بسم الله الرحمن الرحيم ،
السلام عليكم ورحمة الله وبركاته ،
،
شلونكم بنآت ششخبآركم ،
حبيت اسوي موضوع عن الموقع الشهير القودريدز Goodreads
موقع تقدرون تضيفون فيه كتبكم اللي قريتوها واللي حابين تقرونها ،
وتقدرون تقرون عن اي كتاب قبل لاتشترونه من الوصف
لي تقييم الكتاب لي ريفيوهات(تعليقات) الناس اللي قروه ...
،
اول شي ببدي معآكم بطريقه التسجيل بموقع القودريدز ،
بالاول دشوا الموقع على هذا الرابط
www.goodreads.com
ولطريقه التسجيل الرجاء اتباع هالخطوات ...
،
1- اول ماتدشين الموقع بتطلع لج هالصفحه
على اليمين حطي الاسم واسم العايله (اليوزر نيم باخر خطوه هذا فقط الاسم الاول)
والايميل والباسورد
2- عقب ماتكتبين البيانات اضغطي على sing up
3- عقبه بتطلعلج هالصفحه ويقولج اذا حابه بتشوفين رفيجاتج اللي مسجلين بالموقع
طقي skip this step
ومالج شغل فيه
*موجود على اليمين
4- وبعدين بتطلع لج هالصفحه تختارين فيها انواع الكتب اللي تحبين تقرينها :eh_s(22):
5- ولما تضغطين continue بتطلع لج هالصفحه تختارين فيها الكتب اللي قريتيها واللي بتقرينها ،
بس طبعا الموجودين كلهم انجليزي اذا ماتقرين انجليزي ضغطي على اي كتاب بس عشان نمشي بخطوات التسجيل (معلومه:الموقع نفسه فيه كتب عربيه اذا خلصتي تسجيل تقدرين تضيفين)
اذا خلصتي ضغطي فوق على اليمين i'm finished rating
6- الحين خلصنا من التسجيل بالموقع ، آخر شي بتطلعلج هالصفحه ويقولج فيها ان لازم تضيفين على الاقل 20 كتاب عشان تقدرين تخلين الناس يوصونج على كتب معينه او انتي توصين بقراءه كتاب معين لاي شخص ،
7- ضغطي على صورة الملف الشخصي فوق على اليمين
عشان نروح للملف الشخصي ،
8- هذي صفحتج بالقودريدز (ملفج الشخصي)
1- البيانات الشخصيه
( تقدرين تعدلينها وتكتبين وصف عنج \ انواع الكتب المفضله عندج \ تاريخ الميلاد ....الخ)
2 + 3 + 4 - قائمة الكتب
2\ read قائمة الكتب المقروءه
3\ currently reading الكتب اللي تتم قراءتها حاليا
4\ to-read كتب على قائمة الانتظار\ سستم قراءتها قريبا
*وطبعا تقدرين تعدلين وتضيفين على قوائم الكتب (امثله في ناس تخصص لممؤلفين الكبار قوائم ثانيه وتسميها باساميهم ويضيفون فيها جميع الاعمال \ او تقسيم الكتب على حسب المجال .. كل وحده وطريقه تنضيمها لقوائمها)
5- تحديثاتج الشخصيه فيها تنعرض اخر تحركاتج بالموقع من اضافه الكتب والاصدقاء والانظمام الى مجاميع وغيرها ،
6- قائمة الاصدقاء
7- الصورة الشخصيه وتقدرين تغيرينها
8- قائمة البحث السريع لاي كتاب سواء عربي او انجليزي او حتى لكاتب معين ،
9- home صفحة القودريدز الرئيسيه فيها تنعرض اخر التحديثات لقائمة الاصدقاء
،
9- لتعديل الملف الشخصي
نضغط على السهم يم الصورة الشخصيه وبعدين على اول خيار edit profile
10- راح تطلعلج هالصفحه ومنها تقدرين تعدلين بالبيانات
1- تغيير الصورة الشخصيه
2- تغيير الاسم الاول واسم العائله
3- تقدر تخلي الاسم الثاني\اسم العائله يطلع للاصدقاء فقط او اعضاء الموقع فقط او للكل
4- اليوزر نيم\اسم المستخدم (الاسم اللي تعطينه البنات ويضيفونج عليه :eh_s(22)
5- الجنس (ذكر-انثى)
6- الدوله
،
يتبع:eh_s(17):
