلوه اللي هي كتابه الاسم اللي


تبينه ويحط عليهم الليتات اللي على شكل قلوب فطلبت منه يسويلي وحده باسمي واسم

زوجي ويحط بينهم قلب حب وبصراحه كانت روعه وعجبت زوجي حييل وهذه صوره لجزء منها




واشتريت بعد من محل ابو ميه أشكال قلوب وهذه نثرتها في الغرفه كلها ولصقت منها على الطوفه


وكان شكلها رهيب ....



بعدين قررنا إنا نرجع البيت لأن الوقت تأخر ..... ومرينا مطعم ماكدونالدز وأخذنا عشا حق عيالنا.


صراحه ثاني يوم كان حافل جدااا ..طلعنا الصبح الساعه عشر وأول سوق دخلناه كان مجمع

جديد اسمه أوتاد فيه شغلات حلوه أخذت من نعومي قميص نوم دانتيل أحمر فظيع ...

ومن عند حناين للملافع أخذت ملفع فيه شوارفسكي بسيط .... ومن محل اشتريت عدسات


نفس اللون اللي بالصوره ماركه fresh look



وبعدين رحنا لصالون راقي جداا اسمه كيو كير وصاحبه المحل أقبال الاحمد ...المهم أول شئ

سويت جلسه نضاره للبشره وصار وجهي يلمع ....

وهناك شفت وحده تصبغ شعرها وصراحه احتريت فقررت إني أصبغ شعري وقمت أقلب المجلات

يمكن ألقى لون يعجبني فلقيت لون وقصه نفس اللي ابيهم وهو مقارب تقريبا للصوره اللي بتشوفونهاا




وبصراحه ما ضبطت اللون والقصه نفس اللي ابيه بالضبط ولكن كان حلو واللي تحسفت عليه شعري

لأنه كان طويل وتنتف بالقص....

المهم طلعنا من الصالون على الساعه 7:30 . وكان قريب عنده الركز الفرنسي للعطور

فاشتريت عطر فرساتشي لزوجي وأنصح أي وحده تشتريه لزوجها لان عطره حلوووووووو





واشتريتلي عطر زين وهذا عطري المفضل




أكيد مليتوا وراح تقولون احنا شكو فيها شنو شرت .... بصراحه أنا حبيت أنقل لكم شنو صار معاي

لما رحت أسواق الجهراء.


اليوم الثالث طلعنا المغرب مرينا الخيمه مول وأخذت منهم بيجامات للبيت وكم ماعون للمطبخ


ورحت محل فيه جناط تقليد ماركات درجه أولى وأخذت جنطه بولغري اللون السلفر..


وبعدين رحنا سوق اسمه المنار وأول محل دخلته كان أمل الكويت اخذت منهم بخور المعاريس.


ومرينا بعدين كم سوق وتعرفون الحريم ما تشبع من السوق ....

في اليوم الرابع سلمنا على ربعنا اللي تحملونا 3 أيام ورجعنا بيتنا سالمين غانمين

ننطر أبو العيال يرجع بالسلامه والحمدلله السفره ما طولت ورد أمس العصر.....


أتمنى إنكم ما زهقتوا من سوالفي ......أنتظر رددودكم لا تبخلون علي ....

انا سمعت وايد عن اسواق الجهراء لكن عمري مارحت اصل انا ما أدل الجهراء يقولون معروفين بالكفرات الحلوة بس تدرين عليج بالعافية الله يهنيج بما شريتي

يعطيج العافيه حبوبه على التقرير الحلوووو

بس حبيبتي ممكن اعرف من وين اقدر احصل الليتات اللي على اسامي بس يكون قريب من المناطق الداخلية لانه ابعيدة على الجهرا حيل وسامحيني اذا طولت عليج

مشكوة حبيبتي

وناسة






حلو انج تسوين نيولوك بعد هـ الضغط من الدوام

ماشاءالله تبارك الله

الله يهنيج يااااااااااااااارب

ويييييي زعلت تجين الجهراا وما تمرين علينا
اذا جيتي مراا ثاانيه لازم تزوورينا ........... اوكيــــــــــــــــــــــه
وياا حساافه طاافج ماارحتي سليل حلوو كل شي تبينيه موجود فيه
منتجع ومحلات ملابس وعطوراات وبيجاامات وكرمكم الله نعاال وجواتي وهم فيه طفل المستقبل ومطااعم
وحديقه براا والله خووش مكاان يعجبج اذا رحتي لأختج مرا ثاانيه زوريه ترااه خوووش مكــاان

عليج بالعافية وحمد الله على سلامة زوجج وما شاء الله عليج ذوقج حلو ويستاهل بو الشباب وخووش رحلة وحلوة سالفة الاباجورات ومشكورة

عليج بألف عاافية الاغراض اللي شريتيها

بس بسألج عن الليتات للي على اسامي من وين ماخذتها اي صوب بالجهرا؟؟؟

مشكوووره حبيبتي

مشكورييين خواتي على الكلام الحلووووووووووو .... وبالنسبه لبنات الجهراا صراحه ذوق وإن شاءالله مره ثانيه بسير عليكم....

أختي عشقي الكويت ذكرتيني بزهور الريف لاني كنت ناويه ادخله ونسيت إن شاءالله الزواره الثانيه.

وبالنسبه للاضاءه اخذتها من سوق على ما اعتقد اسمه الوزير....

ومشكوريين مره ثانيه على المرور

يحلولج ويا حلو سوالفج


عاد تدرين ان عمري ما دشيت الجهرا ولا ادلها


عليج بالف عافيه

حلو .. خذيتينا بجولة للجهرا

ماعمري جيت سوقتها مع انه دوامي بالجهرا

عمومــًا مشكورة .. التقرير يهبل

عليج بالعافيه يارب..

شوقتني اسوي جوله..


وعشقي كويت

وين القى زهور الريف بأي مجمع ...؟!!!

ما شاء اللة عليج

لى 3سنوات ساكنة بسعد العبداللة

ما فريت هالسوقه كلها وانت ب3ايام رحتى سوقة مارحتها

يسلموو على الموضوع