تجمع مسافرات تايلاند صيف 2011

اليوم من الساعه 10 لغايه 9 الليل وانا من سوق الى الثاني رحت اول شئ الباتونام بصراحه حلو عجبني وحتى اسعاره حليوه اكسسواراتهم تجنن اخذت اساور هرمز كل الموديلات والالوان عجيبه حتى زوجي يضحك علي يقول بتفتحين محل ولبسهم شحلات الوانه وخاماته كلها شيفونات بس المتينه بيتعور قلبها عالسايز واللي عندها خوات او بنات اعمارهم 15 او 17 وضعاف تصلحهم حيل كيوت وباندات اللي تنحط عالجبهه موجوده وحلوه موديلاتها وطلعت منه ورحت بوبي ماركت في اشياء حلوه وفي اللي ماتاخذينه لو ب100فلس في الدور الثالث والرابع احلى من اللي تحت وبعدين طلعت عالبي يو كي بصراحه عجيب وشحلاته بس مامداني الوقت قاموا يسكرون ولي فراره الصبح ان شاء الله
اهم شئ سوق الليل لحد يروحله نصييييحه قذر وغالي ويلوع الجبد وخييييسه
سوري عالهذره

محد رد على على اسوقه البوكيت وين المجمعات الزينه اللى فيها

سوري على التاخير انا حاليا فبانكوك الساعه عندنا12 الظهر وهذي ثاني سفره لي بوكيت حلوه كنت قاعد لافلورا وايد حلو الفندق وراقي خمس نجوم وحمام السباحه يطل على غرفتي والفندق بالبوتونج بيج والمجمعات فبوكيت بيج سي مجمع كبير يبعد عن بوتنج بيج لازم اتروحون له بتكتك بس انا رحتله بسيكل عشان ادل وارخص وورا البوتنج بيج في مجمعين حلوين من ماركات ومكياج وجوها حلو ورحت بيبي ايلند هذي ابروحها جوها جوها عجيب واحلى من بوكيت لان جزيره مافيها سيارات وريحته الجو اينن حق استرخاء انا بعد لويه بكت خذيت رحله استرخا فبيبي ايلند وفيها بسطات يبيعون وسكنت بفندق بيبي بنجان حلو وكانو امظبطين لنا الغرفه كلها ورد وريلي استانس وحاليا فبانكوك ساكنه نوفيتيل كنت ابي اسكن با mbk لان قريب على السوق بس للاسف مانعين العرب يسكنون فيه الظاهر في مشكله صايره ودقينا تاكدنا حتى لو حاجزين من النت لما اتروحون لهم يردون افلوسكم مايبون عرب من جذي سكنت بالنوفيتيل هم حلو وراقي خمس نجوم وسوق الليل امصكر صارله جم شهر مادري شصاير عقدهم منتهي مادري في سوق ليل غيره الساعه وحده بليل يصكر اسمه باتبونج ولازم اتكاسرونهم امس عطتني جنطه قيمتها بات1800 كاسرتها وخذيت الثنتين بألف بات لازم تعطونهم ربع السعر وهم يلحقونكم والمجمعات لازم اتروحون امبجر الي يقول ساعه تسع اتصكر من الساعه 8 وربع او ونص يشيلون اغراضهم كثر ماتقدرون امبجر وبالنسبه للاسعار لازم اتكاسرون كثر ماتقدرون ولا راح يغلبونكم بالسعر وحيل رافعين الاسعار عن قبل الله يقطعهم البورميين نفسيه وماينزلون ويحشون انا ابتعد عنهم اذا مانزلو لان نفسيتهم خايسه عكس التايلنديين يهبلون ينزلون بالسعر ويبتسمون ومجمعات فبانكوك وايد انا الفندق الي ساكنه فيه أمجابلي سيام براجون في فبانكوك وايد اسوقه بس لي الحين مافصلت عليهم عندكم mbkوسيام وبلاتنيوم وديسكفري وبالنسبه بتايا ماانصح فيها نهائيا اذا عايله لانها حق شباب وسالت كذا مكتب عن بتايا اذا تايلنديه ماتنصح فيها واتقول عن منطقه بديرتها جذي صراحه خفت ماامدحتها اتقول كلها امراض ووصاخه ويحبون الرياييل وكاسمواي مافيها شي وشنغماي هاديه وبارده الي يبي يستانس ويتسوق بوكيت وبانكوك والي يبي يسترخي شوي بيبي ايلند وشنغماي

وبالنسبه للتكاسي بعد كاسروهم واذا قالولكم showرفضوا مع ابتسامه ابتعدواعن هالاماكن لانهم راح يحنون ويلوعون اجبودكم اكثر من واحد

china townفي شغلات حلوه وارخيصه احتمال اليوم اروحله مثل اكسسوارات تحف وعندج البلاتنيوم ملابس واكسوارات بس مارحتله لي الحين ,mbkحلو وكبير وفي كل شي وسيام شغل ماركات راقيه واصلي وفي مجمعzenخل افصل عليهم عدل واقولكم والله انا شريت شغلات اتيين من اكسسوارات وملابس وفي فبوكيت سوق الاحد او السبت رخيص وحتى فبانكوك السبت والاحد روحوله الصبح عن الزحمه

انا رحت لها 2009 وان شاء الله بروح لها شهر 10 لان الصيفيه بروح لبنان

وتايلند غنيه عن التعريف والمره اليايه باذن الله ناويه اروح اتشرى للعيالى وحابه اتشرى الاننعال والكعبات وانتو بكرامه حلوووين وايد وهم الجناط والملابس الداخليه والقمصان وكل كل شى

إم نصور قال:

هلا أم خااالد نورتي ياقلبي كنت نااااطره تقريريج الحمدلله عالسلامه فديتج علي هالتقرير عاد انا لشفت اسواق حق الجهال انسي عمري بشتري حق بنيتي وانسي نفسي اموت علي شغلات الجهال انزين بغيت اسالج من الساعه جم يبطلون نظام اسوقتهم فاتحين طول اليوممن الصبح مواصلين لي اللليل ام لهم حزات يصكون شوقتييييني تقريرج رائع وعفيه لا تنسين شي شكلها اسوقتهم دماااااار وعسي الله يخلي لج خالدوابو خالد وعساج عالقوه بصراحه احس كلمه شكرا شويه بحق كل اللي شارك بموضوعي وماقصرتو ا وشكرا ويعطيج العافيه *

أنقر للتوسيع...

بنات اللي تقول لازم نكاسرهم
نكاسرهم بس في الاسواق الشعبيه صح ؟
ولا لايكون المجمعات بعد مكاسر ؟

انا انشالله بسافر تاريخ 1/7 الفجر على طيرن الاتحاد على طول بنروح بوكيت بقعد فيها 6 ايام و4 ايام في بانكوك ...وانا سافرت كل مكان بس تايلند غييييييييييييييييير اهي الدولة الوحيد من بعد ام الدنيا احب ارجعلها .

المكاسر يكون بمجمعات الا ام بي كي وبلاتنيوم والاسواق الشعبيه اما سيام وسنترال وورلد وسوالف الماركات لا سعر محدد
والصراحه صراحه قارنت بجم شغله بالماركات نفس سعر الديره تقريبا مثلا مكياج ماك لا واحنا ارخص منهم اوقميص او بلوزه بولو نفس السعر بس في شغلات ماعندنا ياها وديزاينات مو موجوده

إم نصور قال:

هلا بنااااات انا اللحين حاليا بانكوك

أنقر للتوسيع...

يا سلاام عليج سلمي لنا على بانكوك